|
Re: يا حليل رمضان إنتهى خلاص.. باقي "تلاتين" يوم بس (Re: على ميرغني)
|
Quote: استاذ كباشي اول مرة اعرف انك عنصري ... دي كنت داسيها كيف |
أستاذ علي سلامات حكاية عنصري ذكرتني بنكتة قديمة أيام النميري. عندما ظهرت حكاية مجتمع الكفاية والعدل. كان هنالك رجل بسيط من ولايتنا – عشان الناس ما تشب لي في حلقي- كان يتمشدق بهذه الكلمة دون معرفة معناها. سأله النميري في زيارة للمنطقة: إنت مجتمع الكفاية والعدل يعني شنو؟ رد الرجل البسيط: ما ياهو تكفونا كدا وننعدل تاني. أنا بسمع حكاية عنصري دي وما عارف معناها شنو؟ وقايلها حاجة كويسة. ولمن زول يكون ما عاجبني زي هناي داك أو هناية الما تسماش ديك، ويقول عني عنصري، أنا بعتبره شكرني، يعني قال عني كلام كويس. طوالي بقول ليهو أنا عنصري. ودرسنا في الكيمياء أن كل المواد عناصر والواحد عنصر مما يعني أنني عنصر يعني مادة موجودة يشار إليها بالبنان. كان أنا غلطان قول لي غلطان. مع تحياتي لكم والأسرة.
| |
|
|
|
|
|
|
Re: يا حليل رمضان إنتهى خلاص.. باقي "تلاتين" يوم بس (Re: motaz)
|
Quote: يا حليل رمضان إنتهى خلاص.. باقي تلاتين يوم بس |
يا motaz جرسة شديدة ! ههههههههه كدي خلي يبدأ هو !!
Quote: إنتو رمضان الفات مش كان قريبات دي؟ الزمن ده بقا يجري سريع كدا مالو؟! |
إنت ما سمعت بالسنة البقت ستة شهور، والشهر خمتاشر يوم، واليوم إتناشر ساعة؟؟
كل سنة وإنت طيب ياخ ورمضان كريم!
| |
|
|
|
|
|
|
Re: يا حليل رمضان إنتهى خلاص.. باقي "تلاتين" يوم بس (Re: بكرى خليفة صديق)
|
يا كوتش إنت عارف أحسن حاجة اتكيفت منها شنو يا زول الجماعة قالوا سوء الأحوال الجوية ما خلالنا نشوف الهلال قلت الناس ديل بيكونو من جماعتنا اتكيفت منهم شديد هههههههههههه وأمنياتنا كل سنه يكون في سوء أحوال جوية ,,,,,,,,,,,, كل عام وأنت بخير
| |
|
|
|
|
|
|
Re: يا حليل رمضان إنتهى خلاص.. باقي "تلاتين" يوم بس (Re: motaz)
|
أخوي المنتصر فعلا كانت مفاجأة رغم إني كنت متأكد إنو رمضان يوم الأربعاء لكن كنت عايز الخميس
ودي ذكرتني قصة المفاجآت اللي لصقوها فينا وقالو نحن مشهورين بيها يعني الأيام دي في أمطار.. الناس بيكونوا قاعدين عادي أول ما تصب المطر.. الناس يقعدوا يفتشوا عشان يفتحوا الدرو والكوريك مكانو وين ما معروف والطوريه الشالا منو .. إلخ
| |
|
|
|
|
|
|
Re: السكون يعم المنبر العام ! (Re: motaz)
|
يا معتز رمضان الفات متذكراهو بتفاصيلو كأنو أمبارح! لا حولا! فعلآ الزمن يركض ركض شديد .. وبكرة نلقى العيد قدامنا و ... رمضان الجاي وصل ! حاجة تحير !!!
Quote: يا حليل رمضان إنتهى خلاص .. باقي تلاتين يوم بس |
مفروض تجي كل يوم ترفع البوست دا لحين إنتهاء الشهر الكريم .. ونفسيآ تطمن غمرانين الليلة ديل من (خرماني السيجاير والقهوة وغيرهم) بأنو :
يا حليل رمضان إنتهى خلاص .. باقي تسعة وعشرين يوم بس .. وهكذا
على أن تبدآ من اليوم !
| |
|
|
|
|
|
|
Re: يا حليل رمضان إنتهى خلاص.. باقي "تلاتين" يوم بس (Re: motaz)
|
الاخ معتز ذكرتني فريق ودنوباوي لمن كان بيلعب في الدرجة الاولى بالخرطوم وفيها المريخ والهلال .ز طبعاً كان اول فريق في العالم بيضيع الزمن من اول دقيقة في المباراة.... شايفك من اول يوم قاعد تكورك (انشاء الله درون) ــــــــــــــــــــــــــــ الاخ كانتونا ما تعمل رايح جاوب على السؤال المنطقي دا
Quote: أها الياء اللي في أخره دي تكون ياء شنو؟ |
و ورينا الياء دي ياء منادي ولا ياء التأنيث عموما انا مقتنع انو ناس التماس ديل ابعد ناس من العنصرية لانهم تزاوجو مع جيرانهم في الجنوب .... ولا انا غلطان ـــــــــــــــــــــــ للجميع تاني يوم في العيد فضل ليهو ثلاثين يوم ... كدا كيف
| |
|
|
|
|
|
|
Re: يا حليل رمضان إنتهى خلاص.. باقي "تلاتين" يوم بس (Re: محمد عبد الماجد الصايم)
|
Quote: مفروض تجي كل يوم ترفع البوست دا لحين إنتهاء الشهر الكريم .. ونفسيآ تطمن غمرانين الليلة ديل من (خرماني السيجاير والقهوة وغيرهم) بأنو : يا حليل رمضان إنتهى خلاص .. باقي تسعة وعشرين يوم بس .. وهكذا |
هههههههههه والله فكرة كويسة،، أحسن من كل يوم افتح بوست جديد وأقول للناس باقي كم يوم لووووول بمناسبة السجاير دي ،، وقت الفطور حق اليوم الأول المشى ده قاعدين نفطر كدا فجأة واحد قال الحمد لله ،، الناس كلهم استغربو يا زول بدري المهم قال شبع خلاص .. وطوالي مد يدو على الجيب وطلع ليهو "كيس" ههههه قلنا ليهو أيوااااااااا عشان كدا قام قال لينا أنا مستعد لو قالو لي صوم للعشاء بس بنسمح ليك تسف بيكون مكسب كبير لي هههههههههه شفتي الناس ديل كيف؟!
| |
|
|
|
|
|
|
Re: يا حليل رمضان إنتهى خلاص.. باقي "تلاتين" يوم بس (Re: motaz)
|
Quote: ز طبعاً كان اول فريق في العالم بيضيع الزمن من اول دقيقة في المباراة |
يا علوة ياخي جماعتك ديل بيبالغو عديل كدا لكن بيني وبينك رمضان ما عاوز كدا تضييع الزمن ما بينفع .. الخطة بتكون إنو الحكم يخت الكورة ويصفر تيييييت وبعدها تاني تيييييييت ويقوم يشيل "البلح" قصدي يشيل الكورة ويينهي المباراة رمضان دخل العضم من أول يوم الظاهر هههههههههههه
أقعدو عافية
| |
|
|
|
|
|
|
Re: يا حليل رمضان إنتهى خلاص.. باقي "تلاتين" يوم بس (Re: motaz)
|
Quote: الله أكبر يامعتز . اعلنوااقالوا العيد بكرة ؟ |
يا قلقو دي زي قصة الزول اللي رمضان سخن معاهو وقال رمضان ده مفروض يكون مرة كل أربعة سنوات زي كأس العالم
أها إنتو لو عيدكم بكرة معناها رمضانكم بعد بكرة مستعد لصوم رمضان السنة الجاية اللي جاء عندكم ولا لسا؟
| |
|
|
|
|
|
|
|