|
|
 ما تقول لي هن زريبتين يا وهبة ياخي
|
سلام يا وهبة، يوم كنت بتوصف لي في بيت العزيز امين سليمان حسيت بيك استغبيني و انفعلت شوية
اها انا قلت الراجل صحته ما بتستحمل و نهيت المكالمة و لفيت الجزء بتاع ابروف الجمب زريبة
الحطب و سألت الغاشي و الماشي لمان قربت تجيني ضربة شمس كأوربي و كدا لوووول
اها يا اخينا فات علي شرف مقابلة امين و مقابلتكم و بعد فترة جيت بنفس الشارع لاكتشف انه
في زريبتين علي نفس الشارع المطل على النيل و اني كنت جمب الزريبة الخطأ
شفت الحنة دي
اطلاقا ما اتصورت انه يكون في دبلكيت لزريبة زي دي في حي واحد اصله الحاصل شنو ؟
غير الغربة الطويلة انا زول اقليم اتربيت في الضهاري و ارياف السودان من اقصى
جنوبه و لاقصى شماله و كملتها بارياف الجزيرة
ما زول عاصمي علما بانه امس دي اكب مع صديقي امدرمان كابر عن كابر جهجهته الثورة
الحارة السابعة تصور..
محاولة مقابلة الاخ امين كانت بلفته بارعة من حاج العوض المسلمي الذي اتصل بي و اخبرني
انهم مع امين في بيتهم بابروف فله جزيل الشكر و كم تأسفت لعدم تمكني من الوصول برغم
الجهد الذي بذلته و استماتة وهبة في الوصف بس لو كان اتذكر انه المعلم الوصف بيهو
منه نسختين كان تمكنا من القيام بالواجب و فزنا بمقابلة اعزاء
|
|
 
|
|
|
|
|
|
|
|
Re: ما تقول لي هن زريبتين يا وهبة ياخي (Re: نصار)
|
نصار يا حبيبنا
ياخي بارك الله فيك و كتر خيرك علي تكبد المشاق دي و ربنا يقدرنا علي جزاكم .
ابوروف فيها زريبة حطب واحده ، الناس الفارشين قدام بيتنا ديل ما اسمهم زريبه - أو علي الأقل ما كان اسمهم كده لحدي قبل ١٦ سنه  - و هبه دقس و وصف ليك غلط : شن عرف ناس بحري بحتت الجلد و الراس ؟!!
والله الواحد كان متمني يقابلك ، ربنا يجمعنا في ساعة خير و كتر الف خيرك علي الجيه و التعب و أسال الله ألا يريكم مكروها في عزيز لديكم .
| |
|
|
|
|
|
|
|
|
|
Re: ما تقول لي هن زريبتين يا وهبة ياخي (Re: أمين محمد سليمان)
|
سلام يا امين
حمد الله سلامة، و الله سعدت جدا بلفتة اخونا العوض البارعة بانه اخبرني بانهم معاك
انتهيت من اجتماع في الخطوم و على طول علي ابروف، شفت حكاية 16 دي بالتحديد هي
المشكلة بما يعني انهم فرشوا حطبهم قدامكم في غيابي لوووووووول
غايتو اتحمنا من القيام بالواجب و المشاهدة
معوضة ان شاء الله في اسعد لحظات
| |
|
|
|
|
|
|
| |
نصار
أمين محمد سليمان
كمال حسن
فيس بوك
تويتر
انستقرام
يوتيوب
بنتيريست