نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: الوحدة المجذوبة (Re: Ashraf el-Halabi)
|
ألفت نظر القارئ الكريم للفرق بين (الوحدة الجاذبة) و(الوحدة المجذوبة) فالأولى "علم كسبي" ولا يمكن نيله إلا بسهر الليالي والاستذكار الدائم والقيام بالواجبات التي نصت عليها المقررات الدراسية أما الثانية فـ"علم وهبي" ولا يحتاج لتعب وسهر، فقط نوم والنجاح يجيك لامن كرعيك، حاجة كدا زي "قام من نومو ولقى كومو" أو لمن تكون حنفولي وتلقى ليك مدرس يبيع ليك الامتحان.
وحيييييي تاني
| |
|
|
|
|
|
|
Re: الوحدة المجذوبة (Re: Amira Elsheikh)
|
سلامات يا أميرة أنا قلت ما أخش على (عزيزي القارئ) ويدي فاضية قوقلت كم صورة كدا عشان أطرِّي بيها البوست عجبتني المجذوبة دي فعملت "هذا لكم وهذا أهدي لي" عشان أقدر أتقمص الشخصية البقوم بيها في البوست تمام رايك شنو نخش في ديل: أديك المجذوبة وتديني صورة إنعام العميقة دي؟ بالجد صورة إنعام دي لطيفة
| |
|
|
|
|
|
|
Re: الوحدة المجذوبة (Re: Ashraf el-Halabi)
|
في هذه الأيام المباركة: ما التقى كوز ومايكروفون إلا وكان الحديث عن الوحدة ثالثهما كأن المسكينة من المكتشفات الحديثة! تفتح التلفزيون وحدة.. وحدة..وحـ.. تفتح الإذاعة وحدة.. وحدة..وحـ.. الجرايد وحدة.. وحدة..وحـ.. النت وحدة.. وحدة..وحـ.. ياخي احترموا عقولنا شوية!
| |
|
|
|
|
|
|
Re: الوحدة المجذوبة (Re: معاذ حسن)
|
Quote: الان عرفت من اين جاء هؤلاء |
لكن إن بقى جدك الأخطبوط بول ما تعرف مودننا وين!!
يا معاذ يا ريت لو الشغلة فهلوة! ياخي الفهلوي دا بيقيمك، بيفترض فيك شوية ذكاء! يعني ما ممكن تشتغل بي يدينك وسنونك لمنع مرشح الجنوب للرئاسة وبعديها بي شهرين تجي تعمل لي فيها قلبك على الوطن الواحد!! يا مان شغل الناس دي ما عندو فهم غير الرجالة وكبر البتاعات*
ـــــــــــــــــــ *البتاعات لو ما عرفتها أسأل عبد الرحمن
| |
|
|
|
|
|
|
Re: الوحدة المجذوبة (Re: Ashraf el-Halabi)
|
Quote: في إطار جهود تحقيق وحدة البلاد انضمام (25) ألف من قبيلة البرتا للمؤتمر الوطني |
دا عنوان رئيسي لخبر في موقع المركز السوداني للخدمات الصحفية !!!! ــــــــــــــــــ ذكرني بعشا شلة البوش في الدكان والكهربا قاطعة. لما الهدافين ينسفوا تلتين الكمية والصحن يخف فجأة، "ويبقى تلت أخير"
| |
|
|
|
|
|
|
Re: الوحدة المجذوبة (Re: الصادق اسماعيل)
|
Quote: الموضوع دا عنده علاقة بعلم التوحيد |
بيكون عندو يا بو الصا لكن شلة البوش ديك على الاطلاق ما فيها زول بالغلت ساي قال الختف الحصل منه في التلت الأخير داك كان "في إطار جهوده الرامية لوحدة الصحن" يقدر يقول والحديدة واقفة؟!
| |
|
|
|
|
|
|
Re: الوحدة المجذوبة (Re: Ashraf el-Halabi)
|
الحلبي
هاك الجذبة الموحودة دي
Quote: أكد نائب رئيس الجمهورية الاستاذ على عثمان محمد طه أن مقومات الوحدة بالبلاد أكبر وأقوى من نوازع الانفصال ودعا لأدارة حوار وطنى جامع وشامل تعلو فيه المسؤولية الوطنية على غرار النهج الذى طرحة رئيس الجمهورية وتجاوبت معه القوى الوطنية . جاء ذلك لدى مخاطبته حفل الافطار السنوى لجماعة انصار السنه المحمدية بحضور عدد من المسؤولين بالدولة وسفراء الدول العربية ، و دعا طه علماء الامة الإسلامية والجماعات بأن تنهض بمسؤوليتها حتى تعود الامة أكثر رشداً وقيادة للإنسانية . من جانبة قال رئيس جماعة أنصار السنة المحمدية الشيخ د.أسماعيل عثمان الماحى قال:إن وحدة البلاد خط أحمر وليس هنالك منافة لحق تقرير المصير مؤكداً أنهم مع نداء رئيس الجمهورية نحو تحقيق الوحدة الشاملة بالبلاد وأن السودان وطن يسع جميع الاعراق والديانات . |
| |
|
|
|
|
|
|
Re: الوحدة المجذوبة (Re: الصادق اسماعيل)
|
جذبة شيخ علي ما مستغربة يا بو الصا، لأنو أساساً "ما عاد هنالك كوزٌ في الدنيا يدهشني" لكن المدهش عمك أبو جلابية في نص ساقو دا:
Quote: السودان وطن يسع جميع الاعراق والديانات . |
شووو!!! والديانات!!! يسع جميع الديانات ولا يسع طائفتين في ديانة واحدة!! هيك لكان!! معناتو عمك دا مصدق إنو حادثة مسجد الأولى ديك تمثيل وإخراج (الخليفي)
| |
|
|
|
|
|
|
|