|
إلى رياحين البورد:
|
تكتب (رايحين) تطلع ليك (رياحين) ما عارف: نفحات الشهر الكريم ولا سيرفر بكري دا بقى رومانتيك!
|
|
|
|
|
|
|
|
Re: إلى رياحين البورد: (Re: Ashraf el-Halabi)
|
المهم: إلى جمهور مشجعي الحكومة، من كيزان ونفعجية وناس الله ساكت وما ترك الضبع وخلافهم، الرياحين العاملين رايحين من البورد بسبب ترزيهم العريان في شخبيتو ويفصِّل في صديري (على وجه السرعة) لباكستان ووين كدا ما عارف
| |
|
|
|
|
|
|
Re: إلى رياحين البورد: (Re: Ashraf el-Halabi)
|
إذا كان غيابكم بسبب الحكاية الهايفة دي يبقى انتو ناس حساسين أكتر من اللازم وما عندكم موضوع كمان! شنو يعني البلد غرقت في وين كدا ما عارف وكم واحد كدا (نفقوا) والحكومة عملت رايحة ومدت جسر مساعدة (فوري) لناس تانيين في قارة تانية! ياخي الباكستان ديل ما مسلمين برضو!
| |
|
|
|
|
|
|
Re: إلى رياحين البورد: (Re: Ashraf el-Halabi)
|
Quote: ياخ بعد العنوان السمح دا كان تعمل ميت وتنزل ليك قصيدة ووردة حمرا |
بت (الشية) سلامات قصدك الجماعة ديل ما رياحين؟! ياخي ناس يستحملوا كل المرمطة دي ويواصلوا في ولائهم وتشجيعهم ديل مش رياحين، ياخ ديل صالحين عديل كدا!
| |
|
|
|
|
|
|
Re: إلى رياحين البورد: (Re: Ashraf el-Halabi)
|
بعدين بكري ذاتو ببالغ! يعني ما ممكن تفتح البورد تقلى المنشتات كلها: عاجل.. هيا نغيث أهلنا في طوكر جسر جوي لإغاثة المتضررين في باكستان شندي تغرق وتصرخ...ورورووك.. وا حكومتاااااه عمك بتاع الشدة مقتل كم وتلتين في طوكر ياخ دي عناوين تطفش المعارضة ذاتا! المفروض يكون في شوية مراعاة للناس دي يا ريس! كامل تضامني
| |
|
|
|
|
|
|
Re: إلى رياحين البورد: (Re: Ashraf el-Halabi)
|
أبو الشوش .. إنت جادي ؟؟!! طوكر بتاعت قلبك .. هسي عليك الله الحيكومة دي تخلي الوراها والقدامها وتمشي تشوف ليها كم وتلاتين ماتو وين كده ما عارف .. ياخ نحن حكومتنا في الخرطوم الأيام دي مشغولة جدا بموضوع الشيشة .. وخطر الشيشة على المجتمع ومآلات شراب الشيشة كل يوم يعني يخلو موضوع الشيشة ويباروا ليك البيوت الوقعت والناس الماتو
الشيشة .. الشيشة يا عمك أهم من أي حاجة تانية والشعب السوداني لا نملك إلا نقول ليهو الجاتك في شيشتك سامحتك
| |
|
|
|
|
|
|
Re: إلى رياحين البورد: (Re: محمد عمر جبريل)
|
Quote: أبو الشوش .. إنت جادي ؟؟!! طوكر بتاعت قلبك .. هسي عليك الله الحيكومة دي تخلي الوراها والقدامها وتمشي تشوف ليها كم وتلاتين ماتو وين كده ما عارف .. ياخ نحن حكومتنا في الخرطوم الأيام دي مشغولة جدا بموضوع الشيشة .. وخطر الشيشة على المجتمع ومآلات شراب الشيشة كل يوم يعني يخلو موضوع الشيشة ويباروا ليك البيوت الوقعت والناس الماتو
الشيشة .. الشيشة يا عمك أهم من أي حاجة تانية |
بوحميد سلامات دا الكلام الأنا عاوز أقولوا للمساكين العاملين فيها رايحين ديل ياخي الحكاية أبسط من كدا، أرجعوا البورد ياخ! شنو يعني كم وتلتين ماتوا في طوكر وكتار غيرهم مهددين بنفس المصير وحكومتكم تسد في الإتقدت في باكستان! ما بيناتنا ياخ!
| |
|
|
|
|
|
|
Re: إلى رياحين البورد: (Re: Ashraf el-Halabi)
|
لو كنت مكان الرياحين ديل كان رد فعلي تجاه تصرفات الحكومة يكون زي تصرف جيراننا لمن جدهم الله يرحمه خرف كانت هوايته بعد الخرف عليه الرحمة التنزه داخل المنزل دون مخيط أو محيط تطورت تلك الهواية لتشمل حدود التنزه (أمفكو) المشوار لمتجر الحارة بغرض شرب قزازة البيبسي الساقطة فيهرع عندها جل من في المنزل بعراقي أو جلابية أو ملاية أو أي ابن خيط تطاله يدهم.. في نفس الوقت يتولى أحدهم مجادلة صاحب المتجر بإصرار على دفع ثمن قزازة البيبسي الساقطة أول الأمر كان حفدته يصابوا بحالة نفسية تجعلهم يعتزلون المجتمع لأيام عقب كل نزهة لقزازة بيبسي ساقطة إن صادف وقابلت أحدهم بعد تلك النزهة بيومين أو تلاتة وهو متسللاً، من أو إلى المنزل، عمل رايح لكن مع تزايد فواتير البيبسي الساقط قلت عمليات التسلل والروحة حتى وصل الأمر مرحلة صدور فرمان صارم للمكوجي: "عراريق الحاج، نصهم تختوا في الدولاب والنص التاني تختو في كيس وتديهو لحسن سيد الدكان" لو ترك الرياحين الكيس الذي يحوي نص سراويل (حبوبة إنقاذ) عند سيد الدكان، هسي وهي بتلبِّس في باكستان السديري سيد الدكان كان سترها!
| |
|
|
|
|
|
|
Re: إلى رياحين البورد: (Re: Ashraf el-Halabi)
|
Quote: بعدين دي ما أول مرة! نحسب ليكم ولا متذكرين؟ |
اشرف انت جادى ؟
تحسب شنو....يبقى حتقضى باقى عمرك كلو فى العد النازل
سوءات الناس ديل وعوراتهم انكاونتد ........
بس الجسر الجوى كان ممكن يمر بطوكر على الاقل
| |
|
|
|
|
|
|
Re: إلى رياحين البورد: (Re: Amira Elsheikh)
|
Quote: رياحين دى عاجـباني ومستخسراها فيهم يااشرف |
يااااااا رايحينا إلى الشرق بـ (غيابي) طال ما البوست يا بت الشيخ ما جاب همو ورجع الرياحين نقوم زي ما قال الحلفاوي: نقطع راسه ونعملو مطعم ههههههه
| |
|
|
|
|
|
|
طوكـــر (Re: Ashraf el-Halabi)
|
بدت الحملة القومية الشعبية بالامس ببيت الفنون بحضور اهلنا في الشرق ودشنت الحملة بكمية ممتازة من التبرعات العينية ..
شكرا اشرف
| |
|
|
|
|
|
|
|