|
Re: نادية مختار , الف مبروكـ (Re: طارق جبريل)
|
الف مبروك للاستاذة نادية بتدشين موقعها الخاص اتمني ان يحذوا حذوها الكثير من المبدعين والكتاب وانت أولهم يا خدر يا تعبان
_ يا فنان لو عندك كونكشن بنادية باصي ليها الملاحظات دي 1.الرزوليوشن تعبان شديد...الصور المفروض تتوضح أكتر من كدة. 2.طبيعة الالوان المستخدمة لا تصلح لموقع شخصي لشخصية (نسائية) تعمل في المجال الاعلامي. 3.في مشكلة انكودينق للغة العربية في بعض الصفحات(الحروف تظهر في اشكال مختلفة). 4.المقالات والمواد النازلة لا تفاعل فيها مع الكاتبة مما يجعل الزيارة مرة اخري غير مجدية للزائر
والله الموفق ورمضانكم كريم
| |
|
|
|
|
|
|
Re: نادية مختار , الف مبروكـ (Re: طارق ميرغني)
|
Quote: نادية مختار , الف مبروكـ |
قطعت قلبنا ياخ تم العنوان كامل
الفنانة نادية السودانية العنيدة الصامدة الصبورة تنفحنا كل صباح بنجاح اللهم زد اللهم بارك
شكرا خدر للمتابعة ووضعنا في الآبديت حسب كلام الفرنجة ــــــــــــــــــــــــــــ ملحوظة كلام طارق جبرين ده اجهله بدخلك في مآزق لغوية (شبة) معقدة
| |
|
|
|
|
|
|
Re: نادية مختار , الف مبروكـ (Re: Ahmed musa)
|
ألف ألف مبروك للعزيزة الصحافية والإعلامية نادية مختار ومزيداً من النجاحات والتقدم وبالمناسبة يا ندوية أعمل لينا منبر نبرطع فيهو.
وشكراً يا خدر على هذه الأخبار السارة
تحياتي لكما
| |
|
|
|
|
|
|
Re: نادية مختار , الف مبروكـ (Re: خلف الله عبود)
|
حديث الروح من موقع نادية عثمان :
حديث الروح !!
مدخل بنفسجي : حجبوه من عيني إلا من قلبي لا لا ما قدروا وحجبوووهو !! ده كلام الفنان ساعة تحدي وكان القدر (راجل) يحجبك من قلبي زي ما حجبتك الغُربة من عيوني عاد وأتحداه لو يقدر !! الجنينة الإنت فيها دي شوكها كتير وأنا بخاف علي قلبك تدخلو شوكة مسمومة وقلبك رهيف ما بقدر على الهبباي في عز الصيف ! زرعوك هناك غلط وبدون وعي منهم !! انت مفروض ليك مزهرية براك يا لون البنفسج وريحة الفل وعذاب الجهنمية !! ما بشبهوك مخلوقات الجنينة ديل عشان أنت مخلوق من نور وهم معجونين من نار ! انت باقي عليهم برد وسلام وهم شياطين وأبالسة لا يسجدوا لله حمداً لا تلقى منهم شكراً .. فأرجوك ثم أرجوك ( تك كير) ودير بالك على قلبك الأبيض بلون لبن الصباح مخلوط بشاي أمي القيافة ولقيمات خالتي سعاد اللذيذ سمح ؟! كان بيدي بدسك من الناس جوووة حشاي وبمش الخلا وتحت النخلة القايمة وزارعا الله في الحجر هناك بجيني طلق مخاضك وأهز إلي بت أم روحي بجزع النخلة ويتساقط علي من بين ضلوعك قلبك الأبيض وحبة تمرات تبقى زادنا في غربة الخلا الأخير من غربة الروح بين ناس ما بشبهونا وما بستاهلونا وعاوزين ينهشونا ودائما يعذبونا .. ليه ؟ ما تعرف !! في بطن البيت يجوك ويعملوا ناسك وأحبابك ويمرقوا من بيتك ماكلين خيرك وشبعانين وبرضو جحمنة منهم يأكلوا في لحمك بالكاتشب ويقرطعوا دمك صك بدون موية ولا تلج !! ويكرعوا عااااااااااع بلا خجلة !! والتحلية فشفاشك مقطع في شكل قوالب رز باللبن من بتاع الشياطين ما من حق الملائكة !! امسك طرف جلابيتك وأجري بعيد من سكان كوكب الأرض وأسكن زحل هناك في ناس قلوبهم تشبه قلبك النضيف وبستحموا كل يوم بالعسل الصافي وما بدوسوا على قلوب الغير وما بتسببوا في وجع الرأس ولا أزمة البنكرياس !! في عطارد ممكن تمشي تتونس بالليل هناك مع ناس أصحاب أصحاب بعرفوا بالجد وبدون زيف ولا ادعاء يعني شنو صحوبية وما بلعبوا على بعض لكن بلعبوا مع بعض لعبات جميلة ونقية وبسافروا رفقة وبياكلوا في صحن بيعرف حق العيش والملح وعهد الريد الجميل بدون دسوسية وكضب كضب !! أقول ليك ؟ عاين لكوكب الأرض من شباك الزهرة وأنت ماشي في حلة ناس عطارد بتلاقي كوكب الأرض ده اسووود وشين بفعل سكانه وضمائرهم النائمة ونفوسهم ال######انة.. إلا من رحم ربي !! عاين: غايتو أنا العصر ماشة كوكب أورانوس لأنو في عرس نجماية هناك وأنا معزومة حفلة بي وردي القمر ! وكان غيرت رأيك وعاوز تجي الحفلة برسل ليك مركبة الفضاء الجديدة بتاعتي موديل 20080 واكيد راح يعجبك الحال هناك وما بترجع كوكب الأرض تاني !! وسيبك ياخ من وساخة الكوكب ده وتعال اسكن معاي في زحل لانو كوكب نضيف وعمال النفايات كل يوم بكنسوا أصحاب النفوس ال######انة منو ويرموهم في كوكب الأرض ! أقول ليك شيء؟ يا حبيبي قلبي داب في رحلة بين طيات السحاب وحدنا وحدنا انت وأنا وحدنا ويا بختنا اها راجياك ما تتأخر ! وبرضو خلي بالك منك وانت قاطع الزلط في طريقك لكوكبي الما فيهو عوادم أنفاس مسمومة ولا فيهو شرور وخبث وعفانات ! و بحبك يا ملاك و جناحك داسيهو تحت الجلابية ليه ؟! نادية
| |
|
|
|
|
|
|
Re: نادية مختار , الف مبروكـ (Re: خدر)
|
لك التحية أخي الأستاذ الفنان خضر ونتمنى للأخت الأستاذه نادية مزيد من التقدم والإذدهار ، لكن الظاهر العمل الخاص أخذ الأستاذه نادية عن رسالتها الإعلامية لانو مسجلة غياب عن الساحة من فترة ليست بالقصيرة فياريت تحاول توفق بين الإثنين .. ولكم جميعاً ودي وتقديري .. وكل عام أنتم بألف خير ...
ياسر العيلفون
| |
|
|
|
|
|
|
Re: نادية مختار , الف مبروكـ (Re: ياسر السر)
|
خدر .. يا فنان .. كل سنه وإنت طيب
ومشكور على هذه النافذة التى تطل على بستان أزاهر وورود نادية مختار الأدبية والإعلامية. وإتاحة الفرصة لنقول .. (مبروك لنادية مختار) .. وعقبال ما نبارك لها فى مزيد من مشروعاتها المهنية والحياتية أيضاً
حظيت بمتابعة والإطلاع على موقع نادية مختار، ذو النكهة الخاصة والعبير الأدبى الفياح .. فهو إن شئت إشراقة الصباح، تقرأه وأنت ترشف شاى أو قهوة الصباح .. أو هجعة زول فى هجير النهار يستظل بضل الضحى الهابى، يرتشف الجبنة ويستمتع بالنسائم الندية ورزازها عبر الإسفير ..
أو لمن عاد من يوم عمل طويل، يستجم فى المغارب بكوب شاى يضيف إليه نكهة أزاهر نادية وهو يطوف فى بستانها الإسفيرى ..
ولمن يعشقون سكون الليل ويبحرون فيه يطالعون ويسامرون نجوم كتابات نادية مختار .. وما أروع نسائم الليل الندية . ورغم إرتشافهم كأس ماء بارد أو لبن طازج قبل النوم ... تتملكهم حاله وصفها االفنان المبدع عبدالكريم الكابلى مغنياً .. وبى سكر تملكنى وأعجب كيف بى سكر .. هو سكر لا يفقد طهارة وإن كان يطرب الأنفس أدباً وشعراً .. وبقدر ما يستمتعون بعبير الأزاهر النادية .. بقدر ما يهمون أن تكون يد الرقابة طالت أغنية الكابلى سواء بالحجر أو التحريف!
الموقع يتيح التعرف على نادية صاحبة المواهب المتعددة .. الأديبة الشاعرة ، والإعلامية .. والإنسانة. أهم ما يميزها ككاتبة الصدق فى التعبير وكلماتها وأدوات تعبيرها البديعة والسهلة الممتنعة.
هذا عن موقعها اليوم فى بداياته .. وإن كنت أتنبأ بما لديها من مواهب وإمكانيات إعلامية وأدبية ومثابرة وذكاء، أن الموقع سيتطور بأبعاد وإبتكارات ليست بخواطرنا الآن!
مبروك لنادية مختار .. ومزيداً من الإنجازات والنجاحات ... كل سنه وإنت طيبة
| |
|
|
|
|
|
|
|