|
التدخين مباح مع الصيام في رمضان .
|
خدر طلع لينا بوست سماهو : بوستات رمضان بوست ونسة فيهو لمة الأخوان ، يعني ما فيهو حساب لكن تعالو شوفوا فتاوي رمضان ( الحسابة ربنا يعين سيده عليهو ) والكلام ما ونسة بل حقيقة قالة الزول التحت ده ( مفكر إسلامي )
Quote: تزامنا مع قرب قدوم شهر رمضان الفضيل اكد المفكر الاسلامي المصري " جمال البنا " تمسكه بفتوى اباحة التدخين اثناء الصيام، مشيرا الى ان الهجوم عليه لن يثنيه عن التمسك بصحة تلك الفتوى. واوضح البنا في تصريحات خاصة لـ " الوطن " ان المرجع الشيعي الراحل آية الله محمد حسين فضل الله كان قد افتى بان تدخين السجائر لا يفسد الصيام. وتساءل البنا على أي اساس يحرم الدعاة التدخين في نهار رمضان، مشيرا الى انه لا يوجد نص في القرآن أو السنة النبوية يحرم التدخين اثناء الصيام، واردف قائلا: " ما تم تحريمه هو الاكل والشرب والمعاشرة الجنسية " . وذكر ان اباحة التدخين اثناء الصيام غير مشروطة بعدد السجائر التي يتم تدخينها، مشددا على ضرورة الالتزام بالعبادات دون زيادة او نقصان. وقال البنا ان ابن عابدين وهو من كبار فقهاء الحنفية أفتى بجواز التدخين اثناء الصيام، مستغربا ما اسماه بجرأة التحريم عند البعض دون سند شرعي. بدوره وصف الداعية الاسلامي ناظم المسباح فتوى اباحة التدخين في نهار رمضان بالفتوى الشاذة التي لا يلتفت اليها، موضحا ان الاصل في مسألة التدخين هو التحريم بعد ان ظهر ضرره. وقال المسباح ان المجامع الفقهية اتفقت على ان التدخين لا يجوز سواء اثناء الصيام او الافطار، محذرا من انه لا ينبغي تلقف مثل هذه الفتاوى الشاذة. من جانبه اوضح وكيل المرجعيات الشيعية في الكويت السيد محمد باقر المهري ان فقهاء الشيعة الامامية قالوا ان الدخان يعتبر من المفطرات على الاحوط وجوبا سواء كان من خلال شرب المعسل او السجائر، مشيرا الى ان كل ما يدخل جوف الانسان من غير الهواء الذي لابد منه يكون مفطرا. |
التحت دي كلها مصادر : http://www.alwatanvoice.com/arabic/news/2010/08/06/152472.html http://slaati.com/inf/news.php?action=show&id=15415 http://www.masrawy.com/ketabat/ArticlesDetails.aspx?AID=62713 http://www.alqodhat.com/news.php?action=show&id=896
|
|
|
|
|
|
|
|
Re: التدخين مباح مع الصيام في رمضان . (Re: عمران حسن صالح)
|
اخي عمران
يالله عليك هذا ( المتدورج ) مفكر اسلامي
وكمان يجوز التدخين في شمر رمضان المعظم
يا اخي هناك العديد من الفتاوى تحرم التدخين
في غير رمضان لانه يقود الى التهلكة
في اخر الزمان يا عمران عادي يظهر لنا امثال
هذا المتدروج يفتي من غير علم ولا سند
| |
|
|
|
|
|
|
Re: التدخين مباح مع الصيام في رمضان . (Re: محمد النيل)
|
يا محمد النيل ياخي ده ما ( زول ) ساي كده قاليكـ مفكر إسلامي معقول يتحل بى فتوى تبيح له شي الناس متفقه عليهو ( اتفاق ونسة ساي خليكـ من الدين ) يعني ناس ( الكايا ) يدودو النهار كلو في رمضان ولا حرج عليهم البتة
| |
|
|
|
|
|
|
Re: التدخين مباح مع الصيام في رمضان . (Re: عمران حسن صالح)
|
الاخ عمرانQuote: ياخي ده ما ( زول ) ساي كده |
بطريقتك غايتو اخوى الكاشف ود الصايم دا زاتو متفق معاى فى كلمة (زول)
اى زول يطمبج فى الفتاوى ح نسميه زول هسع الترابى ذاتو فى ايامو الاخيرة بقى (زويل) قال شنو! قال المسلمة ممكن تتزوج غير مسلم وشنو كمان عذاب قبر مافى ناسى حديث الرسول ص ان للقبر ضمة لو نجا منها أحد لنجا سعد
الكلام الاعوج ظاهر
| |
|
|
|
|
|
|
Re: التدخين مباح مع الصيام في رمضان . (Re: عمران حسن صالح)
|
اخي عمران
جبت لنفسك شبكه .. لو اتعلق فيك ود الصائم براه يمكن تتخارج .. لكن انا ذاتي حأكون (معنكل) معاه ..
نخن قاعين نشيل الهم من يوم واحد شوال لغاية مدفع الرفع يوم اول رمضان .. لكن عليك امان الله كأنه مافي حاجه اسمها سجاير في الدنيا لما ينتهي رمضان .. حكمة ربك ..
علي اي حال ممكن انا انزل لو مرة مرة كده اتذكرتني وقلت (النفس) ده لاخوي عمر ..
كل سنه وانت طيب
عمر علي حسن
| |
|
|
|
|
|
|
Re: التدخين مباح مع الصيام في رمضان . (Re: عمر علي حسن)
|
عليه وبناءً على ما جاء بعاليه فإنني وبكامل قواي العقلية أفتي بالتالي : جواز القطيعة والنميمية والنبيشة العامة والخاصة إسفيريةً كانت أم قدام ست جبنة كتابة كانت أو بالتلميح فهي في كل الأحوال ليست بشي داخل إلى البطن مجرد كلام ساي بس رجاءً بعد تكمِلو قول :
| |
|
|
|
|
|
|
Re: التدخين مباح مع الصيام في رمضان . (Re: عمران حسن صالح)
|
سلام عمران
طبعا انت مطلع علي الفتوي عندنا شوية استفسارات
المفكر الاسلامي الكبير اتكلم عن التدخين اللهو السجاير
هل ذكر اي الوان او ماركات ؟؟
يعني مثلا قال سجارة حمره أو سجار زنوبيا أو بي كرت أو ما شابه ذلك
او ذكر الجزء واراد الكل
يعني اي حاجه ملفوفة تولع فيها من قدام تديك دخان من وراء
مش كده برضو
شاف كليت طلح ما قال شئ مش ؟؟؟
| |
|
|
|
|
|
|
Re: التدخين مباح مع الصيام في رمضان . (Re: osman righeem)
|
Quote: في اخر الزمان يا عمران عادي يظهر لنا امثال
هذا المتدروج يفتي من غير علم ولا سند |
سلام يا جماعة
هذا ليس انسان عادي يفتي دون علم
جمال البنا هو شقيق حسن البنا ( آخر شقيق له على قيد الحياة)
وقد تحدثت معه قبل عامين هاتقيا بحكم انه جد لاحد معارفي
وما يقوله من قتاوي كان لها الكثير من الردود المختلفة ليست جديدة
وقال مثلها الترابي عن امامة المرأة
ونحن اذ عرفناه الآن فذلك بفضل الثورة الفضائية والتي نقلت لنا كل الاعلام في بيوتنا
واصبح العالم فتوى صغيرة
اقصد قرية صغيرة
| |
|
|
|
|
|
|
Re: التدخين مباح مع الصيام في رمضان . (Re: عمران حسن صالح)
|
الأخ عمران .. حقيقة كنت انتظر منك و من الأخوة المتداخلين مناقشة الأمر بجدية شوية لتعم الفائدة . فالشيعة مثلا ان كانت معلوماتى صحيحة يبيحون التدخين مع الكراهة ولكن لايحرمونها, وهناك ايضا من يبيح التمباك للصائم طالما لم يصل منها للحلق شيئ , وكل فريق يجد التخريجات والأدلة لنفسه . فالرجاء من الأخوة المتداخلون مناقشة هذا الأمر بقليل من العمق والجدية . مع تحياتى .
| |
|
|
|
|
|
|
Re: التدخين مباح مع الصيام في رمضان . (Re: قلقو)
|
Quote: الأخ عمران .. حقيقة كنت انتظر منك و من الأخوة المتداخلين مناقشة الأمر بجدية شوية لتعم الفائدة . فالشيعة مثلا ان كانت معلوماتى صحيحة يبيحون التدخين مع الكراهة ولكن لايحرمونها, وهناك ايضا من يبيح التمباك للصائم طالما لم يصل منها للحلق شيئ , وكل فريق يجد التخريجات والأدلة لنفسه . فالرجاء من الأخوة المتداخلون مناقشة هذا الأمر بقليل من العمق والجدية . مع تحياتى . |
ومع التحية برضو يا أخي قلقو فالسخرية أحياناً رسالة أعمق من الجدية ( المجرَدة) ، أنا هنا لم أشر إلى شيعى أو سنة ، ولا يهمني أمرهم الإثنين كثيراً فالعبادة صلة العبد بربه ومكونات الإسلام الخمسة أمرها واضح ولا خلاف عليها ( عدى التفاصيل الصغيرة ) والغير مهمة إجمالاً . فتاوى هذا الزمان مضحكة أكثر من أن تكون ( جادة ) وإلا فبالله عليكـ هل يستقيم عقلاً أن يكون الصيام صحيحاً في هذه الحالة ( دون الإشارة إلى آيات ربنا أو ما قاله النبي الكريم ) ... هذه لا يشملها الاعوج راي ، فالإعوجاج هنا مسخرة ليس إلا .
| |
|
|
|
|
|
|
Re: التدخين مباح مع الصيام في رمضان . (Re: Asim Fageary)
|
Quote: ( عدا التفاصيل الصغيرة ) |
شفت ياعمران هنا تكمن المشاكل والشياطين. الأخ عاصمQuote: كدي أقوم أدخن لي سجارة مارلبورو أبيض قبل ما نصلي العصر وبكرة أجي أديكم رأيي في الفتوى دي
لكن بجد كدا - فتوى في السلك !! |
يايوم بكرة ماتسرع ...
| |
|
|
|
|
|
|
Re: التدخين مباح مع الصيام في رمضان . (Re: عمران حسن صالح)
|
Quote: التدخين مباح مع الصيام في رمضان . |
شوف يازول.....
انا بوستيك ده لاقريته
لاعارف المكتوب فيهو شنو
شفته العنوان وجيتك جاري
قلنا نبارك ليك الشهر
ونمسك في فتوتك الفوق دي.....!!!!
وحاتك....
في رقيبتك.....!!!!
وشوف ليك حل ...الزيي كتااااااااااااااااااار
ياخي مشتاقين بالجد
| |
|
|
|
|
|
|
Re: التدخين مباح مع الصيام في رمضان . (Re: haroon diyab)
|
Quote: شوف يازول..... انا بوستيك ده لاقريته لاعارف المكتوب فيهو شنوشوف يازول..... انا بوستيك ده لاقريته لاعارف المكتوب فيهو شنوشوف يازول..... انا بوستيك ده لاقريته لاعارف المكتوب فيهو شنو |
ياخي المريخاب ديل ( متلقين ) حجج والله
__________________ رمضان كريم يا زول يا حلو
| |
|
|
|
|
|
|
|