|
اوعي يكون اليوم الاول عوقكم
|
ياخي طلعت الليلة في سخانة تقد العادم عديل كدة
ورطوبة بت ستين جزمة
قضيت ساعة في الموقع بعد بقيت اشتغل زي
خجيجة وصافة اعملو كدة واعملو كدة
|
|
|
|
|
|
|
|
Re: اوعي يكون اليوم الاول عوقكم (Re: khaleel)
|
الساعة تلاتة ونص حضرت مسلسل
في قناة حكايات اسمو برة الدنيا بطولة الود شريف منير
والتاني الساعة اربعة ونص اسمو بالشمع بطولة يسرا
بعد داك شفت حامد بريمة في النيل الازرق
ومشيت جبت البتاع من بن محمود
ومشيت المطعم جبت العصيدة وفطرت في امان الله
| |
|
|
|
|
|
|
Re: اوعي يكون اليوم الاول عوقكم (Re: khaleel)
|
بري والله كان يوم السرور بالرغم من محاضرتي الصباح 8 ونص
وبالرغم من اني مشيت غيرت زيت العربيه بس كان في مسمار قوي في المداغات
كل سنه وانت طيب فقط فضلو 29 يوم الجرسه شنو لك الود
| |
|
|
|
|
|
|
Re: اوعي يكون اليوم الاول عوقكم (Re: khaleel)
|
Quote: لسع ما فطرنا
اليوم عندنا هنا طويل جداً
ورمضان جانا السنة دي في فصل الصيف
و اليوم طويل يكاد يكون اليوم كله . ولسع فاضل ساة و 40 دقيقة للإفطار
|
رمضان كريم يا ابو حميد
لسع ما فطرتو قلبي معكم ياخ
| |
|
|
|
|
|
|
Re: اوعي يكون اليوم الاول عوقكم (Re: khaleel)
|
Quote: طيب بتغشو فينا مالكم بانو عندكم جو ماطر وجو رهيب
وتعالو صومو في الخرتوم |
ياخلي فعلا الجو جميل والناس التانين شاكرين اليوم دا
لكن انا طبعا سيد جرسة اصلي ونفسي قصير مع الصيام يعني حركة يوم الليلة دي لو كررا معاي ياهو المرق من ايدي هههههههه
والله ياريت تجي تكمل باقي الشهر دا معانا
خالص الود
| |
|
|
|
|
|
|
Re: اوعي يكون اليوم الاول عوقكم (Re: khaleel)
|
خلي
Quote: وليد صاحبي
رمضان كريم
شكلك من المكتب ما طلعت |
ياريت ماطلعت من المكتب ياخي مشيت البيت كديسة الواحد يلعب معاها مافي اتخمدت نمت غايتو كتر خير جيرانا في العمارة دقو الباب صحوني من النوم للفطور ..
----------------- ياغربه هنتينا ما كفاكي فكينا
| |
|
|
|
|
|
|
Re: اوعي يكون اليوم الاول عوقكم (Re: طارق الكوتش)
|
خليل كل سنة وإنت طيب ورمضان كريم
مديري نصراني دخلت عليه الساعة 2 قال لي : يو ديدنت إيت أني ثينغ أب تو ناو ؟ قلت ليه : أكيد قال لي : بط استيل يو لوك أو كي وزاد عليها : مع مرور الزمن حتتعود على الصيام الحمد لله اليوم عد على خير رغم حر جدة ورطوبتها والتي أخرجت منا ماء السنين فطرنا وشربنا الجبنة والحمد لله مبسوط السنة دي لأنه معاي العيال والسنة الفاتت كنت عذابي زي صاحبي وليد عبد اللطيف وليد يشرفني أن أقدم لك دعوة للإفطار طوال شهر رمضان تضامنا مع حالة العذوبية البعرفها زي جوع بطني
| |
|
|
|
|
|
|
Re: اوعي يكون اليوم الاول عوقكم (Re: khaleel)
|
Quote: مديري نصراني دخلت عليه الساعة 2 قال لي : يو ديدنت إيت أني ثينغ أب تو ناو ؟ قلت ليه : أكيد |
ابو الجعافر
رمضان كريم
يبدو انو مديرك دا ما عندو ثقافة في الاديان الاخري
ما عارف بقوهو مدير كيف
| |
|
|
|
|
|
|
Re: اوعي يكون اليوم الاول عوقكم (Re: khaleel)
|
Quote: يا وليد البركة في النومة ياخ |
النووووووووووووووووووم و القهوه يا خلو لكن يومين و بنتعود
انتو المنبر ده كان فيهو مشكله ولا انا خارج الشبكه بسبب القهوه و عدم النوم
| |
|
|
|
|
|
|
Re: اوعي يكون اليوم الاول عوقكم (Re: khaleel)
|
Quote: ومشيت جبت البتاع من بن محمود |
بتاع شنو الله يكفينا شر البتاعات في رمضان.. ياهندسة نحنا بنقرأ ما بين السطور برضو.. شكلك بتاع........ (اختار تملأ النقط بشنو)!! اليوم عادي جدا شوية صداع خفيف قبل الأذان.. زحمة الشوارع بالعصر في الرياض تخليك متنرفز جداً.. ورمضان رحمة وبركة وخير كتير ووفير..
| |
|
|
|
|
|
|
Re: اوعي يكون اليوم الاول عوقكم (Re: جعفر محي الدين)
|
تعرف يا خلي: الصباح متردد امرق ما امرق، لكن كان لازم اطلع العربية عشان اوصل الولد المدرسة. فتحت الباب واديت العربية خلف وطلعت، وعاوز استعدل,,بديت اسمع فيها اصوات ما مطمنة.. تجربة تجربتين وفهمت القصة.. كان في شويطين صغروني كان لابد جوة المكنة..وكتين جا يقبضوه بالليل قام كنكش في كتينة المكنة.. جروه بالقوة، قام غتاتة اخيرة كدة قطع لي الكتينة معاهو ومرق.. خليتا واقفة في الشارع ورجعتا نمت..
| |
|
|
|
|
|
|
Re: اوعي يكون اليوم الاول عوقكم (Re: علاء الدين محمد بابكر)
|
Quote: كان في شويطين صغروني كان لابد جوة المكنة..وكتين جا يقبضوه بالليل قام كنكش في كتينة المكنة.. جروه بالقوة، قام غتاتة اخيرة كدة قطع لي الكتينة معاهو ومرق.. خليتا واقفة في الشارع ورجعتا نمت. |
علاء يا هندسة رمضان
طبعا النومة حتي الساعة اتناشر مريحة جدا وباقي اليوم غلاط ساكت ممكن تتمو
| |
|
|
|
|
|
|
Re: اوعي يكون اليوم الاول عوقكم (Re: khaleel)
|
الاخ جعفر محي الدين
Quote: فطرنا وشربنا الجبنة والحمد لله مبسوط السنة دي لأنه معاي العيال والسنة الفاتت كنت عذابي زي صاحبي وليد عبد اللطيف وليد يشرفني أن أقدم لك دعوة للإفطار طوال شهر رمضان تضامنا مع حالة العذوبية البعرفها زي جوع بطني |
الله يكرمك وتشكر على الدعوة لكن يبقن علينا اتنين غربة وعذوبية
ياوكوتش
Quote: المنبر كان فيه انقطاع صورة وصوت من المصدر |
المنبر بس كان معوق من العطش يظهر كان محتاج لبتاع على قول خليل
| |
|
|
|
|
|
|
Re: اوعي يكون اليوم الاول عوقكم (Re: khaleel)
|
Quote: ابو كدوك الليلة شائف الخرمة
جابت ليها دموع من الصباح |
وليد رمضانك كريم ياخي ... أثر المكيفات كان أول يوم .. يعني .. الكلام في أي تاسك في الشغل .. فقط لمدة 10 ثواني ... وبعديها .. مابتكون فاهم أي حاجة من الكلام .. يعد الساعة 11 .. الناس كلها .. عيونها صغرت بطريقة عجيبة ..والتواصل إنعدم ... .. اليوم الخميس ..مافي دوام ... نوم ... وزي ماقلت ,,, الباقي نتموا غلاط ..
.
| |
|
|
|
|
|
|
Re: اوعي يكون اليوم الاول عوقكم (Re: حاتم يوسف العبيد)
|
Quote: وليد رمضانك كريم ياخي ... أثر المكيفات كان أول يوم .. يعني .. الكلام في أي تاسك في الشغل .. فقط لمدة 10 ثواني ... وبعديها .. مابتكون فاهم أي حاجة من الكلام .. يعد الساعة 11 .. الناس كلها .. عيونها صغرت بطريقة عجيبة ..والتواصل إنعدم ... |
حاتم يا ولدنا رمضان كريم وتصوم وتفطر علي خير
والله يا حاتم الليلة انا من الخرمة اخدت لي دقسة وانا اقود السيارة في طريق مرور سريع وقاتل
تصدق وقفت العربية امام سيوبر ماركت واخدت لي نومة في المقاعد الخلفية للعربية
الكبر دخل لكن بنقاوح
| |
|
|
|
|
|
|
Re: اوعي يكون اليوم الاول عوقكم (Re: Safia Mohamed)
|
Quote: والله جنس عويق ياخي الحمد لله او وتاني يوم عدو عقبال البقية
|
دكتورة صفية
كل سنة وانتي طيبة وبما ان رمضان هو فقط اول ثلاثة ايام حسب خبرتي الطويلة في هذا المجال
وبما ان بكرة هو الجمعة ومافيش دوام
ابشرك بان شهر رمضان قد حسم امره وتحول الي جمادي الاخري
| |
|
|
|
|
|
|
Re: اوعي يكون اليوم الاول عوقكم (Re: khaleel)
|
هلا ياخلي والجمع الكريم ورمضانكم كريم وها قد تجازونا يومين ونيف ######انة شديد بالحيل وبالذات في اليوم الاول الذي صرع دفاعتنا في الربع ساعة الاولي فسجلنا نقاط لصالح ايام اخر وستتابع بكل اصرار وعزيمة وجينات افريقية جلبت علي الصيام بمثابرة وحماس عجيب
| |
|
|
|
|
|
|
Re: اوعي يكون اليوم الاول عوقكم (Re: khaleel)
|
Quote: عليك الله يا ممراح شفت السخانة دي كيف
الجماعة مدافرة شديدة في الصلاة مافي واحد قدر يصلي
الجمعة برة الجامع |
يا النبي نووووح ######انة نار منقد ياخي وفعلا الصلاة تحتها كانت لاسسسسسعة ياخي انا جيت متاخر فوجدت نفسي مصلي في كانون نارو الف وغايتو ربنا يعظم الاجر
| |
|
|
|
|
|
|
Re: اوعي يكون اليوم الاول عوقكم (Re: عبدالكريم الامين احمد)
|
Quote: يا النبي نووووح ######انة نار منقد ياخي وفعلا الصلاة تحتها كانت لاسسسسسعة ياخي انا جيت متاخر فوجدت نفسي مصلي في كانون نارو الف وغايتو ربنا يعظم الاجر |
طبعا بعد اليوم التالت يا ممراح
رمضان يبدا في الانهيار
الليلة ماشي افطر مع محمد عبدالرحمن
| |
|
|
|
|
|
|
Re: اوعي يكون اليوم الاول عوقكم (Re: khaleel)
|
والله بعد الزليط جابت ليها رطوبة
هسه سمعت انو ود الصائم ساكن فى حوض سباحة و اخد اجازتو الثانوية
احتمال امشى عليهو . قالو ما عطشان لكن بواصل فى !!! علموا ابنائكم الرماية السباحة وركوب الخيل
ود الصائم معذور طبعا لانو اصلو فى الاصل تمساح
مودتى وزليطى
مافى عوجة شوية عطش وجوع وخرمة سفة وشيشة وسجائر وشاى !! بس بسيطة الله يصبرنا
ادعو لينا بثبات الاجر
| |
|
|
|
|
|
|
Re: اوعي يكون اليوم الاول عوقكم (Re: khaleel)
|
Quote: الليلة ماشي افطر مع محمد عبدالرحمن |
دي خيانة عظمي يا جردقو فالوعد بيناتنا انك كل يوم تفطر اليا___ كنا بنحاول نضرب ليك انا وتمساح عشان نفطر عند تمساح سوي في الوكرة ولكن مادام ماشي مع محمد عبدالرحمن فانك ما بعيد من المدارات والدوائر الانصاية
| |
|
|
|
|
|
|
Re: اوعي يكون اليوم الاول عوقكم (Re: khaleel)
|
Quote:
عزيز علينا
في الشتاء ما عندنا مشكلة 60 يوم بنقبل
لكن 40 يوم في صيف الخليج دا صعب صعب
|
العزيز ابو خليل
لا أتذكر كيف كان رمضان 1989م كآخر رمضان أصومه في السودان.. ومن وقتها لم أشهد رمضان مع الحر.. ربما يكون جانبني الحظ مع رمضان 22 سنة..
ولهذا سأحرر قائمة توقيعات للتضامن معكم..
نحن الموقعون أدناه نعلن تضامننا التام ووقوفنا معكم.. وقلوبنا معكم..
نقول: لا وألف لا للحر في رمضان.. نشجب ونستنكر وندين الحر..1
1-...................... 2-...................... 3-......................
| |
|
|
|
|
|
|
Re: اوعي يكون اليوم الاول عوقكم (Re: khaleel)
|
Quote:
يا عزيز يقول الامام علي
كرم الله وجهه
احب الاعمال لله
الجهاد بالسيف وصيام الصيف واكرام الضيف |
سلامات عزيزي خليل
الكلام ده متأكد أنو قالوا الإمام علي؟؟
طيب هاك:
أفضل وأحب الأعمال إلى الله عز وجل: عن عبد الله بن مسعود رضى الله عنه قال : سألت النبى صلى الله عليه وسلم أى العمل أحب إلى الله عز وجل ؟ قال : الصلاة لوقتها ، قلت : ثم أى قال : بر الوالدين ، قلت : ثم أى قال الجهاد فى سبيل الله . فكل أمر من أوامر الدين محببة إلى الله عز وجل ولكن هناك أعمال محببة ومفضلة عند الله فأول هذه الأعمال الصلاة لوقتها وهو أنك تؤدى فريضة الصلاة فى ميعادها وأول وقتها ....
تحياتي ومودتي
| |
|
|
|
|
|
|
Re: اوعي يكون اليوم الاول عوقكم (Re: khaleel)
|
أبو الخل والجماعة كل سنة وإنتوا طيبين ياخ! تصوموا وتفطروا على خير
غايتو ماف عويقة تذكر لكن أخوكـ الليلة النعاس ضاربو تمام! قاعد في المكتب بنص عين يا عمكـ!!
السهر دا عمل لينا وجع قلب ياخ!
| |
|
|
|
|
|
|
|