|
Re: عليك بالإستمتاع بالقهوة (Re: عبد الله كسلا)
|
بعد ما إسْتقريت في البُطانة ، فعلاً بقيت أستمتِع بِالأشياء ... بِالشمس ... الزيفه ... الليل ... القمر .. النجوم ... وإسْتغتيت إلا قليل عن الفلوس ... بقيت في مزرعتي البزرعو باكلو ... كُنت حريص مثلاً أن أصطاد طيرتين تلاته بس ، أتجنب المِيع البِكون الطير فوقا في تجمُعات كبيرة لأن طلقة الخرطوش الواحدة مِمكِن تِصطاد 20 طيره دفعة واحدة ... السمك بصطاد حق الوجبه بس ... وده برضو بيحصل في المحس فوق هِناك ... ولو الواحِد بِقى ده دَيْدنو بِتلقاهو بقى يِسْتمتع بِالقهوة أخيرًا
ود كسلا كيف حالك؟ علك طَيِب
| |
|
|
|
|
|
|
Re: عليك بالإستمتاع بالقهوة (Re: عزام حسن فرح)
|
الاخ /عبد الله كسلا السلام عليكم
المادة فيها من الحكمة ما فيها علنا نعى ونستفيد
الاخ / عزام سلام واحترام كُنت حريص مثلاً أن أصطاد طيرتين تلاته بس ، أتجنب المِيع البِكون الطير فوقا في تجمُعات كبيرة لأن طلقة الخرطوش الواحدة مِمكِن تِصطاد 20 طيره دفعة واحدة ... السمك بصطاد حق الوجبه بس دا كلاماً زين لكن بصراحة مامطبق فى بوستاتك ففى بوست واحد او مداخلة واحدة اراك تصطاد العشرات والمئات من المعجبين وباحثى المعرفة والتعلم والطرح الهادف كما هو الحال تماماً مع المخالفين والملحدين وغيرهم ..
| |
|
|
|
|
|
|
Re: عليك بالإستمتاع بالقهوة (Re: احمد الأمين على إدريس)
|
أخي أحمد الأمين .. الكلام فعلاً جميل .. ومليئ بالعبر والدروس ... علنا نستفيد منها ...
وكلامك عن أخونا وحبيبنا عزام برضو جميل وعجبتني الحتة دي بالذات ...
Quote: ففى بوست واحد او مداخلة واحدة اراك تصطاد العشرات والمئات من المعجبين وباحثى المعرفة والتعلم والطرح الهادف |
وأنا واحد من المعجبين ديل ...
شكراً ليك كتير أخي أحمد ...
| |
|
|
|
|
|
|
Re: عليك بالإستمتاع بالقهوة (Re: فايزودالقاضي)
|
فايز ود القاضي ...
إنت أكيد جابتك ريحة البن ... ما إنتو ناس كسلا .. ناس البن والقهوة ..
بس لكن شنو ياخي دخلت ... ومرقت .. ورجعت دخلت .. ومرقت تاني ..
لا سلام ولا كلام .. ولا حتى تعليق على قهوتنا الشربتها دي ...
بس تشرب وتمسح شنبك وتمشي ...
مالك؟ مستعجل ماشي لناس "سارة" بهناك وله شنو ...
حبابك ألف .. ومرورك بالجد أسعدني ..
وشكراً على تنبيهك لحبيبنا عزام ..
| |
|
|
|
|
|
|
Re: عليك بالإستمتاع بالقهوة (Re: اميرة السيد)
|
الأخت أميرة ...
شاكر ليك كتير ومقدر مرورك علينا و"الإستمتاع بتناول قهوتنا" ...
الكلام حقيقة جميل .. وكله دروس وعبر .. نتمنى إنه الناس تقرأه .. وتعمل بيهو ..
الحياة جميلة ... ولكن الأمر يتوقف حسب المنظار الذي ينظر به الشخص لحياته ..
وقديماً قيل "القناعة كنزاً لا يفنى" ..
شكراً ليك ياأميرة مرة أخرى ..
وربنا يمتعك بالصحة والعافية ...
| |
|
|
|
|
|
|
Re: عليك بالإستمتاع بالقهوة (Re: عزام حسن فرح)
|
عزام حسن فرح حته واحدة ... يا الله يا الله ...
يشهد الله يا عزام .. أنا واحد من المعجبين الذكرهم ليك أخونا أحمد الأمين ديل ...
بحب أقرأ ليك ... وبستمتع بمتابعة طريقتك في الحكي ... والسرد ...
حتى وإنت بتخاصم ... بتكون فارس في الخصومة ...
الله يمتعك بالصحة بقدر إمتاعك لمعجبينك ...
مرورك أسعدني كتير يا عزام يا أخوي ... شكراً ليك ...
| |
|
|
|
|
|
|
Re: عليك بالإستمتاع بالقهوة (Re: عبد الله كسلا)
|
Quote: عليك بالاستمتاع بالقهوه |
المثل ده بنطبق على أهلنا زمان تلقى جبنة الصفيح مطفقة بالجنبات وفناجين الصينى حوافها مترَمة من مطاقشة الغسيل الكتيرة وكيف على الآخر أين نحن منه الآن ؟؟؟ كانوا حِكمْ تمشى على رجلين الله يديك العافية يا عبد الله
| |
|
|
|
|
|
|
|