الكاملين التبش ب 17 .. ابتهاج .. دفوف .. زغاريد .. رقيص شديد

Quote: التبش فى لسان السودان يعنى الدردقو البري منه يسمى فقوس

Quote: وردت أنباء إنو غدوة الحمام دي ح يسجلوها في موسوعة جِنيس بزار للأرقام القياسية

Quote: المؤلفة قلوبهم كتاااااااااااااااار يا حبيب نورة خليهم يصلوا الغريق قدام بعد اللتهام حمام الكاملين والجميعاب لومك بي مواهب دي ذاتها بتقلب سياسة ومابتشوفها في بوست غاغا تاني

Quote: الصادق

Quote: انا و مواهب دى ممكن نمشى لاهاى بالصورة دى

Quote: مريخ حلو * مريخ يشرح القلب ويبسط الخاطر. * هذا أبسط وصف لما قدمه المريخ أمام أهلي دبي في لقاء الأمس. * عاد الحبيب المنتظر من بعيد، وقدم مباراة ولا أحلى، أفرحت قاعدته الكبيرة في الإمارات، وأكد بها أنه يمتلك ذخيرة جيدة من اللاعبين القادرين على التألق متى ما وجدوا التوظيف السليم وتمتعوا بالرغبة في الإجادة. * تأخروا بهدفين فأجادوا وتعادلوا، وأهدروا ركلة جزاء وعشرات الفرص. * والأجمل من ذلك أنهم قدموا عرضاً ساحراً، بأداء منظم اختفت فيه أخطاء التمرير الساذجة، وميزه التركيز العالي، والرغبة العارمة في تعديل النتيجة رغم التأخر بهدفين. * قبل أن نشكر كروجر لابد أن نحيي أبوعنجة الوفي بعد أن بذل مجهوداً كبيراً لتهيئة اللاعبين نفسياً وبدنياً. * ثم أتت اللمسة الألمانية من مدرب قدير يعرف قدرات لاعبيه جيداً، ويجيد التعامل معهم بامتياز، بدليل أنه لم يتأخر في تعديل طريقة اللعب إلى 2:4:4 على الفور فبدا بها المريخ أجمل وأكمل وأمثل وأفضل. * ونشيد بهنو الذي شكل دخوله نقطة تحول كبيرة في المباراة، بتسببه في ركلة الجزاء، وتسجيله هدف التعادل الجميل، بعد أن سبقه النفطي بتسجيل هدف معلمين. * من سلبيات المباراة استمرار اهتزاز مرمى المريخ من الضربات الثابتة، وغياب التغطية الدفاعية قبل الهدف الثاني بعد أن نجح رمزي في صد تصويبة أحمد خليل القوية. * تخوفنا جميعاً من مشاركة المريخ في دورة دبي، لكنه استفاد منها بارتفاع المردود وعودة الروح. * ونعتقد أن الألماني كروجر لن يجد كبير عناء في إعادة ترتيب بقية أوراق الفريق، ليقدم الأحلى بعد العودة، على سعياً إلى تحقيق الثنائية وإعادة حصد لقبي الدوري والكأس. * جاءت التشكيلة منطقية والتبديلات واقعية، ومنحت الفرقة الحمراء قوة دفع كبيرة، مكنتها من العودة لأجواء المباراة وتعديل الكفة بعد التأخر بهدفين سريعين، ولولا سوء الطالع لأنزل المريخ بالأهلي هزيمة ساحقة. * قدم المريخ أمس واحدةً من أروع مبارياته في الموسم الحالي، وبدا قوياً ومنظماً بلمسة التدريب الألمانية والتي جعلته يتناقل الكرة برشاقة، ويصل إلى مرمى الخصم بسرعة وتركيز، ويقاتل لاستعادة الكرة بروح معنوية عالية، ويرفض الاستلام للخسارة، وينجح في تعديل النتيجة بكل شراسة. * فرحت جماهير الجالية السودانية بالعرض الجميل، وحيت اللاعبين وحملت المدرب على الأعناق. * القادم أحلى مع كروجر بكل تأكيد.

Quote: النقطة..ولا صمة الخشم ناس الهلال ديل ...بتموها (بركة). ناس ما شاءالله. بشة يجيب في (النقاط الثلاثة)...وخليفة يجيب في (الكاسات). فريق الهلال مشي الامارات وهو في مرحلة الاعداد ولعب امام اندية الامارات وهي في مرحلة تنافس. الهلال مشي جاب ليه (كأس). هيع. نعمل ليكم اكتر من كدا شنو؟. جبنا كأس (عيد الحب). انتوا يا الهلالاب ما بتفوتوا حاجة...عيد الحب عملتوا ليه (كأس). خليفة فلانتاين جاب ليه براه كأس من الامارات. ناس المريخ وهم بيلعبوا في الدوري الممتاز بعد ان طلعوا من كأس الاندية الافريقية وكأس الكونفدرالية مشوا الامارات ولعبوا امام اندية الامارات وهي في مرحلة الاعداد. ناس المريخ جابوا ليهم (نقطة). الهلال يمشي الامارات وهو في مرحلة اعداد بجيب ليه (كأس)...وناس المريخ بمشوا الامارات واندية الامارات في مرحلة اعداد ..بجيبوا ليهم (نقطة). نقطة ...لو جمال الوالي ما (اتنحي) النقطة دي ذاتها ما بتجيبوها. احمدوا الله عليها. هسع (نقطتكم) دي يوزعوها ليكم كيف مع اجانبكم ديل. سبعة اجانب ونقطة واحدة. وارغو (5 مليون دولار)..رمزي صالح (2 مليار جنيه سوداني)...المرابط (مليون دولار)...مهدي بن ضيف الله (مليون دولار)...كاسروكا 500 الف دولار ولوح تلج. لوح التلج هسع ذنبو شنو؟. لوح التلج الدخلو هنا شنو؟. لوح التلج دا عشان في ناس كسروا (تلج) كتير لي كاسروكا عشان يتسجل في المريخ. ولاسانا ...والنفطي...عيييييك. ونقطة واحدة. لكن برضو (النقطة) احسن من (صمة الخشم). علي الاقل (النقطة) دي مرقتكم من ان تكونوا (طيش) لبطولة ودية. فرقكم من الطيش نقطة. وفرقكم من البطل 5 نقاط. انتوا قصة المريخ مع (النقطة) شنو؟. الموز ابو النقطة بنعرفو ...لكن (الوصيف ابوالنقطة) دي اول مرة نسمع بيه. النقطة مالها ..عيبوها لي. النقطة بتحصل في ارقي العائلات. المريخ دا مرة مشي شارك ليه في بطولة عربية فيها 12 ناديا وجاء المريخ راجع من هناك بي (نقطة). رغم ان المريخ شارك مع اندية في تلك البطولة من اليمن وعمان وفلسطين. مع ذلك رجع من هناك بي (نقطة). المريخ مشي الامارات ...جاء راجع بي (نقطة). نحن رجعنا بي (كأس). الغريب في كدا شنو؟...المريخ دا مشي مدني ما رجع ليه باكتر من (نقطة). لن يصرف لكم غير (نقطة) واحدة. نحن مشينا ليبيا جبنا لينا 3 نقاط. عليكم الله ...يا ناس المريخ في (الخريف) دا ترجعوا بي (نقطة). يمكن عشان وارغو. وارغو ذنبو شنو؟. وارغو دا موش عندو مشكلة في (النقطة). وارغو رفض (يتجلد). الحاجة الغريبة بالجد ...المريخاب فرحانين بي (النقطة). قالوا المريخ رجع ...ولعب كورة ...والاهلي الاماراتي كان لاعب 50 دقيقة ناقص لاعب. مع ذلك الجماعة احتفلوا بي (النقطة). نقطة يجبها (هنو) شن طعمها. الكورة دي فعلا (مجنونة). فيصل العجب يضيّع ليه (ضربة جزاء) ..وهنو يجيب ليه (قون). هانت الزلابية. بالطريقة دي ممكن (احمد الباشا) يبقي هداف الدوري الليبي. ووارغو ذاتو يكون فكر يحترف في الدوري الهولندي. وارغو دا لو احترف في (هولندا)...(بقر) هولندا بضرب. تاني ما بتلقوا ليكم (لبن). زول من جابوه شغال (تطفيش). تقول عقدو مضاه مع (الكشافات). هسع الكشافات ذنبها شنو؟. انتوا يا مريخاب (مهدي بن ضيف الله) دا جايبنو من وين؟. برضو قاعد يطوفش. جنس (طفشنة). مهدي دا يعطوها ليها في كراعو يطفشها. يجيبوها ليه في رأسو ...برضو (يطفشها). طول في الفاضي. جنسية منها العوض وعليها العوض. الكشافات ..لقت ليها (مهاجم) طائش تاني. وارغو ومهدي بن ضيف الله ...(شبهينا واتلاقينا). هنو مع الجماعة (الشتر) ديل بقي (هداف)...بقي يجيب قون. بقي احسن زول. هنو ما في احسن منو. انتوا (هنو) ليه ما طلع في (التربيزة) وقت جاب قون التعادل في الاهلي الاماراتي. يعني يا هنو انت إلا تجيب قون في (المريخ) عشان تطلع في (التربيزة). لكن بيني وبينكم ..قون (هنو) دا ما عاوز ليه (تربيزة). ما بستحق. ما بستحق كيف...دا يستاهل يطلعوا ليه في (سقالة) عديل. كروجر رجع بي (نقطة). كروجر كمان فرحان بالنقطة. ما يفرح كيف ..وهو سنة ونص قاعد ساكت. في السنة ونص دي قالوا ليك (كروجر) ما في زول هببوا. ما في زول اشتغل بيه. يا كروجر انت المريخ دا لو ما رجع ليك ...بتقعد عشر سنوات ...ما في زول بمشي عليك. عشان كدا ليك حق تفرح بالنقطة. ميشو دا من يومو بضرب فوق. زول صعب. انا خايف ناس المريخ يجنسوا (كروجر)...يطلعوا ليه جنسية (صربية) عشان يستعدل. نحن خلينا المدرسة البرازيلية قبلنا علي المدرسة الاوربية ...ناس المريخ خلوا المدرسة البرازيلية رجعوا للمدرسة البرازيلية. الضل اصلو كدا. هسع بكونوا بفكروا يطلعوا ليهم (بيان). نحن بيان هيثم مصطفي خلانا نلعب كورة زي (الفستق). بشة ما شاءالله عليه تقول بيلعب في الدوري الاسباني. وخليفة تقول جابوه من الدوري الايطالي. وميشو ...حاجة ما تخلص. ميشو مشي مصر اتعادل مع الاسماعيلي وفاز علي حرس الحدود. ميشو مشي زيمبابوي فاز علي كابس بثلاثية. ميشو مشي مدني فاز علي جزيرة الفيل التي تعتبر من افضل اندية الممتاز هذا الموسم. ميشو مشي ليبيا فاز علي الاتحاد الليبي الذي لم يخسر علي ارضه 6 سنوات متتالية. والله ...ما شاءالله. يا ميشو (المشونة) البتعمل فيها دي ناس (الوصيف) ما بفهموها لينا. ناس المريخ ديل حاجة تفوت (الطابق التاني) ما بفهموها بالساهل. بس عاوزين لينا (مجلس ادارة). ناس المريخ ..هسع تلقاهم بيسألوا الله (الفيفا) تجمد النشاط الرياضي في السودان. المريخ املو الوحيد الموسم دا ...(الفيفا) تجمد نشاط السودان. ناس الهلال بالطريقة دي بجيبوا ليهم (بطولة). خليفة مشي الامارات جاب ليه (كأس). نحن السنة دي قاعدين لينا فوق رأي. ملحوظة : ناس المريخ قولوا ليهم السنة دي ركزوا في (اغاني واغاني)...الكورة خلوها. هوامش الهلال بدون مجلس ادارة قادر ومجلس ادارة محترم لن يحقق أي بطولة. المريخ مازال يمارس الهروب من (الامل). في الموسم الماضي واجه المريخ الامل في مدينة (بورتسودان) مع ذلك خرج المريخ بنقطة واحدة بعد ان سجل قلق هدفا بيده. السنة دي عملوا الحيلة (البطولة الودية). هربوا في الامارات. الامل كان يمشي يعسكر في (الامارات)...عشان ناس المريخ يفهموا حاجة. يفهموا شنو اكتر من كدا. دي جرسة عديل. لكن بتمشوا وين؟. الامل في الانتظار. الله يستر علي (كشافات) استاد عطبرة. ناس عطبرة لو شافوا (مهدي بن ضيف الله) بطوفش في الكورة كدا بسحبوا منو (الجنسية). ناس عطبرة صعبين. وعندهم وطنية. ناس عطبرة بياكلوا ( حجر الزلط). فاروق جبرة مسكين ..ح يرجع الي (جزيرة الفيل). فاروق جبرة من (جزيرة الفيل) الي (الجزيرة العربية). يا زول ارجع لجزيرة فيلك احسن ليك. كروجر بستمر مع المريخ 45 يوما. في حد براهن. فوق الـ 45 يوما ..ما بقعد. انتوا ذاتو ما بتستحملوا. من المنتظر ان يكون الهلال لعب امس امام بطل الكاملين. ومن المنتظر ان يكون (بكري المدينة) تألق في مباراة الامس بصورة لافتة. وبكون ان شاءالله سجل اكثر من قون. بشة في رمضان ما (بصوم) من الاقوان. خبر عاجل : وابقوا في الانتظار.

Quote: حمدلله على السلامة يا الصادق من معركة المغيرات عصرا كررىىىىىىىىىىىىىىىىى تحدث عن رجال كالاسود الضارية

Quote: ياخ 17 مرة الكرة فى دائرة السنتر فى اروع من كدا ...

Quote: سادومباابو تسعة قرر يغسل دولاراتو فى الكاملين و ما جاورها قلبى على سنار

(عدل بواسطة yasir Abdelgadir on 08-22-2010, 11:55 PM)

Quote: الاخت/ مواهب شايفك طنشت الاشارة الى "فريق الاعمال الحرة"!!!

(عدل بواسطة mwahib idriss on 08-22-2010, 02:17 PM)

Quote: اسد على الزرزور

Quote: ما فى طريقة دك تجدع بايظ بس و ما فى ليك فتوح

Quote: الاخ/ تمبس. ليته يستجيب

Quote: و ذلك يتطلب تدخل اممى تحت المادة السابعة