نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 عزومة عرس
|
لليله معزومين عرس
عند اهلو معزومين غدا
عند اهلو طير الموت شدا
عند اهلو خاتين السفر
طابخين قليبي هناك غدا
طابخين قليب بالمايونيز
ختوهو في عقدو خبيز
جدعوه هداك حرقان هده
ارفع قليبي الماعرف
غير سكتك سكه وحدا
هدهد قليبي الماعرف
غير حتتك حته ومدي
امسح قليبي من الرماد
امسح سنينو من الصدا
ختوهو لضيوفك نضيف
خلوهو تحليه في الغدا
دايرنو مهرود بالفطير؟؟
دايرنو مفرود وللا طي
دايرنو مسلوق وللا شي
دايرنو محروق وللا ني
دايرنو مكتول وللا حي
دايرين هداك طاربو الحدي
ادي الصبي الدفنو حي
واحي عليك ياقلبي
احي علي
احكيهو لي مين يحفظو
اشكيه اقول فات من ايدي؟؟
ماحس بي؟؟احي علي
احي عليك ياقلبي
احي علي
احي اكان احي بتنفع ذاتا حي
احي علي السلخوهو ني
احي علي الداووهو كي
والكيه ماجات في العضم
غارت
هناك في اللحم حي
واحي علي
احي من الموت البصبح كل صباح
ويمر علي
احي من الموت اتقول خلقوهو لي
,,,,,,,,,,,,,,
والليله معزومين عرس
في عرسو معزومين عزا
ختو الغدا اصناف صنوف
انا قلبي يقرش في الحصا
الشوك قعور الحلفا ذاد
ياقلبي شرباتك حزي
والحنضل المر سقسقك
الليلة شاتك زي حذا
والناس هناك هايصه ورقيص
شوف العريس عرض انتشى
وانا قلبي رقصات الذبيح
انا قلبي يعرض في لظي
فكو البخور والجو عبق
الصندل الفايح شذا
عم الدخان كل المكان
ماحاني منو سوي الشظي
حرقت قليبي المشتهيك
هردت سنينو شبع اذي
وياقلبي معزوم في الغدا
ياقلبي مدعو للعزا
اتغدي بالموت السكن
كل شبر ارضك جززا
اتغدي بالوجع الوطن
وطنك خلاص الموت غزا
ياقلبي سير فايت معاه؟؟
ماقالو ساير بالمسا
ياقلبي ودعو سير وراه
الاصلو لسيرتك نسي
واصل معاه لاعن ديارا
هناكا عازمنك عشا
والليله معزومين عرس
في بيتا معزومين عشا
,,,,
فوت ياقلب وارحل معاه
مافات خلاص فاتك مشى
مافات خلاص فاتك قدل
خلاكا للعمي والعشى
خلاكا للحرقه التحرق
وحرق انحرق الحشا
غنولو غنوات الفرح
غنولو جاييك يارشا
والدنيا تغرق في العديل
اصوات موسيقي ووشوشه
وانا قلبي غرقان في الرماد
نص القبور الموحشه
مافات خلاص فاتو ومشي
مافاتو ماودع غشا
غنولو غنوات الفرح
الليله فرحي انا عاد قسي
غنولو ياعماتو هوي
الليله بالبدله اكتسي
البدله سودا سواد سنين
سادن سواد قلبي الحسي
....والليله معزومين عرس
عند اهلو عازمين الغدا
ياقلبي اتصبر خلاص
ياربي اهدي اذا انهدي
صبر قليبي الماعرف
غير ريدو مالباه ندا
صبر قليبي علي الفراق
سنينو ان ضاعن سدي
لانحنا اخترنا الفراق
لاكان فراقنا الموت بدا
,,,,,
والليله معزومين عشا
في بيتا معزومين عزا
في الحفله جات لابسه الزفاف
زفت قليبي الي لظي
ابيض زفافا كما الكفن
ياقلبي كيف ينفع سكن؟؟؟
ياقلبي احجزو ليك وطن
كان قلبي كالمجنون هذي
كان الكحل اسود غزير
سودة سواد ليلا طويل
لي زول بيحلم بالعديل
ختوهوفي خانة البديل
وياقلبي شكرا ليك جزيل
اليوم خلاص يوم الجزا
|
|
 
|
|
|
|
|
|
|
 Re: عزومة عرس (Re: مشاعر الشيخ)
|
Quote: احي من الموت البصبح كل صباح
ويمر علي
احي من الموت اتقول خلقوهو لي
|
بداية قوية جداَ يا مشاعر ،، أعتقد بأنك مشحونة بكمية من المشاعر ،،
والحالة هذه
كنت تبدئى بشىء فرائحى ووليس بهذا العِطر الحزين
وسلامة قلبك
وكل سنة وأنت طيبة
ماهر
| |
|
|
|
|
|
|
|
|
 Re: عزومة عرس (Re: مشاعر الشيخ)
|
هاهاهاهاها
تتصوري يا مشاعر أنا خاشي عشان أعتذر
و أقول ليك برسل ليك الأولاد وكدة
طلعت قصيدة !
يا ستي حاجة جميلة جداً
ومبروك الإطلالة
كل سنة وانتي طيبة
| |
|
|
|
|
|
|
|
|
|
Re: عزومة عرس (Re: حبيب نورة)
|
رسل الاولاد يجونا
مالو برضو يشرفونا
يونسونا
خوفي بس ان هم ابونا
وقالو لالالالالال ولالالا
مابجونا
تحياتي وسلامي
| |
|
|
|
|
|
|
|
|
|
Re: عزومة عرس (Re: مشاعر الشيخ)
|
حقاً إضافة نوعية للمنبر
نبارك لأنفسنا تواجدك في هذا الساحة الرحيبة
( مشاعر ) جياشة
وصدق من قال " كل له من اسمه شئ "
لغة بسيطة معبرة
سهلة ممتنعة
شكراً مشاعر
| |
|
|
|
|
|
|
|
|
|
Re: عزومة عرس (Re: عاطف عمر)
|
اشكرك ثانية عاطف
البدايات دوما صعبة
لكن معكم لم يخالجني هذا الاحساس
اتمني ان يكون قلمي بمهنية واحترافية كتاب هذا الموقع
| |
|
|
|
|
|
|
| |
Ehab Eltayeb
أبو عبيدة البصاص
محي الدين جبريل
زهير عثمان حمد
حبيب نورة
عاطف عمر
محمد عبد الماجد الصايم
معاوية عوض الكريم
haroon diyab
الامين موسى البشاري
اسماء الجنيد
فيس بوك
تويتر
انستقرام
يوتيوب
بنتيريست