|
Re: الغناء في امدرمان ولا في بحري ولا في الخرطوم (Re: أحمد ابن عوف)
|
Quote: فكيف يكون عندهم غناء، يجيبوهو من وين؟؟ |
اخونا احمد بن عوف كيفك شكل رمضان عامل فيك عمايله
ماعهدتك بهذه النرجسية وماعهدتك بان جرابك خاوي
فهل انت تمزح ام ماذا ؟؟
الغناء والشعر خرج من امدرمان فهى الجذور الراسخة في الارض
ياتمتام عليك الله شوية ما كتير بس شوية من تاريخ ام درمان الفني
مع ودي
هاجر
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: هاجر التهامي ياسين)
|
اختنا هاجر
تحياتي
Quote: فهل انت تمزح ام ماذا ؟؟ |
طبعا، ناس امدرمان ديل احبابنا، وما ممكن نغلط عليهم، لكن كل حاجة براها
البيئة بتاعت الغناء السليمة كانت مفقودة في امدرمان، ما تسمعي قصص كنا قاعدين مع عتيق ومن هناك مشينا ما بعرف للبنا وبالصدفة لقينا كرومه وللا سرور
ديل مانوا بتلدبدوا بالحيط، وما بغنوا الا بالليل شديد، ولو ادوهم عشاء يكون كويس، الا فالعدم.
اما عن الكورة فحدث و لا حرج، كان اسمهم الصعاليك، اي زول بلعب كورة في امدرمان كان اسمه صعلوك
اها، في بيئة زي، دايرة الفن او الكورة تتطور كيف؟؟
عكس ما كان في الخرطوم تماما
احترام ووجاهة لاصحاب الكلمة والوتر والكفر
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: أحمد ابن عوف)
|
ههههههههههههه خليك من أي حاجة يا أحمد يا أخوي كدي ورينا إنت زاتو من وين بلدك وجنسك شنو ؟ علشان نوريك الغنا عندكم بدأ كيف وكان متين و هل انتم عندكم دور في خارطة الغنا السوداني ولا خايضين سااااااااااااااااكت بس
و كلمة الصياع كانت للفنانين و ليس لعيبة الكورة و لكن برغم لك الود
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: Elhadi)
|
وحتى في بحري اعتقد أنه يمكن تخصيص مناطق بعينها أكثر تميزاً من غيرها بحيوية سكانها وشبابها
وسط بحري أو بحري القديمة بمعظم الأحياء الموجودة فيها والأحياء المجاورة لها والقريبة منها ..
ديل ناس الكفر والوتر الجد جد .. إن لم تكن بلية الإنقاذ قد فعلت فعلها في تغيير التركيبة السكانية والإبداعية لهذه المناطق
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: Elhadi)
|
Quote: بحري وأمدرمان كفر ووتر بحري تتفوق بالنوعية والجودة إذا فنانين ولا لعيبة كورة
|
متولي رمضان كريم وربنا يتقبل صيامكم وقيامكم الغناء في أمدرمان زي التعدين العشوائي أي واحد يحفظ إغنيتين ثلاثة ويعمل فيها فنان ويتطلع للشهرة والظهور الإعلامي في الإذاعة والتلفزيون مستغلين وجود هذين الجهازين في مدينة أمدرمان من غير المعقول أن يكون في أمدرمان لوحدها مئات من المطربين أغلبهم لا علاقة لهم بالفن والطرب لا من قريب أو بعيد ... يظهر أنكم مجاملين للحد البعيد وهذا في حد ذاته مشكلة !! ياسر تمتام الحكاية ليست بالكمية والعدد القصة بالتميز والجودة والنوعية ذي ما قال أخونا الهادي
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: عبد الرازق سعيد)
|
الحبيب ياسر تمتام
Quote: سلام متولي تحية عطرة بالله دا كلام إنت داير تعمل نفسيات للجماعة ، نحن ناس أم درمان حا نقيف عن التصويت في الموضوع دا لمن ناس قريعتي راحت يلملمو شملهم يمكن يمكن يعملو 2% و أنا حا أكون حكم معاك و بعد ما ينتهو بطلع ليك جراب الحاوي الفيه حكاوي و غناوي
لك الود |
شوف ام درمان عمرها كم وبحري عمرها كم وبعدين اعمل مقارنة و اقول ليك شيء اغاني الحقيبة نحن اول من غناها (عبد الله الفكي ) من منطقة كبوشية صحيح عندكم الكثافة لكن نحن عندنا الجودة افضل فنانين الشباب من بحري (محمود وفرفور ) امسك ناس امدرمان (وليد زاكي عاصم البنا ونادر خضر ) ديل عندنا زيهم شموس واسرار وطه سليمان ودرماس المشكلة عندكم الاذاعة وماعندكم فنانين عندكم هلال ومريخ وما عندكم كورة وحتى كباتنها ( هيثم مصطفى والعجب )
--------------------------- متولي رمضان كريم
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: خالد العبيد)
|
ووجدت هذه المعلومة من خلال القوقلة:
يقول المؤرخ الراحل حسن نجيلة:
"ان تاريخ فن الغناء فى السودان فى مبتداه لا يعترف الا بالشعراء المجددين الثلاثة ابراهيم العبادى بامدرمان و خليل فرح بمدينة الخرطوم و صالح عبد السيد بمدينة الخرطوم بحرى و ذلك قبل ان ينتقل الى مدينة امدرمان و على نفس القياس فقد كان الشاعر مصطفى بطران من مدينة الخلرطوم بحرى و كان الشاعر عبد المطلب حدباى من حلفاية الملوك و ان عاش فترة من عمره بمدينة الخرطوم مع صديقه خليل فرح كما عاش فترة من عمره بمدينة الابيض. لا نستطيع ان نصف اغنية الحقيبة بانها اغنية امدرمان الا اذا اتخذنا مدينة امدرمان رمزا لكل السودان، و معلوم ان شاعر الحقيبة محمد ود الرضى من قرية ام ضوا بان بشرق النيل و ان الشاعر احمد محمد الشيخ الجاغريو كان من قرية العيلفون بشرق النيل و ان الشاعر على المساح من مدينة ود مدنى و ان الشاعرين سيد عبد العزيز و محمد على عبد الله (الأمى) و ان كانا من مدينة امدرمان الا انهم قضيا جانبا ثريا من حياتهما بمدينة الابيض و حتى فنانى الحقيبة فاننا نستطيع ان نقول ان جذور بعضهم تمتد بعيدا عن مدينة امدرمان
واكيد ساعود لاني خرطومي الهوى والنشاة !!
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: Elhadi)
|
احمد ابن عوف رمضان كريم
Quote: الغناء طبعا في الخرطوم، وممكن بحري لكن قطعا مافي امدرمان |
هات ماعندك لكي ترجح كفة الخرطوم يعني مثلا امير العود حسن عطية وكان يسكن حي باريس وانت نازل من كبري الحرية دا ممكن يديكم 10 نقاط. بس قطعا دي بالغت فيها شوية.
لك كل الود
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: Elhadi)
|
Quote: بحري كابلي بحري ود الامين بحري ابوداوؤد بحري ابن البادية بحري محمد ميرغني بحري السني الضوي بحري محمود بحري فرفور
|
وأضيف عندك كمان يا بكري : خضر بشير .. النور الجيلاني .. شرحبيل أحمد .. ثنائي العاصمة ( السني الضوي وأبو دية ) وزيدان إبراهيم "في مرحلة لاحقة" وأسرار بابكر وبشير عباس ومن فناني القرى التابعة لبحري مبارك حسن بركات خلف الله حمد
تاني منو ؟؟ خلوني أتذكر وأجيكم .. وقيقم بتاع الديوم وبتاع الإنقاذ .. ده لو أصلاً اعتبرناهو فنان يعني لكن بما انو انحنا بنتكلم عن النوعية والجودة وليس مجرد العدد فيمكن حذف قيقم وإضافته إلى أي من أمدرمان أو الخرطوم :)
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: Kostawi)
|
Quote: خليل فرح حسن عطية عبدالحميد يوسف عثمان حسين محمد وردي الموصلي |
Quote: سيد خليفه العالمي والنقيب احمد المصطفي والعميد مصطفي سيد احمد ولا رمضان زايد وابراهيم ادريس (ود المقرن) |
Quote: عثمان مصطفي محمد عجاج حسن عجاج عبد المنعم الخالدي حنان النيل امال النور |
خرتوم عموم خرتوم الأفندية
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: تيسير عووضة)
|
هسه تحسبو كلكم يا دوب تميتو 30 هاكم انا براى قبال يجيكم ياسر تمتام خليل فرح العبادى ابوصلاح محمد عثمان بدرى على محمود التنقارى سيد عبد العزيز عبيد عبد الرحمن الريح الطاهر ابراهيم ابراهيم الرشيد سيف الدسوقى عبد العزيز المامون ميرغنى المامون احمد حسن جمعه عبد الرحمن الريح الجابرى ابراهيم عوض عبد اللطيف خضر ود الحاوى عمر احمد رمضان حسن التاج مصطفى محمد احمد عوض الكحلاوى بادى عوض الكريم عوض الله محمود على الحاج عوض الجاك عبد الوهاب الصادق فيصل الخير صالح سعد الامين على سليمان عمر البنا الفرجونى الامين البنا عاصم البنا سعد البنا امين البنا مبارك البنا ياسر تمتام عتيق عبد الله العشوق عبد الله محمد زين حدباى كرومه سرور زنقار الفاضل احمد ابراهيم عبد الجليل التوم عبد الجليل عطا كوكو محمود عبد الكريم عبد الله الحاج احمد ابراهيم فلاح محمود ابراهيم فلاح العمرابى عوض جبريل ترباس الطيب عبد الله ديمترى البازار الامين برهان محمد عبد القادر تلودى حسين شندى خليل اسماعيل ابوعركى البخيت ابراهيم الكاشف اسماعيل خورشيد السر قدور صلاح محمد عيسى حواء الطقطاقه عائشة الفلاتيه فاطمه الحاج منى الخير هاديه طلسم امال طلسم حياة طلسم عابده الشيخ اسامه الشيخ رحمة الله الشيخ عبد الدافع عثمان محجوب عثمان صلاح مصطفى محجوب شريف هاشم صديق خالد ابو الروس حنان بولو بلو نصرة الرحمه ادم عبد الله محمد احمد الصادق حسين الصادق رشا شيخ الدين محمد الفاتح صديق قميحه محمود تاور الصافى محمد احمد شرحبيل احمد على الشايقى زينب محمود خديجه محمد الطيب مدثر نادر خضر عبد الوكيل عبد الحى حسن ابوكدوك حسين ابوكدوك ابوعبيده حسن عبد الكريم ابوطالب هاشم مرغنى زيدان ابراهيم عمر الشاعر عادل التجانى سيف الجامعه عز الدين عبد الماجد عبيد الطيب عثمان المو عوض احمد خليفه صديق مدثر صلاح احمد ابراهيم عمر الدوش محمد سعيد العباسى الطيب العباسى الطيب سمسم الناصر قريب الله سامى المغرب نجم الدين الفاضل عبد الله البعيو برعى محمد دفع الله صلاح احمد محمد صالح انس العاقب عبد الماجد خليفه جمعه جابر محمود طرنجه عثمان الشفيع اسماعيل حسب الدائم حنان الصغيره صلاح الضى التجانى السيوفى حسن الامين توفيق صالح جبريل الفاتح حمدتو طه حمدتو اها يا ياسر تمتام وباقى اولاد قلبا ديل 143 عربون منى واصلو قشه ما تعتر ليكم،،،
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: تيسير عووضة)
|
Quote: Quote: خليل فرح حسن عطية عبدالحميد يوسف عثمان حسين محمد وردي الموصلي
Quote: سيد خليفه العالمي والنقيب احمد المصطفي والعميد مصطفي سيد احمد ولا رمضان زايد وابراهيم ادريس (ود المقرن)
Quote: عثمان مصطفي محمد عجاج حسن عجاج عبد المنعم الخالدي حنان النيل امال النور |
زكي عبد الكريم اليمني الهادي حامد ود الجبل الجيلاني الواثق هاشم حسن فيصل الصحافه جلال الصحافه خالد محجوب
ولسه جاينكم
هيع
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: Elhadi)
|
Quote: : سيد خليفه العالمي والنقيب احمد المصطفي
دقيقة دقيقة يا الموصلي ما تأكلنا حنك ساي في رمضان ده
علاقة سيد خليفة وأحمد المصطفى بالخرطوم شنو ؟؟
فكلاهما خرجا من قرية الدبيبة وهي إحدى القرى التابعة لبحري
إلا إذا قاصد سيد خليفة وأحمد المصطفى تانين !! |
خلاص عملتو الدبيبه اقليم لبحري يالهادي الدبيبه بره لانو لو حسباناها كده مافي فنان حيكون من العاصمه المثلثه كلنا اقاليم لكن نحن بنتكلم انو الزول عاش حياتو كفنان مؤثر وين هسع ياناس بحري ما قتو محمد الامين الاستاذ ابو اللمين من مدني اصلا
المهم البوست لذيذ
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: تيسير عووضة)
|
Quote: تغريد جبرة حليمة الإنقاذ حوا لستك*
* غالباً اللستك دا في "محطة سبعة" يعني برضو الخرتوم مش كدا يا أستاذ موصلي؟ |
والله ديل ماعرفتهم ياتسير انتو بتجيبو الاسامي دي من وين خليكم في الكواليتي ها ها ها
سميره دنيا حيدر حدربي عباس تلودي عماد الكاشف اسماعيل حسن ابراهيم الرشيد سليمان ابو داؤود عبد الماجد خليفه بريس عبد الفتاح الله جابو علي الله جابو عوض رحمه محمد جعفر السر جعفر حسن ري حسن حامد عثمان محي الدين عبد الحليم عبد الوهاب محمد طرمبه عبد الله ابراهيم اميقو
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: Elmosley)
|
لا الخرطوم ولا امدرمان ولا بحري
تغول عاصمي فقط
كل الفن اتي من الولايات كرومة خليل فرح كل العظماء من الولايات
ود القرشي ياتي من الابيض يرقص العاصمة كلها ويمشي
ابو الفن الحديث الكاشف جاء من مدني
كل العظماء من الولايات
ما عندكم حاجة يا ناس العاصمة
تغول تغول تغول
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: khaleel)
|
الاخ خالد العبيد .. تحياتي ورمضان كريم
Quote: الصحيح عبدالله الماحي وهو صاحب اول اغنية تم تقديمها فى برنامج حقيبة الفن اغنية "انا ما معيون" للشاعر سيد عبد العزيز و قد لحنها كرومة و غناها الفنان عبد الله الماحى 1954
احترامي |
شكرا للتصحيح فعلا هو عبدالله الماحي وهذا ما اقصدة ياخي ناس امدرمان ديل إلا نجيب ليهم موثق بحري (عماد ) والاستاذه نجلاء ونملاهم توثيق ..
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: بكري عباس علي)
|
Quote: معقول ياعبد الرحمن ياخ تنسي سيد خليفه العالمي والنقيب احمد المصطفي والعميد مصطفي سيد احمد ولا رمضان زايد وابراهيم ادريس (ود المقرن) خليك مع الزمن ياخ ====== هيع وينو تمتام ده |
انسي وين ياستاذ منتظرينهم لم يصلو لابراهيم عوض والتاج مصطفي . . انت نسيت ود الديم رمضان حسن والحكاية جابت ليها خرخرة دايرين لينا لجنة تحكيم.
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: بكري عباس علي)
|
يابكري عباس
Quote: واكرر مقولة ( السكن بحري والشغل الخرطوم والفارغة في امدرمان ) |
ياخي ناس امدرمان ديل يظهر بيسمعوا كلام حسين خوجلي ياخي يكفي بحري كان فيها تراتيل ( الشيخ حمد وخوجلي ) وبطران ود الرضي الجاغريو ياخي الناس ديل فهمهم وقول ليهم نحن بنتكلم عن الغناء الغنا( الوتر والكفر) وعندنا الفنان يعادل ميه من فناني امدرمان زمان ما قلنا عندهم الكثرة وعندنا الجودة
------------------------- بحري سر الهوي .. وغير بحري مالي دواء
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: Mutwali Malik)
|
Quote: عمنا صديق الموج رمضان كريم
شنو يا زول خامينا باللستة الطويلة بتاعتك دي ما خليت بتاع شاورما ولا كمساري ما جبتا اسمو
يا زول انحنا بنتكلم عن الغنا يعني الفنانين الفنانين يا عمك |
بكور يا حبوب وحات الشيخ حمد النيل ما كتبت فى هذه اللسته غير شاعر او مغنى او ملحن وبس واى زول عندك فيه شك اكتبه هنا ونوريك امه وابوه وبيتهم وغنى شنو؟ يازول الـ143 ديل عربون جاييكم بباقى اللسته انت بس لووك الصبر،،،
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: احمد محمد احمد عتيق)
|
Quote: الاخ وليد تحياتي
Quote: عبد الله الفكي من منطقة كبوشية
الصحيح عبدالله الماحي وهو صاحب اول اغنية تم تقديمها فى برنامج حقيبة الفن اغنية "انا ما معيون" للشاعر سيد عبد العزيز و قد لحنها كرومة و غناها الفنان عبد الله الماحى 1954
احترامي |
الأخ خالد
تحياتي واخبارك مقطوعة بهناك ياحبيب
الأخ وليد قاصد محمد ودالفكي أول من قام بغناء
الحقيبة وهو من كبوشية .
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: Emad Ahmed)
|
Quote: الصحيح عبدالله الماحي وهو صاحب اول اغنية تم تقديمها فى برنامج حقيبة الفن اغنية "انا ما معيون" للشاعر سيد عبد العزيز و قد لحنها كرومة و غناها الفنان عبد الله الماحى 1954
احترامي |
العزيز خالد العبيد
الصحيح هو : أول أغنية تم تسجيلها في اسطوانة هي انا مامعيون
لعبد الله الماحي في القاهرة بواسطة ديمتري البازار .
خالص الود
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: Emad Ahmed)
|
Quote: يا اخوي ...
لو شاهدت او سمعت ايوب فارس رحمة الله يغني في مزارع شمبات لما سالت هذا السؤال ...
عارف ناس امدرمان البحبو الغنا بيجو يقعدو في راس كبري شمبات ليستمعو للغنا المدور تحت الكبري ..
تقول لي شنو ... |
لاحول الله دا ما كروان بحري زاتو زمن ناس امدرمان بيقيفو جنب البحر عشان يسمعوا الكروان قاعد يغني وين .. ذبت وجدا في هواك ياحبيبي ولم اذل عايش على سفح الامل يامن صليتني بنار هواك === ورقعت قدري لمستواك الحكمة يازينت حلاك === تزداد جمال وازيد هلاك
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: waleed dawash)
|
الكفر والوتر أمدرمان
الإذاعة والتلفزيون أمدرمان
الهلال والمريخ أمدرمان
الموردة ودار الرياضة واستاد الربيع وملاعب الليق بالثورات وملاعب أمبدة وامدرمان القديمة
الكباري ذاتا عملوها لي ناس الخرطوم وبحري عشان يمشوا امدرمان
الدبابة عشان تستلم السودان كانت بتحتل الإذاعة في أمدرمان قبل القيادة العامة
خليك من دور الغناء
دار فلاح
نادي الفنانين
ومراكز الشباب
وقصر الشباب والأطفال
ومسرح أمدرمان العريق
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: وليد عبد اللطيف)
|
وليد
Quote: وعشان خاطرك انت كمان الخرطوم بها (فنان افريقيا الاول ) |
انا وابن عمي علي الغريب كدي بس خش المركز والله مليان درر لكن الاذاعة والتلفزيون اقرب ليهم منها غزة.. وعندكم فنان للاسف توقف عن الغناء عصام فتحي عماد عوض الكريم فتحي الزين سفيان بخيت محمد مجذوب صفوت الجيلي احمد الريس محمد خضر بشير معاذ ابن البادية محمدالخاتم عاطف السماني محجوب الكدرو عمر يوسف مبارك الشيخ الاصائل اولاد البيت اتحاد الخرطوم والخرطوم بحري هنا الخرطوم بدلا عن هنا امدرمان
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: عبد الرحمن حمد النيل)
|
عبد الرحمن
Quote: اتحاد الخرطوم والخرطوم بحري هنا الخرطوم بدلا عن هنا امدرمان |
عشالن خاطرك كمان هاك الباص دا افضل من غنوا للكاشف صديقنا احمد عجوز محمد اسماعيل صديقنا عماد الكاشف الفوق ديل بمركز شباب امدرمان وما حوله ماعايزين نصل ليهم الى ابوعفان ( عثمان حسين ) ومصطفى سيد احمد قال امدرمان قال الناس نايمين على كلام حسين خوجلي شابكنا امدرمان وامدرمان
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: عبد الرحمن حمد النيل)
|
عبد الرحمن
Quote: اتحاد الخرطوم والخرطوم بحري هنا الخرطوم بدلا عن هنا امدرمان |
عشالن خاطرك كمان هاك الباص دا افضل من غنوا للكاشف صديقنا احمد عجوز محمد اسماعيل صديقنا عماد الكاشف الفوق ديل بمركز شباب امدرمان وما حوله ماعايزين نصل ليهم الى ابوعفان ( عثمان حسين ) ومصطفى سيد احمد قال امدرمان قال الناس نايمين على كلام حسين خوجلي شابكنا امدرمان وامدرمان
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: عبد الرحمن حمد النيل)
|
الاخ متولي مالك رمضان كريم
في تحامل واضح علي ام الدرر ودي غيرة طبيعية ام درمان تشيلهم في صفحتها وتعرِض بيهم الهوامش ديل خرطوم و بحري
لكن لو سمحتا تضيف لي لستة ود الموج
محمد الامين و مجذوب انسة ديل ساكنين جيران تماضر شيخ الدين الحيطة بالحيطة .. صاح ود الامين جاء من مدني وكدي
بعدين ودنوباوي .. أول من رَقص راس خواجة بالسيف ( غردون ) دا ما ممكن نقول عليو شَيال هاشمية واكيد كان بِعرِض علي صوت دلوكة أها نقوم نلقي ليو فرقة في اللستة وبعد دا يقولوا المهدية منعت الغناء ايمكن قاصدين التمباك والشيشة لووول تقولي شنو ما تنسي الحردلو
وذي ما بقول ترباس الغيرة كم حرقت ام درمـــــــــــان يمين قُرة جبين
محمد الفاتح ... منها واليها .... عايدون
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: خالد العبيد)
|
بحرى فريق إستاك (التحرير) بعد خروج المستعمر, الامير, الإتحاد, العامل. الكوثر, كوبر, الثريا, شمبات الصناعه..... العمال.... سعودى دراج... بحرى الحكوميه... كازينوا النيل الازرق... حدائق اركويت.. مدارس العزبه... الاميريه.. عوض ساتى.. متولى عيد... محمد خوجلى صالحين.. د. الهادى الزين النحاس.. بروف عونى الشريف قاسم.. احمد ادم رمضان.. د. عوض دكام....الفاضل سعيد.. محجوب محمد صالح ... كمان لو لفيت ليك على علماء شمبات حا تسحب البوست.
تعيت خلاص
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: khalid Elkhidir)
|
خالد الخضر
Quote: بحرى فريق إستاك (التحرير) بعد خروج المستعمر, الامير, الإتحاد, العامل. الكوثر, كوبر, الثريا, شمبات الصناعه..... العمال.... سعودى دراج... بحرى الحكوميه... كازينوا النيل الازرق... حدائق اركويت.. مدارس العزبه... الاميريه.. عوض ساتى.. متولى عيد... محمد خوجلى صالحين.. د. الهادى الزين النحاس.. بروف عونى الشريف قاسم.. احمد ادم رمضان.. د. عوض دكام....الفاضل سعيد.. محجوب محمد صالح ... كمان لو لفيت ليك على علماء شمبات حا تسحب البوست.
تعيت خلاص |
وبها اول كابتن فريق قومي ( الجاك عجب )
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: khalid Elkhidir)
|
Quote: لما المهدية فتحت امدرمان وبقت عاصمة السودان الخرطوم وبحرى مافى يعنى ما موجودين بالمعنى بتاع المدن الكبيرة او المنتجة لذلك طبيعى ما حيكون فى فن يمنعوة |
دا كلام مقلوب! الخرطوم بحري كانت مدينة بكل مقومات المدنية حتي قبل أن يعرف الانجليز و ملكتهم عن بلد يسمي السودان
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: Mutwali Malik)
|
صديقى العزيز متولى ياخي رمضان كريم عليك وعلى جميع من معك ياخي بحري لو مافيها غير محمد ميرغني لكفاها لكن المشكلة هو ذاتو بحن كثيراً لامدرمان
وبعدين ياخي بعد صداقتك الرائعة لابناء بحري فى الدوحة أفتكرناك خلاص صرت بحراوي لكن يبدو ان امريكا اعادتك تاني لامدرمان والعزاء انو امدرمان وبحري صنوان
تحياتي وفى انتظارك فى الدوحة قريبًاً حسب وعدك
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: Amany Elamin)
|
الأخ العزيز متولى مالك:
أولاً رمضان كريم وربنا ويجعلنا جميعاً من عتقاء الشهر الفضيل وجميعاً دى فيها ناس الخرطوم والخرطوم بحرى معانا عشان مايزعلوا. وأمدرمان مابتجيها عوجة مادام فى أبنائها الأفاضل متولى مالك وصحبه الكرام.
الخرطوم والخرطوم بحرى أخرجوا فنانين عظام بشاهدة المؤرخين نقدر عطائهم ونجله ولكن أمدرمان هى أصل الفن والشعر رضى البعض أم أبى. أمدرمان غنية وعزيزة بإرتباط أهلها وعشقهم بها. أمدرمان مدينة بقيمة وطن مدينة يسرى حبها فى النفوس ونعشقها ويعشقها الكثير من أبناء السودان حد الثمالة فلا تبخسوها ياهؤلاء.
وكما قال خليل فرح لافض فوه :
ويح قلبي الما انفك خافق فارق ام درمان باكي شافق يا أم قبايل ما فيك منافق .
والكلام كمل
أشرف الباقر
نيويورك .
(عدل بواسطة أشرف محمد الباقر on 08-26-2010, 02:43 AM)
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: Mutwali Malik)
|
اخي وليد عبداللطيف رمضان كريم
Quote: الناس نايمين على كلام حسين خوجلي شابكنا امدرمان وامدرمان |
والكلام المكتوب هنا هو كلامنا نحن اولاد قلبا زي مابقول ودالموج. وكما قال الشاعر الامدرماني يوسف الحسن نحنا عيال سوار اللي الوسيد وساق ونحنا اهل الكرم في كافة الاسواق نحنا من جيل فوق الجلل سواق ونحنا صغيرنا ساق المية بي سواق
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: Mutwali Malik)
|
متولي مالك ياحبيبنا
Quote: يظهر أنكم مجاملين للحد البعيد وهذا في حد ذاته مشكلة !! ياسر تمتام الحكاية ليست بالكمية والعدد القصة بالتميز والجودة والنوعية ذي ما قال أخونا الهادي |
رغم الجوده في بحري فناني المفضل محمد احمد عوض والكحلاوي وامكن هذا لحبي الكبير لمنطقة امدرمان
------------------------- بحري حلاوة و طراوة
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: Mutwali Malik)
|
متولي
Quote: امسك الشرك قبض واحد بحرواي يعترف |
اقبض شنو ياخ انا قلت ليك فناني محمداحمد عوض وانت قايلني انا حبيتو ليه عشان (بقول ماتحرك المركب وخلي الشباب يركب سوق معاك الرحلة شادينا ) وانت فاكر المركب ده كان متحرك وين ما لي بحري ياحبيبي حيث الخضرة والماء والوجه الحسن الكحلاوي : ياخي الكحلاوي لما مرض رحمة الله عليه قال ودوني بحري اخير لي من حراية امدرمان وكان طريح مستشفي بحري ياخي الناس ديل الشجرة التي كان يغنون تحتها في بحري شمبات للان موجودة انت بتقول شنو يامتولي (الله يرحمهم ويحسن اليهم ويتقبلهم قبول حسن )
| |
|
|
|
|
|
|
Re: الغناء في امدرمان ولا في بحري ولا في الخرطوم (Re: Mutwali Malik)
|
لك التحية أخي متولي على هذا الإطراء ، فالعيلفون مدينة غنية بالإبداع منذ زمن بعيييييييييييييد فيكفينا فخراً أنها أنجبت شيخ شعراء الحقيبة والذي لقب بتنبيه الغافلين الشاعر الفذ محمد ود الرضي وأيضاً شاعرنا المجيد والفنان والملحن أحمد محمد الشيخ الجاغريو أما في مجال الغناء فنجد العم المرحوم محمد ود طه كان من أشهر فناني الستينات والسبعينات ولا يفوتنا هنا أن نذكر شيخ فناني الحقيبة والمرجع الكبير الأستاذ مبارك حسن بركات ولا شك أن عميد الفن السوداني الأستاذ أحمد المصطفى أيضاً يمت بصلة قوية بالعيلفون على الرغم من أنه من الدبيبة وأهل الدبيبة والعيلفون ينتمون لجد واحد هو الشيخ إدريس ود الأرباب وأيضاً سفير الفن السوداني الأستاذ سيد خليفه ينتمي للدبيبة كما اسلفت ترتبط بالعيلفون بجدنا الشيخ إدريس ود الأرباب .. ولا أنسى ثنائي الدبيبة ،، أما في الجيل الجديد فنجد أيضاأن العيلفون لها وجود في الساحة الفنية الحالية بعدد وافر من الفنانين على سبيل المثال لا الحصر الفنان مرتضى علي السراج والفنان معتز صباحي والفنان حموده كمال وشخصي الضعيف والذي حرمتني الغربة من أن أكون متواجد بإستمرار في الساحة الفنية ولكن ساحاول بإذن الله التواجد في الأيام المقبلة .. كما لا يفوتني أن أذكر بعض الفنانين في العيلفون الذين لم يجدو حظهم من الظهور في الإعلام لاسباب شخصية او أسباب إعلامية فمهم الفنان محمد خالد الشهير بود الحاج والفنان حيدر الحاج والفنان عز الدين الحاج والفنان الطاهر بابكر والفنان علي سليمان والفنان عبده سليمان الشهير بالعبدوالفنان احمد التدر هؤلاء لم يجدو حظهم من الإعلام ،،، وهناك شخصيات أخرى عملت في مجال الإعلام منها الخال خلف الله احمد الذي كان له برنامج ثقافي إسبوعي في الإذاعة السودانية والذي عمل وكيلاً لوزارة الثقافة ومدير الفرقة القومية، والقائمة تطول فالعيلفون وشرق النيل بصفة عامة والعيلفون بصفة خاصة غنية برجالها في مجالات كثيرة ولكن هنا المجال مجال فن ... وآسف على الإطالة ..
تحياتي : ياسر العيلفون
| |
|
|
|
|
|
|
| |