|
Re: ( يا حنوني ) : منتدي دال الثقافي .. و الفلاتية (Re: Emad Abdulla)
|
انتو البلد دي ما فيها غير فنانين وشعراء امدرمان مافي غير اغنية امدرمان دي؟؟
احمد عمر الرباطابي،صديق أحمد ،يحي ادروب.تجربة حنان النيل يشهد الله السر قدرو لاك اغنية امدرمان لامن بقت متوفرة بكل الروايات وفقدت نكهتا ومنتدي دال شغالة في نفس الاتجاه
شوفوا لينا غنية برة امدرمان دي كرهانا بالله واحد ...قدتونا قد ياخ بليلي هوي وما تعرف شنو
| |
|
|
|
|
|
|
Re: ( يا حنوني ) : منتدي دال الثقافي .. و الفلاتية (Re: طارق جبريل)
|
عزيزنا عماد سلامات ورمضان كريم . ( سكبت موية بصرى وعميت على عيوني الليلة ) عليك الله يا عماد أسمع ( الليلة ) دى عندها . لو جابو صينى من شنقهاى يعرف المعنى . الفلاتية ؟ . الفلاتية يا عماد تمردت ضد خصوم الجمال من داك الزمن البعيد . وطلعت فى زمن كوكب الشرق . الله قادر . يا عماد عمك أبو أمنة حامد قال : الفلاتية أجتثت بعض الربوب بصوتها الدهبى . يا حنوني ؟ ( يانور يا قدوس ) يا أخى تشوف لينا الكراسى المقابلات الصورة عديل .. تحياتى
| |
|
|
|
|
|
|
Re: ( يا حنوني ) : منتدي دال الثقافي .. و الفلاتية (Re: سفيان بشير نابرى)
|
Quote: أنت في امدرمان و للا في الثقافة التي تم اختزالها في الغناء. و الحال كذلك أقترح استبدال الاسم ليصبح منتدى دال الغنائي. |
ملاسي
خليك أمين أنا ماجبتها ليك عدييل إحصائيات بمنتدى عائشة الفلاتية يكون حسابنا معاك ماشي بنفس النظام
ماتنسى إنو كان في محاضرة عن عالم -إبراهيم إسحق الروائي -
بعدين إنت عارف إنو نظامنا في رمضان
عامل كده
وبرغم النظام ده المنتدى متوازن فيما يتعلق بالمنتديات الثقافية والغنائية على حسب تقسيمك
| |
|
|
|
|
|
|
Re: ( يا حنوني ) : منتدي دال الثقافي .. و الفلاتية (Re: عمر عشاري)
|
اول حاجة بنبارك للاخ عمر عشاري عودة الباسويرد له بعد ان اتقلعت منو عقاباً جزاءًاً وفاقا - كما تردد احاديث المدينة- على احتداده غير المبرر و اسائاته البالغة التي وجهها لاحد زملاء المنبر هنا و نرجو ان يكون تعلم الدرس و تعلم ان يتمالك اعصابه فنحن لا نحتمل فراقه طويلا ...
لكن انتو تبدأو عشرة بالليل دي مش متأخر شديد ياخ
| |
|
|
|
|
|
|
Re: ( يا حنوني ) : منتدي دال الثقافي .. و الفلاتية (Re: Amjed)
|
اتمنيت لو كنت معاكم لانه ام الاغنية السودانية دى لم يتم التعاطى معها على نحو يليق بما قدمته للاغنية السودانية لا هى ولا شقيقتها الفنانة جداوية موسى اول عازفة عود فى السودان على الاطلاق كنت اتمنى ان اكون بينكم لان هذا السيدة الجليلة عائشة موسى من اهم علامات الغناء فى السودان رغم ان هناك من سبقنها لكنها تظل نخلة من اعلى نخلات الغناء الان والى الابد فهى ثقافة لاجيال كاملة علمن اجيال كاملة معنى الالتزام الغنائى وهى خصلة نفتقر اليها الان حين تكون الاغنية موازية للحرب فهى ترفع من شان الاغنية هذه العائشة الفلاتية هى فنانة يندر مثلها فهى رغم اميتها كانت تنظم الاغنيات وتلحنها وتغنيها ماتزال اغنياتها طازجة تلك ال(.........)اجة اللامتناهية لكم احب الحديث عن هذه النخلة لكم اسمى الامنيات بالتوفيق تحياتى
| |
|
|
|
|
|
|
Re: ( يا حنوني ) : منتدي دال الثقافي .. و الفلاتية (Re: عمر عشاري)
|
Quote: ** رسم البورتريه المصاحب من أعمال التشكيلي / حسن موسى |
ياعماد ..
ياسلااام ياخ ..حباب الفلاتية والله ..بس ياخوى مسؤول من الخير سيد اللوحة اخدتو اذنو ولا لصقتو ساكت ؟ ..باقى حسن ياعماد ياودالشيوخ بذكرنى مجدى كان بدرس معانا زمان ..الله يقدرك شيل منو مصطرة ولاقلم ولا استيكه قبل ماتكلمو ..عشان تعرف الله واحد بعد داك ..
امنياتى بالنجاح ..
| |
|
|
|
|
|
|
Re: ( يا حنوني ) : منتدي دال الثقافي .. و الفلاتية (Re: Mohamed Moatasim)
|
كااااااااااااااك في عينك إنت وهو .. ملاسي عارف زي جوع بطنو كل التفاصيل دي .. و يمكن داخل في الإعداد كان ما أخاف الكضب . و ظنيتو دي خطة منه هو و ناس اللجنة لشي في نفس ياغوب !!! ثم ياخي عمكم ملاسي ده شي بيريحوا في حنانو زي الغنا مافي .. و كان ما الغنا ده و المزيكة ثقافة .. أمال يكون شنو يعني ؟؟ .. محركة ؟؟ نعد ليكم باقي الفعاليات الما غنا في المنتدى ؟؟ .. إشتغل معانا كويس يا حسين .. عامل خشمك الأشولنجي ده .
أمسك المكرفون يا عمر .. أنا جايباني الفلاتية .. هو زاتو " السغافة " بعد المويات ما كويسة .
| |
|
|
|
|
|
|
Re: ( يا حنوني ) : منتدي دال الثقافي .. و الفلاتية (Re: DKEEN)
|
يا عز .. تاني رمضان كريم يا ابن خالتي . الرسمة دي رسمها أستاذنا حسن موسى .. و لمينا فيها أثناء البحث القوقلي عن صورة لعشة الفلاتية .
حسن موسى رسام بديع .. و أظن البورتريه ده هو زاتو ما عارفو قاعد و متاح أونلاين .. أو يكون نسى حتى إنو رسمو .
................... ياخي صاحبك عشاري ده كانت مريحاني حكاية إنو قاعد سليقة ساكت دي .. لكن الله ما أدانا .. غايتو .
| |
|
|
|
|
|
|
Re: ( يا حنوني ) : منتدي دال الثقافي .. و الفلاتية (Re: عمر عشاري)
|
Quote: اتمنيت لو كنت معاكم لانه ام الاغنية السودانية دى لم يتم التعاطى معها على نحو يليق بما قدمته للاغنية السودانية لا هى ولا شقيقتها الفنانة جداوية موسى اول عازفة عود فى السودان على الاطلاق كنت اتمنى ان اكون بينكم لان هذا السيدة الجليلة عائشة موسى من اهم علامات الغناء فى السودان رغم ان هناك من سبقنها لكنها تظل نخلة من اعلى نخلات الغناء الان والى الابد فهى ثقافة لاجيال كاملة علمن اجيال كاملة معنى الالتزام الغنائى وهى خصلة نفتقر اليها الان حين تكون الاغنية موازية للحرب فهى ترفع من شان الاغنية هذه العائشة الفلاتية هى فنانة يندر مثلها فهى رغم اميتها كانت تنظم الاغنيات وتلحنها وتغنيها ماتزال اغنياتها طازجة تلك ال(.........)اجة اللامتناهية لكم احب الحديث عن هذه النخلة لكم اسمى الامنيات بالتوفيق تحياتى |
محاولات تجري للتسجيل
نحاول ان نهديك بها ذكريات جميلة ياسلمى
| |
|
|
|
|
|
|
Re: ( يا حنوني ) : منتدي دال الثقافي .. و الفلاتية (Re: عمر عشاري)
|
Quote: يا ناس دال حا تجيبوا لينا طارق ابوعبيدة متين ياخ |
القلوب شواهد ياعمك ...........
قبل نص ساعة زميلتنا في المكتب بتسالني ماشي بعدين ؟
قلت ليها الا اذا جابوا لينا طارق ابوعبيدة .........
مع عميق احترامي وتقديري واعجابي بالفلاتية وبجهود الاخوان في منتدي دال الثقافي .........
| |
|
|
|
|
|
|
Re: ( يا حنوني ) : منتدي دال الثقافي .. و الفلاتية (Re: omer osman)
|
Quote: القلوب شواهد ياعمك ...........
قبل نص ساعة زميلتنا في المكتب بتسالني ماشي بعدين ؟
قلت ليها الا اذا جابوا لينا طارق ابوعبيدة .........
مع عميق احترامي وتقديري واعجابي بالفلاتية وبجهود الاخوان في منتدي دال الثقافي ......... |
ياعمر عثمان
لو في طريقة تعال
أنا دايرك في موضوع
| |
|
|
|
|
|
|
Re: ( يا حنوني ) : منتدي دال الثقافي .. و الفلاتية (Re: omer osman)
|
* الى يازول yazool يازول بالفعل عاشت مغنيه السودان الاولى عشه فى السودان واختلطت باهله رغم ان اصولها من قبيله الهوسا النيجيريه علما ان الست عشه مولوده بكسلا يعنى هى مثلك سودانيه بالميلاد لذا لاتنظر اليها كجسم غريب وسط المجتمع السودانى الذى اعطاها الكثير من الحب والوفاء ولعلمك السودان ليس شعب بل مجموعه شعوب فالكاشف مثلا مغربى وديمترى البازار يونانى واسماعيل خورشيد تركى لكنهم جميعا سودانين فى وطن قاره يذوب القبائل والشعوب داخل معدته الضخمه ليخلق الوطن السودان الذى ينمتى اليه كل من ولد بداخله حسب قانون الجنسيه السودانيه للعام 1957 بعباره اخرى السودان melting pot مثل امريكا التى حوت مهاجرين من اثنيات شتى منهم شقيقتك تماضر التى رغم انها مولوده بالسودان تعتبر بحكم القانون مواطنه امريكيه خلافا لعشه الفلاتيه التى تعتبر سودانيه بالميلاد وليس بالهجره لانها من مواليد كسلا وهى حقا اجمل حنجره نسائيه صدحت بالسودان منذ ان عرفن السودانيات الغناء حتى عصر المغنيه السودانيه المهاجره باسبانيا رشا شيخ الدين.... باختصارعشه جزء اصيل من نسيج المجتمع والوطن السودانى ولم يمنحها احد السودانين شيئا لم تستحقه مثلها شرحبيل وعبدالعزيز محمد داؤد وعثمان الاطرش وابراهيم حسين وغيرهم .... تاثير عشه فى احداث وطنها قوى جدا وموجب فهى قد ساهمت فى المجهود الحربى عبر الغناء لفرقه المهندسين المقاتله بكرن " يجو عايدين" التى كتبتها ولحنتها وقد حول محمد مرجان موسيقاها لاحقا الى مارش موسيقى للجيش السودانى كما ان تاثيرها فى جيلها من الفنانين والذين تلوها واضح جدا باعتراف الفنانين انفسهم فحسن عطيه وكابلى والجابرى صدحوا كثير باغنيتها الجميله "الدار الما دارى" والتاج مصطفى لحن لها الحبايب كلمات التنقارى " عنى مالو صدو وتوارو" ووردى بجلاله فنه الراقى وموسيقاه الضخمه وحسه الرفيع جدا اعترف انه قلدها كثيرا قبل دخوله الاذاعه بل ان ضمن الاغنيات التى غناها فى اختبار مقدرات صوته للاذاعه بحضور على شمو وغيره من الجهابذه اغنيه للفلاتيه الى جانب اغنيات ابراهيم عوض والتاج وحسن عطيه ثم ان ابراهيم عوض قبيل دخوله الاذاعه كان يجوب احياء ام درمان ليلا بحثا عن حفلات عشه الفلاتيه التى كان مقلدها الاول ولقد اختبر ود الريح مقدرته الصوتيه والادائيه باغنيتها " الليله بلال " وكسرتها " البنسانى الجيت لى برى ازوره" وعبدالعزيز داؤد غنى معها ثنائيا فى اكثر من مناسبه والمدهش اكثر عند زيارتها كنو برفقه الكاشف وعبدالعزيز بدعوه من السردونا رفضت رسميا اداء اى اغنيه بالرطانه " راجع حوارها 1972 مع محمد سليمان--لقاء الاسبوع"رغم ا نها بالسودان تصدح احيانا باغنيات بلسان الهوسا الذى تصنفه الامم المتحده لغه رسميه وهذا باب اخر لان الهوسا لغه وليس قبيله ويوجد متحدثين بها فى جنوب افريقيا وزيمبابوى ..عند غنائها بالهوسا كان يرافقها على العود العوادالراقى على مكى الذى ارتبط بها كثيرا بعد مرحله فرح جيش والتجانى السيوفى واسماعيل عبد المعين كعوادين
***
من مداخلة للاستاذ احمد الامين احمد مع هشام شيخ الدين (يازول يازول) ...ارشيف المنبر ...
| |
|
|
|
|
|
|
|