نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 العوض المسلمى رقم صعب فى الزمن الصعب ، وجب على وكثيرين تقديره ..
|
أن يصرف الرجل ماله ووقته على أناس أحبهم ويحبونه ، ما الضير فى ذلك ؟
وأن يحبه الناس على شان بيقيف مع الناس ... ده اقل واجب من الناس تجاه الراجل ده ...
أنا شخصيا بعتبر العوض المسلمى واحد من ( أرجل ) الرجال اللاقيتم فى الدنيا دى ...
زول بينفق بسخاء ، بيساعد الناس ، بيصرف على شان الناس تتلم وتفرح ، ولا لشئ غير أنه بيحب الناس ... العيب وين ، والعيب وين يكون عندنا زول زيى دا ...
زول وكت تمشى ليهو فى بيتو تحس بيهو داير يطير من الفرح ... وبيستقبلك بنفس الإحساس فى المكتب فى الشارع فى التلفون ...
زول بيجود بماله على الآخرين فى زمن صعب وقاسى وكعب ، يستحق ان يعجب به حتى اللذين لايعرفونه ...
معليش يا العوض اعذرنى ويا ولاد المسلمى ... ح أقصم ظهوركم شوية ...
أنا شخصيا بكتب الكلام ده هنا وخلى الناس يعيبونى ... بتعامل مع العوض ماليا ...
أكثر من أربع سيارات أخذتها من معرضه دون أن أدفع قيمتها كاملة أو كاش ...
إحداها دورتها ومشيت رخصتها ولافى بيها 3 شهور حتى دفعت قروشا ...
يا أخوانا دى حاجات بتميزنا نحنا على الأقل خلينا نقول ( شلة العوض ) إذا صح التعبير ...
ورب الكعبة الإحساس اللى بينتابنى تجاه العوض وأولاد المسلمى وكثيرين فى هذه ( الشلة) : إنهم إخوانى أشقائى بل أقرب إلى من ذلك ...
يا أخوانا أقبح حاجة أن يصل تفكير وخبث الناس للمستوى ده ... وأقصد صاحب التصريح المشهور
اللى أفتكر إنو ح يجرح حد بكلاموا عن علاقة العوض ببورداب الخرطوم ...
العوض أخوى
سامحنى ياااخ وربنا يديك الفى مرادك
|
|
 
|
|
|
|
|
|
|
|
Re: العوض المسلمى رقم صعب فى الزمن الصعب ، وجب على وكثيرين تقديره .. (Re: محي الدين جبريل)
|
Quote: أن يصرف الرجل ماله ووقته على أناس أحبهم ويحبونه ، ما الضير فى ذلك ؟
وأن يحبه الناس على شان بيقيف مع الناس ... ده اقل واجب من الناس تجاه الراجل ده ...
أنا شخصيا بعتبر العوض المسلمى واحد من ( أرجل ) الرجال اللاقيتم فى الدنيا دى ...
زول بينفق بسخاء ، بيساعد الناس ، بيصرف على شان الناس تتلم وتفرح ، ولا لشئ غير أنه بيحب الناس ... العيب وين ، والعيب وين يكون عندنا زول زيى دا ...
زول وكت تمشى ليهو فى بيتو تحس بيهو داير يطير من الفرح ... وبيستقبلك بنفس الإحساس فى المكتب فى الشارع فى التلفون ...
زول بيجود بماله على الآخرين فى زمن صعب وقاسى وكعب ، يستحق ان يعجب به حتى اللذين لايعرفونه ... |
شكراً أخي محي الدين جبريل
أغنيتني عن قول الكثير في حق أخو الأخوان العوض المسلمي وتحدثت بلساني
أتشرف بأن أكون من الذين يقبل العوض أن يكونوا من صحبه وفي (شلته) أهل الخير والانفاق والمحبة
تحية وتقدير واحترام أخي العوض المسلمي
| |
|
|
|
|
|
|
|
|
|
Re: العوض المسلمى رقم صعب فى الزمن الصعب ، وجب على وكثيرين تقديره .. (Re: حبيب نورة)
|
الأخ محى الدين تحياتى لك والاهل
وتحياتى لشيخ العوض المسلمى
وشكرا لنصرتك لشيخ العوض
ياخى من الطبيعى ان يتعرض شيخ العوض للسهام
وهذه ضريبة لا بد ان يدفعها ووسام له.
على مر التاريخ يا محى الدين ودون استثناء لا يوجد كريم
او شهم او اخو اخوان او ذو نعمة والا تعرض للسهام والنبال والتبخيس
وفى الحقيقة ما يتعرض له العوض هو اقل كثيرا من المفترض .
وأبشره بالمزيد.
ــــــــــــــــــــ
سيدى ود بدر قال :
احذر ثلاثة
فقيرك القريتو
ويتيمك الربيتو
والعلمتو المدا واحميتو.
| |
|
|
|
|
|
|
|
|
|
Re: العوض المسلمى رقم صعب فى الزمن الصعب ، وجب على وكثيرين تقديره .. (Re: وليد عبد اللطيف)
|
شكرا إخوانى ... شكرا لجميع اللذين حضروا فى حضرة العوض أخوى ..
عبود عبدالرحيم ... كتر خيرك ياااخ وخلينا نرفرش التواصل على هامش الشهر الكريم ...
إنعام ياعروس الموسم ... معقولة الحاصل يكون مامر عليك ... طيب ربما تكونى مشغولة كنتى ... أمشى بوستات ودالصايم ..
أبو دية ... رمضان كريم ....
وتسلم كتير يا السمؤال ...
حبيب البنية ... فعلا العوض راجل تسبقوا سيرتوا العطرة السمحة .
الخليفة ودمحجوب ... العوض يستاهل الزول يشيل عكازو ويباريهو زى حيران شيخ محجوب ودعوووضة ...
نصر الدين عثمان والله فعلا شيخ العوض من الناس اللى ربنا سخرهم للناس ... بسديد الراى والفعل ...
وليد عبد اللطيف لطالما العوض دفعتك بالتاكيد ان ادرى به منا ... ربنا يديكما العافية
وبعدين الناس المعاى فى الصورة فعلا هما من أجمل الناس هنا ... حبيب نورة ونهلة محكر ... ثنائى الروعة والجمال ...جمال الذات والمعنى
محبتى لكم جميعا
| |
|
|
|
|
|
|
|
|
|
Re: العوض المسلمى رقم صعب فى الزمن الصعب ، وجب على وكثيرين تقديره .. (Re: طارق جبريل)
|
>>>>>>>>>>>>>>>>>>
>>>>>>>>>>>>>>>>>>>>.
الاخ / محى الدين
ما ذكرته فى حق الاخ العوض المسلمى فهو حق ......
ونحن السودانيين عندنا عقدة انه ما نشكر زول قدامه
او نمدحه ....
..... ولكن هذه القاعدة تنكسر امام العوض وامثاله .....
وللعوض فضائل نعرف بعضها ونسمع عن بعضها وفضائل اخرى (الله وحده يعلم بها )
((((((اللهم انت اعلم بنفسه منه .... وهو اعلم بنفسه منا
اللهم اجعله خير مما نظن .... واغفر له ولنا اجمعين ))))))
وامثال العوض يجعلون للحياة معنى اخر .... ويحفظون لنا توازننا النفسى فى هذه الحياة القاسية
| |
|
|
|
|
|
|
|
|
|
Re: العوض المسلمى رقم صعب فى الزمن الصعب ، وجب على وكثيرين تقديره .. (Re: Tabaldina)
|
تسلم يا تبلدي
________________________________
وكَـيفَ أسـتُرُ مـا أولَيـتَ مِـن حسنٍ ... وقــد غَمَــرتَ نَـوالاً أيُّهـا النـالُ
لَطَّفـت رَأيَـكَ فـي بِـرّي وتَكـرِمتي ... إن الكَــرِيمَ عــلى العَليـاءِ يَحتـالُ
حّــتى غَــدَوت وُللأخبـار تجـوالُ ... وللكَــواكِب فــي كــفَيكَ آمــال
وقــد أطــالَ ثنـائِي طـول لابسـه ... إن الثَنــاء عــلى التنبــالِ تِنبـالُ
إن كـنت تَكـبرُ أن تخّتـال فـي بَشَـر... فــإن قَــدرَكَ فـي الأقـدارِ يَختـالُ
كــأن نَفســك لاتَرضـاك صاحبَهـا... إِلاوأَنــتَ عـلى الفِضـال مِفضـالُ
ولاتَعـــدكَ صَوَّانـــا لِمُهجَتِهــا... إِلاوأنــتَ لهــا فـي الـرَوع بـذالُ
لــولا المشــقةُ سـادَ النـاسُ كُـلَهم... الجـــودُ يُفقِــر والإقــدامُ قَتَّــالُ
وإنمــا يَبلُــغُ الإنســانُ طاقَتَــهُ... مــاكُــل ماشِـيةٍ بِـالرّحلِ شِـملالُ
إنــا لَفِـي زَمَـنٍ تَـركُ القَبِيـحِ بـهِ... مِـن أكـثَرِ النـاس إِحسـانٌ وإجمـالُ
ذِكـرُ الفَتَـى عُمـرُه الثـاني وحاجَتُـهُ... مــاقاتَــهُ وفُضُـولُ العَيشِ أشـغالُ
| |
|
|
|
|
|
|
|
|
|
Re: العوض المسلمى رقم صعب فى الزمن الصعب ، وجب على وكثيرين تقديره .. (Re: doma)
|
..
.
Quote: يا ناس الجود يفقر والاقدام قتال
الاشياء دي مي مطلوقه ساكت
والكرم ابدا الزول ما بتعلمو
يا خلقوك اجواد ولا شحيح |
{وَلاَ تَجْعَلْ يَدَكَ مَغْلُولَةً إِلَى عُنُقِكَ وَلاَ تَبْسُطْهَا كُلَّ الْبَسْطِ فَتَقْعُدَ مَلُومًا مَّحْسُورًا}
وهذا امر الله سبحانه بالتوسط فى الإنفاق .. الخ
----------------
فى كلام لو كتبتو هنا بجيب اللوم
خلينا احسن نتخارج .. ما ناقصين هموم ..
| |
|
|
|
|
|
|
|
|
|
Re: العوض المسلمى رقم صعب فى الزمن الصعب ، وجب على وكثيرين تقديره .. (Re: Tabaldina)
|
Quote: فى كلام لو كتبتو هنا بجيب اللوم
خلينا احسن نتخارج .. ما ناقصين هموم .. |
اها متل كلامك دا هوالبجيب اللوم لانه ممكن يتفسر بماهو غير جميل في حقي يا صالح .
انا قلت الكرم الزول ما بتعلموا والكريم ما بخاف الفقر
ما عرفت معني كلامك دا ارجوك فسره عشان ما اخد في نفسي شئ
العوض انا استدنت منه دين ودفعتوا يعني ما فيها استغلال لا افقار ليه
| |
|
|
|
|
|
|
|
|
|
Re: العوض المسلمى رقم صعب فى الزمن الصعب ، وجب على وكثيرين تقديره .. (Re: doma)
|
..
.
واشهد الله يا دومه ..
الكلام الذى كتبته وقمت بقتباسه ليس لك به علاقة
لا من قريب ولا من بعيد ...!!؟
انا ما عارف فهمتى شنو ؟؟ بس لا ارى ضرورة لتفسيره ..
ولمن اعدت تعليقك وجدت لك مداخلتين تذكرين فيها حادثيتن ..
وما ذكرتيه انا شخصيا شايف برضو جاب اللوم .. على الاقل فى شخصى ..
-----------------
ما يدور من تعاملات شخصية وواجبات فردية وعلاقات خارج المنبر
يجب ان تكون خارج المنبر وذكرها ليس محبب .. واتحدث
عن نفسي فقط ..
والعفو والعافية؛
| |
|
|
|
|
|
|
|
|
|
Re: العوض المسلمى رقم صعب فى الزمن الصعب ، وجب على وكثيرين تقديره .. (Re: Tabaldina)
|
Quote: واشهد الله يا دومه ..
الكلام الذى كتبته وقمت بقتباسه ليس لك به علاقة
لا من قريب ولا من بعيد ...!!؟ |
الابن الحبيب تبلدينا انا بصدقك من غير ان تشهد الله
لكين فعلا اتحسست لانك كتبت الكلام الانا اقتبست دا بعد ردك علي كلامي
في انه الكرم شئ بيكون جزء من شخصيه الفرد فينا وما في يد الانسان الكريم شئ يعمله عشان يغيره.
والاقدام برضو لا يقتل لانه لكل اجل كتاب .
باقي كلامك عين الصواب في انه المعاملات الشخصيه يجب الا تقحم في العام
لكين كلامك الذي لم افهمه و طلبت منك ان تفسره ولكنك لم تفعل
قلت احتمال اكون اتلومت في حقك او انك فهمت من كلامي اني بصفك بالبخل ولذا ذكرت هذه الحادثه
وحاشا لله فانا اعلم عن كرمك الكثير والذي لا تحب ان يذكر في العام
كل سنه وانت طيب يا حبيب ورمضان كريم واعفو عني .
| |
|
|
|
|
|
|
|
|
|
Re: العوض المسلمى رقم صعب فى الزمن الصعب ، وجب على وكثيرين تقديره .. (Re: doma)
|
شهادات هؤلاء الأخيار جميعهم للعوض هي قلادة حب و وفاء يتوشحها العوض ..
و أنا فخور بالعوض كزول سمح وجميل حببه الله تعالى للخير و حبب الخير اليه ..
و اٍسأل الله تعالى أن يغدق عليه من فيوض الخيرات ..
تسلم يا العوض أخوي ..
شكرا يا محي الدين و يا كل من تحدثوا بصدق ليوفوا العوض قليلاً من كثير يستحقه ..
ـ
تلبيكة
Quote: مدرج العاطله مقتع الكاشفه
شيال التقليه |
طبعاً أنا عارفها غلطة مطبعية ..
لكن برضو عجبتني ..
| |
|
|
|
|
|
|
|
|
|
Re: العوض المسلمى رقم صعب فى الزمن الصعب ، وجب على وكثيرين تقديره .. (Re: طارق جبريل)
|
أن يصرف الرجل ماله ووقته على أناس أحبهم ويحبونه ، ما الضير فى ذلك ؟
وأن يحبه الناس على شان بيقيف مع الناس ... ده اقل واجب من الناس تجاه الراجل ده ...
أنا شخصيا بعتبر العوض المسلمى واحد من ( أرجل ) الرجال اللاقيتم فى الدنيا دى ...
زول بينفق بسخاء ، بيساعد الناس ، بيصرف على شان الناس تتلم وتفرح ، ولا لشئ غير أنه بيحب الناس ... العيب وين ، والعيب وين يكون عندنا زول زيى دا ...
زول وكت تمشى ليهو فى بيتو تحس بيهو داير يطير من الفرح ... وبيستقبلك بنفس الإحساس فى المكتب فى الشارع فى التلفون ...
زول بيجود بماله على الآخرين فى زمن صعب وقاسى وكعب ، يستحق ان يعجب به حتى اللذين لايعرفونه ...
ما قلت إلا كل الحق يا محي الدين و أنا أشهد به
التحيه لك و له
و كل رمضان و أنتم بخير
| |
|
|
|
|
|
|
|
|
|
Re: العوض المسلمى رقم صعب فى الزمن الصعب ، وجب على وكثيرين تقديره .. (Re: azhary awad elkareem)
|
الاخ محي الدين جبريل وكل المتداخلين هنا تابعت مداخلاتكم نقطة نقطة وكنت اتمني الا اكون في هذا الموقف
موقف الشكر لانني ويشهد الله احب الجميع اخوان واخوات اباء وامهات ,,,
واقسم بالله العظيم انكم ذكرتم خصال ونستموها الي ولكن اقسم بالله انكم جميعا اكرم مني وافضل مني ..
ولا اريد ان اخصص فما منم احد استد\ان مبلغ الا ورده قبل موعده ,,
بل وما تحدثت عنه ماما دوما لم يكن دينا بل كان مساهمة منها في عمل خير هنا في السودان ..
يعني انا لم اكن الا وصلة فقط للخير ...
كلكم افضل مني وانا سعيد بان اكون جزء ولو بسيط من هذا التجمع الكبير منبر سودانيز اون لاين ...
كفاية يا اخوانا فما قلتموه اكبر من هامتي ...
| |
|
|
|
|
|
|
| |
محي الدين جبريل
عمر عبد الله فضل المولى
عبود عبد الرحيم
انعام حيمورة
صلاح أبودية
السمؤال بدرالدين
حبيب نورة
ود محجوب
نصر الدين عثمان
وليد عبد اللطيف
داليا الكباشى
ياسر بيناوي
الصادق خليفة
طارق جبريل
د.امام الصديق عبد المعطى
doma
خالد العبيد
محمد فرح
Hassan Makkawi
Frankly
EMU إيمو
المكاشفي الخضر الطاهر
ابو جهينة
نوفل عبد الرحيم حسن
أبوبكر أبوالقاسم
العوض المسلمي
MOHAMMED ELSHEIKH
فيس بوك
تويتر
انستقرام
يوتيوب
بنتيريست