|
|
 تخلف الجهاز المصرفي السوداني .. بنك الخرطوم مثالا :-
|
أولا :- أمثلة عامة قبل الدخول فى قصتى مع هذا البنك ..
لا يمكنك استخدام بطاقتك الالكترونية ( DEPIT) أو (CREDIT ) . الا البطاقات المحلية ..
لا يمكنك تحويل اي مبلغ من بنك الى بنك او من حسابك الى حسابك فى بنك آخر فى أقل من 48 ساعة.
لا يمكنك سحب ايداعاتك بالعملة الحرة فى حسابك الذى هو بالعملة الحرة .. الا بالعملة السودانية أو بعد اذن الجهات الرسمية و عندما تستوفى الاذن تكون المهمة انتهت او ( البيعة طارت) .
أسئلة :-
سؤال لماذا هى عملة حرة أو صعبة ؟
هل عملتنا غير حرة ؟
و لماذا العملة صعبة .. هل عملتنا ساهلة و قاعدة أم فكو ..
أعلى مبلغ تسحبه ( 1000 جنية ) مرتين فى اليوم
لكل الحسابات ..
يا معاوية الطيب ..
|
|
 
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: معتصم الطاهر)
|
سيكون كل ما أذكر هنا موثقا ..
• ان يودع أحدهم فى حسابك من فرع آخر للبنك يحسب تحويلا و تدفع عليه ..دى والله جديدة ..
وهى أسوأ استهبال ..
• أن تحول مبلغ ( 24000 ) يخصم من رصيدك( 227 ج )
أن تحول مبلغ ( 6000 ) يخصم من رصيدك ( 35ج )الصرافات افضل منكم ..؟
• أن يودع فى حسابك مبلغ .. من فرع آخر لن يودع فى حسابك لمدة شهرين حتى تراجعه ..
يعنى ممكن تتهم المودِع (بأنه سرقك) لأنك لن تجد المبلغ المودع فى رصيدك
يرسل ليك ايصال الايداع
تراجع ..
تسافر ..
طيب ياخ ما ترجعوا للعمل اليدوي سنة 1982 كنتو أحسن مكن كدا ..
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: معتصم الطاهر)
|
سلام
استاذ معتصم
اييك معاناة شدييدة في كل المناحي
مشيت لناس بنكي
اها يا جماعة رقم حسابي كدة عندي قروش محولة من برة
وروني ال
Swift code
Correspondence Bank
مش معلومتين بسيطتين في ثواني
وحاتك اربعة ساعات
الزول الاول حولني لشباك
والتاني قال لي تطلعي فوق
قبال اطلع فوق في واد في الشباك قال لي لا لا تمشي لنايب المدير
اها وصلت مكتب نايب المدير
واقفة واقفة وواقفة في الباب
ولا اتفضلي ولا يحزنون
اها قلت الزول مشغول
معاه بتين
والله اعلم ان كانن عميلات ولا ضيوف ساي
قلت امكن عملاء للبنك الننتظر شوية
اها تمت نص ساعة
بعد داك دخلت السلام عليكم
وعليكم السلام مع تكشيرة وصرة وش
ونهرة دايرة شنو
بديت اقول في كلامي في نصه
القال ليك تجينين هنا منو
موضوعك دة فوق
طيب شكرا ياخي
وطلعت فوق
لقيت لي بنية حلاتا وشا صبوح
ومشغوولة الزمن داك الساعة اتناشر وعصيرا وفطورا قداما
لسع ما شربت ولا اكلت
الصراحة هي كانت احسن زول
اتجاوبت معاي
السويفت كود كدة
لكن الكورسبوندنس بانك انت محولين ليك من وين
قلت ليها من امريكا
لا لا من امريكا السودان ما قاعد استقبل حوالات قصة الحظر الاقتصادي
اها والعمل شنو
الا بيونون ترانسفير
طيب شكرا
مرقت لقيت لي زول تاني في البنك معرفة يعني سالني
حكيت ليه القصة
قال لي اقول ليك حاجة
حسابك دة انسيه
تمشي تفتحي حساب في بنك ........ بنك اجنبي البنوك السودانية دي ما منها فايدة
ديل عندهم دروب وبعرفو
مرقت عملت كم تلفون جبت لي تلفون زول شغال في البنك الاجنبي
قام في ثلاثة ثواني لخص المشكلة وحلاها
تديهم نفس رقم حسابك والسويفت كود وتسلي من الكورسبندنس بانك في اوروبا
بس تطلبي منهم يرسلو License OFAC
المهم حل لي المشكلة بتاعتي
لكن معقولة
الناس الفي البنك كلهم ما عندهم مصطلح الزبون دايما على حق
ما عندهم روح المحافظة على الزبون وتقديم المعلومة الصحيحة والدقيقة في اقل زمن ممكن
وما عارفين اواف اي سي ليسنس دي
قال بنك قال
المهم القصة كلها لا تخلو من ديدن العاملين في السودان سواء كان قطاع خاص او حكومي
دايما بدوك احساس انك مزعج وبتشحدهم
ولازما يطلعو ليك استفسارك ا و خدمتك تكاد تكون مستحيلة
ما لم تكن بتعرف زول
يعني مافي مهنية ولا حرص على نجاح العمل ولا على سمعة المؤسسة الخدمية
وبرضو ما نعمم لكن بناءا على خبراتي المتعددة دايما بلاقي نماذج زي دي
المهم دة غير ما تفضلت بشرحه
والقصة كلها كمان ما نظلمهم ساي مرتبطة بنظام اقتصادي وسياسات دولة اقتصادية وحظر اقتصادي
لكن دوما توجد حلول اذا في حرص على ارضاء الزبون
تحياتي
صفية
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: عاطف عمر)
|
ابن عمتى عاطف
جميع التداخلين
كل عام وانتم بخير
موضوع البنوك اصبح قصة
يلا اسمعوا القصة دى
قبل اسبوعين ذهبت للصراف الالى
وكالعادة ادخلت طلب سحب مبلغ (1000) جنية لانه المبلغ المسموح بصرفه ويجوز لك سحب المبلغ مرتين يعنى الفين جنيه فى اليوم ؟؟؟ سؤال برئ ليه ما ثلاثة او اربعه او خمسه الف .
المهم النتيجه انه الصراف لايستجيب لطلبى ويعطينى رساله بانه المبلغ المسموح به سحبه فى المرة الواحد (400) يعنى الواحد اذا عايز يسحب الفين جنية يسحبها فى خمسة مرات ويعنى يدفع مبلغ (5)جنيه مقابل عملية السحب هذه (ياجماعة فى استهبال اكتر من كدا )
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: محمد عبدالمنعم التلب)
|
بدأ بنك الخرطوم العمل المصرفي عام 1913 حينما كان إسمه البنك الأنجلومصري
ثم تحول إسمه عام 1925 إلى باركليز بنك تابعآ لبنك باركليز الأنجليزي لما وراء المستعمرات وأستمر بذات الإسم حتى لحظة مصادرته لصالح الدولة في قرارات التأميم عام 1970 ليصبح إسمه بعد التأميم ألى بنك الدولة للتجارة الخارجية ليكون شراكة ما بين بنك السودان بنسبة 99%ووزارة المالية بنسبة 1%
تحول إلى بنك الخرطوم عام 1975 بإقتراح من المرحوم صالح الباقر باشكاتب فرع الجمهورية أواصل
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: محمد عبدالمنعم التلب)
|
إبن الخال العزيز سعادتو محمد التلب
رمضان كريم
تقبل الله تعالى صيامكم وقيامكم وطاعاتكم
وأعاده عليكم باليمن والخير والبركاتQuote: قبل اسبوعين ذهبت للصراف الالى
وكالعادة ادخلت طلب سحب مبلغ (1000) جنية لانه المبلغ المسموح بصرفه ويجوز لك سحب المبلغ مرتين يعنى الفين جنيه فى اليوم ؟؟؟ سؤال برئ ليه ما ثلاثة او اربعه او خمسه الف .
المهم النتيجه انه الصراف لايستجيب لطلبى ويعطينى رساله بانه المبلغ المسموح به سحبه فى المرة الواحد (400) يعنى الواحد اذا عايز يسحب الفين جنية يسحبها فى خمسة مرات ويعنى يدفع مبلغ (5)جنيه مقابل عملية السحب هذه (ياجماعة فى استهبال اكتر من كدا ) |
أمر مؤسف
حقيقي مؤسف
عارف ياسعادتك إن احد أبرز مساوئ تفكيرنا في السودان أننا نستعجل النتائج ونفترض المكسب الآني في كل عملية . كنا نظن أن البنوك بحكم العقلية الإقتصادية التي تحكمها ناجية من هذه المنقصة.
طبعاً مسألة أن يتم تحصيل رسوم ( 5 ) جنيه على كل عملية سحب جديدة علينا . لأن الأصل في ماكينات الصرف الآلي أنها تحقق أهدافاً للبنك ( أغلى ) من هذه الجنيهات الخمسة . لذلك نجد أن البنوك تشجع استخدام عملائها لماكينات الصرف الآلي ونجد أن البنوك تتنافس في إضافة الخدمات التي يمكن للعميل إجراؤها من هذه الماكينات ( وبدون أى رسوم إضافية ) وذلك لأنها :-
- تربط العميل بالبنك لسهولة استخدامها في أى ساعة من اليوم وهى بذلك تزيد أعداد العملاء
- وأنها توفر للبنك وقت موظفيها الذين كان يمكن أن ينشغلوا بصرف هذه المبالغ للعملاء وما يتبع ذلك من توفير استهلاك أجهزة ومكان وقرطاسية وخلافه .
- وأنها في إطار أشمل من البنك إذ تخفف من تردد المراجعين على البنك فإنها تسهم في تخفيف الإزدحام المروري وما ينتج عنه من أضرار بالبيئة وبالشوارع كما أنت عليم . لذلك لجأت الدول المتقدمة ( دولة الإمارات مثالاً ) لجأت حالياً في إطار تطبيق مفهوم الحكومة الإلكترونية لتطبيق مفهوم ( دوائر بدون مراجعين ) حيث بإمكان المراجع طلب ومتابعة الخدمة المعينة من مكان إقامته أو من مكان عمله باستخدام موقع الدائرة المعنية الإلكتروني بأمان تامك وبفاعلية عالية جداً .
لكننا - والحمد لله الذي لا يحمد على مكروه سواه - لا ننظر أبعد من مواطئ أقدامنا
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: محمد عمر جبريل)
|
الأخ معتصم الطاهر تحية و رمضان كريم
لم تتطرق للمخاطر التي يمكن أن يتحملها البنك في عملية التمويل
في دولة من دول العالم الثالث وهذه بالطبع لها نسبتها..
خذ مثلا التضخم وأثره على قيمة العملة المحلية فإذا زاد التضخم بنسبة50% خلال هذه الفترة
(كما يحدث الآن للجنية مقابل العملات العالمية) فإن مديونيتك للبنك ستتأثر كثيرا لمصلحتك..
ويكون البنك فقد جزءا من الفائدة التي ستعود عليه من عملية تمويلك هذه..
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: عاطف عمر)
|
Quote: باشمهندس معتصم
سؤال ( بليد ) كدا
ألم يكن من الأجدى لكم أخذ سلفية شخصية من أى بنك في قطر بدل ( البهدلة ) دي ؟؟
عن نفسي عملت هكذا وارتحت
على الأقل الحسابات واضحة أمامي |
عاطف عمر
السلام عليكم ..
انا كنت خايف من سؤال زى دا
و الرد بصراحة هو :
قلنا
1- تستفيد البلد
2- الجماعة لافين كل الخليج يعرضوا فى سلفيات .. قلنا نصدق على الاقل بنك الخرطوم ..
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: معتصم الطاهر)
|
الجانب الحسن لبنك الخرطوم
أظنكم سمعتم بالتمويل الأصغر. وهو باختصار عمليات تمويلية لصغار المستثمرين. بما أنني من منتجي الصمغ العربي في السودان وبالتحديد في منطقتي أبو جبيهة بجنوب كردفان. فقد استفسرت أحد اصدقائي في أحد البنوك الأجنبية. مدّني الرجل بمعلومة ذهبت بناءً عليها لبنك الخرطوم. الفرع الرئيسي. دخلت بدون إحم ولا دستور. فقط سألني موظف الإستقبال عن بطاقتي الشخصية. وحدد لي الطابق واسم الشخص الذي عليّ مقابلته. قابلت بنت طيبة في الطابق المعني. استدعت لي موظفاً آخر. أجلسني وطلب موظفين آخرين. جلسنا في إجتماع لمدة 3 ساعات. أجابوا بكل أريحية ومعلومات مستفيضه عن موضوعي. دلوني على ما هو مطلوب مني لأحصل على التمويل المطلوب. طلبوا مني الحضور يوم الأحد (كنا في يوم الثلاثاء) لأن رئيسهم المسؤول سيكون موجوداً ذلك اليوم، لأنه مسافر خارج البلاد.
حضرت يوم الأحد. قابلت المسؤول ومعه نفس الشباب. الرجل أجنبي ولكنه متفهم لعمله. جلسنا ما يقارب الثلاثة ساعات أيضاً. استفسر ذلك المدير عن كل كبيرة وصغيرة عن المشروع. واقترح عدة مقترحات قد تكون مفيدة في مقبل الأيام. طلبوا حضوري في الوقت المناسب ومعي بعض المستندات التي حددوها. وعدتهم خيراً بالحضور في الوقت المناسب لتكملة الإجراءات إن أراد الله خيراً. لا أظن أن عميلاً لبنك يطلب أكثر مما صار معي. مع إني عميل محتاج لمساعدة البنك لي، وليس العكس كما في حالة صاحب البوست. المصيبة في بعض الأحيان تطيح في موظف كابسة معه يفرِّغ فيك كل شحنة الأسى بداخله بدون ذنب. لكن المحاولة أكثر من مرّة لا تضر وربما تأتي بنتيجة موجبة تكون في صالحك. وبالله التوفيق.
كبـّـاشي الصـّـافي
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: محمد الأمين موسى)
|
الأخ محمد الأمين موسى سلامات
والله يا ولد عمي أبداً ما عاوز أشتريه لكن هذا أول تعامل لي مع البنك وقد عجبني تصرفهم وتعاملهم ووجدته حسب فهمي تعامل راقي يستحق الإشادة به. لكن هذا لا يمنع وقوع الأخطاء ولكني متأكد أنهم يعملون نحو الأفضل لسمعتهم ولتحقيق غرضهم من أرباح وخلافه. تحياتي
كبـّـاشي الصـّـافي
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: cantona_1)
|
كانتونا ..
سلامات
طيب قارن أعلاه باعلان البنك أدناه ..
Quote: شروط بناء العقار
قطعة الأرض أن تكون مسجلة بإسم العميل
شهادة بحث للأرض أن تكون حديثة وبغرض التأكد
الخرائط الهندسية أن تكون معتمدة
تصريح المباني بتاريخ حديث
الجهة المنفذة أن تكون معتمدة لدى البنك
• يتم دفع نسبة مخفضة (4.0%) أثناء فترة التشييد حتى إستلام المبنى ويبدأ بعد ذلك سداد الأقساط الشهرية بالنسبة المتفق عليها...
تفاصيل التمويل
مدة التمويل الحد الأدنى 3 سنوات
الحد الأقصى 15 سنة
حجم التمويل الحد الأدنى 50,000 جنيه سوداني
الحد الأقصى 1,000,000جنيه سوداني
الدفعة المقدمة نسبة15٪ من قيمة العقار كحد ادنى
احتساب الأرباح تدفع الأرباح على مبلغ التمويل فقط )بعد خصم المقدم)
نسبة الأرباح:
فترة التمويل (السنوات) نسبة أرباح التمويل
3 الى 5 8٪
6 الى 8 8.45 ٪
9 الى 10 9.45٪
11 إلى 12 10.25%
13 إلى 15 11.25% |
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: معتصم الطاهر)
|
نحن ماعندا بنوك
قبل سنتان حضرت الي السودان مع 5 خواجات لسياحة الخواجات فلوسهم خلصت طلبوا مني ان نذهب الي البنك لنسحب فلوس من الفيزا كارت او من الحساب مباشرة والله كل البنوك في الخرطوم ماحصلنا بنك نسحب منة فلوس والبركة في بنك اليهود الوستن ينون شوف مبلغ 4000 يور راحت من البنوك السودانية
انظر كم خواجة في السودان محتاج للفيزا كارت وبلد كلها تماسيح ومافيها بنك يتعامل مع الكروت الاوربيةو الامريكية
يا ناس السنغال بركينا فاسو مالي النيجر الكمرون افقر دولة في افريقا فيها خدمة بنوك احسن ما يكون حليل السودان وحليل حبوبتى الامريكية
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: Hatim Elmaki)
|
في بداية التسعينات كنت من المسئولين الأوائل في قسم الكمبيوتر ببنك الخرطوم فرع الجمهورية
تعاقد البنك حينها مع شركة إن سي آر الأمريكية على أفضل الأجهزة والبرامج المصرفية مع التدريب
وكان بالبنك وبقسم الكمبيوتر أفضل الكوادر على الإطلاق
فيهم المسلم والمسيحي والقبطي والأبيض والأصفر والأسمر والأسود لا فرق بين عربي وأعجمي وكوز وشيوعي إلاّ بالخبرة والأداء
الكل سواسية في فرص التعيين والاختيار والتدريب والترقي وشفافية الأداء
فكان البنك أبو المصارف ومدرسة البنوك التي تتخطف البنوك المحلية والخليجية والعربية كوادرها دون تردد
كان صرف الشسيك يستغرق دقيقتين فقط، وقس على ذلك بقية الخدمات. في ذلك الوقت أغلب بنوك المنطقة كانت خلفنا.
بدأ الإنهيار في البنك مع سيطرة الكيزان واختلاف المعايير في التعيين والاختيار والترقي والإستمرار
ثم طال بالتالي إجراءات العمل والخدمات
استقلت من العمل بعد الإعتقال الذي طالني وبعض الزملاء والزميلات، وذهبت لبنك البركة مديرا لقسم الكمبيوتر بفرع البرج، ثم هاجرت.
المؤسف أن الكوادر السودانية موجودة داخل وخارج الوطن في حين يباع البنك وتستورد العمالة من الخارج بتكاليف عالية
والحال في الوطن من بعضو
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: Elawad Eltayeb)
|
الاخ معتصم سلامات..
قراءت الوثيقة التى احضرتها والتي تشبة الـ truth in lending او تفاصيل القرض ما لم افهمه هو طريقة تحديد الـ Equity مع عدم وجود ذكر القيمة المحددة للارض المراد البناء عليها
.اللهم الا اذا كان المقصود بكلمة Equity شي اخر غير المتعارف عليه عالميا..
المشكلة مع ما يسمى بالبنوك "الاسلامية" هي محاولة ركوب سرجين وهو دمج سعر الفائدة مع احل الله البيع وحرم الربا وكان الناتج هو هذه الاجنة المشوهة من مرابحة ومضاربة وتوريق وخلافه
والتي تكون اكثر عبئا وقسوة على المديون بدعوى انها اسلامية وفي حقيقة الامر هي اكثر ربوية وتربح ..
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: Hatim Elmaki)
|
| Quote: والبركة في بنك اليهود الوستن ينون شوف مبلغ 4000 يور راحت من البنوك السودانية |
الأخ حاتم المكي سلامات نحن في حالة مقاطعة اقتصادية أميركية غير معلنة . أي فلوس من أميركا ما بخلوها تجي السودان. البنوك السودانية عندها تعليمات من البنك المركزي ما تتعامل مع قائمة بنوك حُددت لهم. عليه رفضهم لقبول الفيزا والماستر كارد له أسباب شرعية من جانبهم والبنك المركزي على الأقل.
كبـّـاشي الصـّـافي
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: cantona_1)
|
الأخ الطاهر والاخوة المتداخلين
تحية وتقدير
عملت ببنك الخرطوم الفترة من 1992 الى 1997 , لم يكن الحاسب الآلي غطى كل
أفرع البنك حتى داخل العاصمة الخرطوم , مما يجعل التحويل من داخل البنك
من فرع الى فرع آخر يستغرق 48 ساعة , ناهيك عن التحويل من بنك الى بنك آخر
المهم
اغتربت بعدها وهالني ما رأيت من تقنيات مصرفية عالية لم أستطع أن أستوعبها
الا بعد وقت طويل , وسمعت فيما بعد عن افتتاح الصرافات , وما صحبها من سؤ
استخدام حتى تعطل أكثرها .
وختى هذه الصرافات لم تكن بالمستوى المطلوب والذي نراه بصرافات الخليج
ولكن الحق يقال هي خطوة الى الأمام .
ما يعيق الجهاز المصرفي بتقديري هو عدم مواكبته لثورة الاتصالات التقنية
وما زال أمام الجهاز المصرفي السوداني الكثير والكثير ليحققه .
المهم أن تكون الخطوات مدروسه وتمضي قدما الى الأمام
أما عن هامش الربح غير المدرج , فبعض البنوك الخليجية تضع رسوم خدمات وعمولات
قيمتها عالية جدا بل تقترب من سعر الفائدة على الغرض المعلن عنها .
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: البشير دفع الله)
|
الأخ معتصم الطــاهر
ســـلام عليكم ورمضــان كريم...
كنت متـــابع لموضوعك هذا منذ بـــدايته وكنت أنتظر بعض المصرفيين أن يـــردوا عليك وعلى الاتهامات الكثيرة التي طرحتها هنا ضـــد بنك الخرطوم ، قد يكون بعضها صحيحاً ولكن أكثرها مجافي للحقيقة وبعيداً عنها وقد لا يكون لبنك الخرطوم ذنباً فيها من بعيـــد أو قريب ...وقد رد عليك الأخ العوض الطيب وهو مصرفي أو عمل بالمصارف وكنت أود أن يكون رده توضيحيا أكثر لحال بنك الخرطوم وأرجـــو ان يتابع ردي عليك تفصيليا لكل ما طرحته هنا ويصوبني أن أخطأت او نسيت وسوف أقـــدم لك نقداً منهجيا وعلمياً لكل ما طرحته هنا فأرجـــو أن يتســـع صدرك لذلك وصولاً لبعض الحقائق التي قد تكون غائبة عنكم ..
مدخل :
موظف سابق في بنك الســودان (مبرمج ومحلل نظم) في قسم التقنية المصرفية ومن أوائل الذين عملوا في قسم التقنية المصرفية بل لقد كان لي شـــرف وبمساعدة زملاء آخرين وضع اللمسات الأولية للتقنية المصرفية التي تشهدها البنوك السودانية حالياً ... تركت البنك في العام 2000 .
حال المصارف السودانية في 1995- 2001
كانت تقريبا كل المعاملات تتم يدويا ولم يتم حوسبة الأنظمة المصرفية إلا بعض البنوك ومنها البنك السوداني الفرنسي والبنك السعودي السوداني وبنك البركة ... ومنذ تلك الفترة شهدت البنوك تطورا يعد ملحوظاً جدا في استخدام التقنية المصرفية وحوسبة العلميات ... عند بداية عملنا من أجل حوسبة الأنظمة المصرفية واجهنا صعوبات جمه وهي اختلاف النظم المحاسبية وعدم وجــود معايير موحدة لكي يتم الاعتماد عليها فكان تفكيرنا الأولي بالاشتراك مع اتحاد المصارف السودانية في تكوين شركة برمجية أوكلت رئاستها لدكتورنا الفاضل عز الدين كامل أمين ومهمة هذه الشركة هي القيام بعمل نظام مصرفي موحد لكل البنوك لا يكون اجباريا عليها استخدامه ولها مطلق الحرية في شرائه أو عدم شرائه ولكنها ملزمة بالتقييد بالنظم والمعايير الواردة في السيستم .. سبقتها خطوة مهمة وهي مرحلة توفيق الأوضاع وهي مرحلة كانت لمدة 3 سنوات أجبرت فيها البنوك الى رفع رأس مالها الى 6 مليار جنيه لكي تستطيع المنافسه داخليا وخارجيا والبنوك التي لم تستطع رفع رأس مالها اندمجت مع غيرها من البنوك لكى تحقق شروط بنك السودان في مرحلة توفيق الاوضاع.. في تلك الفترة كان هناك 28 بنكا بالتمام والكمال وبعضها والله كان ماشي بالبركة وبرأس مال صغير جدا فتقلص عدد البنوك كثيرا .
كانت أول خطوة هي التفكير في المقاصة الآلية لسرعة انجاز التسويات بين البنوك المختلفة .. كذلك كانت مشكلة الاتصالات عقبة كبيرة تعيق سلاسة تطبيق التقنية المصرفية بمفهومها الذي تنشده انت وتحلم به وشاهدته في الخليج وتحلم به في السودان .. أسال شيخ العوض الطيب دا البنوك ومنها بنك الخرطوم كان يعمل بنظام مصرفي متخلف جدا مصمم بلغة الكوبول (Cobol) وكان يــديره أحد الزملاء حلبي اظن أسمه اسامه وبعدها تركه وانتقل للبنك السوداني الفرنسي ... وهو نظام لا يربط الفروع مع بعضها البعض وكان كل فرع شغال لوحده والنظام المحاسبي هذا أظنه كان موجود في الخرطوم بس ولا يوجد في الولايات آي والله والكلام دا لغاية سنة 2000 يا شيخ معتصم .. والمعلوم أن بنك الســودان هو المســـؤول عن وضع السياسات النقدية والمنظم لعمل البنوك وفروع بنك السودان نفسها غير مربوطه ببعضها البعض فكيف له أن يـــدير ويتحكم في المصارف؟
ما وصلت إليه المصارف الســودانية يعد طفرة نوعية هائلة وفي زمن قياسي جدا مقارنة بما كان عليه الحال حتى وقت قريب جدا .. ومن الظلم أن نقول غير ذلك وهذا يجب أن يشهد به كل من عمل في الجهاز المصرفي أو تعامل معها في خلال هذه الفترة ... بالرغم من ما ذكرته أعلاه إلا إننا لم نصل لدرجة الكمال أو السقف الذي نطمح إليه وذلك لعدة اسباب أعدد منها:
1. كبر مساحة السودان.
2. تأخر الاتصالات والتي هي عصب استخدام التقنية المصرفية.
3. الحروب وعدم الاستقرار كواحد من الاسباب التي أدت تأخر التقنية المصرفية.
4. عدم توحيد المعايير والنظم المحاسبية بين البنوك المختلفة
5. عدم ارتباط البنوك أو المصارف بشبكة موحدة مع بنك السودان (ربما حتى اليوم).
6. عدم ارتباط البنوك نفسها مع فروعها الأخرى عبر شبكة
7. ضعف البنوك نفسها وعدم توفر الموارد الكافية لها لإستجلاب معينات التقنية المصرفية.
نواصل..
___
وارجو من الزميل العوض الطيب إلقاء المزيـــد من الضو على تخلف المصارف السودانية في الفترة القريبة جدا الماضية
دا طبعاً بما أنك طلعته زميل وأبن كااااااار واحد
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: الامين موسى البشاري)
|
مرحب مرة تانية معتصم الطاهر
كتبت ما يلي:
| Quote: لا يمكنك استخدام بطاقتك الالكترونية ( DEPIT) أو (CREDIT ) . الا البطاقات المحلية .. |
بصراحة لم أفهم ما تعنيه بالضبط من ذلك ولكن إن كنت تقصـــد إيـــداع النقد عبر بطاقة الصراف الآلي فهي يا أخي معتصم مرحلة متقدمة جدا وبـــدري جــدا عشان يحصل دا وحتى في الخليج لم تكن متوفرة إلا خلال السنين الخيرة وتوفرت بعد استخدامهم لبطاقات الصراف الآلــي لفترة طويلة ومن ثم أدخلت عملية أيــداع النقد عبر مكائن الصرف الآلـــي .. أرجو أن توضح مقصدك من العبارة أعلاه حتى نجيبك عليها
| Quote: لا يمكنك تحويل اي مبلغ من بنك الى بنك او من حسابك الى حسابك فى بنك آخر فى أقل من 48 ساعة. |
مع الأسف كلامك هذا غير صحيح ولا مقبول إطــلاقاً ... أخي معتصم حتى قبل دخول المقاصة الآليه كانت هذه العملية تتم يدويا وتتم خلال 24 ساعة .. وتتم كالتالي عند ايداعك لمبلغ أو شيك يقوم مندوب البنك بأخذ الشيك والتوجه به لغرفة المقاصة في بنك السودان ويتم عمل التسوية بين البنكين في بنك السودان وبعد الساعة 12 ظهر يمكنك استلام التحويل أو صرف الشيك أي بعد نهاية المقاصة هذا عندما كانت العملية تتم يدويا واليوم العملية آليه وأظنها اســـرع من ذي قبل والله اعلم.
Quote: لا يمكنك سحب ايداعاتك بالعملة الحرة فى حسابك الذى هو بالعملة الحرة .. الا بالعملة السودانية أو بعد اذن الجهات الرسمية و عندما تستوفى الاذن تكون المهمة انتهت او ( البيعة طارت) .
|
ليس لبنك الخرطوم أدنى ذنب في هذا فسياسة التعامل بالنقد الأجنبي يتم وضعها في بنك السودان وهو الجهة المســـؤولة عن وضع السياسات النقدية وما على بنك الخرطوم سوى تنفيذ الآوامر ولو خالف ذلك سوف يتعرض لغرامة مالية باهظة من بنك السودان ... وهنا أبــرئ ساحة بنك الخرطوم من هذا وألقي باللوم على بنك السودان وسياساته.
| Quote: سؤال لماذا هى عملة حرة أو صعبة ؟ |
مجـــرد تسمية فقط ليس لها أي مدلول ... في الخليج يسمونه نقد أجنبي (Foreign Currency) وقس على ذلك لماذا سمي الدفار دفــار؟
| Quote: هل عملتنا غير حرة ؟ |
نعم عملتنا غير حرة ولا تساوي الحبر الذي كتبت به وغير ذات قيمة في العالم ولا يتم التعامل بها إلا في بعض الدول الحدودية كتشاد وافريقيا الوسطى ويوغندا وقس على ذلك أيضا
Quote: أعلى مبلغ تسحبه ( 1000 جنية ) مرتين فى اليوم
لكل الحسابات .. |
عــــاااادي يعني شنو في السعودية لا يمكنك سحب أكثر من خمسة آلاف في اليوم عبر بطاقة الصراف الآلــي .. لا توجد مشكلة في هذا وأيضا لا ذنب لبنك الخرطوم في ذلك لأن من يدير شبكة الصرف الآلـــي هو بنك السودان أو البنك المركزي وليس بنك الخرطوم. ولكنك مخير إن شاء الله تسحب قروشك كلها عبر شيك أو مباشرة من الكاونتر
نواصل
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: الامين موسى البشاري)
|
مرحب مرة تانية معتصم الطاهر
Quote: كتبت ما يلي:
| Quote: Quote: لا يمكنك استخدام بطاقتك الالكترونية ( DEPIT) أو (CREDIT ) . الا البطاقات المحلية .. |
بصراحة لم أفهم ما تعنيه بالضبط من ذلك ولكن إن كنت تقصـــد إيـــداع النقد عبر بطاقة الصراف الآلي فهي يا أخي معتصم مرحلة متقدمة جدا وبـــدري جــدا عشان يحصل دا وحتى في الخليج لم تكن متوفرة إلا خلال السنين الخيرة وتوفرت بعد استخدامهم لبطاقات الصراف الآلــي لفترة طويلة ومن ثم أدخلت عملية أيــداع النقد عبر مكائن الصرف الآلـــي .. أرجو أن توضح مقصدك من العبارة أعلاه حتى نجيبك عليها |
أعنى أن بطاقاتات فيزا كارد أو ماستر كارد أو ناب
أو اى بطاقة من أى دولة أخرى .. مصر.. قطر.. السعودية ..الخ
Quote: | Quote: Quote: لا يمكنك تحويل اي مبلغ من بنك الى بنك او من حسابك الى حسابك فى بنك آخر فى أقل من 48 ساعة. |
مع الأسف كلامك هذا غير صحيح ولا مقبول إطــلاقاً ... أخي معتصم حتى قبل دخول المقاصة الآليه كانت هذه العملية تتم يدويا وتتم خلال 24 ساعة .. وتتم كالتالي عند ايداعك لمبلغ أو شيك يقوم مندوب البنك بأخذ الشيك والتوجه به لغرفة المقاصة في بنك السودان ويتم عمل التسوية بين البنكين في بنك السودان وبعد الساعة 12 ظهر يمكنك استلام التحويل أو صرف الشيك أي بعد نهاية المقاصة هذا عندما كانت العملية تتم يدويا واليوم العملية آليه وأظنها اســـرع من ذي قبل والله اعلم. |
ياخ الكلام دا حاصل
و ذكرته كل من الموظفات رئيسات الأقسام ( الأسماء فى الخاص) ..
و لذا اضطررت لتحويل مبلغ 24000 مقابل 227 ج
ثم هاك دى موثقة
تم تحويل/ايداع مبلغ ( 2700 ج) فى بنك الخرطوم فرع ربك
الى بنك الخرطوم ش الجامعة ..
من يوم ( ) لم تصل حتى وصلت يوم 18 و تم ايداعها ..
تقول لى من بنك الى آخر
أقول ليك من بنك الخرطوم فرع ربك لنفس البنك فى حسابى بشارع الجامعة ..
انظر ..تاريخ ال( statement ) من 31/12/2009 الى 18/8/2010
طيب شوف تاريخ الايداع دا ..رقمه 003727 بتاريخ 16/6/2010 يعنى شهرين ما وصل ..
شهرين تمام ..
ونواصل ..
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: معتصم الطاهر)
|
الأخ معتصم الطاهر
ســـلام وتحية واحترام..
أخي معتصم القطاع المصرفي هو جزء لا يتجزأ من كل القطاعات الأخرى في الســـودان ولا يمكنك تقييمه بمعزل عنهم فدرجة تخلفه او تطوره مرتبطة بحال البلد والسياسات التي تنتهجها الدولة ولذلك أرجو ان تكون عقلاني في اطلاق احكامك هذا مع كامل تضامني معك فيما اصابك من ضرر. وما تم في التقنية المصرفية يعتبر نقلة نوعية ونحن في الطريق الصحيح بلا شك وسوف نصل يوما ما لما تصبو اليه.
Quote: أعنى أن بطاقاتات فيزا كارد أو ماستر كارد أو ناب
أو اى بطاقة من أى دولة أخرى .. مصر.. قطر.. السعودية ..الخ |
يا متعصم الســـودان دولة محاصرة شاء من شاء وأبى من أبى والنظام المصرفي في السودان منفصل عن النظام المصرفي العالمي يمكن لغاية هسي بنرسل العملات الصعبة للبحرين بعملية تسمى (cash sending) وخليك انت كعميل صغير لا تذكر شوف المصدرين والموردين ما عندهم الامكانية للتعامل مباشرة مع عملائهم عبر البطاقات دي وذلك كما ذكرت لعدم انضمام النظام المصرفي السوداني للنظام العالمي .. والمشكلة طويلة ومعقدة بدء من التأكد من صحة البطاقات (verification) للتاكد من موثوقية العميل انتهاء بالاعتمادات المالية لإجراء التسويات recancellation وما تفتكر إنو العملية دي سهلة كدا بس تدخل بطاقتك الفيزا ولا الماستر كارد وتصرف وخلاص فالعملية معقدة ويطول شرحها طيب صرفوا ليك قروشك منو البرجع القروش للبنك .. هذه كلها اسئلة يجب أن تفكر فيها..
| Quote: و لذا اضطررت لتحويل مبلغ 24000 مقابل 227 ج |
هسي ليه ما قاعد تحتج لما تحول قروش بالوسترن يونيون؟ أو أي بنك آخـــر؟
قصة إنك تودع قروش في حسابك ويخصموا منك قروش دي ما قادر أصدقها بصراحة ولو حصلت معاك شيل ايصالاتك دي وأمشي بنك الســـودان واشتكيهم برجعوا ليك حقك وسوف يتم معاقبة البنك ..
البنوك في كل أصقاع الدنيا تأخذ رسوما على تحويل المبالغ حتى بين فروعها المختلفة ودي حاجة ثابتة ومثبته في كل دول العالم .. واما الايـــداع في حسابك مباشرة فهو مجاني .. لو كنته بعيد من فرعك ممكن يحلوها ليك برسالة فاكس او عبر الشبكة لو كان الفرع مربوط بالرئاسة ... لكن في كل الاحوال الايــــداع مجاني والتحويل بقروش حتى في الخليج هنا
| Quote: طيب شوف تاريخ الايداع دا ..رقمه 003727 بتاريخ 16/6/2010 يعنى شهرين ما وصل .. |
مش يمكن حصل معاك انت بس وهي مجرد مصادفة لا يمكن تعميم الحادثة على الكل .. انا ما بدافع عن بنك الخرطوم لسبب محدد ولكن بوضح ليك بعض الاشياء التقنية والمصرفية ، وعلى فكرة بنك الخرطوم كان تابع للقطاع العام وكان من أكثر البنوك تخلفا تقنيا في الفترة الأنا كنت فيها هناك ولم ينهض إلا بعد بيعه اخيرا .
يا معتصم الناس ديل من كل انحاء الدنيا ممكن تحول قروش وقروشك تقعد شهرين ما تصل ربما بخطأ موظف او اهمال فرع فحقو ما تعمم الحكاية دي
ودي
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: الامين موسى البشاري)
|
Quote: 1. كبر مساحة السودان.
2. تأخر الاتصالات والتي هي عصب استخدام التقنية المصرفية.
3. الحروب وعدم الاستقرار كواحد من الاسباب التي أدت تأخر التقنية المصرفية.
4. عدم توحيد المعايير والنظم المحاسبية بين البنوك المختلفة
5. عدم ارتباط البنوك أو المصارف بشبكة موحدة مع بنك السودان (ربما حتى اليوم).
6. عدم ارتباط البنوك نفسها مع فروعها الأخرى عبر شبكة7.
7 ضعف البنوك نفسها وعدم توفر الموارد الكافية لها لإستجلاب معينات التقنية المصرفية. |
الأخ الأمين ..
فقط قف عند (6) و (7) ..
هذا تخلف عند بنك الخرطوم وحده ففى بنك آخر اودعت فى فرع و تم السحب من طرف ثانى فى فرع آخر ببطاقة بعد اقل من نصف ساعة ..
ولو كانت البنوك نفسها ضعيفة لااستجلاب معينات .. فمن عنده القوة .. البنـــــــــــوك ..
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: معتصم الطاهر)
|
| Quote: ولو كانت البنوك نفسها ضعيفة لااستجلاب معينات .. فمن عنده القوة .. |
نعم البنوك ضعيفة فكما ذكرت لك اجبرها بنك السودان لرفع رأس مالها الى 6 مليار جنية سوداني
اها ال6 مليار جنيه بتخليها تنافس
نجي لموضوع التمويل:
أتفق معك تماما في النسبة العالية التي يأخذها بنك الخرطوم في التمويل العقاري وهي نسبة مبالغ فيها ويفترض انها ما تكون تراكمية مثلا
لو اخذ العميل تمويل ب 100 مليون في خمسة سنوات النسبة بتكون كالتالي 40 مليون ليصبح جملة المبلغ 140 مليون لكن هم ما قاعدين يخمصموا المبالغ التي تسدد في خلال السنوات الأولى حتى يتم طرحها من التمويل..
برغم ارتفاع نسبة التمويل إلا إنها تعد خطوة مقدرة جدا والى الامام بدليل إنك سعيت ليها وصدقني لو كانت الحكاية دي متوفرة من زمان كان الناس استفادت منها ... تبريري للنسبة العالية هو أن البنك يؤمن نفسه ضد مخاطر التمويل طويل الأجل فكما تعلم ان السودان لا يوجد به استقرار في السياسات المالية والنقدية وتتغير هذه السياسات تبعا لتغير الحكومات والأنظمة وحتى الوزراء..
التمويل العقاري نقلة نوعية ايضا في كل السوادن وكذلك تمويل السيارات ... التمويل العقاري بتاع بنك الخرطوم بنفع معاك لو كان عندك قطعة ارض استثمارية لما تاخد ليها تمويل تبدأ القعطعة نفسها في سداد اقساط البنك وبعد خمسة سنوات بترجع ليك وهي معمرة وبكون عندك دخل عالي منها بالاضافة للمباني.. كذلك بنفع مع الزول الما عندو استطاعة كبيرة للبنيان ولكن بامكانه سداد اقساط شهرية بدون ان يشعر بالتعب والارهاق..
تحاياي
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: الامين موسى البشاري)
|
الأخ البشارى
سلامات
أنا عارف نسبة التمويل عالية ..
و رغم دا سعيت نحوه ..
لكن يا خوى انا ما بتكلم عن التمويل العقارى و دا أحسن قسم متقدم فى البنك ..
ما علقت لى على ملاحظاتى
1- ان تورد فى حسابك من فرع آخر و يؤخذ عليك رسوم .
2- أن يرفضوا التحويل لحسابك فى فرع آخر ( الا بعد 48 ساعة ) وتحول برسوم عالية (227 مقابل 24000) .
3- أن لا تنزل التوريدة بعد أكثر من شهرين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و لسه جاييك بالمستندات ..
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: الامين موسى البشاري)
|
رمضان كريم
| Quote: التمويل العقاري نقلة نوعية ايضا في كل السوادن |
البنك العقاري 1971 اخذنا قرض 2500 للبناء.... والسداد كان اكثر من متساهل لا اعنى (متساهل ) من غير ضوابط ....
لا كان فى ضوابط فقط رهن القطعة محل القرض للبنك وبعد سداد قيمة القرض يفك الرهن ولا ارباح ولا مليم زيادة
اها استاذنا البشاري النقله النوعيه دى وين؟؟!!
تحياتي لكم وللأخ المهندس معتصم الطاهر
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: هشام مدنى)
|
الأخ هشـــام مــدني
ســـلام ورمضان كريم ..
Quote: البنك العقاري 1971 اخذنا قرض 2500 للبناء.... والسداد كان اكثر من متساهل لا اعنى (متساهل ) من غير ضوابط ....
لا كان فى ضوابط فقط رهن القطعة محل القرض للبنك وبعد سداد قيمة القرض يفك الرهن ولا ارباح ولا مليم زيادة |
ما هو عشان كدا البنك العقاري فلس وانتهى من الوجـــود بسبب عجزه عن استرداد مستحقاته ولاحظ كان البنك العقاري يتبع للقطاع العام
ومعروف مال القطاع العام ماف زول حريص عليهو .. بينما في حالة بنك الخرطوم البنك مملوك للقطاع الخاص وإدارته أجنبية ولذلك هي حريصة
على تفادي مسألة عجز العملاء عن الوفاء بالســـداد..
| Quote: اها استاذنا البشاري النقله النوعيه دى وين؟؟!! |
يا جماعة أنتو ما تبالغوا شــديد كدا كمان .. والله انا شايف كونو يكون في تمويل عقاري دي براها نقله نوعيه
وزي ما متعصم دا سعى إنو يأخد تمويل عقاري هناك الكثيرين يسعون لذلك وأنا منهم
Quote: تبريرك غير مقنع ليه؟
مامكن يؤمن بنك بارتفاع نسبة على المخاطر ممكن يؤمن باكثر من طريقة
واعتقد ان فى السودان فى شركات تأمين ممكن تلعب دور كبير فى ذلك
كما فى معظم دول العالم |
القصة مش في الســـودان بس وهي قضية عالمية تفتكر الخلا بنوك في أمريكا تنهار وتحصل هزة في كل الاقتصاد العالمي دا شنو غير مخاطر التمويل والرهن العقاري ،وبعدين أهم حاجة في الاقتصاد (رغم إني ما اقتصادي وزول كمبيوتر سااااي) هو الاستقرار في السياسات المالية والنقدية ودا ما متوفر في الســــودان .. والسياسات تتغير في السودان بتغير الحكومات والوزراء ومحافظي بنك الســــودان ودا سبب كافي يخلي أي مستثمر يخاف على حقوقه.. الحاجة الأخيرة ولازم كل زول يعرفها إنو مصارفنا دي ضعيفة جدا ورأس مالها شوية بدليل إنو عدد من البنوك اندمجت مع بعض عشان توفق أوضاعها وتحقق رأس مال يقدر ب 6 مليار جنية وهو الحد الدنى الذي فرضه بنك الســـودان على البنوك في مرحلة توفيق الأوضاع ... لك ان تعلم أيضا أن ربع رأس المال هذا يحتفظ به بنك الســـودان كتأمين لضمان حقوق المودعين وبعد دا كلو عايز البنوك دي تمول بدون ما تربح وتتحوط لضمان حقوقها وهذا يعني الانتحار بعينه...
وهاك الكلام دا عن مخاطر التمويل العقاري
Quote: مخاطر التمويل العقاري
انفجرت في اميركا مؤخرا فقاعة التمويل العقاري مما أدى إلى نضوب السيولة وخسائر فادحة في البنوك والصناديق ومؤسسات الرهن العقاري والتمويل والوساطة.
الاعتقاد السائد عندنا ان التمويل مقابل الرهن العقاري وقروض الإسكان هو أكثر انواع القروض ضمانا، لأن رصيد القرض في تناقص وقيمة العقار في ارتفاع، فما هي اذن مخاطر الرهن العقاري الذي تمارسه البنوك.
1- من الممكن ان يتم الأقتراض على أساس سعر فائدة ثابت ثم ترتفع اسعار الفائدة ، وبذلك تصبح تكاليف البنك اعلى من إيراداته.
2- في بعض الحالات يتم الاقتراض لشخص في الخمسينات أو الستينات من العمر، فيصل بسرعة الى مرحلة التقاعد وينخفض دخله ويعجز عن التسديد.
3- من الممكن ان يتورط البنك بتقديم تسهيلات تزيد عن قيمة العقار المرهون كضمانة، وفي هذه الحالة فان المقترض الذي قبض اكثر من ثمن عقاره يمكن ان يمتنع عن التسديد اذا كان سيء النية أو اذا ساءت أوضاعه المالية.
4- قد يقدم البنك قرضا عقاريا بنسبة 80 أو 90 بالمائة من قيمة العقار الحالية، ثم تحدث أزمة ركود عقاري، فتهبط قيمة العقار المرهون الى اقل من رصيد القرض، وعندها يمتنع المقترض عن السداد.
5- هناك احتمال ان يتوفى المقترض قبل سداد القرض، وبذلك يتحول القرض في سجلات البنك الى دين غير عامل، اذا لم يكن البنك قد أمن على حياة المقترض، وفي هذه الحالة يتحمل كلفة عالية.
6- القروض العقارية لا تتمتع بأي قدر من السيولة، ويصعب استدعاؤها اذا احتاج البنك للسيولة.
7- من حيث المبدأ ليس من الحصافة تقديم قروض طويلة الأجل اعتمادا على ودائع قصيرة الأجل، مما يعرض البنك للمخاطر في حالة حدوث أزمات.
8- مع ان البنك يملك ضمانة الرهن على العقار الا ان وضع اليد على العقار وبيعه عملية صعبة لا ترغب البنوك في ممارستها. وإذا حدث ذلك بالجملة فان سوق العقار يصاب بالركود وتهبط أسعار العقارات بشكل حاد كما هو حاصل في اميركا الآن.
بعض هذه المخاطر لا ينطبق على بنوكنا التي تتسابق لتقديم قروض إسكان لصغار الموظفين، ولكن بعضها الآخر ينطبق، مما يفرض على ادارة البنك عدم المبالغة في هذا الاتجاه، فالأمان له أولوية على الربحية وتوسيع حصة البنك من السوق.
|
تحاياي
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: الامين موسى البشاري)
|
Quote: قصة إنك تودع قروش في حسابك ويخصموا منك قروش دي ما قادر أصدقها بصراحة ولو حصلت معاك شيل ايصالاتك دي وأمشي بنك الســـودان واشتكيهم برجعوا ليك حقك وسوف يتم معاقبة البنك ..
البنوك في كل أصقاع الدنيا تأخذ رسوما على تحويل المبالغ حتى بين فروعها المختلفة ودي حاجة ثابتة ومثبته في كل دول العالم .. واما الايـــداع في حسابك مباشرة فهو مجاني .. لو كنته بعيد من فرعك ممكن يحلوها ليك برسالة فاكس او عبر الشبكة لو كان الفرع مربوط بالرئاسة ... لكن في كل الاحوال الايــــداع مجاني والتحويل بقروش حتى في الخليج هنا |
تعرف نحن العجايز ديل ما بنطلق الكلام على عواهنه
بجيك بالدليل ..
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: معتصم الطاهر)
|
معتصم الطــاهر
ســـلام ... ابتلت العروق وثبت الأجــر إن شاء الله
Quote:
ما علقت لى على ملاحظاتى
1- ان تورد فى حسابك من فرع آخر و يؤخذ عليك رسوم . |
في فرق بين إنك تحول مبلغ من فــرع الى البنك المفتوح فيهو حســـابك ... والتحويل دا في كل الدنيا عليهو رسوم ، علقت ليك فوق على الحته دي وقلت ان هناك فـــرق بين التحويل والإيـــداع انت قلته وردته ولكن ما شرحته طريقة التوريـــد دي هل هي إيـــداع في الحساب أم تحويل من فـــرع لحسابك في الفرع الثـــاني.. الإيـــداع ما ممكن يكون عليهو رســــوم ودي مسلمة يا معتصم في كل انحاء العالم، يمكن الموظف ما شــرح ليك طريقة توريـــدك للمبلغ دا في حسابك وأغلب الظن انه تم تحويله بالجهاز او بالفاكس أو عبر ال (Dial Up) أو عبر البريـــد الالكترروني أيا كانت الطريقة فإن على التحويل رســـوم يتقاضاها البنك مقابل هذه الخـــدمة والكلام دا في كل انحاء العالم وليس في بنك الخرطـــوم او الســـودان ... وعشان تتأكد من الكلام دا بكرة أمشي ليك أي فرع آخر غير المفتوح فيهو حسابك في قطر او محل اقامتك وشيل نموذج توريـــد (إيــداع) وشيل نموذج تاني وهو نموذج التحويل وشوف الفرق بين العمليتين وقلت دي مسلمة وما محتاجة لي نقاش أو جـــدل يا جماعة الناس المصرفيين وينم الحقونا!! وانتظر شوية بجوك الاخوة المصرفيين ويمكن يوضحوا ليك اكثر مني..
| Quote: أن يرفضوا التحويل لحسابك فى فرع آخر ( الا بعد 48 ساعة ) وتحول برسوم عالية (227 مقابل 24000) . |
ودي برضو فيها حالتين وهما
1. عايز تحول من فرع الى فرع لنفس البنك: في الحالة سوف يتقاضي البنك رســـوم مقابل التحويل وما مفروض تنتظر 48 ساعة ... لأنو يا معتصم التســـويات بين الفروع تتم في رئاسة البنك وهي عملية يومية لو الحسابات دي ما تقفلت وتمت التسويات ماف زول بغادر البنك دا اطلاقاً
2. عايز تحول من فــرع لبنك آخـــر الى فرعك لبنك مختلف والفاتح فيهو أنت حسابك : وفي الحالة لازم تنتظر أقل حاجة 24 ســـاعة عشان مندوبين البنكين يتلاقوا في القاصة وتتم التسوية بينهما وبعد يتم اعتماد العملية ودي عملية روتينية في إطار الخرطوم العاصمة بتم في خلال 24 ساعة .. من الولايات ما عارفها بتاخد كم والله يمكن 48 ساعة..
لاحظ أنت تتكلم عن تحويل وانا رديت ليك على أســـاس تحويل ومن ثم ايـــداع في حسابك.. عشان ما نــدور في نفس الدائـــرة ولازم تفرق بين التحويل والإيـــداع
| Quote: - أن لا تنزل التوريدة بعد أكثر من شهرين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
لا بـــد أن هناك خطا ما ادى إلى ذلك والكلام دا ما معقول أبـــدا وغير منطقي .. يعني التوريدة لو مسافرة بسلحفاة كان وصلت في أقل من شهرين
| Quote: و لسه جاييك بالمستندات .. |
حبابك ألف ... بالمســـتندات
ســــؤال منطق كدا:
مصلحة البنك في العكلته كلها شنو؟
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: جمال محمود)
|
Quote: مع الأسف كلامك هذا غير صحيح ولا مقبول إطــلاقاً ... أخي معتصم حتى قبل دخول المقاصة الآليه كانت هذه العملية تتم يدويا وتتم خلال 24 ساعة .. وتتم كالتالي عند ايداعك لمبلغ أو شيك يقوم مندوب البنك بأخذ الشيك والتوجه به لغرفة المقاصة في بنك السودان ويتم عمل التسوية بين البنكين في بنك السودان وبعد الساعة 12 ظهر يمكنك استلام التحويل أو صرف الشيك أي بعد نهاية المقاصة هذا عندما كانت العملية تتم يدويا واليوم العملية آليه وأظنها اســـرع من ذي قبل والله اعلم.
|
الأمين موسى
أنا من قدامى موظفى البنك التجارى السودانى وقد عملت لفترة فى سبعينيات القرن الماضى
مندوبا للبنك بغرفة المقاصة ببنك السودان . وأقول لك إن دورة الشيك قبل المقاصة الإلكترونية
كانت كما قال معتصم 48 ساعة وقبلها لايمكن سحب الشيك وكان ذلك يدويا وليس 24 ساعة. كنا ننهى العمل قبل
الساعة 12 بقليل . ومعروف أن البنوك تقفل أبوابها الساعة12 ويكون العمل داخليا لبقية اليوم
لذا لايمكن للعميل سحب شيك ورده فى نفس اليوم أوحتى فى اليوم التالى قبل الثانية عشر إلا إن
كان تحصيل خاص يدفع مقابله عمولة. أما قصة الفائدة الربوية فنحن حسب تعاملنا مع الصيغ
الجديدة وجدنا أن الفائدة الربوية القديمة كانت أرحم مما يسمى بالمرابحة والمشاركة
ذلك من ناحية النسبة المئوية لربح البنك. وقصر فترة السداد بالنسبة للصيغ الإسلامية
مقارنة مع فترة السداد بالنسبة للفائدة الربوية .
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: شمس الدين ساتى)
|
الأخ شمس الدين ســـاتي
ســــلام ورمضان كـــريم...
Quote: وأقول لك إن دورة الشيك قبل المقاصة الإلكترونية
كانت كما قال معتصم 48 ساعة وقبلها لايمكن سحب الشيك وكان ذلك يدويا وليس 24 ساعة. |
شمس الدين يا أخـــوي المقاصة زمان كانت يـــدوية اليوم المقاصة آليه والشيكات شيكات ممغنطة يعني الحكاية ما مستاهلة الجهــد القديم الذي كنتم تبذلونه في التقاص والتســــويات ، بفضل المقاصة اآلية الحكاية بقت ما محتاجة أكثر من ساعة او تقل للانتهاء من عمل التسويات.. ولذلك الزمن في داخل الخرطوم هو 24 ساعة فقط هذا إذا أحضر العميل شيكاته قبل أن يغلق البنك ابوابه قبل الساعة 12 المهم ان البنك.. آي شيكات المقاصة اليوم تصرف غدا
الشيكات التي استلمت اليـــوم سوف تذهب للمقاصة غدا وبعد الانتهاء من المقاصة يمكن للعميل استلام شيكاته وصرفها في اليوم التالي هذا في داخل العاصمة ولو كان الفرع قريب .. ونحن ما مختلفين كتير لأنو البنوك بتقول للعميل من 24- 48 ساعة عشان تدي نفسها مهلة..
زمان يا شمس الدين كنتوا بتاخــدوا اليوم كلو في غرفة المقاصة بينما اليوم المقاصة تبدأ 830 وممكن تنتهي الساعة 930 وبكدا يكون في فرصة كافية للبنوك للتعامل مع الشيكات الواردة من المقاصة .
Quote: أما قصة الفائدة الربوية فنحن حسب تعاملنا مع الصيغ
الجديدة وجدنا أن الفائدة الربوية القديمة كانت أرحم مما يسمى بالمرابحة والمشاركة
ذلك من ناحية النسبة المئوية لربح البنك |
الحته دي ما اتطرقنا ليه كتير قصة الفائـــدة ونوعيتها ربوية او اسلامية .. وقلنا بس نسبة الفائدة كبيرة جدا في عملية التمويل العقاري.
ويا شمس الدين عندي ليك ســـؤال بما إنك مصرفي :
هل تتحصل البنوك على رســــوم مقابل ايـــداع العميل لأية مبالغ في حسابه عند قيامه بعملية ايـــداع؟
بس ما تجي تقول رسوم مسك الدفاتر أنا أقصـــد هل يدفع العميل مقابل كل ايداع ملبغا للبنك مقابل ذلك؟
ودي
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: محمد الأمين موسى)
|
الأخ محمد الأمين موسى
رمضان كريم وتصوم وتفطر على خير..
يا جماعة اولا أنا ما مندوب بنك الخرطوم ولا موظف فيهو ... لكن لأنني عملت لفترة وعارف ومتابع لموضوع التقنية المصرفية والمشاكل والعقبات التي تعترضه وكان حكم الجماعة قاسي شوية ولم ينصف النقلة النوعية التي حصلت في الســودان والعــافية درجات وبعدين ما الانهيار والتردي حاصل في البلد دي كلها وخربانة من ساسها لي رأسها والقطاع المصرفي دا جزء من البلد والبحصل فيها ، وانا ما بقول دا طموحات الســـودان والمصارف والشعب السوداني بل عايزين نتطور الى المزيد
| Quote: بالمنطق كدا إذا كان في إمكانية إيداع في حسابك من كل الفروع |
واضح إنو الامكانية دي ما متوفـــرة لأنها لو كانت متوفرة ما كان اخـــدو منو رســــوم ... يا محمد الامين اعيد وأكرر إنو بنوكنا ما مربوطه كلها مع بعض يعني لو كنته فاتح حساب في بنك الخرطوم الرئاسة ومشيت بنك الخرطوم فرع دنقلا او الدمازين فأنت شخص غريب عندهم ولا يعرفونك مطلقا ببساطة لأنو توقيعاتك وحسابك في مكان تاني ويمكن يكون ما عندها صورة منها وبالتالي انت شخص غريب عليهم في الفرع دا... والله من الظلم إنك تقارن دولة زي الامارات بالســودان ... الامارات دولة صغيرة ممكن تلفها كلها في يوم واحد وبدأوا قبلنا في التقنيات دي ... والبنوك فيها كلها مربوطة بفروعها وكل المصارف مربوطة بالبنك المركزي في الامارات.. يا جماعة نحن فروع بنك السودان لغاية 2005 كل فرع شاغل برااااهو
| Quote: فلماذا يعتبر البنك أن هذه العملية عملية تحويلية خاصة في ظل وجود نظام إلكتروني؟ |
لو كان في نظام الكتروني ما كانت تكون في مشكلة أصلا والحاصل دا لأنو رئاسة وفرع البنك ما مربوطين مع بعض ... في الامارات بمجرد ما يدق الموظف على رقم حسابك بتظهر ليهو بياناتك كاملة رقم اقامتك وتوقيعاتك وصورتك وبيانات حسابات يعني كانك انت قاعد في الفرع الذ قمت بفتح الحساب فيه عكس عندنا في السودان..
| Quote: ما تلحقونا يا ناس نوباتيا... واحسيناه! |
يا ريت والله يلحقونا ... معك أنــــادي...
والحصل مع اخونا معتصم لو أنــا فهمته صاح وحسب معرفتي هو انهم قاموا بتحول مبلغ الايـــداع الى حساب معتصم في البنك المفتوح فيه حسابه وبالتالي تم خصم رسوم التحويل..
كن بخير
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: الامين موسى البشاري)
|
| Quote: 1. عايز تحول من فرع الى فرع لنفس البنك: في الحالة سوف يتقاضي البنك رســـوم مقابل التحويل وما مفروض تنتظر 48 ساعة ... لأنو يا معتصم التســـويات بين الفروع تتم في رئاسة البنك وهي عملية يومية لو الحسابات دي ما تقفلت وتمت التسويات ماف زول بغادر البنك دا اطلاقاً |
وردت فى حسابى فى بنك التنمية والصادرات فرع السوق المحلى و حسابى فى فرع الجمهورية
نزل الحساب فى نفس الوقت + لم تخصم رسوم ..
وردت اليوم كتجربة فى حسابى بنك الدوحة فرع آخر .. و ساريك الاستيتمنت .. أيضا ..
يبدو أنك فعلا من بنك الخرطوم سستم الرسوم .. على كل حركة يقوم بها موظف .. أيا كانت
سؤال؟
ياخ لو ناس بنك الخرطوم ذاتم وأمامي شخصيا اعتذروا عن تخلف نظامهم و قالوا أن هذا الخصم سيتم تغييره خلال هذا الشهر..
طبعا دا كلام موظفين بيتطلعوا للأحسن ..ولكنى أشك فى نظامهم المصرفى ..
شعارهم
بنك قديم .. نظام متخلف ..
| |
|
|
|
|
|
|
|
|
|
Re: تخلف الجهاز المصرفي السوداني .. بنك الخرطوم مثالا :- (Re: معتصم الطاهر)
|
Quote: لا بـــد أن هناك خطا ما ادى إلى ذلك والكلام دا ما معقول أبـــدا وغير منطقي .. يعني التوريدة لو مسافرة بسلحفاة كان وصلت في أقل من شهرين
Quote: و لسه جاييك بالمستندات ..
حبابك ألف ... بالمســـتندات |
المستندات نزلت فى المداخلة الفوق
الاستيتمنت بتاريخ 18/8/2010
و حتى تاريخه لم ينزل الايداع الكان بتاريخ 16/6/2010
بقول ليك وقفت عليها بنفسى لحدى ما نزلت
و كنت ممكن أخسر فيها أحد أقربائى ..
Quote: ســــؤال منطق كدا:
مصلحة البنك في العكلته كلها شنو؟ |
أقرأ عنوان البوست
تـخلـــــــــــــــــف ..
| |
|
|
|
|
|
|
| |
معتصم الطاهر
مزمل خيرى
Safia Mohamed
عاطف عمر
محمد عبدالمنعم التلب
محمد عمر جبريل
cantona_1
محمد الأمين موسى
Hatim Elmaki
Elawad Eltayeb
حسين نوباتيا
البشير دفع الله
الامين موسى البشاري
جمال محمود
فيس بوك
تويتر
انستقرام
يوتيوب
بنتيريست