|
|
|
 Re: يا ناس العصيدة بملاح الكرارة دى سرها عجيب (Re: سفيان بشير نابرى)
|
العزيز سفيان نابرى
سلامات
وخبرك شنو ؟
عارف يا سفيان أخوى أحلى شىء فى رمضان فى السودان
برنامج عمك الشاعر السر قدور وبيت الفنون والكرارة .
يا سفيان أهلنا الكبار قالوا الكرارة دى MULTIVITAMIN عديل .
وقالوا صحن كرارة من النوع ال ْْXXL يعادل 5 TABLETS .
. تعيش الكرارة .
تحياتى
| |
 
|
|
|
|
|
|
|
|
Re: يا ناس العصيدة بملاح الكرارة دى سرها عجيب (Re: سلمى الشيخ سلامة)
|
عزيزتنا سلمى بنت الشيخ
سلامات
ورمضان كريم
معقول يا سلمى ؟ الكرارة هى الأسم الاصلى ( للنعيمية )
الأسم التالت ملاح الروب .
بصل محمر فى الزيت + طماطم + دقيق + زبادى
يا سلمى . الكرارة فى وليمة أفطار رمضان حق البيت الأبيض .
كانت فى نص قائمة الطعام .
يعنى البيت الأبيض كان فل كرارة
يا سلمى يا أخى حبوباتنا ديل عندهن شغلات عجب . شوفى يا أخت سلمى
الكرارة دى شويتين كدى وممكن تانى تعملى ORDER ONLINE وكمان
سنة سنتين تشوفى بكرى ابوبكر جايب ليك أعلان الكرارة HOT وفوق رأس المنبر .
.. تحياتى
| |
|
|
|
|
|
|
|
|
|
Re: يا ناس العصيدة بملاح الكرارة دى سرها عجيب (Re: خالد العبيد)
|
الكراره دي طبعا بضم الكاف لل ماسمعو بيها والعجب العجيب كان لقتلها خيط (خيط سمن) لكن السمن بيروري بالزول للمابعرفو الرورايه دي معناها polydipsia
والعجب العجيب كان اتغديت بي بملاح ام شعيفه او ام تكشو اواتوكلت علي الله واتمعست بي ملاح بربور قال الشاعر الليله جيت مفلق ليت عشاي معلق بي ملاح بربور من الايدين يتزلق
ولنا عوده نديكم من الرطانه دي ياناس ملاح الروب والمابعرفو الكراره
| |
|
|
|
|
|
|
|
|
|
Re: يا ناس العصيدة بملاح الكرارة دى سرها عجيب (Re: عثمان محمد كرار)
|
العزيز د / عثمان كرار
سلامات
وقرقرقرقر . يا أخى والله أنا I RECOMMEND الكرارة .
الكرارة يا دكتور هى الحل . الكرارة تمنحك القوة والكرارة
تقاوم الرورايه والشلل الهزاز والنعيته والدبس .
يا ود كرار قالوا القصة فيها بروتينات جد .
يا أخى أغنية أمبارح جيت مفلق دى من أجمل أغانى الجابودى .
عليها الرحمة بنت ود أبوضهر كانت لمان تقول :
الشايب بى التسلو
والجضل الينكسر لو .
لمان تقول البيت ده الدنيا كلها تقوم يا دكتور .. زمن
بس الحمدلله الكرارة دخلت البيت الأبيض .
الكرارة جات العالم من الباب الكبير .
تحياتى والمجد للبربور
| |
|
|
|
|
|
|
|
|
|
Re: يا ناس العصيدة بملاح الكرارة دى سرها عجيب (Re: طارق جبريل)
|
العزيز طارق جبريل
سلامات
والله يا طارق فى
مجلة التغذية الأكلينيكية الأمريكية
فى موضوع طويل عريض عن اللوبياء عفن .
يازول المجلة قالت الشغل ده فيه بروتين بعمل عضلات .
وعشان كدى أعمامك ناس هوق هوقن وستيف أوستن وأقعين اللوبياء عفن .
اها والمجلة قالت الشغل ده بيبعد الامساكات ويبعد سرطان الأمعاء .
بس الكرارة دى عندها كلام تانى .
تحياتى
| |
|
|
|
|
|
|
|
|
|
Re: يا ناس العصيدة بملاح الكرارة دى سرها عجيب (Re: Osman Musa)
|
يا عثمان باوصافك دى تبقى "كرارة العبوس "
مش تقول لينا الملاح اللونو "بيج "
او كما قالت صحبة عزة بتى
قالت لى خالتو اعملى لينا الملاح اللونو بيج
قلت ياربى الملاح دا ياتو ؟
عزة قالت لى "شارحة " دا ملاح النعيمية ياخ
والملاح هنا بالالوان
ال"قرين "
البيج
البياكلو كدا وقد لف الشافع يده معلنا عن "لياقة الملاح وهو يعنى ملاح الخضرة المفروكة
التى قال عنها عميرى انها شدة ما "سغيلة" تعلق الجلابية فى بيت الجيران تلقاها برضو فيها ملاح خضرة
تصوم وتفطر على خير
| |
|
|
|
|
|
|
|
|
|
Re: يا ناس العصيدة بملاح الكرارة دى سرها عجيب (Re: سلمى الشيخ سلامة)
|
عزيزتنا سلمى
كيفك ؟
ياهو زاتو الملاح اللونو بيج .
ناس التغذية يا سلمى قالوا : الكرارة والبازلاء الاتنين ديل
بيعملن تشحيم للركب من الداخل .
وبعدين د / كرار قال : الكرارة تقاوم الرارايه .
يا سلمى اليوم الكرارة فى تكل البيت الأبيض .
..
تحياتى
ادينا يا سلمى وصف لفطور ناس امدرمان ناس البندر . ضرورى
| |
|
|
|
|
|
|
|
|
|
Re: يا ناس العصيدة بملاح الكرارة دى سرها عجيب (Re: عثمان محمد كرار)
|
خالي كان يعمل في شركه في الرياض وقام مره عزم ليك زملاه في العمل وعمل ليهم عصيده بي ملاح كراره المهم الجماعه بيقو يسالو من الكراره والعصيده قدر ماحاول يشرح للخواجات والسعوديين ومصرين ينقلو الكراره لمنازلهم من شده اعجابهم غايتو في الاخير قدر شرحها ليهم بانها دي كريمة لبن والعصيده كريمة ذرة
| |
|
|
|
|
|
|
|
|
|
Re: يا ناس العصيدة بملاح الكرارة دى سرها عجيب (Re: بريمة محمد)
|
العزيز بريمة
سلامات
يا بريمة يا أخى باسطة شنو ؟
نقول ليك كرارة تقول باسطة ؟
ده فرق الليل من النهار .
أنشاءالله يوم بجيب ليك عمود كرارة عشان لو كنت
ساكن فى فرجينيا تقوم تمسك شارع بالتيمور عديل .
يا أخى أشهر حاجتين فى السودان نهر النيل والكرارة .
تقول لى الكرارة زى الباسطة ؟
والله حقو نشيل منك الجواز السودانى ونديك جواز جمهورية باسطة الغربية .
..
تحياتى
| |
|
|
|
|
|
|
|
|
|
Re: يا ناس العصيدة بملاح الكرارة دى سرها عجيب (Re: عثمان محمد كرار)
|
أنت عارف يا عثمان كرار
كلامك ده صاح .
يعنى سندوتشات الكرارة دى ممكن .
المكسيك عندهم سندوتشات لحوح زى الكسره بال GYRO
ونفس السندوتش بال CHICKEN .
يا أخى نحنا ممكن بالكرارة دى ندخل منافسات ونجيب كأسات
الدنيا والعالمين .
عاشت الكرارة فى القبل الأربعة .
..
تحياتى
| |
|
|
|
|
|
|
|
|
|
Re: يا ناس العصيدة بملاح الكرارة دى سرها عجيب (Re: Osman Musa)
|
شكراً عثمان موسي .. جوعتنا ..
ياخي قول لسلمي الشيخ الزبادي المقصودة هي الزبادي المُرة التخينة ماتقوم كمان تحاول تجربها بزبادي بيست ..
وبعدين يا عثمان أهلنا كمان مابيحمروا ليها البصلة ، بل تنطبخ معاها وتطلع بصلة بيضاء فيها .. ثم تؤكل بالكسرة المرة ..
| |
|
|
|
|
|
|
|
|
|
Re: يا ناس العصيدة بملاح الكرارة دى سرها عجيب (Re: Munir)
|
عزيزنا منير عبدالرحيم
سلامات
ممكن مع تحمير البصلة .
وممكن برضو تكون البصلة بيضاء .
كان بى دى ولا بى دى كلو فى السلك .
وكلو ما تدى الجمبك .
يا أخى الكرارة شىء بديع يا أخى هسع يا منير
أنا بكتب وبطنى بتكورك .
عليك الله يامنير شوف أخونا بريمة قال شنو .
قال : الكرارة دى زى الباسطة ؟
الزول ده فى حصص الكرارة الوطنية كان بكون وين ؟
تحياتى
| |
|
|
|
|
|
|
|
|
|
Re: يا ناس العصيدة بملاح الكرارة دى سرها عجيب (Re: Osman Musa)
|
العصيدة تؤكل بملاح الروب التخين " روب ابيض " أو النعيمية حيث يحمر البصل ويضاف اليها فول مظلوط
اما الكرارة فهى صنيعة الروب المخشوش فى السعن " فرش" وبعد ما يبقى مر ويعمل بالبصلة البيضة دون
زيت او تحمير ولاتؤكل بالعصيدة بل بالكسرة فقط
انا عايشت ثقافة النيل حيث الكرارة وتقافة كردفان ودارفور حيث ملاح الروب
تصوموا وتفطروا على نعيمية وشرموط ابيض للقراصة وتقلية للعصيدة
| |
|
|
|
|
|
|
| |
Osman Musa
سلمى الشيخ سلامة
سفيان بشير نابرى
عمر التوم
طارق جبريل
خالد العبيد
عثمان محمد كرار
بريمة محمد
Munir
فيس بوك
تويتر
انستقرام
يوتيوب
بنتيريست