|
الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف]
|
في حلقة اليَوم 20/08/2010م مِن مُسلسلِهِ [تصانيف] الذي يُذاع على القناة القطرِية بعد الإفطار مُباشرةً ، كانت الحلقة تتحدث عن الفساد في الوطن العربي ... وضربت الحلقة بِجامِعة الدُول العربية مِثالاً لِلفساد المُستشري ... تدور أحداث حلقة اليَوم (الجُمعة 10 رمضان) في إحدى إجْتِماعات جامِعة الدُول العربِية ، فتواضع مناديب دُول الجامِعة العربِية على مُكافحة الإرهاب ، طلبوا أفلام قصيرة تحكي عن الإرهاب بِميزانِية قدرها 8 مليون دولار ... فتصدى لِتأليف وإخراج هذِهِ الأفلام تاجِر قطاعي (الفنان عبدالعزيز جاسم) وصديقهُ (غانِم السليطي) وحتى يرسى العطاء على شركِة تاجِر القطاعي أنشأ شرِكة وأطلق علَيها إسم تونا للإنتاج الفني ... إضطر صاحِب الشرِكة (الفنان عبدالعزيز جاسم) أن يرشي مناديب الدُول العربِية بِما قيمتهُ 3 مليون دولار. وفي إحدى لقطات الحلقة ، دار حِوار بَين الفنان عبدالعزيز جاسِم (تاجِر القطاعي) وبَين شقيقتِهِ (مُمَوِله الأفلام) عن مشروعِهما (الأفلام التي تُكافِح الإرهاب) بعد أن رست مسؤولِية إنتاج وإخراج الأفلام على شرِكتِهما (شركة تونا للإنتاج الفني) وقال بِما معناه ، أن رشاوي مناديب دُول الجامِعة العربِية كانت بَين 40-50 ألف دولار لِكُل مندوب ، أما السودان وجيبوتي فقد قبِل مندوبِهِما بِألف دولار فقط .
هِذِهِ إهانة تُضاف إلى كم الإهانات التي نتلقاها كُل حين مِن العرب ... وأتساءل إلى متى؟ أرى أن نتصدى لِهِذِهِ الإهانات بِتعريف العرب بِفضل السودان على البَيضان ... فإن لِلسودان أَيادي بَيضاء في الخليج العربي ، لابُد مِن إظهارِها ... أن السودان كان منارة عِندما كانوا عرب الجزيرة في ظلامٍ دامِس ... لابُد مِن إظهار هذا الأمر ، لأن هذا مِن الوطنِية ... ومِن جانِبٍ آخر لِيعرِف أبناءُنا مِن هُم ، فلا يستصغِروا أنفُسهُم أمام الخليجِيين
|
|
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: فدياس نجم الدين)
|
شكراَ عزّام ،،
المفروض بكرة دى يوم السبت وزير الخارجية يستدعى سفير قطر فى الخرطوم ويقدم إحتجاج رسمى بإسم السودان والسودانيين ،، ولا نريد أن نسمع مقولة : إجتمع وزير الخارجية بسفير قطر فى الخرطوم وتناولوا مجمل الأمور العربية والعالمية وقد كانت وجهات النظر متطابقة ،، لا نريد أن نسمع مثل هذا الكلام ،، نرجو أن يكون الـ Release للصحف ووكالات الأنباء واضحاَ وصريحاَ .
وعلى مندوب السودان فى جامعة الدول العربية أن يطلب إجتماع غير عادى لمناديب الدول ويقدم إحجاجاَ رسمياَ بإسم جامعة الدول العربية .
غير هذا الأمر فإن مثل هذه الإهانات ستستمر إلى أبد الآبدين .
ماهر
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: Mahir Mohammed Salih)
|
Quote: المفروض بكرة دى يوم السبت وزير الخارجية يستدعى سفير قطر فى الخرطوم ويقدم إحتجاج رسمى بإسم السودان والسودانيين |
الأخ ماهر محمد صالح .. سلامات ورمضان كريم. لا علاقة لسفير قطر بما تنتجه شركات الإنتاج الإعلامي الخاصة حتى ولو كانت تبث ما تنتج في تلفزيون قطر الرسمي. ثاني هام: قطر مغرقة السودان ومعارضيه في خيرها. وتقوم بمساعي حميدة لرأب الصدع المتمثل في دار فور. ووعدها بضخ 3 مليارات دولار أميركي لإعمار دارفور لا تعادله مهاجمة سفيه قطري يعمل ممثلاً في التلفزيون للسودان. كل من عنده مدخل للصحف القطرية ورابطة الصحفيين السودانيين بدولة قطر عليهم التصدي لهذا الأمر. فليمسحوا بكرامة صاحب الموضوع الأرض. ويجب أن تتجاوب معهم الصحف التي يعملون بها. وإذا رفضت الصحف فما عليهم إلا التقدم باستقالاتهم وترك العمل الصحفي في قطركلها، أو القبول بالأمر الواقع لأن معيشتهم – بعد الله- عند أولئك القطريين. رابطة الصحفيين القطريين والجالية السودانية الما فاضية من دعوات ندى القلعة ونانسي عجرم هم الآن تحت المحك ليثبتوا من هم وما هم؟ إن كانوا مهمين فعلاً كما يدعون فليوقفوا الإعلام القطري على رِجل واحدة وإلا ما يخوتونا بالكلام الفاضي. وما ننسى بورداب قطر .. بدل الفطور الفي فندق إيش ما أعرف.. أجمعوا حق الفطور وأعملوا إعلانات تجارية مدفوعة القيمة ضد الممثل والمنتج والتلفزيون القطري ذات نفسه. أفرضوا وجودكم واجعلوا التلفزيون القطري يستضيف المتحدثين منك ويعتذر لهم التلفزيون ومن بعده الممثل والمنتج والمخرج. ولو دي ما بتقدروا تعملوها خوفاً على الريالات ما تعملوا لينا خوتة دماغ ساكت. خليكم خاتين الخمسة في الاثنين. وأرجوا ربكم الكريم. تحياتي ورمضان كريم.
كبـّـاشي الصـّـافي
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: محمد الامين احمد)
|
عزام، علك بخيـر والشهـر امبارك عليك..
حسب السرد الاول فإن الموضوع عن الجامعـة العربية ومناديبها (الفاسدين)، فلا أدرى من اين جاءت إهانة الســـودان؟
ثم ان موضوع الإهانة بالفسـاد هنا عكسى وليس طردى، بمعنى كلما كانت الرشوة أقل كلما يعنى ذلك أقل فسـادا أو أن الجهـة المرتشيـة حديثة عهـد بالفساد ولا تعرف كيف تساوم، وهـذه فى إعتقادى فضيلـة على الاخرين المتمرسين فى الفسـاد.. يعنى لو أصر مندوب الســودان على 100 الف دولار لأثبت انه أكثر فســادا من الباقين.. فهل نريد أن يتقدم الســودان الدول العربية حتى فى الفســاد!.. ولو الإتهام بالغشـامة والسذاجـة، فهاتان فى هـذا الموضع بالذات فضيلتان.
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: Zomrawi Alweli)
|
Abureesh كيف حالك؟ علك طَيِب ... تصوم وتفطر على خير
Quote: عزام، علك بخيـر والشهـر امبارك عليك..
حسب السرد الاول فإن الموضوع عن الجامعـة العربية ومناديبها (الفاسدين)، فلا أدرى من اين جاءت إهانة الســـودان؟
ثم ان موضوع الإهانة بالفسـاد هنا عكسى وليس طردى، بمعنى كلما كانت الرشوة أقل كلما يعنى ذلك أقل فسـادا أو أن الجهـة المرتشيـة حديثة عهـد بالفساد ولا تعرف كيف تساوم، وهـذه فى إعتقادى فضيلـة على الاخرين المتمرسين فى الفسـاد.. يعنى لو أصر مندوب الســودان على 100 الف دولار لأثبت انه أكثر فســادا من الباقين.. فهل نريد أن يتقدم الســودان الدول العربية حتى فى الفســاد!.. ولو الإتهام بالغشـامة والسذاجـة، فهاتان فى هـذا الموضع بالذات فضيلتان. |
خلو السرد حقي ، هدا الفيديو بِصمه خشمو جلبوهو ليك ، وهاك السيناريو الورد فوقو إسم السودان : - (عبدالعزيز جاسِم) ههههه اليعجبونك مندوبين السودان وجيبوتي ، ألف دولار ووافقو ، مساكين ههههه - (المُمثِلة) مساكين
هسِع الضحكات القبلِية والبعدِية ألات عبدالعزيز جاسِم دي نبلعا ساااي كَدي ... والله إنتو يا مُسغفين الواحِد معاكُم إحْتار ، كلامك يا أبو الريش ( الإقتباس أعلاه) فوقو جِنِس تِنِطِعْ غايتو ... دخلت بِحمد ومرقت لينا بِخوجلي ... ده كلو علشان عاوِز تثبِت شنو يعني؟ اللفه الطويلة في تحليل وتفكيك حِوار المُمثِل الغاية مِنو شنو؟ والبِرتشي بِريال عِندك أحسن مِن البِرتشي بِألف رِيال! البِرتشي بِريال أحقر مِن البِرتشي بِألف رِيال ، ده فهمي ... وفهم البشر الفوق ديل الإتْداخلو في ها العمود ...
إنت عارِف يا أبو الريش في مرات كَدي الواحِد وِكْتين يِشوفلو عمود في ها المنبر ، بعد ما يفتحو ، حقو يِقرا المُداخلات ، يِمْكِن بعضها تعفيهو مِن تداخلو ... يعني يِبْقولو الناس فرض كِفاية ... ومرات بِكون الزُهد في إبداء الرأي أخير ... ومرات بِكون سُكوتو جريمة وتمَويه مَوقِف ... ومرات مُداخلة ترجِع الناس لِلحق ... ومرات الماسنجر ببقى للزول مندوحه ...
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: jini)
|
jini
Quote: من يهن يسهل الهوان عليه ما لجرح بميت إيلام رحم الله المتنبى يا عزام اخوى جنوب ينفصل دارفور تنفصل وسيتم شتمنا حتى لو آل السودان الى أمارة اسلامية حدودها مقرن النيلين ودار خلافتها مسجد الشهيد! هانت يا رجل لن يتم شتم بلدك لسبب بسيط: لن يكون لنا بلد حتى يتم شتمنا ولو بقى سيسمى دولة فاشلة! هاردل لك يا كابتن تعيش وتآخد غيرها! يا عزام اذا لم نتمسك باجزاء عزيز من وطننا ونعتبر نفسنا المرجعية فيجب ان سنعد للتبعات! جنى |
سُبحان الله هسِع الدخل إنْفِصال جنوب السودان بِسيناريو المُسلسل التِلِفِزيوني شنو؟ أصلو لو الإنْفِصالات بتجيز شتم الدُول ، حقو نشتِم أرتريا ونشتِم جيبوتي ونشتِم باكِستان ونشتِم بنغلاديش ونشتِم ناس البوسنة ويوغسلافيا ونشتِم روسيا ... ياخ ما تلخبِت أب قِرِش مع أب قِرشين ساي ... وحتى لو كلامك ده صاح ، يعني ظنك مؤلِف المُسلسل كان قاصِد المعنى ده ... أنا لامِن أقول ليك : أديت أحمد وعلي وعُثمان رشوة ألف جنية وعُمر قِبل ههههة بجنية واحِد بس ههههه مسكين ... السِياق ده بِكون وضع عُمر شنو؟ سُبحان الله يِشتُمونا نقول عُمر البشير السبب ... نأتي بِالموبِقات نقول الشيطان ... أها نِحنا بِتين عاد بِنْدرِع فوقنا العِله؟
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: عزام حسن فرح)
|
معاوية الأرباب
Quote: رحم الله امرء أهدى إلينا عيوبنا أعتقد أن المؤلف على إطلاع بترتيب السودان على مقياس الفساد والشفافية لا تنسوا أن ضابط الأمن بمطار الخرطوم إبان عملية نقل الفلاشا كان قد طلب دراجة هوائية ثمنا لصمته , مما أثار ريبة الموساد يومئد . لا أتفق مع من يقول بطردية العلاقة بين مبلغ الرشوة واستشراء الفساد فالعكس هو الصحيح , فقلة مبلغ الرشوة يشير إلى كثرة البدائل , وتفوق العرض على الطلب . |
على كِده [راغِب علامة] ليهو حق إنو يقول [أقبح النِساء نِساء السودان] بِكون إطلع على الجمال السوداني وقارنو بِالجمال اللِبناني ... نِحنا لامِن غضبنا بقا في ها القول ما كُنا بِنعايِن لأنف نِساءِنا المُنْبهِله فوق شلاليفِن ، أكان غضبنا إنو السودان جا ذِكرو في معرض تريقه وقِله أدب
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: jini)
|
عزام يبدو انو رمضان ده جهجهك وجهجه منصات الاستماع لديك
تاموضوع عادى وما فيهو ما يخدش الحياء العام وده زاتو عينك فى الفيل تطعن فى ضلو ...
اولا هو ما فى سياق المسلسل ما جاب سيره السودان لوحدو
تانيا القائل عبد العزيز جاسم ما غانم السليطى
يعنى شلت حس الراجل ساكت فى بوستيك ده بعدين لم يفرز بل جمع الكل كل الدول العربيه تالتا رمضان كريم ودى معركه فى غير معترك يا عزام اخوى
شوف معارك مهمه خوضه غير عبد العزيز جاسم ده والغرض هو كان انو اراد ان يشتغل الخليجيين بان الحياه عندهم غاليه عشان كده طلبو زياده بمعنى انه يفتكر الحياه فى السودان رخيصه عشان كده الف دولار قبلو بيها ...
هوى الخلا ده علو جننك يا عزام اخوى ......كبدتنا فى ولا كملت حتو .
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: عزام حسن فرح)
|
Quote: السَيِد الدِكتور / محمد إبراهيم الشوش (المُلحق الثقافي بِالسفارة السودانِية - قطر) |
إلى استاذي محمد إبراهيم الشوش: ندافع عنك بالحق ومرات بالباطل فلا تخيِّب ظننا فيك. إنهم يعرفونك منذ زمن مجلة الدوحة التي رفعتها لهم من الحضيض وجعلتها في مستوى مجلة العربي الكويتية. نطالبك أن تتفرغ لهؤلاء الشرذمة من الراسبين خليجياً، لأنهم لو كانوا من ذوي العقول في قطر لأصبحوا إما أساتذة في الجامعة القطرية أو ناشطين في سوق المال والأعمال. ولكن ليستروا فشلهم في مناحي الحياة تطاولوا على السودان. فإن كنت تقدِّم صداقاتك وعلاقاتك القديمة والجديدة وتتعامل مع إساءة الوطن بالطرق الدبلوماسية فنرجوك ترجّل عن المنصب لأنك أكبر قامة من المنصب. فبك يتشرف المنصب وليس العكس. لو لم نسمع لك صوتاً فسنحصل على عنوانك المباشر ونخاطبك ونتهمك بالتفريض في كرامة الوطن ومواطنيه وعلى أقل تقدير زملاءك الدبلوماسيين. نحن في الإنتظار. وبالله التوفيق.
كبـــّـاشي الصــّــافي
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: عزام حسن فرح)
|
Quote: رابطة الإعلاميين السودانيين بدولة قطر
و السادة : مُشرِف صفحة السودان بجريدة الراية القطرِية مُشرِف صفحة السودان بجريدة الوطن القطرِية
والسادة : بابِكِر عيسى (جريدة الراية القطرِية) هاشم كرار (جريدة الوطن القطرِية)
|
إلى جمهرة الإعلاميين الواردة اسماءهم وصفاتهم أعلاه.. رمضان كريم .. تصوموا وتفطروا على خير. أهلنا يقولون: (اليتيم ما بوصوه على البكاء). فأنتم يتامى الإساءة القطرية من شرذمة الفاشلين. الذين لم يجدوا أن يداروا فشلهم ويفشوا غبينة ضياعهم وضياع الفرصة القطرية من أمامهم إلا في شعب السودان المسالم الكريم. (الطيِّب على رأي المصريين). أنتم أهل البكاء والبكاء بحرروا أهله. لا أظن أنني في مكانة أوصيكم منها على أن تتقوا الله في السودان وشعبه. نرجوكم لا تخلطوا بين السودان الدولة والحكومة. فالحكومة إلى زوال والسودان الوطن الغالي باق ما بقيت الشمس تشرق من الشرق. ما هو دوركم يا رابطة الإعلاميين السودانيين بدولة قطر إن لم يكن الدفاع عن السودان وشعبه من أمثال الفاشلين الجاسم والسليطي. أقول عليهم: (الذين فشلوا في لعب دور مهم في حياة قطر.. فلجأوا لتمثيل دور الشعوب في هامش حياة قطر). فهم من ينطبق عليهم القول: المنبت لا أرضاً قطع في قطر ولا ظهر صداقة أبقى مع أطيب شعوب المنطقة وأكثرهم سلماً. إلى مشرفي صحفة السودان في جريدتي الرأية والوطن نريد أن نرى طحناً في صفحتيكم .. ولو كان ذلك على حساب وضعكما.. فالسودان أهم وأكبر من وظيفة رئيس قسم في صحيفة حتى ولو كانت تلك الصحيفة هي لوس أنجلوس تايمز. دوركم تحريض زملائكم القطريين ليكتبوا أي تستكتبوهم ضد هؤلاء المفترين ولن يبخلوا عليكم وعلى السودان بذلك لما لمسوه فيكم من دماثة خلق وطيب معشر. إلى أخي بابكر عيسى لا أملك إلا أن أقول لك القولة الكردفانية الشهيرة: (الما بشيل التار أبوه ح....) ولن أزيد لأنني أعرفك أكثر من الآخرين. في الختام أرسلوا لنا عناوين بريدكم الإلكتروني لنرسل للصحف مباشرة ونحن لا نحتاج قطر فلا حج فيها ولا عمرة.
كبــــّــــاشي الصــــّــافي
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: عزام حسن فرح)
|
Quote: أما السودان وجيبوتي فقد قبِل مندوبِهِما بِألف دولار فقط . |
الأخ عزّام سلامات إنت زعلان ليه؟ هل لأن مندوب السودان طلب رشوة أم مبلغ الرشوة صغير. في الحالتين مش مفروض تزعل وتتجه بالموضوع إتجاهاً آخر. في الأولى: الرشوة في السودان موجودة ومقننة. وما تلك الفتوى ببعيدة عن الأذهان. وفي الثانية: فعلاً مبلغ ألف دولار قليل جدّاً. لو كنت مكان مندوب السودان لقلت للعربي المنتج ما عنديش مانع بس لازم تدفع لي مليون دولار وإلا بلاش. وقت الواحد ينباع الأفضل يكون ثمنه كبير. فخلِّي أعصابك في ثلاجة وما تفجر ليك عرق في راسك وتلحق امات طه أونطة يا صديقي العزيز. تحياتي.
كبـّـاشي الصـّـافي
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: عزام حسن فرح)
|
Quote: أرى أن نتصدى لِهِذِهِ الإهانات بِتعريف العرب بِفضل السودان على البَيضان ... فإن لِلسودان أَيادي بَيضاء في الخليج العربي ، لابُد مِن إظهارِها ... أن السودان كان منارة عِندما كانوا عرب الجزيرة في ظلامٍ دامِس ... لابُد مِن إظهار هذا الأمر ، لأن هذا مِن الوطنِية ... ومِن جانِبٍ آخر لِيعرِف أبناءُنا مِن هُم ، فلا يستصغِروا أنفُسهُم أمام الخليجِيين |
الأخ عزّام وكل الموجودين بقطر من البورداب والصحفيين ورؤساء الجالية ومشجعي الهلال والمريخ. عليكم فرض عين وليس فرض كفاية ما دمتم تعرفون الكتابة أن تهاجموا كل من عبد العزيز الجاسم وغانم السليطي وممولة الفلم المقترحة المفترية... هجوماً لا هوادة فيه. وعلى من يعرفون شيئاً عن النقد الفني عليه نقد المسلسل نقداً فنياّ موضوعياً. أما حكاية تعريف العربان بفضل السودان فلا يحتاج لمجهود فهو بائن بينونة كبرى أمامهم ولا ينكره إلا مكابر، وأنا من التلاميذ الذين كانوا يتبرعون بقرش من حق الفطور في ستينيات القرن الماضي لتعليم أشقاءنا في الخليج العربي قبل أن يصبح دول وإمارات. فخيرنا سابق. نعم أخي عزّام كنا منارة ولكنهم لحقوا بنا وتعدونا لأنهم وظفوا ما وجدوه من مال توظيفاً صحيحاً. كما ساعدتهم قلة السكان وصغر البلاد إلى الظهور بمظهر أكبر من حجمهم. وقديما قيل: العندو الحِنّة بحنن ضنب حصانه. وفي رواية أخرى بحنن ..... خلوا اعصابكم هادئة ولا تنفعلوا وتتكرنوا كما يقول السعوديون.
كبـّـاشي الصـّـافي
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: cantona_1)
|
Quote: أن رشاوي مناديب دُول الجامِعة العربِية كانت بَين 40-50 ألف دولار لِكُل مندوب ، أما السودان وجيبوتي فقد قبِل مندوبِهِما بِألف دولار فقط . |
بالرجوع لى لب الموضوع يا عزام لانك اتهمتنى باننى خلطت البصل بالتفاح بالرغم اننى اشرت بعمق الى رايك بفصل الجنوب ولا مانع من دارفور مختصرا السودان فى مثلث حمدى! على العموم بيت الشعر الذى اوردته مستهلا يعبر بصدق عن واقعنا! يا اخى المناديب كلها اترشت وقبضت كل بحجم دخله يعنى عاوز مندوب دولة خليجية يقبض الف دولار بس! طيب يعنى لو مندوب السودان قبض 50000 مافى مشكلة! يا اخى ناسنا باعونا وباعوا ضيوفهم بثمن بخس! طيب يا اخى المناديب ديل حكومات وليس شعوب! جنى
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: عزام حسن فرح)
|
Quote: لعناية السادة الصحفِيين : فَيصل الزُبَير (عضو المنبر) الأمين موسى البُشاري (عضو المنبر) |
إلى العضوين المحترمين الأمين موسى البشاري وفيصل الزبير... تحياتي ورمضان كريم. مع عدم المعرفة ولكني أنطلق من منصة المعرفة المنبرية التي جمعتنا بكما. لا أظن أنني سأكون قد طلبت منكما أن تأتيا لي بحليب العصافير لو قلت لكم: عليكم بمهاجمة هذه الشرذمة القطرية من على صحفهم. سودا الصحف القطرية بالهجوم على أصحاب المسلسل. وتكريس أقلامكما لإثبات أنهم فاشلون. غاطسون في الفشل مما جميعه. في مختصر مفيد أوضحوا لهم يد السودان البيضاء التي امتدت لهم يوم لم يكونوا كما هم الآن وذكروهم بفترة الستينيات من القرن الماضي، قبل خروج بريطانيا العظمى من المنطقة. وليفهموا أن ما يقدمونه الآن إنما هو ردّ لدين قديم مستحق. يعني لا كتّر خيرهم ولا بارك الله فيهم. والذين يعملون في قطر في كل القطاعات لم يتعلموا الصنعة في قطر. بل جاءوا لقطر كبار راشدين يحملون المؤهلات والخبرة التي تجعلهم وتمكنهم من العمل في بقاع الأرض. ليس منحهم العمل لكم صدقة أو كرامة لله ولكن لأنكم الأجدر والأفضل رغم أنف الحاقدين الجاهلين من أمثال عبد العزيز الجاسم وغانم السليطي وأشباههم. فهل انتم أدّها وأُدود كما يقول أبناء النيل ولا فصاحة منبر ساكت ما قاطعة فرقة؟ ولو احتجتم لذخيرة فنحن تحت الطلب. والله الموفِّق. تحياتي
كبــــّــــاشي الصــــّــافي
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: jini)
|
أخونا وحبيبنا حيدر (جني) ...
نحنا واثقين جداً من إنه عدد كبير جداً من (الأجيال السابقة) والأجيال الحالية في دول الخليج بيعرفوا الشخصية السودانية كويس جداً .. وبعضهم بيعترف بأفضال السودان على دولهم وشعوبهم قبل النفط ... وبيستغرب لحالنا النحنا فيهو دلوقتي لأنهم عارفين إنه السودان كان مفروض يكون "سلة غذاء العالم" ... ونحنا مقدرين تماماً للدور البتقوم بيهو الحكومة القطرية لرأب الصدع وحل مشاكل السودان ...
ونحن معترفين فعلاً بأنه الفساد في السودان مستشري في كل أرجاء وطنا الحبيب ... وإنه معظم المسؤولين السودانيين (إلاَّ من رحم ربي)، مرتشين وفاسدين وما عندهم ذمم ... بل معترفين بأنه الفساد منتشر بين المسؤوليين في كل أرجاء الوطن العربي وأفريقيا ... وصدقني لو كان غانم السليطي ساوى بين مندوب الحكومة السودانية في الجامعة العربية، و مناديب بقية الدول في الفساد... أخونا عزام إمكن ما كان فتح البوست ده أصلاً ... لكن الشئ الأثار حفيظة عزام وإستفزاهو (في إعتقادي) هو صيغة وطريقة التعبير عن (مسكنة) مندوب السودان ... وتفاهته ... (حتى في الفساد)، وليه المندوبين السوداني والموريتاني فقط .. لأنه بلادهم فقيرة .. وهم مفلسين ومقطعين .. بس نحنا بلدنا ما فقيرة أبداً والله .. ومواردها لا حصر لها ولا عدد ... لكن الفقر هو فقر وتفاهة نفوس مسؤولينا وطمعهم وجشعهم الوصلنا للحتة دي بين الشعوب العربية والأفريقية ..
ومعلش يا جني .. بس أسمح لي أعتب عليك في الحتة دي ...
Quote: والله المنكم يخت فى خشمة جزمة قديمة ويسكت! |
نحنا ما حنسكت على أيِّ تطاول على المواطن السوداني ... لإنه نحنا السودانيين ما بنسيئ لأيَّ جنسية أخرى ... ونستنكر الحكاية دي بشدة لو حصلت من أيِّ سوداني سواءاً كان مسؤول أو مواطن عادي، تجاه مواطن من جنسية تانية... عشان كده نرفض تمامًا الإساءة لينا كمواطنين سودانيين من أيَّ جنسية تانية (ولا حتى بمجرد التلميح)... ودائماَ وأبداً بنتعامل مع الجنسيات التانية بإحترام ... وما عايزين منهم شئ غير إنهم يبادلونا نفس الإحترام ... ونفس طريقة المعاملة ...
ودام الود بيننا ..
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: عبد الله كسلا)
|
Quote: نحنا ما حنسكت على أيِّ تطاول على المواطن السوداني ... لإنه نحنا السودانيين ما بنسيئ لأيَّ جنسية أخرى ... ونستنكر الحكاية دي بشدة لو حصلت من أيِّ سوداني سواءاً كان مسؤول أو مواطن عادي، تجاه مواطن من جنسية تانية... عشان كده نرفض تمامًا الإساءة لينا كمواطنين سودانيين من أيَّ جنسية تانية (ولا حتى بمجرد التلميح)... ودائماَ وأبداً بنتعامل مع الجنسيات التانية بإحترام ... وما عايزين منهم شئ غير إنهم يبادلونا نفس الإحترام ... ونفس طريقة المعاملة ...
ودام الود بيننا .. |
حبيبنا عبدالله كورة نحن محتاجين للنظر الى عيوبنا وترك الحساسية بانتقاد الاخرين منطلقين من نظرية المؤامرة وما نفعله اهدار للجهد وانصرافية اسعد الناس بها هى حكومة الانقاذ! يا اخى ديننا علمنا "رحم الله إمرا اهدى إلى عيوب نفسي" وعلمنا ان التوبة النصوحة هو الندم على مافات والاقلاع عنه وفعل صالح الاعمال فاذا كنا نعتقد اننا على حق فكيف نتوب! للاسف يا عبدالله السنة القادمة ستشهد قيام دولتين فاشلتين متحاربتين لم نفعل شيئا لمنع قيامهما وقطعا لن نستطيع فعل شئ بعد ذلك وسنطلب من الاخرين احترامنا كلاجئين من باب ارحموا عزيز قوم ذل! محبتى لك جنى
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: jini)
|
شايف الفيلم ده بقى يتكرر كل سنة في شهر رمضان. أنا كنت من الاوائل الذن تحدثوا عن عنصرية العرب تجاه السودانين خصوصا في رمضان، طبعا أتهمني البعض في البورد بأنني أكره العرب وما شابه ذلك. ولكن الحمد لله أنو الان في وعي سوداني بقى يرفض ويتصدى لمثل هذا السلوك العنصري القبيح. وأنا هنا أتسائل!! لماذا نجد العنصرية ضد السودانين متفشية وسط بعض أهل الخليج والدول العربية بمثل هذه الشكل؟ ولماذا لا يتصدى لها السودانين الموجودين في الخليج والذين يعملون في الحقل الاعلامي؟ هل هو خوف على مناصبهم أم شعور بالدونية؟ إذا لم يتحرك السودانين وردوا على هذه العنصرية بقوة وبطريقة واضحة فهي سوف تستمر وسوف تصير ماركة معلبة عليكم وسوف تصبح شئ عادي.
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: jini)
|
وأنا برضو من رأي أخونا أبو الريش ..
الكلام عادي جداً وما فيهو أي اهانة .. حتى لو كان قياساً بالوضع الاقتصادي للسودان وترتيبه وسط الدول العربية من ناحية اقتصادية!
وبعدين ياخي معروف انو كل مناديب السودان إذا كانوا سفراء أو دبلوماسيين أو أياً كانواً فذمتهم لا تتجاوز المية ريال على أحسن تقدير !!
وتسيل "ريالاتهم" حتى تبتل منها خدودهم ولحاهم سعياً وراء الدارهم والريالات الخليجية..
الكلام ده حتى انحنا السودانيين قاعدين نقولوا وعارفين كويس جداً انو كلام حقيقي ..
ولا يغير الله ما بقوم حتى يغيروا ما بأنفسهم ..
والأهانة موش بكلمة تلقى من فرد أو من ممثل في مسلسل أو تمثيلية ..
الأهانة الجد جد والظلم البين هي في المعاملة القاسية واللا انسانية وفي أنظمة وقوانين العمل الجائرة والمتخلفة التي يرزح تحت وطأة ظلمها مئات الآلاف من السودانيين في دول الخليج وسط صمت مطبق أو ربما حتى تواطؤ من قبل النظام السوداني وسفاراته وممثلياته في تلك الدول .. فإذا كنت تستطيع أن تحتج أو تصوب تجاه هذا الأمر فأفعل !!
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: عزام حسن فرح)
|
الأخ الكريم / عزام وضيوفه..
رمضان كريم..
الأخ / كانتونا
كل عام وانت بخير..
الفنان ده ما كان بتلوم لو قال كده:
Quote: ووعدها بضخ 3 مليارات دولار أميركي لإعمار دارفور |
بدل ما يقلل من قيمتنا باكثر من : 000و990و2 دولا امريكي،
Quote: أما السودان وجيبوتي فقد قبِل مندوبِهِما بِألف دولار فقط |
وممكن كان يقول الف دولار، ووعد بضخ 3 مليارات دولار لأعمار دارفور
وبي كده نقدر نرفع راسنا ونقول انو الالف ده، المقدم ، وكلو جاي من الجامعة العربية، وفي سبيل دارفور..
مودتي
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: الصادق صديق سلمان)
|
يا عزام دعك من البلوش والبدون .. انهم وبعظمة الله يعرفون قيمتنا جيدا ... ويعلمون نحن الذين علمناهم حتى قواعد اللغة العربية ونحوها ... حيث ما زال المعلم السودانى موجود بالعالم العربى ... الحمد لله على أن السودانى ذهب أو ابتعث ليعلم العروبة فى أصل العروبة ... الحمد لله على أن السودان خرج المفكريين والأدباء والأطباء والمهندسين والمستشاريين للحكام فى كل أنحاء العالم ... نحن فى كل مرة نتلقى اساءات والقيادة لا يهمها ولا تكترث لقيمة الانسان السودانى ...من قبلهم اساءة اللبنانيين الفرنسيين للسودانيين أصحاب الفضيلة والقيم النبيلة .. والقيادة صامتة ... أعتقد أن هؤلاء لديهم عقدة تجاه السودانى بمعنى كيف لهذا الأسود كما يقولون أن يكون مشكوكا فى عروبته وفى نفس الوقت هو أفضل من يجيد العربى اذا تحدث وأفضل من يدرس اللغة العربية وأفضل أخلاقا ... فليخسئوا أبناء الآسيويات على ما يقولونه ضد السودانى الشريف ... هنالك عنصرية تمارس ضد السودانى ومنهم من يسخر من لوننا ولهجتنا التى هى موجودة فى كثير من آيات الله وهم لا يفهمونها مثال (ما تنهر ) ( وزح ) والقدة وكثير جدا تحتاج الى حصر من القرأن الكريم نفسه .. نحن الشعب الوحيد فى العالم العربى لا نغير وضع الحروف القاف والجيم وغيرها من الحروف العربية .. ولكن أين الاعلام السودانى الذى يفهم معنى الاعلام ... هل يعرف الناس الذين يسيئون لنا أننا كنا نكسى الكعبة المشرفة سنويا ... هل يعلمون أننا من حفرنا الآبار بواسطة على دينار للحجاج وما زالت .. هل يعلمون أن أول رئيس لجمهورية مصر سودانى اللواء محمد نجيب وهل يعلمون أن أول وكيل لوزارة الثقافة والاعلام بقطر هو الروائى العالمى الطيب صالح وهل يعلمون أن أول وكيل لوزارة الثقافة والاعلام باالامارات هو الأستاذ على شمو ...وهل يعلمون أن أول مدير عام لبلدية دبى ومخططها ومشرع طرقها ومبانيها هو السيد كمال حمزة الحسن وهل يعلمون وهل يعلمون ما لا أري أن أذكره هنا وهذا فقط مثال لا للحصر ... اذن دعك من هؤلاء الذين يتعقدون من نجاح السودانى فى كل المحافل والمنابر .. والله حاليا لا يوجد شعبا فى العالم مثلنا ويكفى أننا الأقرب الى الرسول عليه الصلاة والسلام عن بقية الشعوب فى حبنا وتفانينا له عليه الصلاة والسلام ... وختاما أقول ما يقوله عبد الباسط سبدرات (السودانى اذا قلت أنه عربى فأنت صادق واذا قلت أنه افريقى فأنت صادق واذا قلت أنه سودانى فأنت أكثر صدقا ) فليشربوا من البحر أولئك الذين يسخرون
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: بدر الدين الأمير)
|
تحياتي لكم جميعاً ... نعم هناك اساءة واستحقار بصغر حجم الرشوة المقصود منها اننا معدومين نقبل بفتات الموائد كما يفعل مسؤولونا عليهم لعنة الله , وفي اعتقادي ان هؤلاء الممثلون القطريين من الجهل بحيث لايفرقون بين اساءة الشعوب ونقدها ..اقطع ايدي الاثنين اذا كان المخرج او الممثل او صاحبة العمل فاهمة حاجة من الحوار فهؤلاء القوم كالتيوس تلبلب بدون وعي عندما تتخم بطونهم. كل مداخلات الاخ جني ذات قيمة يجب ان لا نمر عليها مروراً سريعاً بل يجب قرأتها بتأني .. رممضان كريم عليكم جميعًاً
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: بدر الدين الأمير)
|
دينج
ازيك
Quote: شايف الفيلم ده بقى يتكرر كل سنة في شهر رمضان. أنا كنت من الاوائل الذن تحدثوا عن عنصرية العرب تجاه السودانين خصوصا في رمضان، طبعا أتهمني البعض في البورد بأنني أكره العرب وما شابه ذلك. ولكن الحمد لله أنو الان في وعي سوداني بقى يرفض ويتصدى لمثل هذا السلوك العنصري القبيح. وأنا هنا أتسائل!! لماذا نجد العنصرية ضد السودانين متفشية وسط بعض أهل الخليج والدول العربية بمثل هذه الشكل؟ ولماذا لا يتصدى لها السودانين الموجودين في الخليج والذين يعملون في الحقل الاعلامي؟ هل هو خوف على مناصبهم أم شعور بالدونية؟ إذا لم يتحرك السودانين وردوا على هذه العنصرية بقوة وبطريقة واضحة فهي سوف تستمر وسوف تصير ماركة معلبة عليكم وسوف تصبح شئ عادي. |
والله اتعودنا كل سنة يدونا في راسنا وناكلها في حناننا عادي المعايش جبارة يا عمك والملاحق الاعلاميين في السفارات ساكين الاستقبالات ووالوداعات والحوامة في الاسواق
الله كريم علينا
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: عزام حسن فرح)
|
رمضانكم كريم كلكم
عزام يا اخوى انت بتنفخ فى قربة (مقدودة)
لان اكثرية السودانيين والمتحاورين فى وادى وانت فى وادى
غرض البوست المدافع عن الكرامة معلوم ولكن وكما قال الممثل فى اخر المقطع
هية هاى الدنيا ماشة بالمقلوب فتراهم يرددون مقاطع حفظوها مثل من يهن يسهل الهوان علية
والبشير والفساد والطير وكراع العنقريب ولينين وماركس ونظرية دارون ويتناسون ان الازى
سيعود عليهم ايضا شاؤا ام ابو او رفضوا
عزام
حبيبنا انسا وعيش لاننا وكما قال الفنان
نزلنا فى طوف الفشل وابحرنا فى بحر الضياع
وما صومال اليوم ببعيد عن سوداننا الذى ارتضينا نحن لة الهوان والتفتت
كل التحايا
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: nazar hussien)
|
Quote: بالله بلد شعبها مستعد وعلى اسوأ الفروض متساهل لفصل تلت مساحة بلاده بحجة التمايز الاثنى والدينى وبالرغم من ذلك يلوم الاخرين على ما يعتبره تمييزا!
|
لخصت الموضوع كله ياجنى شكرا...
ياعزام...وتوقع لى قدام المزيد من الاهانات والمهازل طالما لم نغير حالة البلد... مهما تظارفتم وعملتوا فيها احسن ناس فى الغربه ومهما كان تاريخكم هناك حينظروا ليكم من منظار حالة بلدكم (الحاليه)..... والسودان ماشى للاسوء والناس مهانيين داخل بلدهم تعالوا انقذوه من الهاويهبعدها دعونا نتحدث عن كرامه....الخ
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: Hisham Amin)
|
الاخ عزام تحية ليك وللبنية الجديدة واللة قدر مازقت من بوستك ده تجي حاجه ترجعني تاني.. شاهدت قبل قليل برنامج تلفزيوني في القناة الفرنسية الاولى..المهم المستضاف كان كوميدي كندي الاصل اسمه انتوني كافان وعند دخوله الاستديو قال; انا سعيد بكل الحضور الذين اتوا لمشاهدتي كما اعلم ان بقية العالم خلف شاشات التلفزيون ماعدا اليونانيين طبعا...ياللمساكين لم يبقى لهم ثمن التلفزيون حتى.ههههه حسع نحنا نعمل شنو ...نرسل لليونانيين يقطعوا العلاقات الدبلوماسية مع كندا وفرنسا ذاتها ولا نقول الزول ده قام بتوصيف حالة ولم يشتم احد....ولا الفقر بقي عيب ونحنا ماكلمونا ارقد عافية وخلي بالك من البنية نحنا من زين الحياة دي ماطلعنا الا بالجنيات
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: Hassan Makkawi)
|
Quote: رمضانكم كريم كلكم
عزام يا اخوى انت بتنفخ فى قربة (مقدودة)
لان اكثرية السودانيين والمتحاورين فى وادى وانت فى وادى
غرض البوست المدافع عن الكرامة معلوم ولكن وكما قال الممثل فى اخر المقطع
هية هاى الدنيا ماشة بالمقلوب فتراهم يرددون مقاطع حفظوها مثل من يهن يسهل الهوان علية
والبشير والفساد والطير وكراع العنقريب ولينين وماركس ونظرية دارون ويتناسون ان الازى
سيعود عليهم ايضا شاؤا ام ابو او رفضوا
عزام
حبيبنا انسا وعيش لاننا وكما قال الفنان
نزلنا فى طوف الفشل وابحرنا فى بحر الضياع
وما صومال اليوم ببعيد عن سوداننا الذى ارتضينا نحن لة الهوان والتفتت
كل التحايا
|
باعتبار مفردات التعليق تعنينى يا هشام لولا البشير وما سبقه من افزام لما رآنا هؤلاء الاعراب ولحجوا الى بلادنا! 20% من مساحة الكرة الارضية يابسة والباقى بحار محيطات والسودان عاشر دولة فى المساحة فى العالم 3% من مياه الدنيا فقط عذبة والباقى مياه مالحة ونصيب السودان نهر النيل الخالد والابيض والازرق وكل روافدهما ثروة حيوانية ونباتية ومعدنية وبترولية واراضى خصبة ونحن مشردين فى المنافى حسانية تمتطى صهوات الحمير نضيع وقتنا وبلادنا تكاد تضيع! ما عجباكم قطر فرتقوا منها! جنى
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: Hisham Amin)
|
اخوتي فلنختلف فكريا فهذا طبيعي , لكن لا لتكسير مجاديف بعض !! ,
هي اهانه بارده و سمجه , فلتدع ال القلب الحار للرد عليها , لعلها تنبه غيره و كل غافل ان هناك فكر و قلب لا برضى الضيم ..
قانون نيوتن واضح و لكل فعل رد فعل مساوي له في المقدار مخالف له في الاتجاه. بدايه احتجاج جماعي للمحطه و الفنان و اي جهه ترعاهم , و ضوء اعلامي.
شكرا اخي على صوت الكرامه , اخوانك يا السمحه قاعدين, وهو فرض كفايه اذا قام به البعض الحار سقط عن الباقيين.. اعزم يا عزام حبابك و معاك..
Quote: نحن عاوزين واحد يجيب لينا ايميل الزول الممثل دا وعاوزين ايميلات قناة قطر نفسها عشان نرسل ليهم ونعبر ليهم عن غضبنا الشديد تجاه ماقاله هذا الرجل
|
| |
|
|
|
|
|
|
Re: الفنان القطري غانِم السِليطي يُهين السودان في حلقة اليَوم مِن مُسلْسلِهِ الرمضاني [تصانيف] (Re: Abdulrahman Gorashi)
|
Quote: اذا انتو قبلتو مبدا الرشوة من اساسه يعني فرقتك انها تكون الف ولا مليون! ايبقي انو كرامة الفرد اسوف تسترد لو رفعنا الرشوة الي خمسين الف! ياعالم انتو عقدكم دي كلها نابعه من هويتكم المامعرفوه عربيه ولا افريقيه انتو ناس متلقين حجج ساكت حاولو تهزموهم بنجاحكم مش بي فقركم وانفصالكم وبشيركم! شاكاين ومعقدين ولسانكم طويل في الفارغه |
معليش سؤال غبى من زول غبى
اللخو ايطالى ولا سودانى مجنس بجنسية دولة تانية
علشان تشبكنا انتو انتو انتو انتو ؟؟؟
وبعدين ولحدى ما نعرف جنسيتك
نحتفظ بباق الردود
قال انتو قال
| |
|
|
|
|
|
|
|