|
|
|
 Re: لو عائزين مريخكم يمشي بالسلامة عليكم باسبيرات الامتياز ابو حمامة (Re: khaleel)
|
Quote: ستاذ محمد رمضان كريم
الهلال السنة دي نار منقد وكل الاسبيرات اصلية وعندها شهادة ضمان لمدة ثلاثة سنوات
او 60 الف كيلو متر
ايهما يخلص اولا |
رمضان كريم يا خليل
كل مرة بتقولو نار منقد , نار منقد , في النهاية النار تحرق أبو الهل نفسو.
اللعب بالنار بتحرق يا خليل.
علي كل أتمني الهلال يجينا ببطولة خارجية , بس ما عندكم كاش يا خليل , صلاح
ادريس بقي زي الجوكي كل يوم والتاني جاييهو أمر قبض بي شيك طاير , ذكرنا
ابراهومة زمان لما كان لسه بلعب في المريخ.
| |
 
|
|
|
|
|
|
|
|
Re: لو عائزين مريخكم يمشي بالسلامة عليكم باسبيرات الامتياز ابو حمامة (Re: Mohamed Abdelmotalib Hassan)
|
Quote: علي كل أتمني الهلال يجينا ببطولة خارجية , بس ما عندكم كاش يا خليل , صلاح
ادريس بقي زي الجوكي كل يوم والتاني جاييهو أمر قبض بي شيك طاير , ذكرنا
ابراهومة زمان لما كان لسه بلعب في المريخ. |
ايام كاس مانديلا يا استاذ محمد
الوزير ايدام تكفل بجميع مصاريف المريخ حتي احرز الكاس وعليه نعول علي الوزير حاج ماجد
للتكفل بجميع مصاريف الهلال حتي يحرز الكاس
لولا وجود الصفاقصي لاحتفلت منذ الان ببطولة الكونفدرالية
| |
|
|
|
|
|
|
|
|
|
Re: لو عائزين مريخكم يمشي بالسلامة عليكم باسبيرات الامتياز ابو حمامة (Re: khaleel)
|
Quote: مافي أثقل من كدة ..
لجماعة قالوا ياخدوا ليهم ( جمة ) يشيلو نفسهم حبة..
الدنيا رمضان..
والصائم في رمضان بفطر !!
حكايتي مع الصيام طالت..
الجماعة قالو يفطروا مع الهلال في ليبيا..
الهلال الجعان ده ناس زيمبابوي ديل ما كشفوا لينا لكن الليبيين (الأكالين) بكشفوا ليك تمام..
مزمل أبو القاسم قال المريخ إتعادل في الذهاب وانتصر في الإياب يقدر الهلال يعمل زي ما المريخ عمل!!
غايتو شفقان شفقة يا مزمل .. شفقة جابت ليك الفيفا في محلك..
إنت ما تصبر لما الكورة تنتهي بعد داك قول الشئ المناسب..
أها الجماعة الشبعانين إتغلبوا!!
في شنو يا ناس الاتحاد!!
ناس الاتحاد قالو المشكلة ما كانت في الأكل.. المشكلة كانت في (الشراب)!!
شربو ليك الاتحاد شراب..
والله حسن محجوب ده يشرب بحر..
ناس الهلال ثقيلين ثقالة ما حصلت..
غالبييين طواااالي .. ما تدوا معاكم الناس ديل!!
الدنيا رمضان يا أخوانا .. ننتظر زكاة العيد يعني ولا شنو؟؟
حيرتو الناس يا (بشة)
أي لاعب يجي من أي فريق ينجح في الهلال..
حتي (بويا) كان نجم المباراة!!
كلو ما ضحكو على لاعب سجل لهم الهلال لاعباً آخر!!
من خليفة لي جمعة .. ومن نمولي لي حلفا .. ومن حلفا لي بويا..
عليك الله أديني موية!!
العطش اليكتلك..!
إنتو يا كافي البلاء (الوصل) ما قادرين عليهو!!
وحارم وصلي مالك!!
البركة في تعادل الوحدة!!
الوحدة اليومين دي غالية..
عملتو شنو يا متوكل عشان تكون الوحدة جاذبة؟!!
أوعا يكون التعادل ده ذاتو باتفاق!!
نحن عايزين استفتاء..
عايزين نفصل الهلال من المريخ!!
منقو قل لا عاش من يفصلنا..
لكن كمان الوحدة الجاذبة دي ما عندها شروط..
ما معقول طوااااالي إنتو مغلوبين من الكبار والصغار.. من العرب والأفارقة وعايزننا نعمل معاكم وحدة!!
ما عندكم شئ جاذب..
إلا طارق مختار ده في حاجة جاذباهو لي وراء..
جاذبيتو الأرضية عالية جداً!!
يا جذاب يا سبب العذاب..
وثقالة الهلالاب عملت عذاب لحدي ليبيا..
وليبيا فتحت..
والله نحن تاني ما بوقفنا إلا التجميد..
لو في وزير شاطر يقيف مع الفيفا من أجل الهلال..
أي وزير يقول نتنازل للفيفا عشان الهلال بضمن يجي في الانتخابات الجاية..
انتخابات اتحاد الكورة يا خالد؟
اتحاد الكورة شنو .. الانتخابات البرلمانية..
لكن دي ما مضمونة!!
والله أنا كمان ما بقدر أضمن ليكم انتخابات مشرف عليها شداد!!
وشداد طبعا فرحان لانتصار الهلال أكتر من ميشو!!
لأنو جمهور الهلال بعد ده لو في زول جاب ليهو سيرة ( تجميد ) بسيحوا!!
بمناسبة التجميد والتسييح .. حكاية المراوح دي شنو!!
الجماعة القاعدين جنب بلة جابر ما قدروا يفرزو بينو وبين المروحة!!
مرات تشوف المروحة مدورة تقول بلة جابر مرات تشوف بلة مدور تقول المروحة!!
والمخرج يشيل ويجيب لينا في المرواح!!
فعلا عايزين طراوة!!
أقول ليكم حاجة .. المراوح دي ما بتحلكم .. شوفو ليكم (سوار)عشان الهلال ده نار!!
يا ناس..
الطريقة البلعب بيها الهلال اليومين دي ممكن تكتل ليها زول..
لكن أكيد الطريقة البلعب بيها المريخ اليومين دي كتلت ليها ناس كتار!
الله نسيت .. إنتو ما عندكم حاجة كويسة للوحدة الجاذبة!!
النفطي..
النفط أساس الوحدة!!
لكن النفطي ده (بيرو) ما نشفت يا خالد..
ياخي دي شغالة ليها أكتر من تلاتين سنة!!
والله دي كمية من المواسير في سوق المواسير مافي!!
ودكتور حاتم (مصر) علي إنو الموسم ده موسم وارغو..
نحن قلنا جائز دكتور حاتم يكون قائل الموسم يا دووب بادي في السودان زي مذيع قناة الجزيرة (الغبيان) الكان بذيع في كورة الهلال والاتحاد الليبي!!
مذيع ما بعرف هيثم مصطفي لاعب ولا في الاحتياطي ولا عارف إنو (خليفة) لاعب في الوسط وإنو مساوي هو قلب الدفاع.. مذيع لا عارف الموسم في السودان ببدا متين ولا بينتهي متين ولا حتى عارف حاجة عن الاتحاد الليبي!
والمشكلة الكبيرة إنو ما بعرف يتكلم عربي كويس..
لكن الهلال وغصباً عن عين الجزيرة انتصر..
والسودان غصباً عن عين الجزيرة انتصر..
قناة لا تحترم مشاهديها .. قناة لا تحترم نفسها..
والله ناس قناة أبو ظبي كانو محترمين جداً في مباراة المريخ..
مباراة ودية ومنقولة بستة كاميرات على الأقل .. ناس الجزيرة تقول ناقلين الكورة بالموبايل!!
نحن عشان الحركات دي ما بنحب الكونفدرالية!!
بطولة ما فيها أي إثارة بالنسبة لينا.. ضامنين غالبين.. رايح جاي..
ثقيلين ثقالة!!
|
| |
|
|
|
|
|
|
| |
khaleel
Mohamed Abdelmotalib Hassan
معاوية عبيد الصائم
محمد عبدالرحمن
عبداللطيف حسن علي
فدياس نجم الدين
عبدالعزيز الفاضلابى
فيس بوك
تويتر
انستقرام
يوتيوب
بنتيريست