|
يا اخوانا انتوا الرد بي وين؟!!!
|
اولا بالتبادي السلام عليكم جميعا ورمضان كريم وتصوموا وتفطروا على خير ان شاء الله واسال الله العلي القدير ان يعيينا على صيامه وقيامه وان يجعلنا نت عتقاءه آمين يارب العالمين
اها نجي للموضوع
والله انا طولت من البور دطولة شديدة نسبة للظروف وكده، اها دحين جيت ولقيت كذا موضوع عايز ارد عليهم قدر ما فتشت على الزر رد سما ارض ما لقيته، اها دحين يا اخوانا مسعولين من الخير اكان توروني بكري وداه وين ولا يكون كمان شفر البورد واداكم انتوا المفاتيح براكم ونحن راح علينا
ومافي واحد يقول الصيام اثر فيك وما عارف شنو لأنه انحن الليلة اول يوم وفي ايول يوم لسه في ساعات الصباح الأولى يعني الطشاش وجع الراس والزغللة لسه ما جات
فدلوني عليه جزاكم الله خيرا
واحتياطا لغاية ما نلقى طريقة الرد:
مرحبا الاخ هشام هباني في مسقط وياريت لو تشرفنا يوم بزيارة في البيت وتفطر معانا وورينا محل اقامتك ان شاءالله بصلك تلفوني في مسقط 92105196
ملتنا الملا عمر
الف الف مرحب بيك والله شوق مطر عديل كده شايف ليك بوست لكن ما قادر ارد ليك،
العزيز الدكنور نزار محمد عثمان
كل عام وانتم بخير ومبارك عليك الشهر والله غيبة طويلة وشوق شديد جدا لك مني خلاص التاحايا لغاية ما نزورك في بوسيتك وتفتحوا لينا الباب
تحياتي للجميع
|
|
|
|
|
|
|
|
Re: يا اخوانا انتوا الرد بي وين؟!!! (Re: فيصل محمد خليل)
|
الرد في المركز التجاري بروي وتعرج بشارع ا########ة وتصلي في مسجد ابو بكر الصديق وتتحرك من هناك لسوق القرم وتشتري الفطاير من المخبز داك وتصل البيت وتسلم لي علي المدام والوليدات وتقول ليهم كل عام وانتم بخير ورمضان كريم وتصوموا وتفطرو علي خير . ملحوظة : اوعك تعرج علي دوار برج الصحوة يقوموا يكشوك ويودوك مطار السيب ويحصلوك عادل كديس
مشتاقين كتير والله
| |
|
|
|
|
|
|
Re: يا اخوانا انتوا الرد بي وين؟!!! (Re: خضر عبدالغفور)
|
يا خدوري عليك الله اقيف واضرب البوري
يالله والله مشتاقين ليك شوق شديد خلاص والحمدلله الشفناك طيب
لكلكلك عشان بمشي ليك برج الصحوه، انت قايلني كيشة ولا شنو؟
شفت مطار السيب ده انا بي قدامه ساكت بقيت ما بمشي
تعرف ما عملوا شوارع جديدة واحد ورا المطار على البحر واحد ورا فندق السيب فانا بقيت باستخدم الشارعين ديل فقط للعبور
قال يكشوك قال
| |
|
|
|
|
|
|
Re: يا اخوانا انتوا الرد بي وين؟!!! (Re: خضر عبدالغفور)
|
Quote: عيييييييييييييك يالعربي انت من زمن البونتياك ياحليلك الشاب بقي شيخ كبير بعد الجنسية وغير اسمو لي ياسر بن خلفان أل خليفة وراكب بي ام دبليو موديل 2011 عقبالك |
خضر عبدالغفور
اهاااا عشان كده .. يعني ممكن يكون نسى تدريس الاي تي برضو؟؟ معقولة وكمان جواز ؟..(هو اتجوز تاني لية؟)
تحيات شوامخ
| |
|
|
|
|
|
|
|