|
|
 زواج الاكراه - موضوع قد يهم من يقيمون باوروبا وامريكا
|
تسري هذه العادة القبيحة ومنتشرة في كثير من الدول وخاصة الهند وبنغلاديش وباكستان
معلوم ان اعدادا ليست بالبسيطة هاجرت في اوقات مبكرة الى بريطانيا وامريكا، وليس كحال
معظم السودانيين الذين ذهبوا للتخصص في بريطانيا وبمجرد حصولهم على شهاداتهم العليا
رجعوا للسودان لمن كان بخير.
ما يحدث الآن ان الفيات قد كبرن واصبحن في عمر الزواج وبحكم الاقامة فقد اصبحوا مواطنيين
بريطانيين (بريطانيا هي اكثر الدول التي يتعرض مواطنوها لهذا الامر) وهذه فرصة ما بعدها فرصة
لاحد ابناء عمومتها او اهلها للحصول على اقامة دائمة في بريطانيا (بحق الزواج من بريطانية)
بل والحصول على الجنسية نفسها بعد ثلاثة سنوات فقط.
وخلال متابعتي لحلقتين اذاعيتين، تبين ان الامر ليس بهذه السهولة والرضا خاصة بالنسبة للفتيات
حيث يجدن انهن مجبرات بالاكراه على الزواج من شخص لا تعرفه من بلدها الام.
الامر لا يقتصر على ذلك، بل ان المر قد يصل فيها حد الاتجار بالبنت، من اموال ومفاوضات بين والد العروس
والعريس حسب تعليق احداهن - بريطانية تقود حملة ضد هذه الممارسات - ان ما تشاهدونه من فلل راقية وعربات
فراعة في تلك البلد ليس الا ثمنا لتعاسة فتاة ما اجبرت على الزواج بالاكراه.
نفدت طبيبة بنغلاديشية، اصر والدها على تزويجها بالاكراه وحبسها في بنغلاديش لعدة شهور الى ان
استطاعت عبر زملائها في بريطانيا ان تقود حملة وطنية وفعلا استطاعت السفارة البريطانية بتهريبها
وتسفيرها الى بريطانيا.
نواصل
|
|
 
|
|
|
|
|
|
|
|
Re: زواج الاكراه - موضوع قد يهم من يقيمون باوروبا وامريكا (Re: أحمد ابن عوف)
|
البريطانيين انشاوا وحدة خاصة في الحكومة لمكافحة هذه الظاهرة
This page explains what the Forced Marriage Unit is and how it can help in cases of forced marriage.
The United Kingdom Government has set up the Forced Marriage Unit to provide practical support, information and advice to anyone who has been through or is at risk of a forced marriage. The Forced Marriage Unit is a joint initiative between the Foreign & Commonwealth Office and the Home Office.
Overseas cases
If you or someone you know is a British citizen, has been taken overseas, is being forced into marriage and wants help, the Forced Marriage Unit may be able to arrange for them to be rescued and brought back to the United Kingdom.
Visa cases
If you have been forced to marry overseas and you are now being forced to sponsor a visa for your spouse, you can contact the Forced Marriage Unit for advice. They can talk you through your options and may be able to make sure that the visa is refused.
الكلام واضح
لو كنت في زيارة عائلية خارج بريطانيا واكتشفت انك مجبر على الزواج (اتصل نصل) وعندنا القدرة
على الوصول لك وانقاذك واعادتك الى بريطانيا
لو طلب منك بسبب الزواج ان تتقدم بالحصول على تأشيرة لشخص، لك الحق في ان تبلغنا وتطالب بمنع منحها.
| |
|
|
|
|
|
|
|
|
|
Re: زواج الاكراه - موضوع قد يهم من يقيمون باوروبا وامريكا (Re: أحمد ابن عوف)
|
شخصيا عندي زي تاشر بنت من بنات اهلي في بريطانيا وامريكا، وقد اصبحن في عمر الزواج
وشخصيا عندي خطة للاقامة في بريطانيا من اجل تعليم الاولاد، وعندي بنت وممكن تكون في عمر الزواج حينها
________________
نحن كسودانيين، امكن ما عندنا قصة الزواج بالاكراه دي، ولا في اي مجتمع او قبيلة سودانية لم اسمع
يوما عن زواج بالاكراه لا شرقا لا غربا ولا شمالا ولا جنوبا، وقد يكون هو امر جائز عندهم في اسيا
حتى من دون جنسيات بريطانية.
اقصى ما عندنا ياهو نظام (غطي قدحك)
وبرضو كسودانيين متسامحين تجاه القبيلة، وخاصة مؤخرا.
لكن السؤال يبقى:
هل من المتوقع ان يقعن فتيات سودانيات مقيمات بالخارج بان يجبرهن اهلهن على الزواج
من ابن العم او الخال او او او او او المقيم بالسودان؟؟
خاصة مع:
انتشار البطالة، الظروف السياسية، ظروف الحرب، .... وطريقة لمخارجة الابن الى مكان
قد يستطيع فيه ان يعيش ويبني مستقبل. والزواج اسهل طريقة واقلها تكلفة للحصول
ليس فقط على التأشيرة بل الحصول على الجنسية.
| |
|
|
|
|
|
|
|
|
|
Re: زواج الاكراه - موضوع قد يهم من يقيمون باوروبا وامريكا (Re: أحمد ابن عوف)
|
الواقع يقول ان معظم السودانيين اقام بصورة دائمة في الخليج
وفي ناس بقولوا جو بغنمهم
المهم الموجة الكبيرة وصلت في الثمانينات والتسعينات، وديل مواليد الخليج
ودا جيل مختلف عن جيلنا، والدنا اغترب واولاده كبار، وشويتين ورجعنا للسودان
لكن في جيل مختلف حيبدأ يظهر من اولاد المغتربين، اللهو ابناء المغتربين الابهاتهم نفسهم
كانوا اولاد مغتربين (زي اولادي كده) بس ديل شوية محظوظين لانه قضينا وقت في السودان اكبر
من الخليج. لكن بعرف اولاد مغتربين (في التلاتينات) لا يعرفون السودان اساسا ولم يزوروه في
حياتهم الا مرة او مرتين، ديل ما عندهم رصيد نهاااائي عن السودان والحياة والمجتمع السوداني
لينقلوه لابنائهم.
طولت شوية، نرجع للموضوع
ايه الفرق بين ينت الخليج وبنت بريطانيا وامريكا
الاولى (بنت الخليج) لن تمنح زوجها حق الاقامة او الجنسية كالاخرى
على العليها كما هو شائع (مدلعة و و و و والتنميط الغريب بتاع ناس الشهادة العربية)
يعني ممكن واحد يقول ليك، تجبروها شنو؟؟ دي الا التجبروني اعرسها ليكم هههههه (للمزاح يا اخوانا)
يعني قد قد لا تتعرض لموقف الزواج بالاكراه. بس عندهن مشكلة تانية ممكن نناقشها برضو
انهن بقن لا يقبلن بحياة البشتنة والبهدلة في سودان الحر والسخانة والهبوب والمواصلات
ابهاتن من اكل ماكدونلاز لي ملابس ايفانس ودبنهامز وركوب الفاره من السيارت والكندشة المتواصلة
مما يجعلهن يفضلن على الاقل العريس يكون مغترب ويورح ود العم والخالة في ستين هو وسودانو البشبهو دا
وعلى العليهو كرعينو مشققة التقول عمره ما لبس جزمة وشراب.
براحتن، شبهينا واتلاقينا
| |
|
|
|
|
|
|
|
|
|
Re: زواج الاكراه - موضوع قد يهم من يقيمون باوروبا وامريكا (Re: أحمد ابن عوف)
|
السوداني لا يتاجر بابنتة او هكذا نتوقع ولا ندري من سودان الاخبار الغريبة بتاعت اخونا
معتصم الدنيا عملت فيهم شنو؟؟؟
السائد ان الام والاهل كانوا بقشروا بولدهم المغترب (او ود غرب بالعدم) وتغنن البنات ورقصن ليهو
شويتين، وظهر عريس امريكا، من امريكا دا؟؟ ادوهو طوالي، نسأل منو بعدين، لكن التجارب بتقول انو عريس
امريكا في احايين ليست بالقليلة طلع زول فشنك ساكت وياما بنات اتبهدلن في الغربة، وفشلت
زيجات بالاطنان، حتى ان والدتي رحمة الله عليها كانت تقول وتردد مثل شاع حينها "دي اسمها ارميكا موش امريكا"
يعني اعرسك وارميك
لكن قضيتنا ليست في عريس الخليج او عريس امريكا
قضيتنا هي عروس اوروبا و امريكا (التي تمنح حق الاقامة والعمل والجنسية لزوجها)
الخريج ود الناس العاطل المتسكع اب كرعين مشققة وتحديدا الما مؤتمر وطني ههههههههههههه
| |
|
|
|
|
|
|
|
|
|
Re: زواج الاكراه - موضوع قد يهم من يقيمون باوروبا وامريكا (Re: أحمد ابن عوف)
|
في تقديري هناك سببين قد يصر (حتى لا نقول يجبر) قد يصر والد الفتاة صاحبة الجنسية
والمقيمة في اوروبا وامريكان ان تتزوج ابنته من سوداني (اصلي) اصلي دي يعني من السودان
وكريعنو مشققة وزول مدروش ومدردح
السبب الاول:
بعرف الاصول السودانية المفروض ان يتمتع بها العريس او الرجل السوداني
كما تربى عليها والد الفتاة وجدها من قبل. زول تمام، زول نجيضة، ... الخ
في شغلات في اوروبا وامريكا يعمل بها سودانيين قد لا تكون مقبولة من الجلاكين
زي كوفيير وعارض ازياء ههههه، فقد يقول الوالد، ياخي عريسك الجيبتوهو دا ما اخير منو ود عمك فلان
السبب التاني:
وهو كما ذكرنا، بسبب المال، كأن ينافس عريس عريسا بسبب ماله ومهره
لان البنت عندها جنسية بريطانية ومقيمة وتعمل هناك، لكن هو سبب مستبعد على الاقل بالنسبة لي
هل للاخوة والاخوات البورداب اي حكاوي قد تؤكد او تنفي اننا كسودانيين ممكن نتعرض لموقف
مثل هذا؟؟؟
ام هو عندي عبارة عن هاجس فقط ؟؟؟
| |
|
|
|
|
|
|
|
|
|
Re: زواج الاكراه - موضوع قد يهم من يقيمون باوروبا وامريكا (Re: أحمد ابن عوف)
|
أحمد بن عوف
الخريج ود الناس العاطل المتسكع اب كرعين مشققة وتحديدا الما مؤتمر وطني ههههههههههههه
هو خريجك دا يا ود إبن عوف ما يبقى مؤتمر وطني ويريح رقبته. في داعي للتلتلة؟
بنات بريطانيا وأميركا متعلمات تعليم راقي ويعتمدن على أنفسهن.
نظام التعليم البريطاني يدرب الطالب من قبل نهاية الثانوية.
كنا نود أن يقوم كل سوداني في بريطانيا بتزويج بنته لأحد أقربائه في السودان. ويفعل نفس الشئ مع الولد يزوجه من بنات أهله القاعدات في السودان. وهذا ما فعله الهنود والباكستان في تلك السنون. وهو السبب الرئيس الذي أدى لتكاثرهم في بريطانيا حتى حصلوا على لورد في مجلس اللوردات.
والصوماليون يسيرون في نفس الخط. أعدادهم في إزدياد لكن نحن السودانيين ما عارفين نسوي شنو؟
(العوج راي والعديل راي)
| |
|
|
|
|
|
|
|
|
|
Re: زواج الاكراه - موضوع قد يهم من يقيمون باوروبا وامريكا (Re: cantona_1)
|
سلام يا كانتونا
شكرا ياخي جاملتني في بوستي القاعد براهو دا امبارح
| Quote: هو خريجك دا يا ود إبن عوف ما يبقى مؤتمر وطني ويريح رقبته. في داعي للتلتلة؟ |
والله يا كانتونا شيتا ما سويتو انا ما بنصح بيهو زول، خاصة لو كان عزيز علي، وعشان المؤتمر الوطني
والله لو ما عزيز علي برضو ما بنصحو بيهو
Quote: بنات بريطانيا وأميركا متعلمات تعليم راقي ويعتمدن على أنفسهن.
نظام التعليم البريطاني يدرب الطالب من قبل نهاية الثانوية. |
دي حقيقة، وبشتغلن وبصرفن بالدولار والاسترليني الما خمج
بس يا معلم المشكلة بتبقى هنا
| Quote: كنا نود أن يقوم كل سوداني في بريطانيا بتزويج بنته لأحد أقربائه في السودان. ويفعل نفس الشئ مع الولد يزوجه من بنات أهله القاعدات في السودان. |
الكلام دا ببقى في السودان، حيث لك الحق ان تقبل بالعريس او العروس لبنتك او ابنك
وشروط صحة الزواج (شرعا) من موافقة الولي ...الخ
لكن الكلام دا ما بقسم مع الخواجات، تلحق تقول للبت زولك دا ما بنفع واخير ليك فلان بترفع سماعة التلفون
وتجيب وحدة (امن المجتمع) البريطاني ويعملوا ليك سين وجيم
احكى ليك قصة او نكتة او هي قصة في شكل نكتة،
قالوا اتراك هاجروا للسويد جديد، المهم جاء عيد الضحية ومشوا جازفوا ليهم خروف، والجماعة
ما ناقشين قصص زي الرفق بالحيوان والوهمات بتاعت الخواجات دي، المهم، قدام البيت بطحوا
ليك السيد الخروف ومشوا ليك السكين في رقبتو زي الما حصل حاجة، لا تخدير لا يحزنون،
الجيران جابوا البوليس عشان يشوف المجذرة البشعة دي واللاانسانية البتة، المهم ودوهم المحكمة
ولما القاضية سألتهم لييه عملتو كده؟ قالو ياخي احنا مسلمين، ودا عيد عندنا ولازم نضحي بخروف
في اللحظة دي دقت ليك التربيزة بالشاكوش بتاعا وقالت ليهم:
"الخراف السويدية ليست مسلمة، يمكنكم ان تفعلوا ذلك في تركيا" كااااااااااااك
اها يا معلم، بنفس المنطق الخروفي دا، الحكومة البريطانية، ح تقول ليك المواطن البريطاني
لا بعرف ليك مأذون ومهر وشهود واشهار وموافقة ولي والبكر تستأذن والثيب ما بعرف شنو
وسنة الله ورسوله والافلام دي.
ما تتدخل في عرس بتك ولا ولدك
| Quote: لكن نحن السودانيين ما عارفين نسوي شنو؟ |
عشان كده فتحنا البوست دا ونشوف الناس ح تتصرف كيف في عرس بناتها واولادها واصبحوا مهاجرين
دائمين في تلك البلدان
هل سيرغبوا فعلا من تزويج ابنائهم الا اقربائهم من السودان، او من يقيمون معهم هناك؟؟
ام لهم ان يندمجوا في تلك المجتمعات ويختاروا من ابناء وبنات تلكم البلدان؟؟
اتوقع ان الشاب السوداني تعود ومنذ الستينات على الزواج من اجنبيات، خواجيات تحديدا
منها الناجح ومنها الذي فشل، ومنهن من عادوا الى السودان مع ازواجهم وعاشوا واسر كتيرة
في الخرطوم تعرف هذا الشيء واصبح عاديا.
الاشكالية اننا لا زلنا لم نتعود ان تتزوج السودانية من اجنبي وان كنت لا اعترض عليه
لكنها تبقى مسالة حساسة في النهاية
وشكرا لمرورك اخي كانتونا
تحياتي
| |
|
|
|
|
|
|
| |
أحمد ابن عوف
cantona_1
فيس بوك
تويتر
انستقرام
يوتيوب
بنتيريست