|
|
 خبر صاعقة,,,لقد تم اختيارى,,, وزير دولة ,,,بوزارة الاتصالات,,
|
ليلة امس بعد صلاة القيام وانا خارج برجلى اليسرى من مسجد الفاروق بحى غبيرا الشهير بالرياض,,هاتفنى زميل دراسة قديم, فى جامعة بونا,قد تخرجنا سويا من علوم الكومبيوتر ثم سحنا وجلنا فى ربوع ارض المهاتما غاندى الحبيبة وقد تسابقنا نحو العلا وقتذاك على برامج ولغات الحاسوب التى اصبحت كتبها حبيسة الادراج..فالزميل بعد تخرجه اتجه صوب السودان بحكم تايده للنظام وريادته للحركة الاسلامية فى شبه القارة الهندية,,وقد توجهت بدورى ابحث عن رزقى فى ارض المهجر, كما قال شيخى العباسى
( فجيت الى الخليج وكان زادى انه احدى بلادى,,
فما بالهم قوم لهم دين كدينى وينطق كلهم ضاد كضادى)
فجيت الى المملكة وقد قلت وقتها,,
أأخليجٌ جئتك بالشعرِ نديّا
وامل يلوح فى خافقيّا
فقلت للنيل من بعدٍ سلاماً
وودعت( هنداً) سراً خفيا
فصعتُ نجاداً ونزلت وهاداً
فى مركبٍ يعلو بصوتٍ دويا
فاستقبلتنى (رياضُ) بصدرها الدافىء
وغنت (مسقطُ )ورقصت ( دبيا)
فانخرطت فى شركات التقانة التى كانت فى حوجة الى امثالنا, مع دعمنا ببعض الدبلومات التى تخص الشبكات وسيرفرات السيسكو وشىء من البباكتش ,
فاول ايامى بالمملكة التحقت بالشركة العربية المتقدمة,,ثم شركة البريم نت ,ثم الشركة العالمية للاتصالات ثم شركة اول نت المشهورة
واخيرا صرنا احدى منسوبى الاتصالات السعودية,,مستانس على الطلاق مستانس مع كوكبة من السعوديين الجميلييين والسودانين الخلص وكمية من الشوام تعرف منهم وتنكر
وشباب شرق اسيا الذين الجا اليهم فى كل مهمه صعبة تسندالى فاجدهم فى الموعد ,,,هكذا انقضت العشرة سنوات الاولى غربة وشوق,,حلليت فيها بعض مشاكل اسرتى الصغيرة,,وحققت بعض الاهداف التى كنت اراها مستحيلة,,,
لكن ان يتصل بى زميل دراسة بقامة علاء الدين يوسف ,,مكلف من الوزير بان يتم تعينى مع بعض الشباب المميزين وقد ذكرهم لى فهذا امر جلل وشىء يمخول النافوخ ,, فقال لى بالحرف الواحد ان الامر منتهى فالرجاء منك ان تاتى الى السودان وتعتلى مهمتك وستجدنا فى شوق اليك,,فرجعت الى شقتى فصحيت ام العيال فاخبرتها بتلك المفاجئة فزغردت وكبرت وهللت وقد دعمتنى بكلمات اول مرة اسمعهن فانت اهلك لذلك وانت جمل شيل وانت رجل المهمات الصعبة,, فصدقت الولية وهى قبل التراويح كانت مبوذه لانها تريد تغير اسورتها مع زيادة سعر الدهب الخيالية,,,فدخلت غرفتى وطفقت اتذكر المناصب التى اعتليتها فى حياتى ,,,
فقبل دخولى المدرسة سافر ابى واخى الكبير لزيارة عمى القادم من ارض الكنانة, فقد كلفنى ابى باول مهمه فى حياتى بتسير الامور فى البيت وقد نجحت فى ذلك
وفى المدرسة الابتدائية كنت بجمع من زملاء الفصل قرش السبت وحين وصلت الصف الخامس ظهر نبوغى حين اخترت بان اتابع حركة الحضور والغياب فى الفصول الدنى
فى المدسة المتوسطة كنت الالفا وقد كنت قاسى على بعض الزملاء,,فى المدارس الثانوية كنت رئيس عنبر وعندما وقع خلاف بين انصار السنة وجماعة الاخوان المسلمون على امامة المسجد ,,تم تعينى امام بصفتى رجل محايد حتى يرضى الجميع وقد وفقت فى ذلك,,ثم ذهبت الى شبه القارة الهندية,,,فكنت من ضمن اعضاء اللجنة التنفيذية لبعض الدورات,,ثم اننى كنت السكرتير الثقافى لرابطة ابناء الجزيرة وكنت ممثلهم والناطق باسمهم,,,فهل ياترى سوف انجح فى هذه المهمة التى اوكلت الى فجاءة ؟؟؟؟ وهل انا كفء لذلك,,وهل سوف اوفق ,وانا الذى لم اعرف اين تقع الوزارة التى لم ازرها فى حياتى ,,,والله الناس ديل عاوزين يبهدلونى ساكت وينهو غربتى الجميلة الممتعة حد الكيف,,,,
اها ياجماعة امشى ولا ما امشى ,,,انا فى انتظار نصائحكم
ودمتم
|
|
 
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: abuguta)
|
سلام يا أبقوتة .. يا قنبلة الحب الوقوتة
أعقلها و توكل
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: Ali Alhalawi)
|
أستخير
...
...
...
وفقكـ الله لما يختاره لكـ
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: Ahmed musa)
|
بالتوفيق أخي أبو قوته
تلبية النداء
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: طارق أحمد عثمان)
|
أب قوتة
زي ما قُلْت ليك
عندك أسبوع من الليلة شان تلحق القسم
في الأسبوع دة عليك بالآتي
تعمل نضافة عامة تدخِّل نفسك عفريتة ، آآآي العفريتة الواااااااحدة بتاعت العربات دي ، تخُشّها بي رجلينك و تقيف يرُشُّوك جاز و بعدها يغرُّوك صابون بعدها موية حتى تطلع شان تجينا و إنت ما محتاج غسيل ، بعدها تمشي المبارك مول تختار ليك 30 بدلة بعدد أيّأم الشهر
و دي لأنو ذوقك أنا عارفو واطة ، شوف ليك واحد من الشُّوّام الشوم ديل يمشي معاك.
بعدها الكريسيدا بتاعتك أوعك تفكِّر تشحنا
جيب برادو 2010 أو 11 لو طلعت
و أهمّ حاجة
تمشي البنك تعمل لي التّحويل الإتّفقنا عليهو
و بعدها تعال إلى وزارتك التي جاءتك تُجرْجِر أذيالها
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: علاء الدين يوسف علي محمد)
|
يا زول كلامك ده لو صاح والدنيا رمضان نصيحة لوجه الله
الناس ديل ملهم حراااااااااااااااااااااااام ولو لديك أبناء يجب عليك مراعاءة الحلال والحرام لأنه سيعود وبالا عليهم لو سمحت لنفسك بأكل مال المؤتمر الوطني
والحمدلله الى الآن كلامي ده مثبت تاريخيا
والله من وراء القصد
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: NEWSUDANI)
|
| Quote: الناس ديل ملهم حراااااااااااااااااااااااام ولو لديك أبناء يجب عليك مراعاءة الحلال والحرام لأنه سيعود وبالا عليهم لو سمحت لنفسك بأكل مال المؤتمر الوطني |
نيو سودان,,,
ما شفت او حضرت تواشيح النهر الخالد,,ليلة امس
حسين خوجلى مستضيف اتنين من زميلاتنا الجدد
دين كامل الدسم,,,معقولة بس ما ديل عارفات الشغلة فيها حلال ولا حرام
احداهن اتصلوا عليها وهى فى العمرة بين مكة والمدينة
قالو ليها انتى اختاروكى وزيرة,,تقول لى حرام من اين ياتى للحرام لمثل هذه الاخت
فى رمضان ومتقلبة بين المشاعر ياتيها المنادى,,,بالله دا مش شغل ملائكة عديل
نازلين لاختيار صحابة
تحياتى
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: علاء الدين يوسف علي محمد)
|
الاخوة الاعزاء
على الحلاوى
احمد موسى
طارق احمد
شكرا لنصاحئكم اكيد ستندرج حتى اولوياتى
خلونا نوشوف باقى الشباب
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: علاء الدين يوسف علي محمد)
|
Quote: بعدها تمشي المبارك مول تختار ليك 30 بدلة بعدد أيّأم الشهر
و دي لأنو ذوقك أنا عارفو واطة ، شوف ليك واحد من الشُّوّام الشوم ديل يمشي معاك.
بعدها الكريسيدا بتاعتك أوعك تفكِّر تشحنا
جيب برادو 2010 أو 11 لو طلعت
و أهمّ حاجة
تمشي البنك تعمل لي التّحويل الإتّفقنا عليهو
و بعدها تعال إلى وزارتك التي جاءتك تُجرْجِر أذيالها
|
آبقوتي أخوي مادام عندك ده كلو إنت الوزاري شن بدوربها، بلا ورطي ساكت آخوي... خلك في اتصالاتك دي أخيرلك.
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: علاء الدين يوسف علي محمد)
|
اخ علاء الدين
التحيات,,,
اولا الشوام موجودون بالكوم وبامرى,,
ثانيا بدل المبارك مول ,,الذى جاتك منه بدلة العرس هنالك اسواق شرط,,,
اسواق الشعلة,,اسواق السدحان,,اسواق الجزيرة,,,وكمان ظهرو واحدين يجبوها ليك دليفرى
اها المبارك احسن بدله عندو ب 125 ريال فقط,,,الشعلة البدله ب 350 ريال
بس انتو عاوزين بدل ولا سفارى,,,انا شايف الوزراء الجدد بتاعين قطاع الشمال بقى زوقهم رفيع
البرادو ابشرك ساخدها من احمد التيجانى ,,وسوف نخلص من الكامرى
بس المحيرنى حقك دا ما تنقصوالى شوية ,راعينا,,رواتب الوزراء الجدد قالو معها تقشف,,وكمان لو الجنوب انفصل
بترول مافى,,,دحين ياخوى انا بديك راتب سنة كاملة اعفينى من حقك دا
رايك شنو,,,,
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: abuguta)
|
| Quote: آبقوتي أخوي مادام عندك ده كلو إنت الوزاري شن بدوربها، بلا ورطي ساكت آخوي... خلك في اتصالاتك دي أخيرلك. |
العوض الطيب,,,
ياخوى احكى الوجاهة,,,الوزير وصل,,الوزير مشى,,,سيارة الوزير ,,,مرة الوزير,,بت الوزير
فى البكيات والاعراس عربنا يفجوا ليك كانك بحر دافر
تقول لى القروش,,اسى لينا كم سنة مغتربين زول شغال بينا مافى
بعد الوزارة ما جاتنا تجر اذيالها نقوم نرفضها,,,
كدى خلينا نشوف باقى المستشارين,شنو
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: abuguta)
|
ابو قوتة
انتهت عشرة يوم اللحم وبدات عشرة يوم العضم ابقي عشرة علي العضم
امشي لكن خلي اقامتك سارية المعفول
عشان بعد الانفصال البلد حا تبقي فلسكاب
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: khaleel)
|
| Quote: انتهت عشرة يوم اللحم وبدات عشرة يوم العضم ابقي عشرة علي العضم |
خليل صحى العشرة الاولى من رمضان برضهاانقضت
ابشرك كفيلى متمسك بى شديد,,قالى كلام عقل
تشرق وتغرب ما بتلقى احسن منى,,,
ياخليل بنفعكم صدقنى بنفعكم
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: abuguta)
|
Quote: زول كلامك ده لو صاح والدنيا رمضان نصيحة لوجه الله
الناس ديل ملهم حراااااااااااااااااااااااام ولو لديك أبناء يجب عليك مراعاءة الحلال والحرام لأنه سيعود وبالا عليهم لو سمحت لنفسك بأكل مال المؤتمر الوطني
والحمدلله الى الآن كلامي ده مثبت تاريخيا
والله من وراء القصد |
يا أخوي المال مال السودان كله وللكل الحق فيه
ماهو مال المؤتمر الوطني
بعدين الزول دا خلوه يمشي طالما البلد طلبته لازم يمشي يخدم البلد
لكن أهم حاجة لازم يكون متواجد في البورد إنشاء الله مرة واحدة في الأسبوع
عشان يرد على ما يطلبه المستمعون
مع تحياتي
عاصم فقيري
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: Asim Fageary)
|
عاصم فقيري
ياصديقى جزاك الله خيرا,,انت بتحب الخير للجميع
اكيد حادخل على البورد وهل هنالك حياة غيره
ولو لقينا فرقة لبكرى بنجروا معانا
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: abuguta)
|
يا اب قوته
رمضان كريم
لى صديق من العامه ريفى اب قوته
رجل حاد الذكاء وكذا ابناء المنطقه عامة
والامام على كرم الله وجهه قال (العاقل من اتعظ بغيره والاحمق من اتعظ بنفسه)
مالك فى امان الله مرتاح ومرطب .مرطب دى بين قوسين من رطوبة الخليج
وزوجتك ربنا يحفظها ليك بتغير الدهب ما بشترى جديد
وشفته فى الدنيا دى كتير ياخى بونا دى فى احلى منها
مالك داير تتدردر وتدردر وليداتك اخر عمرك (معليش انت صغير لكن امانا ما تبعزق عمرك بعزقه اكان باريت درب الوزارات ده)
انت كدى الاوفر ده اطلع بيهو تسته وامشى السودان
وقارن اكان الحكايه وقعت ليك بس تكون وقعت عليك حكاية
المكتوله الما بتسمع الصايحه
بعدين جدى زمان قال المره شاوروها و###### (التشطيب ده منى ما من بكرى) عشان ناس الجندر ما يزرزرونا وانا ناقل للحديث وليس صاحبه
شايفك شاورت ام العيال ورحبت بالفكره
يا خى انت رجل لطيف وخففت علينا نهار رمضان الطويل
وربنا يوفقك
اخر حاجه اقوله ليك ما تنسى وصية القرد لولده
قال ليهو(اكان ما مسكت الفرع القدام ما تفك الورا)
ده لو فى فرع قدامى
تحياتى لكم جميعا وكل عام وانتم بخير
(عدل بواسطة د.محمد بابكر on 08-21-2010, 12:43 PM)
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: Asim Fageary)
|
| Quote: تعمل نضافة عامة تدخِّل نفسك عفريتة ، آآآي العفريتة الواااااااحدة بتاعت العربات دي ، تخُشّها بي رجلينك و تقيف يرُشُّوك جاز و بعدها يغرُّوك صابون بعدها موية حتى تطلع شان تجينا و إنت ما محتاج غسيل ، بعدها تمشي المبارك مول تختار ليك 30 بدلة بعدد أيّأم الشهر |
يا أبقوتة يا اخوى. شايف علاء لخص ليك, ولينا مقومات وسمات الوزراء.
أها أكان عاوز تبقى نضيييف من برة, وجواك يعلموا الله, خُد ديلك فى سِنانك
وألحق بركب "الأقوياء الأمناء" الذين هم أضعفنا يوم الحشر لأن الأمانة هذه
هى خزى يوم القيامة, إلآ لمن قام بها, وأخذها بحقها, وتذكر قصة السيف تلك
يا أخى أبوقوتة. وبعيداً عمّا يجرى هنا من صراعات ومكايدات تكاد تغبّش الرؤية,
وتلبس الحق لباس الباطل وبالعكس, أجلس إلى نفسك طويلاً, ثم إستشر قلبك أولاً
وإستخر لأن الأمر هذه المرة ليس بردود ترسلها من على كيبوردك لتفحم أو تغيظ
بها آخرين تتباين اشياؤكم, ورؤاكم السياسية, الأمر فيه رقاب, رقاب آخرين يمشون
فى الأرض هوناً, ورقبتك أنت يوم لا ينفع مال ولا بنون, إلآ من أتى الله بقلب سليم.
وفقك الله وهداك إلى ما فيه خير لك وحدك, أما خير المسلمين, فلله ربٌ يرعاه, ولا تفعل
كما يفعل البعض منهم, إذ يعتقدون أن الله إنما بعثهم "منقذين", فهل يُنْقِذ من كان أكثرنا
حاجة لإنقاذ نفسه من براثنها أولاً؟؟!!!
أذكر قول المسيح كثيراً (فإذا فسد الملح, فبماذا سيُملّح) يمن سيملح من, أو ماذا يا صديقى؟؟؟
دمت يا رجل, ورمضان كريم عليك وعلى علاء يوسف, وعلى كل المتداخلين,
ونستغفر الله إن كنا قد أسأنا إلى أحدٍ ما دون قصدٍ منا, والله الموفق.
محبتى
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: عبدالله شمس الدين مصطفى)
|
أستخير
أستخير
أستخير
ثم توكل على الله وما تفكر لورا انو كان ممكن وانو داك كان احسن
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: عبدالله شمس الدين مصطفى)
|
تيب يا علاء شوف لى اخوك شغل
لى سنة من العودة الى ارض الوطن
ولا نقوم نرجع النرويج
............
هل هنالك برامج للناس الرجعوا للوطن بعد
هجرة اكثر من عشرة سنين..
المؤهلات
فوق الجامعى
اجادة 3 لغات
دبلومات فى علوم الكمبيوتر
..........
اللون السياسى ..مستقل
[email protected]
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: عبد العظيم احمد)
|
| Quote: اللون السياسى ..مستقل |
الله اعلم يا عبد العظيم
كل عام وانتم بخير
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: د.محمد بابكر)
|
Quote:
Quote: اللون السياسى ..مستقل
الله اعلم يا عبد العظيم
كل عام وانتم بخير |
دكتور محمد سلام
مستقل غير معادى ( صديق)
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: عبد العظيم احمد)
|
| Quote: مستقل غير معادى ( صديق) |
والله ما عارف النيران الصديقه دى بتعاملوا معاها كيف ؟
يا زول الله يسهل عليك
انت كدى عيد مع اهلك
وبعد العيد اب قوته بكون جا السودان
واكان بقى وزير ما اظنه يقصر
تحياتى
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: د.محمد بابكر)
|
ياابوقوتة
ماتنسى الرفاق...........
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: د.محمد بابكر)
|
يا أخوي الرزق الحلال دا زيو مافي شيء ..
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: Hisham Ibrahim)
|
صديقي أحمدأبوقوتة ما تنهي خدمتك ولا إقامتك أخذ ليك إجازة - إستراحة محارب - من أراد الرزق الحلال فهو موجود و لبي النداء نتوسم فيك خيرا للبناء.
أنور أحمد
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: Anwar Ahmed)
|
لو المنصب تقني بحت: امشي
لو فيهو ريحة سياسة: ما تمشي.
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: سيف النصر محي الدين محمد أحمد)
|
السيد الوزير احتراماتى
ممكن تصدق لى بى كشك اتصالات
باقى انا زهجت من القشوريه دى،،،
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: سيف النصر محي الدين محمد أحمد)
|
Quote: فرجعت الى شقتى فصحيت ام العيال فاخبرتها بتلك المفاجئة فزغردت وكبرت وهللت
وقد دعمتنى بكلمات اول مرة اسمعهن فانت اهلك لذلك وانت جمل شيل وانت رجل المهمات الصعبة,,
فصدقت الولية وهى قبل التراويح كانت مبوذه لانها تريد تغير اسورتها مع زيادة سعر الدهب الخيالية,, |
اب قوتة الخرزة والياقوتة لوووووووووووووووووووول يا حليك انت والمدام والله
ضحكتوني ياخ يديكم الف عافية يا رب وتصوموا وتفطروا على الف خير
وربنا يعدلا ليك آ يابا وين ما تقبل
شوف آخوي تمشي طوالي ولا تتردد ابدا
نعم انا مع الاخوان استخير الاستخارة سمحة مافي شك
لكن والحمد لله الاختيار الجاك ده ما هامل ساي
انت حق له
دارس ومتعلم وصاحب خبرة كبيرة مع مختلف الاجناس والشركات
يعني ملم بما هو مفيد
خبرة تمام اجعص وزير فى الوزارة ما بفوتك
يعني الاختيار ما كان عشوائي
والبلد بلدك والناس اهلك
ولو في طريقة الزول يقدر يقدم لبلده خدمه ووسط اهله ليه يرفضها ؟
اكرب نصك وشد حيلك
وقول لاختي حرمكم المصون اوعااااااااااااك واللملمة لووول
والدهيبات بندقن السودان ملاااااااااااان دلاقين وشيتن سمح
ونصيحة الاخوان انك تأخد اجازة مفتوحة برضو فكرة
ما معروف الظروف
اتوكل على الله ولملم شنيطاتك
لكن الاخ علاء حيرك في حنانك زاتو لووووووووووول
قال ليك ذوقك تحفة ؟ والله ضحكت كيف
طيب يا اخي علاء انتو ما تجهزوا ليه البدل دي من مول عفراء ملاااااااااان لا حدو
وبعدين الحساب ولد
مدام ماك واثق من ذوق العريبي ود اعمي
البركة في ثقتكم في خبرته
اتوكل آ يابا وربنا يجعل ليك في كل خطوة سلامة
بس نصيحتين
اوووووووووووعك تنقطع مننا آ الحنين
واوععععععععععك لامن نجيك تتغابا فينا العرفة
والله مو ان بقيت وزير ام بقيت رئيس علا اقولك اب قوتة الخرزة والياقوتة
ودعتك الله وربي يجعلك ليك فيها الخير الكتير
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: اسماء الجنيد)
|
عبد العظيم اخوي مالك بتشرك وبتحاحي
| Quote: ماتنسى الرفاق........... |
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: امير مصطفى احمد)
|
يا دكتور سيف النصر رمضان كريم
وكل عام ووليداتك بخير
بس حكاية بحت دى ما وقعت لى
يا خوى السودان ده ما فىهو بحت
ما تورطو الراجل ساكت.
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: امير مصطفى احمد)
|
ابوقوته رمضان كريم
والله انا ما قطاعة رزق
لكن مر علي البوست دا وبعدين قرر
مؤشرات ترشح الخرطوم 'لانقلاب' عنيف في أقل من 25 أسبوعا
بعدين انت الشفقة ليك شنو استنا الحال ينصلح وبعدها يمكنك ان تترشح لمنصب وزير اتصالات بدلا عن وزير دولة او ربما رئيس جمهورية لكن في نظام افضل من هذا النظام الذي حتى ولو استمر (وهو امر محتمل ايضا) لن يورثك الا عذاب الضمير
بارك الله لك في رزقك الحالي والمستقبلي ومتعك بالصحة و العافية
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: امير مصطفى احمد)
|
Quote: عبد العظيم اخوي مالك بتشرك وبتحاحي
Quote: ماتنسى الرفاق........... |
امير مصطفى احمد
سلام
رفاق المهجر والغربة
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: عبد العظيم احمد)
|
| Quote: فالرجاء منك ان تاتى الى السودان وتعتلى مهمتك وستجدنا فى شوق اليك |
ما هي الوظيفة بالضبط ؟؟؟
وزير دولة وخلاص ولا في وصف و مهمة محددة ؟؟
..
| |
|
|
|
|
|
|
|
|
 Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: khalid fahmi)
|
Quote: ابوقوته رمضان كريم
والله انا ما قطاعة رزق
لكن مر علي البوست دا وبعدين قرر
مؤشرات ترشح الخرطوم 'لانقلاب' عنيف في أقل من 25 أسبوعا
بعدين انت الشفقة ليك شنو استنا الحال ينصلح وبعدها يمكنك ان تترشح لمنصب وزير اتصالات بدلا عن وزير دولة او ربما رئيس جمهورية لكن في نظام افضل من هذا النظام الذي حتى ولو استمر (وهو امر محتمل ايضا) لن يورثك الا عذاب الضمير
بارك الله لك في رزقك الحالي والمستقبلي ومتعك بالصحة و العافية |
مؤشرات ترشح الخرطوم 'لانقلاب' عنيف في أقل من 25 أسبوعا
اب قوتة، قنبلة الود الموقوتة، أمسك فى كلام فى كلام نازك اختى دة قوى
وبعدين انت ما قلت طلع ليكم بترول فى اب قوتة؟؟ مالك ومال الوزارة وشلهتتها وعذابها ودعوات المظاليم؟؟
تحياتى
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: مهيرة)
|
والله كان للنضافة أبو قوتة دا عرفناه في البورد ده نضيفا يلمع
أعمل حسابك من الوزارة دي لأنها غالبا ت وس خ ك.
تعديل لكتابة ت######ك
(عدل بواسطة أسامة عبد الجليل on 08-21-2010, 11:44 PM)
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: امير مصطفى احمد)
|
Quote: عبد العظيم اخوي مالك بتشرك وبتحاحي
Quote: ماتنسى الرفاق........... |
امير مصطفى احمد
سلام
رفاق المهجر والغربة
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: عبد العظيم احمد)
|
| Quote: اها ياجماعة امشى ولا ما امشى ,,,انا فى انتظار نصائحكم |
تمشي و انت مغمض.
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: عبد العظيم احمد)
|
يازول اندرج سريع
الغربه طايره
لبي نداء الوطن
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: عبد العظيم احمد)
|
سعادة الوزير
حنشتاق ليك ,,,
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: عبد العظيم احمد)
|
سعادة الوزير
حنشتاق ليك ,,,
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: عمار عبدالله عبدالرحمن)
|
Quote: اها ياجماعة امشى ولا ما امشى ,,,انا فى انتظار نصائحكم
ودمتم
|
الاخ ابوقوته اذا كان الامر هماك استخر الله
والباقى صدقنى كلو بكون هين كان سفر كان بقاء هنا
رمضان كريم
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: خالد المحرب)
|
ياشباب انا اسى ارد على منو فيكم
المشغوليات,,,,المشغوليات,,,
وبعدين لقاء حسين خوجلى دا استعد ليه كيف,,,
اضف لذلك انا ابوى مو مشهور ,,
صدقونى دا المخوفنى,,,,
يا جماعة بجيكم برواقة,,,,
بس لو كنتو متابعين لقناة الشروق,,وسهرة حسين خوجلى
بتعرفوا كيف اصبحت وزير,,,
خلونا نوشف السرفر دا واقف مالو وبجيكم
تحياتى للجميع...
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: خالد المحرب)
|
الاخوة الاعزاء
الموضوع نقد سياسى,,,
الكيزان ديل فكركم بعينو زول مو مضمون ولا هو مو موالى ليهم ,والله لو جيت للجان الحى الا تكون كوز ناصع البياض وهل هنالك فرصة لامثالنا فى ظل هذا النظام,,,
ما دعانى لكتابة فى هذا الموضوع,,لجو الانقاذ لتعين الوزراء الشباب تم تعين 150 وزير,فى الفترة الاخيرة ,,منهم اكثر من عشرين زملاء دراسة,,,سهرة الشروق بتلمع فى 2 من الوزيرات ,,وعزة الله فى ملكو ناس اسماء ومهيرة وبت طلحة,احق بهذه الوزارات ,,,لكن لانه بنات فلان ومن القبيلة الفلانية,,,تصورى واحدة بتحكى كيف تلقت خبر انها صارت وزيرة,,وهى فى مناسك العمرة ومتوجه الى المدينة,,اها نحن زى الموقف دا عملناه عشرات المرات ,,ربنا يتقبل بس مافى زول اتصل علينا وبشرنا باننا قد اخترنا لمنصب وزارى,,,
حبيت اوضح الطبخة لان الموضع اخد طابع الجد والدنيا رمضان,,وبعدين صاحبى علاء نفسو ما فيه كده لى ,,لكنه قرب من ان يكون وزير
لذلك اعزرونى لو كذبت عليكم الدنيا رمضان,,,
تقبل الله صيامكم وقيامكم,,,وكل سنة وانتو طيبين
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: abuguta)
|
الاعزاء الجميلين
على الحلاوى,,,,احمد موسى,,,,,طارق احمد,,,علاء الدين,,,,
نيو سودانى,,,,العوض الطيب,,,خليل الهلالى,,,عاصم فقيرى
د. محمد بابكر,,عبد الله شمس الدين,,,شبيكة,,عبد العظيم احمد
هشام ابراهيم,,,د.انور احمد,,سيف النصر,,صديق الموج,,,,
اسماء الجنيد,,امير مصطفى,,,نازك الطيب ,,خالد فهمى,,,د.مهيرة
اسامة عبد الجليل,,حسين ملاسى,,,محمد فرح,,,عمار عبد الله,,
خالد المحرب,,, اتمنى الا اكون نسيت احدكم
جميعا بقولكم رمضان كريم,,,وآسف حد الزعل على نفسى
ما كان لى ان اطرح الموضوع بهذه الطريقة,,انا شايف انى غلطت وكذبت على اعز اصدقاء,,
اجلهم واحترمهم ,,,امسحوها لى فى وجهى,,,,
لكن خلونا نناقش ظاهرة تعين الوزراء الصغار ,,دى معناها شنو
يعنى الانقاذ دى ما حتمشى بقرب,,ولا الحكاية معاندة
تحياتى للجمع
ودمتم
(عدل بواسطة abuguta on 08-22-2010, 08:21 AM)
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: abuguta)
|
أخي / أبوقوته تحياتي
إنه الوطن .. عندما ينادي الوطن يجب أن نلبي النداء ... لو لم تكن أنت فيها لجاء آخر قد لايستحقها ... ضع نصب عينيك ما يمكن أن تقدمه للوطن واهله الطيبين لأننا لو تابعنا السياسة والألوان السياسية لن تتقدم بلادنا على الاطلاق ... هي خطوة مقدرة من الحكومة أن بدأت تفسح المجال لغير مواليها ... لاترفض أبدا وكن داعما لتلك الخطوة فربما غدا آخر غير موالي وبعد غد آخر وفي النهاية تصبح البلد محكومة بالكادر القومي ... أتمنى ذلك من كل قلبي .
ثم أن تأهيلك وقدراتك هما من جلبا لك هذه الوظيفة حسب قراءتي لما كتبت وأنت مواطن ومن حقك وظيفة تتناسب مع مؤهلاتك .
المهم أن تكون سندا لوطنك وعونا لأهلك وأمنياتنا في هذا الشهر الفضيل تبتهل لله تعالى أن يكتب لك التوفيق وللوطن التقدم والاذدهار ومقدما أقول ألف مبروك
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: عبدالدين سلامه)
|
ابو قوتة
رمضان كريم
| Quote: لذلك اعزرونى لو كذبت عليكم الدنيا رمضان,,, |
ياخي حالتنا اسي بنجهز في ال C.V تقول كضبت عليكم
| |
|
|
|
|
|
|
|
|
|
Re: خبر صاعقة,,,لقد تم اختيارى,,, وزير دولة ,,,بوزارة الاتصالات,, (Re: بكري عباس علي)
|
ابوقوته
سلامات
ورمضان كريم
يا عزيزى اولا الناس ديل ما شبهك...........
وبعدين ترضى لنفسك تتيس ويصرف عليك توجيهات واوامر من شخص او اشخاص ليس لديهم علاقة بتخصصك غير انهم اصحابى الجلد والراس وانت من المؤلفة قلوبهم؟
| |
|
|
|
|
|
|
| |
abuguta
Ahmed musa
علاء الدين يوسف علي محمد
khaleel
Asim Fageary
د.محمد بابكر
عبدالله شمس الدين مصطفى
SHIBKA
عبد العظيم احمد
Hisham Ibrahim
صديق الموج
اسماء الجنيد
امير مصطفى احمد
Nazik Eltayeb
khalid fahmi
مهيرة
أسامة عبد الجليل
Hussein Mallasi
محمد فرح
عمار عبدالله عبدالرحمن
خالد المحرب
عبدالدين سلامه
بكري عباس علي
فيس بوك
تويتر
انستقرام
يوتيوب
بنتيريست