|
|
|
 Re: لما الباب أمبارح دقا . (Re: shaheen shaheen)
|
تباشير الخريف هلت
تباشير انكسار لاحت
هدوم العيد .. وريحة بسكويت فاحت
طباشير فى الحيط كتبت :-
(حضرت اليوم ولم اجدك)
وامبارح .. ولم اجدك
واول اول امبارح
متين اجدك ؟
وتجدينى
وخايف من مطر ليلك .. يبلل لى هدوم عيدى
مطر شكشك على راسى
صلاة العيد جوار بيتكم
اخوض فى الطين
وكيف اصلك ولا اجدك ؟
اصوم فى العيد ؟
صيام العيد حرام شرعاً
ولم اجدك
انوم احلم .. عشان القاك
- يا (احلام) .. يا (احلام)
كوابيسك بقت اضغاث
(حضرت اليوم ولم اجدك)
تباشير انكسار لاحت
واعشاب الاسى الظهرت
على سرج الحصان رقدت وارتاحت
وعايز اغرق
وسامع النيل بنادينى
- تعال اغرق
- تعال اركب على الامواج
انا مجدوع على شاطىء
طحالب خضرا فى وشى
كلاب ضخمة .. بتنهش فى لحم فخدى
و دود داخل و دود طالع
صقور بدات تحوم حولى
بقيت منفوخ
(حضرت اليوم ولم اجدك)
تباشير انكسار لاحت
وريحة بسكويت فاحت
وغربان الفريق صرخت
على سلك العمود ناحت
تباشير الخريف هلت
واحلام العمر ولت
سدود قدامك اتعلت
قدود .. و الدود , جيوش بتصفى فى دمك
متين اجدك ؟
وتجدينى
وخايف من مطر ليلك .. يبلل لى هدوم عيدى
(حضرت اليوم ولم اجدك)
(حضرت اليوم ولم اجدك)
(حضرت اليوم ولم اجدك)
وسامع النيل بنادينى .
......
شاهين.
| |
 
|
|
|
|
|
|
|
|
Re: لما الباب أمبارح دقا . (Re: shaheen shaheen)
|
لازم ارجع لانو القصيدة جميلة و عجبتني
غير كده
انا الوحيد في سودانيزاونلاين دي البستمتع لي قراية قصائدك و مطابقتها عليك بحكم صحبتنا الطويلة
تعرف انو شعرك بشبهك فعلا !!
انت فعلا يا شاهين بتكتب بي روحك كلها
شغلك ده مافيهو اي صناعة
و ده البعجبني فيهو
____
تاني حا ارجع ولا علي كيفك 
| |
|
|
|
|
|
|
|
|
|
Re: لما الباب أمبارح دقا . (Re: خدر)
|
شاهينشاهين
بعد الغياب
دايماً تسعدنا بكتاباتك
| Quote: انا الوحيد في سودانيزاونلاين دي البستمتع لي قراية قصائدك |
خدر
لست وحدك (على رأي الراحل محمود درويش)
| |
|
|
|
|
|
|
|
|
|
Re: لما الباب أمبارح دقا . (Re: ALGARADABI)
|
قرضابي
ولا تقربوا الصلاة ما معانا يا فنان 
تعرف لو زاملت شاهين لسنوات حا تنتبه للعلاقة بين كلامو العادي و شعرو
و رغم ده ما بقدر انكر أستمتاعك و كثيرين بشعر هذا المفلكب الفنان
| |
|
|
|
|
|
|
|
|
|
Re: لما الباب أمبارح دقا . (Re: حبيب نورة)
|
Quote: تعرف انو شعرك بشبهك فعلا !!
انت فعلا يا شاهين بتكتب بي روحك كلها
شغلك ده مافيهو اي صناعة
و ده البعجبني فيهو
|
يا خدر لم أعرف شاهين
ولم أحظي بصحبته
ولكني متاكد انه يشبه شعره تماما
لانه شعر صادق
,,
| |
|
|
|
|
|
|
|
|
|
Re: لما الباب أمبارح دقا . (Re: خدر)
|
العزيز خدر
نقول ليك ما قاله قريبي معاذ حسن:
Quote: يا خدر لم أعرف شاهين
ولم أحظي بصحبته
ولكني متاكد انه يشبه شعره تماما
لانه شعر صادق
|
بعدين تعال هنا وقت الله جابك
أين ملحمة حلايب؟؟
توقعت لها أن تكون انطلاقة حقيقية
ولكن....
اذا المؤدة سئلت،بأي ذنب قتلت؟؟
| |
|
|
|
|
|
|
|
|
|
Re: لما الباب أمبارح دقا . (Re: ALGARADABI)
|
الى (أ . ع)
بين كباية قهوة ... وصرخة شافع بال على نفسه , لباسه اتبلبل
اتذكرتك
والكمسارى بيهرش فينى عشان الباقى
اتذكرتك
لما النور فى الحلة بيقطع
والكتاحة تغبر بيتنا
اتذكرتك
صوت الموية فى الحنفية .. زى صوت حسك
كنتا بخت السفة صغيرة دون ما تلاحظى
وانتى بتكرهى ريحة خشمى لما اسِف
يعنى خلاص هاجرتى بعدتى فى امريكا !
ياأأأأه
كنتى بتكرهى فى الضهرية نمشى كتير
تزعلى مرة , مرة بتصرخى , مرة تصهينى .. وانا بستهبل واضغط نهدك دون ما اقصد
- طبعاً قاصد يا مستهبل .
حوش جيرنا الفاضى , فيهو حضنتك
لما بنوهو
اتذكرتك
يوم خمسنا سيجارة بينسون
طول اليوم قعدتى تكحى
هل تتذكرى ؟
انا بتذكر
كنتى قصيرة .. لمن احضن راسك كان بيكون فى بطنى
هل ما زلتى لسه بعيوة ؟
ولا طولتى ؟
انا قصرنى الوجع الغالب
هل تتصورى بت يا روعة ؟
رغم قطار العمر الاوغل
لسه بمارس قلة ادبى
وبعد سنين الغيبة الطالت
هل تتخيلى ؟
لما الباب امبارح دقا
اتوقعتك .
......
شاهين.
| |
|
|
|
|
|
|
|
|
|
Re: لما الباب أمبارح دقا . (Re: shaheen shaheen)
|
تشكرات للرجعة طارق , وللكلام الجميل , ربنا يخليك .
*
ويا قرضابى انا سعيد , انك سعيد بما أكتب , كتر خيرك كتير .
*
مرتضى , كالعادة تحياتى لمداخلاتك المستمرة , ربنا ما يحرمنى منها ومنك .
*
سيف النصر
| Quote: على سرج الحصان رقدت وارتاحت |
ما عارف , أحتمال يكون فيها دقداق /اذ ربما/ .. لكن على العموم هو منظر شوفته بشكل حقيقى , وظل فى الذاكرة عشان كده كتبته .
*
حبيب نورة , يا سيدى شكراً ليك كتير , كتير .
*
معاذ لك التحية .
*
هارون , كل التقدير على المشاركة .
| |
|
|
|
|
|
|
|
|
|
Re: لما الباب أمبارح دقا . (Re: shaheen shaheen)
|
فى الحب انا زيك زول اهبل
اهبل جداً
ورومانسى وزول حساس خالص
خالص جدا
الزيى وزيك يا وردة فى الزمن القاسى .. ده زول اهبل , وعوير جداً
جداً , جداً
فيروزة شاطيء احلامى
نتعاور فى الوطن الاهبل
اهبل جداً
نحلم بـ بكرة وعارفنو
حيكون اكعب من امبارح
اكعب جداً
نتعب منه
نلعب بالمنطق حد نصله , صارم جداً
جداً , جداً
شافع يا شافعة يا عضاضة
يا السارقة حلاوة لبان منى
بسرق من جيبك تفاحة
واديك كرملة ومصاصة
وبطوطحك فى المرجيحة كمان
ما العيد بكرة
يوم بكرة بعيد عننا جداً
جداً, جداً
وبريدك انا بالجد جداً
اهبل متخلف عقلياً
يا عويرة وفيروزة شاطيء
نتحدى المنطق والواقع
ده الواقع فى بلدنا السمحة
مُرعب جداً
جداً , جداً .
......
شاهين.
| |
|
|
|
|
|
|
|
|
|
Re: لما الباب أمبارح دقا . (Re: shaheen shaheen)
|
Quote:
بين كباية قهوة ... وصرخة شافع بال على نفسه , لباسه اتبلبل
اتذكرتك
والكمسارى بيهرش فينى عشان الباقى
اتذكرتك
لما النور فى الحلة بيقطع
والكتاحة تغبر بيتنا
اتذكرتك
|
والله لي يوميين بقرأ فيها ولسة ما قنعت منها ..
منذ زمن طويل لم أستمتع كما أنا الآن .
شكراً جزيلاً ياشاهين ..
| |
|
|
|
|
|
|
|
|
|
Re: لما الباب أمبارح دقا . (Re: shaheen shaheen)
|
يا عمى بياع الوشوش
الدنيا عيد .. والعيد سعيد
ما عندى ليك ياعم قروش
بدلنى
هاك وشى الآليف
ادينى وش شيطان مُخيف
عايز أعيش بين الوحوش
العندو وشين بستريح
والعندو خمسة بكون مريح
ما قدرتا
فى الريح
بنكسر .
......
شاهين.
| |
|
|
|
|
|
|
|
|
|
Re: لما الباب أمبارح دقا . (Re: salah ismail)
|
شكرا شاهين على المتعة
تعرف صقر الجديان دا تعبان مع المبدعين، زمان أيام هو جديد أخونا المبدع حسن محمد عثمان الذي سرقه المغرب منا قال إنه الخرتيت لم يقير وإنما إستعار أجنحة وخاطب صقر الجديان قائلا أنه لا لامي في الجداد ولا الطير (صقر الجديان يطير لمسافات قصيرة)، أها إنت قبلت عليه، مسكين صقر الجديان وعجيب شاهين! طبعا الرمز لا يخفى علي وخلي أملك في شعبك كبير!
وبعدين يا أخي شنو شغل القطارة دة يوم قصص، يوم رواية، يوم شعر وما بينهما تشكيل ومقالات، ما تورينا الباقي كله عشان نعرف شاهين العارفو خدر!
شوف أنا جاي قريب للسودان والمرة دي لازم نقعد ونتونس شوية!
| |
|
|
|
|
|
|
|
|
|
Re: لما الباب أمبارح دقا . (Re: Sidgi Kaballo)
|
دا العلف العايزين نشعرو
الله يارخن دينك يا غاوون
لم اسمع ذلك منذ
ست الشاي الكانت فاكرا الشاي
هو
الدفق الشاي فيني
او كانت فاكرا
إحساسا بطعم القرش المر
هو
الدفق الشاي فيني
ـــــــــــــــــــــ
المطلع ذاتو والصورة هو الدفق هذه المداخلة فيني !
ياحليل ابواب السنط !
| |
|
|
|
|
|
|
|
|
|
Re: لما الباب أمبارح دقا . (Re: عبداللطيف حسن علي)
|
مرتضى
مرة تانية تشكرات .
*
صلاح خليفة
كل التقدير عزيزى .
*
أستاذى د. صدقى
شكراً .. شكراً على المداخلة , وعلى تشجيع صقر الجديان
فى انتظار حضورك للخرطوم , وسعيد بالونسة معاك لانى المستفيد فى الحالة دى .
*
عبداللطيف حسن
شكراً على التدفق الحار جداً .
| |
|
|
|
|
|
|
|
|
|
Re: لما الباب أمبارح دقا . (Re: shaheen shaheen)
|
سنة واحدة بس
والاربعين ح يدق على ابواب مدينتك
افتح الباب الكبير
سنة واحدة بس
شمسك خلاص بدات تميل نحو المغيب
سنة واحدة بس
اكوام قزاز مكسور .. وبحثك عن بصير يجبر كسور
يا (دون كيشوت) العبيط
ضيعتا عمرك يا غبى
- انا بفتكر .. انا بعتقد .
- وعى الجماهير لو تعى .
امشى اتلهى
شوف ليك فكى
يمكن حجابه يعوض العمر اللى ضاع
وتبدأ صاح
وتنتهى
مثل الجميع ما بيشتهى
والاربعين جايك جرى
ود يا غبى .
......
شاهين.
| |
|
|
|
|
|
|
|
|
|
Re: لما الباب أمبارح دقا . (Re: shaheen shaheen)
|
عام جديد
وجرح قديم
ذكريات
غبار كثيف
كل عام زى كل عام .. لا جديد
عام جديد زى القديم
كل عام وانتم بخير
وكل عام وانا فى انتظار
فى محطات خالية من ركاب جُداد
نفس الملامح والوشوش .. نفس الكلام
نفس الشوارع والبيوت
نفس احتياجى اليكى , نفس الاشتهاء
عام جديد والهجر طال
العمر ضاع , الشعر شاب
ضيعنى فيكى سراب لقاء .. و لا لقاء
والى اللقاء
فى كل عام نفس الوداع
اتسرسبت قدرة صمودك يا احتمال
حتى الهزايم والضياع زى كل عام
الفرق ايه ؟
بين بكرة , او بعد بكرة , وبعد بعده
الفرق ايه ؟
تكرار لئيم
نفس السؤال السرمدى
ولا جواب
فـ متى الرحيل ؟
لمتين تأجل فى قرار الانتحار ؟
فى اى عام ؟
ود يا ج ب ا ن .
......
شاهين.
| |
|
|
|
|
|
|
|
|
|
Re: لما الباب أمبارح دقا . (Re: shaheen shaheen)
|
بتسكر والشمس تضحك على حالك
بعد سكرك بتطرش فى حطام ذاتك
وبين كتبك تدس ألمك
وتبكى على الرصيف وطنك
بتدفع فى فواتيره
منو البدفع تمن كفنك ؟
وتبكى على الرصيف ماشى
تدوس الحسكنيت ماشى
مكسر فى عضُم رُكبك
كسر عضم الحلم قاسى .
......
شاهين.
| |
|
|
|
|
|
|
|
|
|
Re: لما الباب أمبارح دقا . (Re: shaheen shaheen)
|
Quote: لما الباب أمبارح دقا
الى (أ . ع)
بين كباية قهوة ... وصرخة شافع بال على نفسه , لباسه اتبلبل
اتذكرتك
والكمسارى بيهرش فينى عشان الباقى
اتذكرتك
لما النور فى الحلة بيقطع
والكتاحة تغبر بيتنا
اتذكرتك
صوت الموية فى الحنفية .. زى صوت حسك
كنتا بخت السفة صغيرة دون ما تلاحظى
وانتى بتكرهى ريحة خشمى لما اسِف
يعنى خلاص هاجرتى بعدتى فى امريكا !
ياأأأأه
كنتى بتكرهى فى الضهرية نمشى كتير
تزعلى مرة , مرة بتصرخى , مرة تصهينى .. وانا بستهبل واضغط نهدك دون ما اقصد
- طبعاً قاصد يا مستهبل .
حوش جيرنا الفاضى , فيهو حضنتك
لما بنوهو
اتذكرتك
يوم خمسنا سيجارة بينسون
طول اليوم قعدتى تكحى
هل تتذكرى ؟
انا بتذكر
كنتى قصيرة .. لمن احضن راسك كان بيكون فى بطنى
هل ما زلتى لسه بعيوة ؟
ولا طولتى ؟
انا قصرنى الوجع الغالب
هل تتصورى بت يا روعة ؟
رغم قطار العمر الاوغل
لسه بمارس قلة ادبى
وبعد سنين الغيبة الطالت
هل تتخيلى ؟
لما الباب امبارح دقا
اتوقعتك .
...... |
حلوه حلاه
يا شاهين
شكراً ياخي
| |
|
|
|
|
|
|
|
|
|
Re: لما الباب أمبارح دقا . (Re: عليش)
|
شاهين وصلتني اخبار انو ياسر سعد و حسن وردي و احمد خاطر اجازة اليومين ديل في السودان
ما مدي صحة الخبر
و اذا كان صحيحا كيف سنلتقي في ايام العيد ؟
علل ؟
| |
|
|
|
|
|
|
|
|
|
Re: لما الباب أمبارح دقا . (Re: shaheen shaheen)
|
Quote: انا بتذكر
كنتى قصيرة .. لمن احضن راسك كان بيكون فى بطنى
هل ما زلتى لسه بعيوة ؟
ولا طولتى ؟
انا قصرنى الوجع الغالب
هل تتصورى بت يا روعة ؟
رغم قطار العمر الاوغل
لسه بمارس قلة ادبى
وبعد سنين الغيبة الطالت
هل تتخيلى ؟
لما الباب امبارح دقا
اتوقعتك .
|
انت اتذكرت وانا اندهشت واستمتعت بهذا الجمال
واصل يا صديقى واغسل دواخلنا بالفرح الذى سوف ياتينا من عندك
| |
|
|
|
|
|
|
|
|
|
Re: لما الباب أمبارح دقا . (Re: shaheen shaheen)
|
اهلاً وسهلاً
انتا مين ؟
لما عاينتا فـ مرآية
ما عرفتك
انتا مين يا وش حزين ؟
عاملة ايه فيك السنين ؟
مركب تودى .. التوديك ما بتجيب
انتا مين ؟
يا زول مداقش فى دروب الهجرة
فى جيوب البنطلون شايل حنين
درباً بوديك .. البوديك ما بيجيب
...................
...................
ضيعتا وشك يا غريب
ضيعتو فى زحمة رصيف
وصرختا فى الوش البديل
- منو انتا ؟ انا شايفك كتير .
انتا مين ؟
يا الماشى حفيان فى الطريق
شاكيك شوك درب المسير
وين الجناحين شان تطير ؟
لا راحة فى الوطن الاساس
لا راحة فى الوطن البديل
....................
....................
مكتوب عليك الاندهاش
مقسومة ليك سكة سفر
شنطك مستفة للرحيل
موعود تكون فى الغربة يا بحار غريب
يا غربة فى الوطن الاساس
يا غربة الوطن البديل
...................
...................
وشك صرخ فيك
- انتا مين ؟
رديت
- غريب , داير استريح
وشك قفل باب وشو فى وشك
وبقيت براك
انسان وحيد .. مهجوم من الامطار .. حزين
موعود تكون فى الغربة يا بحار هجين .
......
شاهين.
| |
|
|
|
|
|
|
|
|
|
Re: لما الباب أمبارح دقا . (Re: shaheen shaheen)
|
نزلت مظاهرة من أنوثة على الشوارع
فرفشت
شجرة جوافة حوشنا بالضيء
فرهدت
يا ضجة فيك روعة جمال
الرملة بالزحمة
انتشت
التماثيل خلت المتحف
مشت
بكت الرياح من خطوتك
عن سر دلالك للسحابات
وشوشت .
......
شاهين.
| |
|
|
|
|
|
|
|
shaheen shaheen
Yassir Tayfour
خدر
ALGARADABI
مرتضى احمد عبد القادر
حبيب نورة
معاذ حسن
haroon diyab
حسبو عكاشة
Nizar Ateeg
salah ismail
Sidgi Kaballo
عبداللطيف حسن علي
قصي مجدي سليم
توما
عليش
البدري عبد الله
فيس بوك
تويتر
انستقرام
يوتيوب
بنتيريست