|
Re: الفطور عندكم الساعة كم .. وفاطرين بشنو؟ أطول صيام ربما هنا فى أمريكا (Re: عوض مختار)
|
بريمه رمضان كريم, ورينارايك ليه فى صيامنا ده:
Ramadan 2010 Prayer Times ScheduleMonth: 9/1431, 8-9 / 2010 C.E Location: Iqaluit, NU, CANADA Calculation Method: North America Juristic Method: Standard
Day Ramadan Gregorian Fajr Sunrise Dhuhr Asr Maghrib Isha Wed 1 11/8 2:33 4:15 12:40 4:54 9:01 10:42 Thu 2 12/8 2:35 4:18 12:40 4:52 8:58 10:40 Fri 3 13/8 2:36 4:21 12:39 4:50 8:55 10:38 Sat 4 14/8 2:38 4:24 12:39 4:49 8:51 10:37 Sun 5 15/8 2:39 4:27 12:39 4:47 8:48 10:35 Mon 6 16/8 2:41 4:30 12:39 4:45 8:44 10:33 Tue 7 17/8 2:42 4:33 12:39 4:44 8:41 10:31 Wed 8 18/8 2:44 4:36 12:38 4:42 8:38 10:29 Thu 9 19/8 2:45 4:39 12:38 4:40 8:34 10:27 Fri 10 20/8 2:47 4:42 12:38 4:38 8:31 10:25 Sat 11 21/8 2:48 4:45 12:38 4:37 8:27 10:23 Sun 12 22/8 2:50 4:48 12:37 4:35 8:24 10:21 Mon 13 23/8 2:51 4:51 12:37 4:33 8:20 10:19
| |
|
|
|
|
|
|
Re: الفطور عندكم الساعة كم .. وفاطرين بشنو؟ أطول صيام ربما هنا فى أمريكا (Re: SHIBKA)
|
Quote: بريمه سلامات و لعلك طيب
كل الشباب طبعا هربوا الى المدن الجنوبيه, اوتاوا , مونتريال. بس ارجوا ان تشرفونا بعد خمسة سنه حيث الغرب فى الشتاء الساعه 1:00 ظهرا. نحن فى نفس التوقيت EST |
تعرف يا خالد فى الجاهلية العرب عندهم حاجه أسمها النسئ .. والله ذكره بأنه زيادة فى الكفر .. يحلو به الصيام أحيانا ويقدومونه أحياناً ويؤخرونه أحياناً ..
أنا ما عايز أقول ليكم تنسئوا .. لكن واضح أنتم محتاجين لفقه يخوض فى مسألتكم دى ..
والدين يسر .. يعنى الناس الشمس فى بعض المواقع فى الكرة الأرضية تكون 6 شهور ظاهرة لو جاهم رمضان يعملوا شنو؟
بريمة
| |
|
|
|
|
|
|
Re: الفطور عندكم الساعة كم .. وفاطرين بشنو؟ أطول صيام ربما هنا فى أمريكا (Re: بريمة محمد)
|
هذا كل الذى و صلنا من شيوخنا:
"تنقسم الجِهات التي تقع على خطوط العرض ذات الدَّرجات العالية إلى ثلاثة اقسام الأولى: تلك التي يستمر فيها الليل أو النهار أربعًا وعشرين ساعة فأكثر بحسب اختلاف فصول السنة. ففي هذه الحال تقدَّر مواقيتُ الصلاة والصِّيام وغيرهما في تلك الجهات على حسب أقرب الجهات إليها ممّا يكون فيها ليل ونهار متمايزانِ في ظَرف أربع وعشرين ساعة. الثانية: البِلاد التي لا يَغيب فيها شفق الغُروب حتّى يطلع الفجر، بحيث لا يتميّز شفق الشروق من شفق الغروب، ففي هذه الجهات يقدَّر وقت العِشاء الآخرة والإمساك في الصوم وقت صلاة الفجر، بحسَب آخر فترة يتمايَز فيها الشَّفَقان. الثالثة: تلك التي يظهر فيها الليل والنّهار خلال أربع وعشرين ساعة وتتمايَز فيها الأوقات، إلا أنّ الليل يطول فيها في فترة من السنة طولاً مُفْرِطًا، ويطول النهار في فترة أخرى طولاً مُفرِطًا. ومَن كان يقيم في هذه البلاد التي يتمايَز فيها الليل من النهار بطلوع فجر وغروب شمس، إلا أنّ نهارَها يطول جدًّا في الصيف، ويقصُر في الشتاء، وَجَبَ عليهم أن يُمسكوا كلّ يوم منه عن الطعام والشّراب وسائر المُفْطِرات من طلوع الفجر إلى غروب الشمس في بلادهم مادام النهار يتمايز في بلادهم من الليل، وكان مجموع زمانهما أربعًا وعشرين ساعة، ويحلُّ لهم الطعام والشراب والجِماع ونحوها في ليلهم فقط وإن كان قصيرًا. ومَن عَجَز عن إتمام صوم يوم لطوله، أو عَلِمَ بالأمَارات، أو التَّجرِبة، أو إخبار طبيب أمين حاذِق، أو غلب على ظنِّه أن الصوم يُفضي إلى مرضه مرضًا شديدًا، أو يفضي إلى زيادة مرضه أو بطءِ بُرْئِه، أفطرَ ويقضِي الأيام التي أفطرَها في أي شهر تمكَّن فيه من القضاء. انتهى مختصرا."
| |
|
|
|
|
|
|
Re: الفطور عندكم الساعة كم .. وفاطرين بشنو؟ أطول صيام ربما هنا فى أمريكا (Re: khalid Elkhidir)
|
بريمه سلام وكل عام وانت بخير وتصوم وتفطر على خير.
نحنا بعدكم في الافطار اشمعنى؟؟مع اننا في خطوط طوال واحده(هههه) بنفكر 8:25 تخيل!!
اما فعلا ناس شمال كندا ربنا يعينهم. ربنا يعينكم يا خالد.
عفراء
رجاء ازالة عنوانك لانه اسمك موجود بالانجليزي وكمان كتبتي عنوانك مليوين نصاب ممكن يستخرج بيه(كردت كارد) لا اقصد طبعا عضويتنا ولا قراءنا ولكن مجرمي الانترنت. فرجاء ازالته ويا جماه عفراء لو لم تعبر من هنا رجاء مراسلتها في الماسنجر لو ماسنجركم شغال انا ما شغال عامل لي عنده (ظار)!!
| |
|
|
|
|
|
|
Re: الفطور عندكم الساعة كم .. وفاطرين بشنو؟ أطول صيام ربما هنا فى أمريكا (Re: الصادق اسماعيل)
|
الأخ بريمة ... رمضان كريم تصوم وتفطر عل خير
الامساك عندنا فى سدنى باستراليا الساعة 4:43 والفطور الساعة 5:36 أى نصوم فقط 13 ساعة زيكم بالضبط فى أمريكا ، عشان كده يوم صيامكم يا أخوى ما طويل اليوم الطويل فى الاتحاد الاوربى اكثر من 16 ساعةومعاها سخانة وحر . والله حظكم بالشوفكم كده تقولوا قاعدين بفطوركم ده انتو فى السودان ما اظنكم فى امريكا بس عاوزين ليكم ضره بره عشان يضربكم الهمبريت ويغشاكم الماشى والجاى وكل سنة وأنت طيب
آدم جمال أحمد
| |
|
|
|
|
|
|
Re: الفطور عندكم الساعة كم .. وفاطرين بشنو؟ أطول صيام ربما هنا فى أمريكا (Re: الصادق اسماعيل)
|
الأخوان هانوف والصادق رمضان كريم
كتب هانوف ..
Quote: نحن بنصوم علي الاقل 15 ساعة يا عمك .. |
وكتب الأخ الصادق
Quote: يا راجل إنت بتحسب كيف، الصيام هنا في أمريكا 15 ساعة تزيد ولا تنقص
|
وكتب شخصى
Quote: يعنى صيام أكثر من 13 ساعة |
مازلت أظن نحن جميعاً متفقين فى الحساب .. وتعالوا ورونى الخطأ وين؟ ..
ما تفكروا رمضان طشش عيونى .. أنا فى الويك أند بضرب كوارع بتاعت (بييف) .. تخليك تقوم بردلب زى جميل الشيل ..
وما تنسوا اللبن الرايب .. مش الزبادى .. وهنا الوصفة جيب جركانة لبن حليب .. أنقصها مقدار كباية كبايتين .. وضع عليها قليل من الخميرة .. وأتركها خارج التلاجة .. حتى تتخمر تماماً ..
قبل الأستعمال ضع اللبن الرايب فى ماعون وأدخله التلاجة لزوم الترطيبة ..
أهم شيئ تحتفظ بالرواب .. خلى باقى لبن رايب فى قعر الجركانة .. وضع عليه حليب طازج من جركانة أخرى كل مرة ..
ولازم يكون لديك جركانة فارغة .. تصب فيها اللبن الرايب ثم تخجه مثل خج الجماعة لصناديق الأقتراع
إذا منطقتكم سخنة العملية بتظبط من أول مرة ..
أما إن كانت المنطقة باردة .. من الجركانة نمرة تلاتة ما فوق ..
الناس الحناكيش بضربوه بالملعقة .. أما نحن الغبش تشفط شفط لمايسمع للشفيط دوى .. مثل بتاع شفيط كباية الشاى السخنة ..
وهذه الوصفة من مطبخى الخاص فى رمضان ..
بريمة
| |
|
|
|
|
|
|
Re: الفطور عندكم الساعة كم .. وفاطرين بشنو؟ أطول صيام ربما هنا فى أمريكا (Re: بريمة محمد)
|
الأخ أدم جمال رمضان كريم
Quote: الامساك عندنا فى سدنى باستراليا الساعة 4:43 والفطور الساعة 5:36 أى نصوم فقط 13 ساعة زيكم بالضبط فى أمريكا ، عشان كده يوم صيامكم يا أخوى ما طويل اليوم الطويل فى الاتحاد الاوربى اكثر من 16 ساعةومعاها سخانة وحر .والله حظكم بالشوفكم كده تقولوا قاعدين بفطوركم ده انتو فى السودان ما اظنكم فى امريكا بس عاوزين ليكم ضره بره عشان يضربكم الهمبريت ويغشاكم الماشى والجاى وكل سنة وأنت طيب
آدم جمال أحمد |
أنتم ما بتجيكم أى عوجة من طول النهار .. عندكم أشجار البان راقده رج .. ومعروف لو عندك صداع تشم صفق شجرة البان .. ترتاح للأخر ..
يا زول ناس أمريكا محولين رمضان لولائم وعزائم أشد من بتاعت الأعراس فى السودان .. لو الشبع ينقص أجر الصائم .. ناس أمريكا أجرهم صفر .. ضاربين مبّغجات .. المبّغجات طبعاً بلغة أهلك البقارة فى الغرب .. تعنى الطيبات من الرزق ..
تحياتى
بريمة
| |
|
|
|
|
|
|
Re: الفطور عندكم الساعة كم .. وفاطرين بشنو؟ أطول صيام ربما هنا فى أمريكا (Re: بريمة محمد)
|
ول أباعثمان نواى
رمضان كريم
Quote: كل سنه وانت طيب يا بريمه ما تضيع صيامنا يا وال ابا عثمان نواي |
لذة رمضان فى الحرمان من الحاجات المعتادة ..
لما كنت طفل فى أول رمضان لى .. قبل الفطور أعجبتى قطعة بلح لها عنقرة .. أخذتها ووضعتها فى الجنبة .. تصدق كلما يأتى وقت الأفطار وأضرب المويات والعاصير .. أتعبئ فل .. وأقول أخلى بلحتى لبكرة .. وبكرة بكون نفس اليوم السابق .. وهكذا ظلت بلحتى تلاتين يوم .. لحدى يوم العيد ..
بريمة
| |
|
|
|
|
|
|
Re: الفطور عندكم الساعة كم .. وفاطرين بشنو؟ أطول صيام ربما هنا فى أمريكا (Re: بريمة محمد)
|
ولد الغرب ول أبا مازن
رمضان كريم
Quote: عاد لكن مع المبغجات اموركم واضحة
نحن هنا فى برلين الامساك 4 و افطارنا 8:30 (افطار امس) ممكن تقول 16 ساعة عشان كدا لو ركبت طيارة و جيتكم فى " موائد الرحمن فى بلاد العم سام " ما بلقى لى مبغجة معاكم ولا ملاح كول
مودتى
انت يا ول ابا الدوناتس يعتبر مُبغج سؤال صايم |
أولاً نعطيك فتوتى فى الدوناتس .. هو فصيلة متطورة من الزلابية .. وعليه يعتبر من ضمن المبّغجات بالمشابهة والمظهر والطعم ..
والمبّغجات تشمل جميع الطيباب خارج إطار مشتقات اللبن والعصيدة والكسرة .. يعنى شية كاربه ومعها جك عصير ليمون أو كركدى بسكر تقيل .. ومعها فلافل وتوابل وشطوط و(أبون غازييى)! تعتبر مبّغجات ذات محدّقات..
أكتشفت وحقيقةً عرفت من خلال صديق نوبى .. واحد من المحدّقات .. يسمى Horse raddish .. وهذه المصيبة بهار صعب ولكن تشمه وبس .. يجيبوه فى علب .. تشيله برأس الملعقة وتضعه فى صحنك .. وتعطن فيه قطعة عيشه .. قطعة العيشه هذه لا تأكلها حتى نهاية الطعام .. لكن كل مرة تأخذ لقمه .. تشيل قطعة العيشة المعطونة فى الهورس رادش وتشمها .. ذى شغلة ناس السلسيون ..
لكن يا مازن لما الواحد يشفط الهورس راديش يصعد فى قراقيش الرأس فوق .. لما رأس الواحد يلف .. هنا الصورة ..
http://en.wikipedia.org/wiki/Horseradish
بريمة
| |
|
|
|
|
|
|
Re: الفطور عندكم الساعة كم .. وفاطرين بشنو؟ أطول صيام ربما هنا فى أمريكا (Re: Manal Mohamed Ali)
|
حالتك تحنن يا منال ..
لا بليلة دخن .. لا أبرى .. ولا حتى سحور ..
هنا مواعيد الصيام فى بورت برينس
Prayer Schedule August / 2010 Date Day Fajr Sunrise Dhuhr Asr Maghrib Isha 21 Sat 4:17 5:32 11:53 3:11 6:13 7:24 22 Sun 4:18 5:32 11:53 3:11 6:12 7:23 23 Mon 4:18 5:32 11:52 3:11 6:11 7:22 24 Tue 4:19 5:32 11:52 3:11 6:10 7:21 25 Wed 4:19 5:33 11:52 3:11 6:10 7:20 26 Thu 4:19 5:33 11:51 3:11 6:09 7:19 27 Fri 4:20 5:33 11:51 3:11 6:08 7:18 Monthly/Annual Schedule
الأفطار عندكن اليوم الساعة 6:13 مساءاً، غداً إن شاء الله الأمساك عندكم الساعة 4:18 صباحاً ..
نقصى مواعيد أفطارك بحوالى 15 دقيقة ..
وعشان ما تطشى من القبلة .. وتسوى العملناه نحن لما جينا أمريكا كنا بنصلى أتجاه الغرب شهرين .. هنا البوصلة لأتجاه القبلة عندكم ..
وراجعى الوصلة لمزيد من المعلومات ,,
http://www.islamicfinder.org/prayerDetail.php?country=haiti&city=Port_au_Prince...ng=&aversion=&athan=
الله يكتر خير قوقل ..
بريمة
| |
|
|
|
|
|
|
Re: الفطور عندكم الساعة كم .. وفاطرين بشنو؟ أطول صيام ربما هنا فى أمريكا (Re: بريمة محمد)
|
لاحظوا موقع مدينة أخونا خالد الخدر فى شمال كندا .. مدينة Inqaluit فى المنطقة الصفراء ..
هنا خارطة القطب المتجمد الشمالى .. أنظروا شمال أسم الشركة صاحب الخرطة .. ٍShunya.net قارنوا مع خرطة كندا سوف تتعرفون على موقع المدينة ..
يا أخوانا والله تعذبنا فى هذه الدنيا .. نحن ناس صحراويين ومولودين فى أكثر بقاع العالم سخانة .. خط الأستواء .. البودينا مثل هذه الأمكنة التى تموت حيتانها من البرد شنو؟
الأخ خالد تصوم وتفطر على خير والله يعينك على البرد ..
بريمة
| |
|
|
|
|
|
|
|