|
|
|
 Re: كرامةالبليله في بيت الفنون الاحد 8/8 وافتتاح المكتبه العامه والقالري (Re: MOHAMMED ELSHEIKH)
|
Quote:
يا طارق نحن ناس اجازات
سووا لينا يوم معايدة في العيد السغير
يمكن نقوم نغني ليكم مقطع مقطعين من اب داوود
|
ود الشيخ حبابك
ياسمح السجايا(محجوب شعار ياخ)
نشد بليلتنا الاحد
وفي العيد السغير نشد ليكم تاني بليله
كمان نضبح
انت كيف بس تشرف بلدك وتزورنا
حبابك حبابك
وحباب اب داؤود معاك
بعد طالبين المقطع دا:
الانسام تداعب أغصانا وتميلا
وثغر الفجر باسم والزهره الجميله
وعاوزين:
الحب المؤكد والعاطفه النبيله
والقعده اللذيذه في تلك النجيله
وعاوزين:
ياعروس الروض ياذات الجناح
ياحمامه
سافري مصحوبه عند الصباح
بالسلامه
واذكري شوق فؤادي بالجراح
وهياما
سافري من قبل يشتد الهجير
بالنزوح
واسبحي مابين طيات الاسير
مثل روحي
فاذا لاح لك الروض النمير
فاستريحي
ذكريها بسويعات اللقاء
والتصابي
حين كنا كل صبح ومساء
في اقتراب
عل بالتذكار لي بعض الشفاء
من عذابي
محبتي وتحياتي
| |
 
|
|
|
|
|
|
|
|
Re: كرامةالبليله في بيت الفنون الاحد 8/8 وافتتاح المكتبه العامه والقالري (Re: طارق الأمين)
|
نتلاقا عصيرا متأخر
نتفرج في لوحات الجنيات القالو الدنيا جمال
ورسم وتشكيل
وعندنا ليكم معرض منحوتات
فيهو تماثيل
لي هذا الجيل
ولي ذاك الجيل
نتلاقي هناك
في احلي اصيل
نتواصي ندفق
زي النيل
باباي وتبلدي
وتمره قنديل
للقبح تحدي
من جدك وجدي
او وجدك ووجدي
ماناخد _ ندي
ومن حزن نعدي
ويتعلم جيل
من جيل لي جيل
في طقس جميل
صحراء ونخيل
عصريه وليل
واطفال سمحين
حلوين بالحيل
جايين شاقين
استار الليل
جوه اسبس تون
يلقوهو شليل
ترتاح الورده
تتسابق خيل
نفرح بالحيل
ونبشر
و نعرض
رغم الأحزان
أصلو الانسان
تشاش الليل
| |
|
|
|
|
|
|
|
|
|
Re: كرامة البليله في بيت الفنون الاحد 8/8 وافتتاح المكتبه العامه والقالري (Re: طارق الأمين)
|
Quote:
لازم يا طارق تشدها في نص الحوش عشان بخارها يطلع ويكافي البلاء بالبليلة .. |
غايتو يا نعومه يختي
نشد في البليله
ونشدها لي نساس النظام العام
والحيكومه تشدها لينا
ونشد للحيكومه
الواحد قرب يبقي
كمال شداد عديل كده
Quote:
حا أجي ومعاي جردل لقيمات من خالتك حنانة .. وسيرمسين شاي بي لبن مقنن .. |
تسلمي ياخ
ومرحب باللقيمات
واللبن المقنن
مشكره علي الهديه
سلمي علي الخاله حنانه
يديها العافيه
الاسم العلي مسمي
وقوليها ترمس واحد كفانا
كفاهن تعب اماتنا ديل
تحياتي
| |
|
|
|
|
|
|
|
|
|
Re: كرامة البليله في بيت الفنون الاحد 8/8 وافتتاح المكتبه العامه والقالري (Re: طارق الأمين)
|
وانا فاقداكم وفاقده كل جميل لصحبتكم ..
ولكن .. لعن الله الغربه ..
بس صدقنى انا معاكم فى كل لحظة ..
وربنا يحفظكم ويتم مقاصدكم ..
وعقبال ما نفرح بالقرارات الحازمة فى ظل الحرية المطلوبه ..
دمتم جميع فى خير .. وبالصحة لقيمات ماما حنانه ,, ورز ماما عشه ..
وربنا بظلكم بظله .. وانتو معاكم كل الالفه والمحبة ..
اتذكرونى .. مع كل رشفة شاي .. ولقمة لقيمات .. وخمشة بليله ..
| |
|
|
|
|
|
|
|
|
|
Re: كرامة البليله في بيت الفنون الاحد 8/8 وافتتاح المكتبه العامه والقالري (Re: عبد المنعم سليمان)
|
Quote:
دايماً عليك مبدع
و محب للجمال
الطريق وعِر و قاسي
ملئ بالحيوانات المفترسة التي تغرس القبح
و تغتال الجمال و الابداع
لك كل الود و التضامن و اتمني ان نلتقي قريب
لنتحدث عن المسرح و نسرح ... و نبدع الدنيا الجديدة |
حامد الصاوي
والله أيام يازمن
البركه في الخمج الطراك لينا
كيف الصحه واللخبار
والحاله عموم
ووين ماك جاي علي الخرتوم؟
وعلي قول عاطف خيري في التمانينات زماااااااااان:
الخرتوم يالصاوي وحاتك
مابتنشكر
ناس خرتوم اللسه معشعش في روسينن
شبح العسكر
واي زعيم تنتخبو الامه
شايل برضو ملامح جعفر
كن واسرتكم بخير
وتحياتي لها
| |
|
|
|
|
|
|
|
|
|
Re: كرامةالبليله في بيت الفنون الاحد 8/8 وافتتاح المكتبه العامه والقالري (Re: خالد عبد العاطى)
|
Quote:
ياخ قلنا ليك اول مشاركة
اديناك ليها انت ... ما اشتغلت بينا زاتو
البليلة البليلة بال DHL
ماتقول لى العنوان
بس اكتب خالد قوانزو الصين وبتصلنى
ماتنسى كمية تكفى رمضان |
خالد عبد العاطي
مافي طناش ياخ
وين لقيتك لامن ااباك
بس بنحاول مع فرع الd h l في الصين
طلبو عينه من البليله
فحصوها
جاء في نتيجتها
انها طعام الفقراء في بلد اسمه السودان
وان اهل هذا البلد يستخدمونها في مناسبات الكرامه
يذودون بها عن انفسهم
يتكافو بيها البلا
البلا والبليله
وان الصينيين يحاولون اختراع نسخه صينيه منها
حتي يجربوها
بعد ان اقتنعو بجدواها
خاصه انهم تعرضو للسحر
حيث سحرهم احد العرب من اهل البلاد قليله السكان
حين قال احدهم
شو هذي البلد كتير فيها ناس واحنا موعدنا هون ناس ءكتير
فامسك الصينيون بطنهم من القبضه واللوايه
حتي قال احدهم في شفاخنه الحله
شن شونق كن هيغ لوايه شديده ياتمرجي في ال هينق كونغ فونشينغههههست
عليه فالامر معقد ويحتاج الي وكت
شيل لينا معاك الصبر شويه لمن نشوف اخرتا
حليل زمن الهظار الفخيم
سلام
| |
|
|
|
|
|
|
|
|
|
Re: كرامةالبليله في بيت الفنون الاحد 8/8 وافتتاح المكتبه العامه والقالري (Re: طارق الأمين)
|
الصديق طارق اللمين
كرامة شافعة ونافعة ان شاء الله
وربي يحرسكم من كل بلاء...
بمناسبة الصين والصينين...
قالوا ليه بلاي الصين كيف...؟؟
يا زول...والله بلد سمحة سماحة وعامره عمار
قربت اقعد قبلي واسوي لي حقة صعوط...ان شاء الله ابيع الكيس بي شلن
ياخ ديل تقعد في القهوة ...عادي تسمع واحد قال للجرسون
بلاي معاك مليون شاي...وخمسمية الف جبنة...اها هسع ديل
كان غشوني وشالو مية الف كيس صعوط...باقي ليك ما بغني!؟
Quote: حيث سحرهم احد العرب من اهل البلاد قليله السكان
حين قال احدهم
شو هذي البلد كتير فيها ناس واحنا موعدنا هون ناس ءكتير |
| |
|
|
|
|
|
|
| |
MOHAMMED ELSHEIKH
عفاف الصادق بابكر
ناذر محمد الخليفة
انعام حيمورة
داليا الكباشى
عائشة موسي السعيد
طارق جبريل
كمال علي الزين
محمد عادل
عبود عبد الرحيم
محمد علي شقدي
دورنقاس
Hamid Elsawi
Ashraf el-Halabi
رشا سالم
فايزودالقاضي
عبد المنعم سليمان
محمد أبوالعزائم أبوالريش
ممدوح أبارو
Shaker Hamid
نوفل عبد الرحيم حسن
Yassir Tayfour
عبد الله كسلا
خالد عبد العاطى
نعمات حمود
Abd Alla Elhabib
خضر حسين خليل
ALZOLZATOO
Yasier Elsayed
rosemen osman
معتز الامين
naeem ali
humida
ASHRAF MUSTAFA
معتصم محمد صالح
صديق عبد الجبار
فيس بوك
تويتر
انستقرام
يوتيوب
بنتيريست