|
|
|
 Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: HAYDER GASIM)
|
شهدت مدينة أدمنتون بغربي كندا الإسبوع المنصرم, مهرجان التراث والذي شارك فيه ممثلي أكثر من سبعين دولة, عبر أبنائهم المقيمن بكندا, أي الجاليات والفعاليات الإجتماعية والثقافية المهاجرة, وكان معرضا ضخما ممتدا على مد البصر في حديقة كبيرة وغناءة , إحشد فيها الفن بكل مجسماته وأدواته ومعروضاته , كما إحتشد فيها الناس بكل تنوع سحناتهم وثقافاتهم وعلى تعدد أنماط موسيقاهم وطرائقهم في الغناء والرقص واللبس وما يتصل, فتحررت المشاعر وإنتقلت إلى مناخ الصفاء الأخوي المبين وإلى عوالم الإبداع الإنساني الشفيف.... فكان عرضا جميلا ... سوف يرسخ وكثيرا في ذاكرة كل من كان هناك.
| |
 
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: النصرى أمين)
|
Quote: ياحيدر ياخ الزول الفى المسرح ده مندمج اندماج خلانى انا
زاتى اندمج معاهو....
لقيت نفسى بهز فى رقبتى زيو من شدة الاندماج ..
ياخ ده زول فنان لمن غلط . |
النصري ... كيفنك يابا,
ياخ الشغل كلو جميل والطقس
الإبداعي صحو وممتع, وزولك ده
فنان بشدة, وقائد ربان بلا نزاع.
يا ريت لو تحضر كاميرات أخرى لعكس
هذا الحدث, لأن الواضح أن التركيز
هنا على التصوير لجهة واحدة. وياريت
كمان بالمرة لو يحضر بورداب البرتا
بالمرة, فهذا بوستهم ... وهم أهل مكة
والأدرى بشعابها.
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: HAYDER GASIM)
|
الشكر للأخ الفنان السوداني التورنتوي, ياسر نجم
لمشاركته المائزة في التوضيب الفنى للخيمة السودانية,
ولمساعدته بجم خبرته في تزكية الثرات السوداني,
وفي تحسين وتحديث ميكانزم عرضه للناس.
وشكرا له أيضا وهو يدلنى على المصدر الإسفيري,
الذي سهل مهمة فتح هذا البوست.
وشايف ولدنا طارق شنقة, متحزم ومتلزم وداقي
طبل بمزاج... فله التقدير على المشاركة والإهتمام.
أرجو أن نقرأ هنا بهذا عن كل من ساهم في هذا العمل
من المجتمع السوداني بالبرتا أو غيرها, إقرارا لحق
وحفظا لتاريخ ومحفظة لعرفان.
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: HAYDER GASIM)
|
سلمى الشيخ سلامة ... شخصيا ... إذن فنحن محظوظون.
Quote: جميل ان نرى هذا الرقص البديع
والغناء الابدع
سؤالى
هل تعرف هؤلاء الصغيرات معنى الكنداكة ؟
ثم معنى الرقصات التى يرقصنها ؟
فهى مزيج بين الشرق
والوسط والغرب والمزاج العام الافريقى الذى يلبسنا
شكرا لكل من تغنى تمنى ورقص
شكرا حيدر
رمضانك كريم |
بل وهل يعرفن سلمى, وهي تجاور عصرهن
وتتماهي في لجاج صراع, حتى يكن جيلا أوفر حظا
وحرية.
تصدقي يا سلمي كم هن أذكياء, وأعتقد أن
مدخورهن في المعرفة يفوق تصورنا عنهن.
... بس بالإنجليزي ... ههههه.
شكرا يا ستي على المرور, وخليك قريبة
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: HAYDER GASIM)
|
Quote: الاخ حيدر سلامات ورمضان كريم
والله احتفالات رائعه جدا
الا الاعلان ليها كان متأخر جدا
والله لو عندنا خبر كنا شاركنا فيها
خصوصا نحن الايامات دى فى اجازه
تحياتى لك وللاخوه الذين قدمو
هذا العمل الرائع جدا |
أخي خيري بخيت خيري ... تسلم,
فعلا ... عمل طيب ويدعو للفرح والتفاؤل.
أشاركك الزعم بضعف الدعوة, وهذا مما ينبغي
إعتباره في المرات القادمات... وليس المعني
بالدعوة هنا فقط المشاركة العضوية, إنما كفالة
الفرصة لكل المجتمع السوداني بكندا, ليتابع
نشاط أحدى أفرعه أيا كان موقعه الجغرافي, فنحن
شديدو الإرتباط ببعضنا البعض, ونعقتد أن مشكلنا
واحد وتحدياتنا واحدة ومخرجنا واحد... وليس
كثيرا من بعد أن نتحد في أفراحنا وإبداعنا
... بل وفي أحزاننا كذلك.
أفكر هذه الأيام في مشروع فيدرالية للجاليات
السودانية بكندا, ليكون مرتكز بداية لتكوين
أجمع وأضم لكل مناحي نورث أمريكا... وأتحرى
بذلك وحدة الهم في سياق البحث عن أفضل سبل
لنجاحنا في المهجر, على خليفة إرتباطنا بالسودان.
... ولي قدام
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: HAYDER GASIM)
|
السلام عليكم ورحمة الله وبركات
رمضان كريم
شكرا للاخ حيدر قاسم لفتح هذا البوست لمشاركة الجالية السودانية بمدينة ادمنتون فى مهرجان الثقافة والتراث ال ٣٥ بمدينة ادمنتون والذى يقام سنويا فى الفترة من ٣١/٧ وحتى ٢/٨ .
والشكر لكل المتداخلين فى هذا البوست وانشاء الله سوف نعدكم بتوثيق هذا العمل الذى جارى العمل فى اخراجه.
والشكر موصول للاخوة فى جالية تورنتو وعلى رأسهم الاخ الباشمهندس كمال شيبون والاخوة الفنان ياسر نجم والفنان طارق شنقا تورنتوسابقا ومن مواطنى ادمنتون حاليا .وسوف نواصل معكم باحداث المهرجان قريبا .
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: الجالية السودانية بأدمنتون)
|
حيدر
واللة عينى باردى والصلاة على النبى
وعليكم اللة ماتنسوا تبخروا المبدعات ديل
بى بخور التيمان
واللة دا
شى بيجيب العين عديل... وعين البتريدك تزيدك
او فى رواية اخرى ( يبغر)
ماتنسوا البخور لازم يكون فيهو شب من عين ال.....
اكثر ما افرحنى فى المهرجان دا ( المخاطبة الثقافية دى)
انو الشباب ديل يؤدون هذا الغناء والانفعال وهم فرحانين
ودا ياهو ال
BREAK THROUGH
اللى حيخرجنا من غناء الضلفتين اللى تعسم بينهما الابداع السودانى
وتلبستة حالة عبوسا قمطريرا
اعنى اما محاصر بين ما اصطلح عليهما ( بالهابط او الطايروالمعلق ومحلق فى التهاويم والهلاويسس!!!).
نحن هنا نفكر فى سيدنى
فى انشاء ( نوبة ومدائح وطارات) ومن كل حسب استطاعتة.
تسلمو ايها الكنديون من اصول سودانية فى
تعريفنا لكل الكنديين من مختلف الاعراق والارومات.
وكل عام وانتم بالف عافية وتمامات الصحة وعمل الصالحات.
هاشم الحسونى
سيدنى
الاثنين 16/8/2010
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: HAYDER GASIM)
|
Quote: السلام عليكم ورحمة الله وبركات
رمضان كريم
شكرا للاخ حيدر قاسم لفتح هذا البوست لمشاركة الجالية السودانية بمدينة ادمنتون فى مهرجان الثقافة والتراث ال ٣٥ بمدينة ادمنتون والذى يقام سنويا فى الفترة من ٣١/٧ وحتى ٢/٨ .
والشكر لكل المتداخلين فى هذا البوست وانشاء الله سوف نعدكم بتوثيق هذا العمل الذى جارى العمل فى اخراجه.
والشكر موصول للاخوة فى جالية تورنتو وعلى رأسهم الاخ الباشمهندس كمال شيبون والاخوة الفنان ياسر نجم والفنان طارق شنقا تورنتوسابقا ومن مواطنى ادمنتون حاليا .وسوف نواصل معكم باحداث المهرجان قريبا |
مرحب بالجالية السودانية بأدمنتون,
وكم يعجبنا ويسر خاطرنا أن نرى جاليتكم
وهي تتجاوز المربعات الصغيرة, لتقفز إلى
حيث التنافس والتباري العالي, فهذه نقلة
نوعية إلى العالمية وبكل تواضع, وبالطبع
هي درس كذلك لتتعلموا منه كيف تصنعون
الأفضل في المستقبل. وفي كل الأحوال فقد
أفرحتم سائر أهلكم السودانيين في خصوص
كندا وعموم الشتات.
ننتظر توثقكم وتعليقكم, وسمح القول من
خشم سيدو... مع عاطر الود والتقدير.
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: HAYDER GASIM)
|
Quote: حيدر
واللة عينى باردى والصلاة على النبى
وعليكم اللة ماتنسوا تبخروا المبدعات ديل
بى بخور التيمان
واللة دا
شى بيجيب العين عديل... وعين البتريدك تزيدك
او فى رواية اخرى ( يبغر)
ماتنسوا البخور لازم يكون فيهو شب من عين ال.....
اكثر ما افرحنى فى المهرجان دا ( المخاطبة الثقافية دى)
انو الشباب ديل يؤدون هذا الغناء والانفعال وهم فرحانين
ودا ياهو ال
BREAK THROUGH
اللى حيخرجنا من غناء الضلفتين اللى تعسم بينهما الابداع السودانى
وتلبستة حالة عبوسا قمطريرا
اعنى اما محاصر بين ما اصطلح عليهما ( بالهابط او الطايروالمعلق ومحلق فى التهاويم والهلاويسس!!!).
نحن هنا نفكر فى سيدنى
فى انشاء ( نوبة ومدائح وطارات) ومن كل حسب استطاعتة.
تسلمو ايها الكنديون من اصول سودانية فى
تعريفنا لكل الكنديين من مختلف الاعراق والارومات.
وكل عام وانتم بالف عافية وتمامات الصحة وعمل الصالحات.
هاشم الحسونى
سيدنى
الاثنين 16/8/2010
|
وهاشم الحسوني ... ده كمان صاحبي شديييد,
لكنه ولا شك موفور الضمير ويحب الناس من
مقام الإنسانية الرفيع... شفتوهو مبسوط كيف
من الشغل ده, لامن خايف { عليهن } من العين,
فيا عشة بت بدر وبقية الأمهات شوفو موضوع
البخور ده { بس بعد الفطور عشان ما إجرح الصيام }
وأنا شايف حقو الناس إكرموا كتيبة الإبداع اللي
مثلت ا لسودان وعكست جانبا من تراثه, فهؤلاء أدوا
رسالة هي من صميم مهماتنا في المهجر. ومحضوا
خاطرنا السوداني حزمة من الرضا والإرتياح. لكون
ما يزال الجين السوداني ساري المفعول وسط
أجيال ولدت وترعرعت في المهجر.
فشكرا يا هاشم, وأنت تفرح بصدق, وتتحدث به كذلك.
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: HAYDER GASIM)
|
Quote: أحمد العربي ... كيفنك يابا,
البركة في البوست ده الجابك لينا.
فمرورك من هنا يضفي عبق الفنان
وأنت في هذا صميم.
ولمن لا يعرف أحمد العربي, فهو مبدع
بإحساس خاص, وبريشة من صندل وألوان
من تعبنا وفرحنا... فنان في كل شئ.
فأطربوا به |
الجميل حيدر
يابوي مالك علينا في الهجير ده
تعرف جنس النضمي ده ياهو البخلينا نتاوق
ونمشي .... بعدين الواحد لسه بيحبى وبجرب
في خامات على ابداع الشعب السوداني الممتد ومحيرنا ده
يعني يا دوب تجارب....
طبعا عزاي الوحيد انو كلامك ده مجروح لانو ليك مكانه
مقدرة ومحبة شديدة ومحفوظة
كن بخير
وبلغ تحياتي تاني للقائمين على هذا العمل ومنتظرين
الكتير
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: HAYDER GASIM)
|
تحية عاطرة للاستاذ حيدر ...جميل ان تتحفنا بما ينشط رؤانا ويعيدنا الي سيرتنا الاولي وثقافتنا بتنوعها الخلاق يقدمها الابناء في شمال العالم..جهد يشكر للقائمين به وتوضيح سماتنا في الفضاء الانساني..وفي ذلك فاليتنافس المتنافسون...بعيدا عن الاستقطاب الحاد والذي اوشك ان يصيب حراكنا الثقافي بالعطب و الشلل ...
لست ادري كيف تذكرت كلمات صديقنا الحردلو...نحن الدانقة والراكوبة والواطة...ونحن الفكة والشبكة ...ونحن الحجزة والعكة ...ونحن الجود ..ونحن اسود ..ونحن النان .. حديثنا اذا اردتو رطان ...وحين دايرين نسوي بيان...
الانحناءة للجهد الرائع ولاضاءاتكم الباهرة ...ورمضان كريم
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: محمد الكامل عبد الحليم)
|
في مهرجان الهرتش لقد قدمت الجالية السودانية اروع ماعندنا
من ثقافة شعبية ورقصات ووجبات سودانية وقد احبها الجمهور
اما عن العرض الشعبي فقد كان رائعا
وقد اشترك كل افراد الجالية السودانية في هذا المهرجان
واخرج باجمل صورة تليق بالسودان الوطن الواحد والشعب الموحد
وكان انصهار الثقافة السودانية مع الثقافات الاخرى
وكان وجود السودانييين متميز جدا وكان بها لقاءات مع كثير من المجلات حول ثقافات السودان
وقد كان العرض جميل
ونحن نفتخر بذلك الازدهار الثقافي
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: أحلام إسماعيل حسن)
|
Quote: الجميل حيدر
يابوي مالك علينا في الهجير ده
تعرف جنس النضمي ده ياهو البخلينا نتاوق
ونمشي .... بعدين الواحد لسه بيحبى وبجرب
في خامات على ابداع الشعب السوداني الممتد ومحيرنا ده
يعني يا دوب تجارب....
طبعا عزاي الوحيد انو كلامك ده مجروح لانو ليك مكانه
مقدرة ومحبة شديدة ومحفوظة
كن بخير
وبلغ تحياتي تاني للقائمين على هذا العمل ومنتظرين
الكتير |
سلامي ... أحمد العربي,
وكلما تطل يغشانا دعاش البلد,
وأريجها الأعفر ومحياها المبين.
أحمد ... لازم نحدث الناس عنك وما
إخترته للتواصل معهم وللتعبير عن
همومهم وواقعهم وتطلعاتهم... إنه
الفن والإبداع ... وأنت هنا تطول
قامة وتفوق الناس وسامة.
سوف يغري هؤلاء الشباب السودانيين
الكنديين, ويشنف مسامعهم, أن مبدعي
السودان يهتمون بهم ويتابعون نشاطهم.
ففي هذا طاقة معنوية جبارة, سوف تعينهم
على المزيد من العمل والنشاط, وهذا مما
يغني الرسالة السودانية بالمهجر, ويوفر
لها عناصر الحياة والتطور... فإلتحاق
الجيل الثاني بالمنظومة الثقافية السودانية,
هو نجاح مائز ومفصل حراك وربط للأجيال القادمة,
وهكذا تتفاعل المسيرة...
تحياتك واصلة لمن عنيت, وياخ بالمناسبة لو عندك
رابط لأعمالك الفنية, فأرجو أن توفره للقراء.
... وكن بخير
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: HAYDER GASIM)
|
Quote: تحية عاطرة للاستاذ حيدر ...جميل ان تتحفنا بما ينشط رؤانا ويعيدنا الي سيرتنا الاولي وثقافتنا بتنوعها الخلاق يقدمها الابناء في شمال العالم..جهد يشكر للقائمين به وتوضيح سماتنا في الفضاء الانساني..وفي ذلك فاليتنافس المتنافسون...بعيدا عن الاستقطاب الحاد والذي اوشك ان يصيب حراكنا الثقافي بالعطب و الشلل ...
لست ادري كيف تذكرت كلمات صديقنا الحردلو...نحن الدانقة والراكوبة والواطة...ونحن الفكة والشبكة ...ونحن الحجزة والعكة ...ونحن الجود ..ونحن اسود ..ونحن النان .. حديثنا اذا اردتو رطان ...وحين دايرين نسوي بيان...
الانحناءة للجهد الرائع ولاضاءاتكم الباهرة ...ورمضان كريم |
أخونا ... محمد الكامل عبدالحليم ... تسلم,
كلماتك أنيقة وحافلة بالمعاني والمضامين الملهمة,
وهذا بالضبط ما نحتاجه في زمن تتراجع فيه همتنا
وتخف موازيننا. فلا بد وأن نعكسس الآية لنعيد لبلدنا
مجده ونحفظ له تاريخه ونرعى طموح أهله ونقوم بما
يلينا في الحفاظ على السودان وتراثه وقيمه العزيزة
علينا. ووصل هذا التراث بالمكون الثقافي لأجيالنا
السودانية المتربية في الخارج, هو التحدي الذي نناقشه
الآن, وهو بالطبع قضية كل مهاجر سوداني, وحيث تحتل
المنظمات والفعاليات الإجتماعية والثقافية رأس الرمح.
لهذا فمثل هذه البادرة الإجتماعية والوصلة الإبداعية
التي نظمتها قيادة المجتمع السوداني بأدمنتون, تجد
منا ومن كل حريص على الثقافة السودانية ... التقدير
والتشجيع ... وكل الفرح.
... ولي قدام
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: HAYDER GASIM)
|
Quote: في مهرجان الهرتش لقد قدمت الجالية السودانية اروع ماعندنا
من ثقافة شعبية ورقصات ووجبات سودانية وقد احبها الجمهور
اما عن العرض الشعبي فقد كان رائعا
وقد اشترك كل افراد الجالية السودانية في هذا المهرجان
واخرج باجمل صورة تليق بالسودان الوطن الواحد والشعب الموحد
وكان انصهار الثقافة السودانية مع الثقافات الاخرى
وكان وجود السودانييين متميز جدا وكان بها لقاءات مع كثير من المجلات حول ثقافات السودان
وقد كان العرض جميل
ونحن نفتخر بذلك الازدهار الثقافي |
الأخت احلام سماعين حسن ... تسلمي,
كلام سمح ... يغطي مساحة واسعة من نشاط الكميونتي
في أيام المهرجان, وواضح أن الصور لم توضح كل
مسارات النشاط الذي قامت به الجالية, فجميل أن
نسممع تفاصيل أكثر, ويا حبذا لو دعمت بصور, ومقتطفات
من الصحف والمجلات التي غطت الحدث... وفي كل الأحوال
فإن المعروض من نشاطكم كان كافيا لإستثارة مشاعر الفرح
وأواصر التعاضد فينا. فنجاحكم هو نجاحنا جميعا, وتقبلوا
بهذا عظيم تقديرنا وإعجابنا بمشاركتكم في ذلكم المهرجان
... مع أمنياتنا لكم بالتوفيق وبالمزيد من النجاح.
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: HAYDER GASIM)
|
مشاركة جالية أونتاريو في الآفروفيست,
ومشاركة جالية أدمنتون في مهرجان التراث,
مؤشران لسير مجتمعنا السوداني الكندي في الإتجاه
الصحيح. والصحة هنا تعكس الرغبة في الحضور
وإحتلال الرقعة التي تخصنا ضمن سائر المجتمع
الكندي, وهو نشاط يعبر عن تجاوزنا لمرحلة
التفكير والتواجد المؤقتين بكندا, فالواضح
أننا هنا لنبقى وأننا لسنا مغتربين. لهذا
فمن الأفضل أن نبحث عن كل ما يعزز مقامنا
ويصوب أحوالنا ويستوعب هويتنا وملامحنا
الثقافية ومرجعياتنا التاريخية. ونشاط كهذا
يضعنا على طريق الإلتحاق بالمجتمع الكندي
الكبير داخلين من بوابة التعددية الثقافية,
لننصب خيمتنا ونربط فيها ماضينا بحاضرنا
وسوداننا بوطننا الجديد... وهكذا.
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: HAYDER GASIM)
|
والمشاركات الفعلية كانت في المهرجان وإبداع الفرقة الشعبية التي قدمت عرض على خشبة المسرح , وكان مجهوداً جباراً من مجموعة من أخواننا واخواتنا في الجالية السودانية بإدمنتون وهم : خليفة خوجلي خليفة وزكية عبد الجليل وعائشة الطاهر , فكان إبداعاً وإبراز للتراث والثقافة السودانية وكان إنعكاساً جميلاً في هذه اللوحة الرائعة , ويتواصل الشكر إلى ياسر نجم وزميله الذين أتوا من تورنتو للمشاركة معنا لإكمال اللوحة الفنية الرائعة . وأنا أقدم الشكر إلى المجموعة التي ساهمت في ابراز الفن السوداني بصورة جميلة ورائعة , وأشكر كل الذين ساهموا بمجهودهم داخل خيمة العرض , وأتقدم بالشكر إلى رئيس الجالية السودانية في إدمنتون بهاء الدين واللجنة التنفيذية على المجهود الجبار الذي قُدم عبر هذا البرنامج ونتمنى أن يقدموا دائماً الجميل والمفيد في المهرجانات التي تمثل السودان , ونحن دائماً سفراء لبلدنا في الخارج .
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: أحلام إسماعيل حسن)
|
تحية...تفعيل وتنشيط والاسهام في الحراك الثقافي ضمن منظومة الثقافات العالمية لا يقوم به الا اولو العزم من النابهين والناشطين والمهمومين بالتواصل الثقافي في ابهي صور تفاعله...لذلك يجئ شكرنا وامتناننا للذين قدموا وما بخلو وشاركوا وتفاعلوا ووضعوا(صينينتا) الدسمة هنئيا مريئا للمتذوقين...الاروع هو ربط اطفالنا اكبادنا بموروثهم الثقافي بتنوعه الخلاق ومشاركتهم الفاعلة في الحراك بثقة الواثق وروح المشارك المقتدر...
الانحناءة مرة اخري ومرات للجهد الرائع والي الامام
تقول لي شنو ...وتقول لي منو؟
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: محمد الكامل عبد الحليم)
|
| Quote: والمشاركات الفعلية كانت في المهرجان وإبداع الفرقة الشعبية التي قدمت عرض على خشبة المسرح , وكان مجهوداً جباراً من مجموعة من أخواننا واخواتنا في الجالية السودانية بإدمنتون وهم : خليفة خوجلي خليفة وزكية عبد الجليل وعائشة الطاهر , فكان إبداعاً وإبراز للتراث والثقافة السودانية وكان إنعكاساً جميلاً في هذه اللوحة الرائعة , ويتواصل الشكر إلى ياسر نجم وزميله الذين أتوا من تورنتو للمشاركة معنا لإكمال اللوحة الفنية الرائعة . وأنا أقدم الشكر إلى المجموعة التي ساهمت في ابراز الفن السوداني بصورة جميلة ورائعة , وأشكر كل الذين ساهموا بمجهودهم داخل خيمة العرض , وأتقدم بالشكر إلى رئيس الجالية السودانية في إدمنتون بهاء الدين واللجنة التنفيذية على المجهود الجبار الذي قُدم عبر هذا البرنامج ونتمنى أن يقدموا دائماً الجميل والمفيد في المهرجانات التي تمثل السودان , ونحن دائماً سفراء لبلدنا في الخارج . |
كلام جميل ... وعمل مقدر ... ولي قدام.
شكرا ... إحلام
| |
|
|
|
|
|
|
|
|
|
Re: تعالوا شوفوا الخيمة السودانية, في معرض التراث بأمنتون/ كندا... حاجة ما تخلص (Re: الجالية السودانية بأدمنتون)
|
القصص و الا بداع لم يكن قاصرا علي مجموعة البنات دي
هنالك الاخ الاثيوبي صاحب محل بيع اللحوم الذي رفض ان ياخذ اكثر من الف وميتين دولا ر قيمة لحوم لمهرجان التراث
كذلك الا خ الذي تبرع باكثر من ٦٠٠ دولا ر لتكريم هولا ء البنات
الاخوات عائشه الطيب و زكيه و قد قضوا اكثر من ١٢٠ ساعه في تدريب هولاء البنات.
الاخوه و الاخوات الذين كانوا يعملون في تجهيز اكلا تنا السودانيه لعرضها للجنسيات الا خري و من ضمنهم احلا م اسماعيل حسن.... فلهم منا جميعا كل الشكر
| |
|
|
|
|
|
|
| |
HAYDER GASIM
هاشم نوريت
سلمى الشيخ سلامة
احمد العربي
mekki
BAKTASH
محمد الكامل عبد الحليم
أحلام إسماعيل حسن
فيس بوك
تويتر
انستقرام
يوتيوب
بنتيريست