|
سـاعة الغروب ساعة الشفق كاسي البلد لون الحَمـار
|
ساعة الغروب ساعة الشفق .. كاسي البلد لون الحَمار و العصافير في اشتياق متسابقة لي حضن الديار والنسايم الهابه من قوز الجروف منسابة بي ريحت الخدار وانا كنتا واقف .. وفي انحدار ضُل المواقف غالبني كان الانتظار احساسي انو عمر طويل أيامو مدهـا في إنحسـار ... وعِنية كابي الجرح نازف وعِنية بتطاير شـرار وكنتا راجيك ذي عوايدك رونـقكـ يذداد نَضار تكسيني بي جِبة حنينكـ وتملِح الشوق بي البهُار نستقبل القدامنا ... نضحكـ ونقلِـف المُر بالهزار لا ورد بي شوكو يطعن لا ينتحب صوت الكنار أروع من الحلم الوسايد واجمل من الصورة الاطار اغمرني بي اللهفة الوسيدة اطويني منديل للغبار انقذني من نظرة تسامح أتركني لحظة انكسار تكفيني كان لمحات عيونك ومضة تنتزع الوقار ومضة بي كل العصافير الراجعة دونك … الراجعة تترتاح في جدار لو تلقي في بلدك مواقف يالعارضو قلبك للايجار عِنية كابي الجرح نازف وعِنية بتطاير شـرار
محمد الفاتح خالد
|
|
|
|
|
|