|
مالك يومِ الدين؟
|
مالك سليمان من أولاد بورتسودان، كان من ضمن لجنة منظمة لحفل أقامه الفنان زيدان إبراهيم بمدينة بورتسودان، اللجنة كلفت مالك سليمان بأمر الفنانين، ومالك قام بدوره بأكمل وجه، من عشاء الفنانين، شاي الفنانين، سكر الفنانين، ترحيل الفنانين، إلخ! وأصبح مالك ملازماً لهم كالظل، وأي واحد من الفنانين داير حاجة يسأل عن مالك، ومالك أقرب إليهم من آلاتهم.. تمر الأيام والسنون، حضر مالك سليمان للخرطوم لأمر ما، فصادف وجوده بالخرطوم حفلة بنادي الضباط سوف يحييها زيدان، خرج مالك باكراً صوب مكان الحفل، ليسلم على صديقه زيدان قبل أن يطلع المسرح. جاء زيدان فداهمه مالك سليمان عند المدخل، زيدان إزيّك ياخي! ليك وحشة! حق الله بق الله! سلم عليه زيدان سلام فاتر، شعر مالك سليمان بذلك الفتور، فقال له: يا زيدان إنت ما عرفتني؟ أنا مالك! __ فرد عليه زيدان: مالك يومِ الدين؟
|
|
|
|
|
|
|
|
Re: مالك يومِ الدين؟ (Re: Yassir Tayfour)
|
أبوتفة يا لذيذ رمضان كريم..... و رمضان الجاي صايم مع وليداتك....
_________
Quote: شعر مالك سليمان بذلك الفتور، فقال له: يا زيدان إنت ما عرفتني؟ أنا مالك! __ فرد عليه زيدان: مالك يومِ الدين؟ |
تعرف في التمانينات كان معظم المناسبات في القوز و الحلة الجديدة... تقام يا بـ فيصل الصحافة أو الطيب مدثر أو عمار السنوسي.....
أهــا بحكم التكرار أصبحت علاقتنا بهؤلاء الفنانين كأصدقاء.... في يوم من حفلات الشتاء في القوز و بين الفاصلين قاعدين أنا و صاحبي جدو بنتونس.... مع فيصل الصحافة .. أها جا ليك بعام طاير من هناك و شبك ليك فيصل سلام بالأحضان... اها لاحظ فيصل إنه سلامو فيهو تقلة و بارد.. فقام قال ليهو يا فيصل إنت ما عرفتني و لاً شنو؟ فيصل قال ليهو لا و الله ما متذكر... فصاحبنا قال ليهو ياخ انا فلان قابلتك في حفلة في الصافية قبل سنة بس كنت حالق صلعة و هسي خنفستة... فيصل بكل برود و خفة دم قال ليهو... طيب خنفستة ليه
| |
|
|
|
|
|
|
Re: مالك يومِ الدين؟ (Re: Haytham Abdulaziz)
|
الزومة لاقاهو واحد و شبكو ليك سلام تقيل و احضان قال ليهو: يا الزومة ما اتذكرتني قال ليهو : و الله بس الذاكره تعبت و كدا .. لكين ذكرني انت ... نحن اتلاقينا وين؟ عمك قال للزومة: ياخي تتذكر قيل تلاته سنة لاقيتك في القطر و كنا جايين الخرطوم!!
الزومة: هي لكين القطر دا جينا سايقنو سوا !!؟
| |
|
|
|
|
|
|
Re: مالك يومِ الدين؟ (Re: ناصر احمد الامين)
|
Quote: أهــا بحكم التكرار أصبحت علاقتنا بهؤلاء الفنانين كأصدقاء.... |
اها و لو لاقيتم هسه يا هيثم حيتغابوا فيك العرفة و للا حيتذكروا؟؟
________________________________________________________ يظهر انو صحبة الفنانين ديل اخير منها صحبة القطر.
| |
|
|
|
|
|
|
Re: مالك يومِ الدين؟ (Re: سيف النصر محي الدين محمد أحمد)
|
كل سنة وإنتو طيبين osman righeem ناصر احمد الامين محمد عبد الماجد الصايم محمد إبراهيم علي Haytham Abdulaziz سيف النصر محي الدين محمد أحمد
غايتو بعد عملية النو مع صديقنا بيجو وعملية زيدان مع مالك سليمان، مفروض أي زول يراجع علاقتو بأي فنان؛ وأنا من الآن أعدت تقييم علاقتي بالفنانين طارق أبوعبيدة الشهير بخدر وضياء الدين ميرغني الشهير بالطاهر.. ___ المقاييس الإنسانية أولاً
| |
|
|
|
|
|
|
Re: مالك يومِ الدين؟ (Re: سيف النصر محي الدين محمد أحمد)
|
Quote: اها و لو لاقيتم هسه يا هيثم حيتغابوا فيك العرفة و للا حيتذكروا؟؟
|
تعرف يا سيف المشكلة في الذاكرة يعني هسي الكلام دا قبل أكثر من عشرين سنة... و الناس إتشتت و إنشغلت لكن زي ما قلت مسألة إتغابوا العرفة دي واردة إجباري و كمان ما تنسى... منذ تلك الفترة هؤلاء الثلاثة فنانين غادروا السودان و إستقروا في السعودية...
Quote: يظهر انو صحبة الفنانين ديل اخير منها صحبة القطر. |
برضوا يا سيف زي صحوبية لاعبين الكورة .. الواحد يكون لعب معاك في الروابط في فريق واحد... اها قام سجل في القمة و طوالي رفع القزاز و ظللوا و بقى يسلم عليك بالبوري تيت تيت... اها بعد يشطبوا يجي يفتش في اولاد الحلة....
| |
|
|
|
|
|
|
|