|
|
 رأى السودانيات فى لبس الزوج فى البيت ، شنو؟
|
زوجات يطلقن حملة «خلوه يلبس» احتجاجا على لباس الزوج في المنزل
الحملة تطالب الأزواج باللبس الأنيق داخل المنزل
تبوك - نورة العطوي
أطلقت مجموعة من الزوجات حملة "خلوه يلبس" في المنتديات النسائية في احتجاج منهن على لباس الزوج التقليدي داخل المنزل والذي لا يخضع "على حد تعبيرهن "للأناقة والذوق كما جاء في رسالة إلكترونية تبادلتها الزوجات مؤخرا، مؤكدات فيها بأن هذا اللباس "فانلة وسروال" لا يعجبهن وأن الأزواج يجب أن يهتموا في هندامهم داخل المنزل في حين تم إرفاق عدد من الصور للبجامات التي يفضلن ارتداء الزوج لها داخل المنزل.
وقد أكدت هويدا سالم إحدى المشاركات للحملة على تفاعل العديد من الزوجات مع تلك الحملة في محاولة منهن لتغيير ثقافة لباس الزوج داخل المنزل لا سيما في ظل طرح الأسواق لكل ما هو جديد وعصري للملابس الرجالية والتي لجأت لشرائها لزوجها في محاولة منها للفت نظره بأن طريقة هذا اللباس لا تعجبها وقد وجدت قبولا منه في بداية الأمر لكنه عاد مرة أخرى لممارسة حياته اليومية داخل المنزل وهو يرتدي "الفانلة والسروال "باعتبارها أكثر أريحية له.
وتضيف قائلة: إن زوجها رفض ارتداء البجامة كونها تبرز "الكرش" في حين أنه اعتاد على لباس "ثوب البيت" مشيرة إلى أن الأزواج السعوديين يجهلون المثل القائل "كل ما يعجبك والبس ما يعجب الناس".
من جانب آخر علقت منال الصومالي –أخصائية اجتماعية بمستشفى الملك فهد بجدة– على هذه الحملة قائلة:لا شك أن الهدف من هذه الحملة -وغيرها من الحملات الإلكترونية- هو تغيير بعض الثقافات والعادات السلبية نحو الأفضل وبما يتناسب مع ثوابتنا الدينية وعاداتنا الاجتماعية، معتبرة أن تلك الحملة "مقبولة اجتماعيا" ومن حق الزوجات المتذمرات أن يشاركن فيها ولكن دون إثارة للمشاكل الزوجية بينهما. مؤكدة في الوقت ذاته على أن الحياة الزوجية ما هي إلا مشاركة بين الزوجين فكل له مسئولياته وعليه واجباته والتي من أهمها "التجمل للآخر" فنصف الجمال هو الاهتمام بالشكل فكما هو المطلوب من الزوجة من لباس وعطور وزينة كذلك يفترض من الزوج المعاملة بالمثل وذلك بأشعار زوجته بأنه حريص على أناقته وحلاقته من أجلها، مشيرة إلى أن المظهر اللائق دائما ما يعكس الرقي الفكري والذوقي لدى الآخرين.
في حين ذكرت أن سبب ارتداء الزوج "الفانلة والسروال" أو "الفوطة " داخل المنزل يعود لأمرين هامين الأول هو غياب ثقافة اللباس عند السعوديين والثاني هو ما جرت عليه "العادة" في مجتمعهم مشيرة في الوقت ذاته إلى أنه لباس يفتقد التجديد والتنويع الذي تنشده الزوجات بعد أن سئمن من لباسهم التقليدي.
تخريمة
هذه حملة نساء السعوديه ، اهه رأى ( وزاء الداخليه ) عندنا شنو؟
|
|
 
|
|
|
|
|
|
|
 Re: رأى السودانيات فى لبس الزوج فى البيت ، شنو؟ (Re: محمد البشرى الخضر)
|
ود البشرى يا حبيب ، ودى كمان بنقدر ننساها مغسة التابه يا اخوى ، و الله البارح على جنس مغسه ، تتخيل نسيت ذاتو انا امس لابس شنو، بس اكيد مش امفكو . خليك رياضى ما فى احراج ولا حاجة ، انت ما سمعت حبوباتنا قالن شنو ، ( بيتى ستار عويراتى ). تعرف لما وليداتك يكبرو باذن الله تفتش لى حاجة عشان تدخل بيها الحمام لا مواخذه (سفنجة) ما تلقاها .
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: Elhadi)
|
استاذ الهادى صباح الخير ، يا خوى و الله فى جماعة بعضهم يلبس ثوب خليجى ضيق بصوره مزعجة ، غايتو الجماعة ديل انا ما عارف بستحملو صغر الجيوب بتاعتهم كيف ، تعرف اغلى الاشياء فى الخليج الزراير المطقمة مع القلم ، و( النعال ) اعزك الله و السادة القراء . والله مره صديق ذهبت معه لمحل احذيه وكان شديد الثراء فقام بانزال (حذاء ) بالف ومائتان ريال هديه لى و الله رفضت ، قلت يا اخوى هديه ذى دى ما بقدر اردها.
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: هجو الأقرع)
|
اعتقد ان الزوج السودانى الذى ياتى منهك من العمل و المواصلات ، يكون فى حالة نفسيه تجعله يلبس اى حاجة امامه من الشماعة ، خاصة العراقى و( السروال) للاسف البعض ياخد راحتو بالكامل الفنيله مع حاجة كده فوق الركب و مرات تكون خفيفه . الراقى شويه يمكن يلبس برمودا ربما جماعة الخارج. لكن لو وجد زوجته جهزت له ملابس البيت مكويه و معطرة و انتظرت حتى يلبس اكد هو بتشجع و بحسن من سلوكو ، لكن فى نوعيه بتجى تفتش لى حاجة عشان تلبسها وام العيال فى المطبخ او فى الخارج للعمل ، تخلى الواحد يعمل اى حاجة.
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: هجو الأقرع)
|
هجو سلام
إهتمام السودانية بلبس الزوج يجب ان يتجه صوب ما يلبسه الزوج خارج المنزل وليس داخله ، فالسوداني فى ازمة هندام حقيقية ، من الجانب الآخرأعتقد يكفى ان يلتزم الزوج السوداني بلبس جلابية فى المنزل (على ان تبقيها الزوجة نظيفة على الدوام ) ولا تلتفت لرأى الخليجية التى هى أيضاً متخلفة فى الهندام ولا تحسن إختيار ملابسها ناهيك عن ملابس زوجها.
تحياتي،،
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: منال)
|
Quote: كدى السودانيه التعرف تلبس هى اول بعدين تلبس زوجها
ياخ والله ديل دايرين ليهم مدرسه عديل فى الاناقه
وحتى الاقلية البتعرف تلبس تلقى الوحده بتتشيك للطلعه فقط
وفى البيت حدث ولاحرج الوحده زوجها يرجع يلاقيها بهدوم المطبخ
وحاجات تانيه حاميانى كتيره |
عاد شيلي عكازك وخليك واقفة في الباب
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: نادر النور آدم)
|
Quote:
كدى السودانيه التعرف تلبس هى اول بعدين تلبس زوجها
ياخ والله ديل دايرين ليهم مدرسه عديل فى الاناقه
وحتى الاقلية البتعرف تلبس تلقى الوحده بتتشيك للطلعه فقط
وفى البيت حدث ولاحرج الوحده زوجها يرجع يلاقيها بهدوم المطبخ
وحاجات تانيه حاميانى كتيره |
سلام
الزوج والزوجة عندما ينويا الخروج يهتمان بآخر هندام.. خاصة للحفلات..
في البيت إلا اذا كانا يتوقعان زيارة...
الناس تعودت أن تتلبس للناس..
فالتغيير يكون من الطرفين..
عراقي, سروال وشوال نوم..
حتى ألأسماء تحتاج للتغيير.. للتجميل
تحياتي
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: منال)
|
منال صباح الخير ، اسع عليك الله الجابو حار كدى شنو ، اها عشان خاطرك بس و الله اكثر حاجة غياظة فى بعض النساء النوع ابو كرشه الذى يربط التوب ، خاصة إن كانت من ذوات الاحمال الخلفيه منظر قبيح ، بل ومقزز. غايتو بعض عجائز الزمن ده و الله يمحنن عديل ، هذا الكلام على مسئولية اختنا منال .
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: walid taha)
|
الاخ الكريم و ليد طه ، اعتقد مسئولة اللبس خارج البيت للرجل جزء كبير منها يخص الزوج نفسه ، ولكن نحن كسودانيين نتهاون فى بعض امور الشكليات التى اصبحت فى غاية الاهميه ، على المستوى الشخصى اتضايق من الرجل الذى يخرج خاصة خارج السودان حافى الرأس مع الجلابية وتلقى الفتحة الاماميه غير مزرره ، ومرات كثيره يكون تأكل ليهو سفه .
هذا الامر واقصد عدم العنايه بالامور الشكليه اصبح ثمة سودانيه ، اذكر اننى كنت فى مكتب التوظيف حيث اعمل تقدم سودانى خبير فى مجاله ، تعرف ال C V بتاعتو طلعها من كيس نايلون ، وبمناسبة كيس النايلون لما لعب الهلال و المريخ فى الدوحة وتبدلت الهدايا شهد الله ان جماعتنا اخرجو الهدايا من كيس نايلون ، فى وقت قدم فيه الجانب القطرى الهدايا بصورة راقيه .
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: هجو الأقرع)
|
بما إنو البوست معنون وصريح للعنصر النسائي السوداني
لكنه يشمل في مضمونه الرجل .. لانه الزوج .. اَي المعني
بالباس داخل البيت .. وبالتالي الحُوامة به
وأنا هنا كزوج ،
ليس لي غضاضة في لباس الزوج أو الزوجة داخل البيت بل بالعكس داخل البيت
أو المملكة الصغيرة يجب علينا أن نكون على راحتنا وسجيعتنا ونعيش حياتنا بعيداً عن خنقة الروتين
الخارجي من مجاملات ، وصبغات حياة ، وحمل الأقنعةالمخادعة لللزوم ،
في البيت عالم تاني حقيقي بلا رتوش نستمد منه الحب والقوة لمواجهة عوالمنا الخارجية وبالتالي لا نحتاج
رهق نفسنا بمحمولات المجاملات ولا الصبغات ولا الاقنعة الكاذبة المُضرة ..
ـــ
العلاقة الزوجية إذا كانت بغير الحب وجميل المعاشرة ، فسأرى فيها عيوب جَم بغير اللباس في البيت ، ..
أما إذا كانت بحب ومعاشرة وصدق الشراكة فلا يهم اَن يكون الباس في البيت مشروط أو مشروط ..
ـــ
أهم ما في المشروع اَن تنتج زرية متصالحة مع نفسها حتى تستطيع التصالح بمن حولها ..
والتصالح يبداء من البيت ..
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: محمد الجزولي)
|
Quote:
يا اخوى شوال نوم ده اعتقد انها اختفت من قاموس (حريمنا ) غايتو فى بعض بقول القونيلة وقميص النوم |
الأخ الأقرع
سلام
اعتقد أن شوال تغير في الشكل, أي التفصيل..
الروب صار أكثر استعمالا خاصة اذا ما كان في عيال شليقين بيجروا الحزام..
القونيلة أول مرة أسمع بيها.. وكدا ياخوي مشكور عملت لي أبديت..
تحياتي
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: Abdlaziz Eisa)
|
تحية طيبة ....
معاهن حق .. لكن هن مقصرات ...
ولبسهن غير عملي .. يعني مع الثوب يصعب حمل الأطفال مثلاً ... وبدون توب تبدأ الأزمة العالمية ...
المهم
لا مرة لا راجل ... عارفين يلبسوا
لبس غير عملي وخمخمة في الفاضي ...
عمة تحتها طاقية - شال - جلابية - عراقي - فنلة داخلة - نكس - سروال طويل - شراب - مركوب أو جزمة - ساعة جيب - وعصاة وجزلان ومفكرة - وقلم - ونظارة بالله ده شنو ... زي رجل واحد ... يفتح بوتيك ... أما النساء حدث ولا حرج ... الدولاب مستف
ما يغيظني في زينا غير عملي وقابل للإتساخ تحت أي مؤثر وتصعب الحركة به ... والتنقل من مكان لآخر ..
يعني يصعب ممارسة عمل شاق بثوب المرأة أو جلابية الرجل ...
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: othman mohmmadien)
|
و الله يا عثمان اخوى كلامك ده ميه الميه ، عندى صديق قطرى اسمو على العجى ، نلتقى دوما فى حفلات و عزومات الاصدقاء ، مره قال لى شوف و الله انا ما ادرى انت بتاكل كيف مع كل هذه الزحمة عمة جلابية كبيره ، ايدى عريضة للجلابيه ، وقال ضاحكا كل مره اقول عمتك ده ممكن تطيح فى صحن الخروف بعدين تبقى مشكلة. فعلا الثوب مع حمل الاطفال مشكلة كبيره ، حتى عندما تنزل المرأة من العربيه تضطر لاعادته لبسه على الهواء مباشرة . اهه تعال شوف الباقى السوق كلو يبحلق ..........
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: محمد الجزولي)
|
استاذنا محمد الجزولى ، التحايا النواضر ، تعرف يا شيخنا اتفق معك جملة و تفصيلا فيما ذكرت ، بس دعنا نقول البعض ، و الله بلبس بصوره مزعجة حتى داخل بيته مثلا تجده ( بالنكس ) وكمان خفيف و يشف بعض ............ ويكون المنظر قدام العيال مش حلو. تعرف اخوانا الخليجيين بدبلوا تحت اللباس الكبير نكس مع الفنيلة . وتلقاهو واقف يرش فى سيارتو بالمويه . مفروض الطفل برضو يرى و الده و امه على الاقل فى لبس معقول لانهم قدوته . واسعدنى مرورك و طرحك .
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: هجو الأقرع)
|
الأخ هجو الأقرع 00 تحياتي
| Quote: والله مره صديق ذهبت معه لمحل احذيه وكان شديد الثراء فقام بانزال (حذاء ) بالف ومائتان ريال هديه لى و الله رفضت ، قلت يا اخوى هديه ذى دى ما بقدر اردها. |
والله انت زول طيب وابن حلال
ياخي كان مفروض تشيل من صاحبك دا حق فردة واحدة وتختو في جيبك
600 ريال قطري نعمة والله 00
| Quote: مثلا تجده ( بالنكس ) وكمان خفيف و يشف بعض ............ ويكون المنظر قدام العيال مش حلو. |
الله 00 انت يازول هكروك زي جلال أحمد عبد القادر بتاع النوكيا الصيني
زمان كنت زول وضوء وتيمم ساكت
هسي الظاهر بقيت بي تحت تحت بتشجع قريش
أحد مدرائي في العمل كان قصير جداً وجداً
وانا متعود عليهو بالغترة والعقال
اها مرة بعد نهاية الدوام جاء واحد مندوب للعمل
وكنت آخر واحد يطلع فطلب مني ان يقابل المدير
فذهبت اليه بالبيت وتركت المسئول بالاستراحة
دقيت ليك الباب يجيني ليك شافع لابس فنيلة نص كم وسروال قصير جداً
اها بدون اي سلام
قلت ليهو ياحيوان أجري سرعة نادي أبوك
بعد دقيقة كان يجي أبو مديرنا واحد شايب بعمر 70 سنة
سألني ليك : خير يارجال ايش تبغى ذا الحين ؟؟
قلت ليهو عاوز رئيس البلدية لأمر عاجل
قال لي هو اللي جاك قبل شوية وقلت ليهو نادي أبوووووك
والله سجمنا!!!
بعد شوية صاحبك جاء لابس الغترة والعقال وهو يضحك بعمق
حاولت أعتذر ليهو
قال عادي ولا يهمك 00 انا الغلطان
والله كان انسان رائع بكل معنى الكلمة
قال ياحيوان قال !!!
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: ابوحراز)
|
| Quote: عبدالعزيز يا خوى و الله انت الذى عمل لى ابديت فعلا حكاية الروب كانت رايحة علي خالص ، الروب هو البخلى الراجل شليق مش العيال . وممكن يقول الروووووووب عديل كده. تحياتى اخى الكريم |
أخي الكريم هجو الأقرع
الرووووب دي بالجد فاتت علي ونسيت مدلولها الراندوكي (نسبة للغة الراندوك الحديثة)
وكدا يبقى الروب روبات كثيرة ومتعددة المهام.. ولولا طوله كان تذكرنا جكسا في خط مافي..
ونقسم الروب إلى ليلي ونهاري منعا لإختلاط (التخصص) أقصد الشلاقة..
تحياتي
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: ابوحراز)
|
اها يا ابو حراز اخوى ماشاء الله السهل الممتنع ده يردو عليهو كيف ، تعرف الآظرف من كده سنة 82 التحقت بقطر للبترول لقيت كل السودانيين من قانونيين ومحاسبيين لابسين بدل ، وانا زول ضهارى ساكت ، عليك امان الله ( كشخت بى عمة جلابية) شفت اول من ادخل الزى السودانى فى قطر للبترول . تعرف اصلو و الله ما فى زول قال لى حاجة ، المهم الجماعة بعدى اتشجعوا وصاروا.........
حلوة يا حيوان ........
تعرف اخوانا ديل فعلا حتى لما يلبسوا البنطلون بكونوا مختلفين تماما ناهيك عن ما كان يلبس مديرك الظريف هذا ، ، واحد قطرى مشى السودان قال فى الصباح نقابل الناس بالبدله و فى المساء بالجلابيه و الله قال حيرونا ذاتو(عارفك) لماح يعنى شكلهم بتغير عليه.
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: هجو الأقرع)
|
ياأخونا هجو هو الأول تكون في خصوصية في البيت السوداني حتي نفكر في الراجل يلبس شنو والمرأة تلبس شنو داخل البيت! للأسف الناس (الضيوف المقيمين والعابرين) هم البحددو لينا نلبس شنو جوه البيت
طبعا أقصد البيت السوداني داخل السودان. الواحد جوا بيتو لازم يكون استاند باي لأنو ممكن يشرفوك ناس في أي وقت ومن غير مواعيد دا غير الناس الكاسرة ركبه.
واحد صديق رغم أنو ميسور الحال وعندو بيت كبير إشتكي لي إنو مرتو ما قادرة تاخد راحتا وتدخن (من حفرة الدخان) في بيتا وصديق اخر بشتكي انو مرتو ما بتقلع الحجاب من رأسا إلا بعد ما يقفلو عليهم باب الأوضه بالمفتاح
أكتر شئ بيضايقني إنك تكون مضطر جوه بيتك لأسباب خارجه عن إرادتك تنوم بالجلابيه والسروال الطويل كلما تتقلب الجلابيه والسروال يتلفوا حولك ويخنقوك.
ياهجو أفتكر البوست دا ممكن يكون للسودانيين المقيمين في الخارج
------------------
نطالب بمزيد من الخصوصيه داخل البيت السوداني ومرحب بالضيف الذوق الظريف وخفيف
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: أسامة البلال)
|
الاخ ود البلال عساك مرتاح ، يا خوى و الله سؤالك صعب بالحيل الخصوصية فى البيت السودانى فى الداخل و الخارج معدومه ، و طريقتنا فى التعايش مع الضيوف و الزياره فى اى وقت اس المشاكل ، ونحمد الله اننا تعودنا على هذا الامر.
تعرف يا اخى اسامه اخوك يعيش فى مجمع كبير يضم كل الجنسيات ، اكثر ناس تعبانيين منا هم الجيران ، بحمد الله نحن عدد مقدر وكبير من السودانيين ، يعنى ممكن ضيوفك عادى يقفلوا جارك ، اما المناسبات اسكت ساكت .
مره جاره لنا مصريه تقول لزوجتى و الله نحن لو عزمنا حد نخطط له من شهر ، ثم تقول اذى انتو بتستقبلوا الناس فى اى وقت . مسكينه زوجتى قالت ليها يا زوله انتى ما عارفه شى ء خليها على الله .
بس تعرف يا اسامة لذة الحياة و الله فى وضعنا ده بكل ما يحمل من تعقيد.
وكمان ذى ما زوجتك صديقك دى تعبانه من لبس الحجاب داخل البيت للاسف فى نوع متساهل تلقى الزوجة للاسف بالقصير فى المطبخ اى و الله مع اصدقاء الزوج .
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: هجو الأقرع)
|
| Quote: وكمان ذى ما زوجتك صديقك دى تعبانه من لبس الحجاب داخل البيت للاسف فى نوع متساهل تلقى الزوجة للاسف بالقصير فى المطبخ اى و الله مع اصدقاء الزوج . |
الاخ هجو .. انت تتحدث عن الغالبية الاعتادية للسودانيين
الذين تربو علي قيم المجتمع السوداني
المعروفة اقول لك ان هذا الكلام لايوجد
ولا يحدث وان حدث فهو نادر جدا
فلا تنهش في قيمك وقيم سودانك
بابكر
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: بابكر عثمان مكي)
|
الاخ بابكر سلام من الله ورحمة ، اولا اشكرك على النصيحة بعدم النهش فى القيم ، وانا اتفق معك تماما فى هذا الامر، و لو لا حظت انا قلت فى ( نوع) يعنى قله مع مراعاة ان المجتمع السودانى بصفه عامه مفتوح خاصة للاقارب ، و لا يفوت عليك تحذر الرسول عليه افضل الصلاة و السلام من (الحمو). اشكرك للمره الثانيه وامل ان اكون ابنت مقصدى.
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: دينا خالد)
|
الأخ / هجو...
سلامات.. والله الموضوع مهم...
لكن في حاجات أهم من اللبس...
أفرض جدلا إنو لابس من كريستيان ديور ولا أرماني...
ومكرضم السفة طول اليوم...هسع عليك الله ده
مش أحسن من إنو يكون متسوك ومريح وإن شاء الله بعد داك أم فكو..
والله الرجل السوداني بيؤذي المرأة بمناظر كثيرة..
معذرة لود عماري.. الجنب سينما وطنية بحري
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: Kamal Karrar)
|
و الله يا كمال اخوى ام فكو دى صعبه خلاص ، بس ود عمارى قبيح وموذى كمان ، كان الله فى عون المتزوجات من ( السفافيين) . غايتو فى نوعيه كده تلقاهو قاعد برة البيت من ابواتنا المتقاعدين من ابو نظارات ( حجم الطاره) تلقى قاعد بره الحوش بعراقى رهيف ونكس و الله مع الكرشه غايتو منظر كد مش عارف اقولك شنو.
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: هجو الأقرع)
|
العزيز هجو
انت عارف انا بتخيل لى المصاقرة دى ما بتخلى
اى زول شايف التانى لابس شنو !
اووول حاجة انتو تحلو قصة المصاقرة دى
بعدين اى لبسة بتكون حلوة
ــــــــــــــــ
ما تسيبوا الفيل وتطعنوا فى ضلو يا هجو ياخ
انتو عارفييين الراى دا لا فى اللبس لا حاجة ..
لكن الناس بخلوا المشكلة ذااااتها ويمسكوا فى التفاصيل
لوووووووووووب وليد المبارك جانا ما تغشانا
| |
|
|
|
|
|
|
|
|
|
Re: رأى السودانيات فى لبس الزوج فى البيت ، شنو؟ (Re: دينا خالد)
|
اها يا دينا و الله الواحد ذاتو ما عارف يقولك يا بتى او يا اختى مره قلت لابنتى اميرة الشيخ يا بتى قامت زعلت علما انها تعرف زوجتى و قابلتها اها دى واحدة.
تعرفي عليك الله كدى وضحى لى قصدك بالمصاقره دى ، زمان كنت حنكوش وبعدها طلعت الخليج من 28 سنه ، و الكلمة مى غريبه على .
بعدين الفيل احسن حاجة الواحد يمسك ضلو ، عشان الباب البجيب الريح الواحد يخليهو ( متاقه) اها كمان قولى لى ما بتعرفى كلمة متاقه.
يابنتى تطمئنى وليد ده اصلو ما جاء يزازى بى هنا ، قالت ( المصاقره).
| |
|
|
|
|
|
|
| |
هجو الأقرع
Hussein Mallasi
محمد البشرى الخضر
Elhadi
walid taha
نادر النور آدم
أحمد ابن عوف
خدر
Abdlaziz Eisa
محمد الجزولي
othman mohmmadien
ابوحراز
humida
أسامة البلال
دينا خالد
PLAYER
Kamal Karrar
فيس بوك
تويتر
انستقرام
يوتيوب
بنتيريست