|
|
 هارد لك المريخ النتيجة النهائية 2\1 لصالح الجيش النيجري
|
عندما يمتطي صهوة الخيل غير الفرسان فالهزيمة من نصيبهم.
عندما يكون رئيس المريخ أبو العائلة وسكرتير الهلال عبد الله رابح: تكون الكورة غير
عندما يكون مدافع المريخ سليمان عبد القادر وسنتر باك الهلال أمين زكي : الكورة غير
عندما يكون وسط الهلال: كوارتي وشواطين ووسط المريخ بشرى وبشارة: الكورة غير
عندما يهاجم للهلال الدحيش وقاقارين ويهاجم للمريخ سانتو وكمال عبد الوهاب : الكورة غير
عندما يحرس مرمى الهلال زغبير ويحرس مرمى المريخ: حاحد بريمة : الكورة غير
عندما يكتب في صفحات الرياضة : عمر عبد التام وأحمد محمد الحسن: الكورة غير
غاب أبو شنب ولعب أبوضنب.
رئيس للهلال يحب الظهور ورئيس للمريخ لا يفلح في الملمات....
والنتيجة واضحة لكل ذي لب وعقل ويفكر بمنطق أن 1+1 =2
يا جماعة الخير الكورة أصبحت علم يعني بالعربي Science مش إنت أجدعها وأنا بدرعها.
هاردلك المريخ والجايات أكثر من الرايحات.
(العوج راي والعديل راي)
|
|
 
|
|
|
|
|
|
|
|
Re: هارد لك المريخ النتيجة النهائية 2\1 لصالح الجيش النيجري (Re: منتصرمحمد زكى)
|
| Quote: وسكرتير الهلال عبد الله رابح |
قصدك عبد الله السمانى ام هو نفس الشخص و السمانى اسم الجد
غايتو وبجد لو عبد الله رابح ده ما عبد الله السمانى >>> بكون ما سمعت بيه
او ممكن ما متذكر >>>> لانو الراس حصل فيهو شوية دمج بسبب الرطوبه
>>>>>>>>>>>>>>>>>>> ممكن تفاصيل ونكون شاكرين
........................
عموما السمانى وحسب وجهة نظرنا المتواضعه افضل سكرتير يمر على الهلال
لكن افضل رئيس للهلال حسب وجهة نظرنا هو الزعيم الراحل الطيب عبدالله
وطارق احمد آدم افضل كابتن و افضل مدافع يمر على الهلال
تحياتى يا كونتا
| |
|
|
|
|
|
|
|
|
|
Re: هارد لك المريخ النتيجة النهائية 2\1 لصالح الجيش النيجري (Re: المعز ادريس)
|
كنتونا
| Quote: يا جماعة الخير الكورة أصبحت علم يعني بالعربي Science مش إنت أجدعها وأنا بدرعها. |
دا كلام سليم وكما ذكرت لك سابقا الشغلة محتاجه زمن
ومحتاجة رجال قلوبهم على السودان وليس على الكراسي والتطبيل
والاعلام الزائف .
الخبير طارق الكوتش
Quote: عموما السمانى وحسب وجهة نظرنا المتواضعه افضل سكرتير يمر على الهلال
لكن افضل رئيس للهلال حسب وجهة نظرنا هو الزعيم الراحل الطيب عبدالله |
وهو كذلك ..
| |
|
|
|
|
|
|
|
|
|
Re: هارد لك المريخ النتيجة النهائية 2\1 لصالح الجيش النيجري (Re: خالد درق)
|
خالد درق
Quote:
معليش نحنا بندبهدل !!!!!!!!!! الله يرحم حرارة القلب |
بمناسبة حرارة القلب.. في كاس أفريقيا جرح نجم الدين استوبر السودان في إحدى المباريات. تم علاجة وربط رأسه بعصابة بيضاء. أراد المدرب تغييره لكن أصر على اللعب برأسه المعصوبة وقد شاهدته يصد كذا ضربة أو شوتة بضربة رأسيه برأسه المعصوبة.
وحكي عن نجم الدين وهو لاعب لفريق النيل أنه في مباراة لنا مع غانا في أكرا قد ظلمنا الحكم بصورة غير طبيعية فما كان منه إلا أن خلع الكدارات وجرى حافياً نحوالكرة لكن الحكم أوقفه قبل أن يهجم على اللاعب.
نفس حكاية اللعب بالعصابة الرأسية فعلها سمير ماشي وهو باك يمين الفريق القومي والهلال في العصر الذهبي للكرة السودانيةالسبعينيات.
الله يكون في عوننا.
| |
|
|
|
|
|
|
|
|
|
Re: هارد لك المريخ النتيجة النهائية 2\1 لصالح الجيش النيجري (Re: وليد عبد اللطيف)
|
طارق الكوتش
ما حأدخل في التواريخ عشان تقولوا نحن ماشباب. لكن ما دمت ماسمعت بعبد الله رابح من هنا ولقدام تقول لي: يا عمي كانتونا.
عبد الله رابح كان قبل عبد الله السماني. والسماني صديق شخصي وكان عميد المعهد الفني القسم العالي. أها قول لي دا مابتعرفوا
دا هسع اسمه جامعة السودان للعلوم والتكنولوجيا - أو التنكلوجيا كما قال أحدهم.
طارق ولا بجي 20% من أمين زكي. وأذكر خلال مباريات كاس أفريقيا العام 1970 في مباراة السودان ضد ساحل العاج.. قام بوكو مهاجم ساحل العاج بمراوغة أمين زكي ثلاثة مرات في لحظة واحدة. كل ما أمين زكي يلحق به يجره على قول الجماعة. كان يقف بالقرب مني رجل كبير في السن. شال شهادة محمد ثلاثة مرات. عندما سألته عن السبب؟ قال لي: ياولدي أنا بدخل الأستاد دا من يوم إفتتاحه ما لقيت لاعب جهجه أمين زكي بالصورة دي .. الله يستر علينا اليوم.
هزمونا واحد صفر ولولا بسالة حارس مرمى السودان عبد العزيز عبدالله الله أعلم كم كانت ستكون النتيجة.
الفرق الأساسي بين طارق وامين زكي ان أمين زكي يستخدم رجليه الإثنين وطارق يستخدم رجله اليمنى فقط.
| |
|
|
|
|
|
|
|
|
|
Re: هارد لك المريخ النتيجة النهائية 2\1 لصالح الجيش النيجري (Re: المعز ادريس)
|
المعز إدريس
Quote: وطارق احمد آدم افضل كابتن و افضل مدافع يمر على الهلال
صديق منزول و جكسا و قاقرين و النقر مالهم يا كوتش, عيبهم لي!
المريخ محتاج شغل كتير |
يا معز يبدو أن كل زول بعجبه الصارو.
لكن نعذر الشباب الماشافوا أمين زكي وصديق منزول وسبت دودو وفي المريخ التقر وعزيز والقانون
ماجد وجكسا كانوا غير... قاقارين له قصة مشهورة في تونس.
ذهب الفريق السوداني لتونس للعب في إحدى المنافسات الأفريقية. كان قاقارين في أوج قمته وعطائه. عندما استقبل مندوب المراسيم الفريق في المطار وقام بإجراءات الجوازات والجمارك لم يجد من بين اللاعبين اسم علي قاقارين.
نقل الشمار للإتحاد التونسي أن قاقارين لم يحضر مع الفريق.
عند نزول الفريق للملعب للإحماء شاهدوا قاقارين من ضمن الفريق.
ذهب رئيس الجامعة التونسية (الإتحاد التونسي) لرئيس البعثة السودانية وقال له: نحن أخوات والنصر والهزيمة سيان بالنسبة لنا. ونحن لا نريد ان نتقدم بشكوى ضدكم لو إنتصرتم علينا. سأله السوداني: ولماذا تتقدمون بشكوى ضدنا لو إنتصرنا عليكم.
قال التونسي: نرى اللاعب علي قاقارين من بين أفراد الفريق واسمه غير مدرج في قائمة اللاعبين.
إندهش رئيس البعثة السودانية وأحضر قائمة اللاعبين. أشار إلى اسم: حيدر حسن الصديق. وقال للتونسي: هذا هو علي قاقارين. لم يصدق التونسي وقال للسوداني: يطلع إيه اسم على قاقارين؟
قال له رئيس البعثة السودانية:
هذا اسم شهرة فقط ولكن اسمه الرسمي كما في جواز السفرهو حيدر حسن الصديق. وكذلك شقيقه جعفر قاقارين.
يا معتز الماعارف يقول عدس.
| |
|
|
|
|
|
|
|
|
 Re: هارد لك المريخ النتيجة النهائية 2\1 لصالح الجيش النيجري (Re: cantona_1)
|
| Quote: الفرق الأساسي بين طارق وامين زكي ان أمين زكي يستخدم رجليه الإثنين وطارق يستخدم رجله اليمنى فقط. |
ياراجل !!
كان برضو تقول
امين زكي بيستعمل راسو ولكن طارق لايستعمل راسو
اهلنا بقولو الشاف مازي السمع
وانا بقول اللعب مازي الاتفرج
اذا كان كرة القدم علم فطارق استاذها
وحسب راي فلاسفة كرة القدم بأنها تعتمد على الخيال
فطارق خيالة واسع جدا
طارق لعب مع بدايات تطور كرة القدم وتنوع الخطط
طارق احمد ادم قائد الخطة الدائرية في الهلال .
والله يرحم صديقي الكابتن شيخ ادريس كباشي
لو كان هنا لقال الكثيرة عن الاسطورة طارق احمد ادم
لعشقة بهذا اللاعب وتفرده في عالم المستديرة
الذي حباه واحترمه صفوة جمهور المريخ قبل جمهور الهلال .
الزميل طارق احمد ادم السهل الممتنع من هنا ابعث له تحياتي
| |
|
|
|
|
|
|
|
|
|
Re: هارد لك المريخ النتيجة النهائية 2\1 لصالح الجيش النيجري (Re: وليد عبد اللطيف)
|
يا وليد ود عبد اللطيف
نحن ما مختلفين ... طارق لاعب ممتاز. لكن نحن في صورة مقارنة. أنا شفت طارق بيلعب وشفت أمين زكي بيلعب.. وحكمت من عدة جهات..
علي قاقارين والدحيش كلاهما لاعب حريف وممتاز دون شك لكن لكل منهما طريقته واسلوبه And his own style .
وعلى هذا قس. باكنباور لاعب ولا ككل اللاعبين وكذلك مارادونا ولكل لكل اسلوب يختلف عن الثاني.
ولا أنا غلطان يا عزيزي.
.
| |
|
|
|
|
|
|
|
|
|
Re: هارد لك المريخ النتيجة النهائية 2\1 لصالح الجيش النيجري (Re: cantona_1)
|
كنتونا
| Quote: نحن ما مختلفين ... طارق لاعب ممتاز. لكن نحن في صورة مقارنة. أنا شفت طارق بيلعب وشفت أمين زكي بيلعب.. وحكمت من عدة جهات.. |
ياعزيزي كل زمن برجاله ...وكان تفاضل بينهم بعلمية ولا يفوتني انك مساهم في فريق مانشستر اكيد ملم بكل المعايير التي تقاس بها كرة القدم
وانا دايما بحب الناس تستفيد من خبرات الناس وغير ذلك انت انسان معاصر اجيال سطر لهم التاريخ بأحرف من نور ..
كنتونا
| Quote: يا جماعة الخير الكورة أصبحت علم يعني بالعربي Science مش إنت أجدعها وأنا بدرعها. |
كرة القدم ليس اصبحت علم بل قامت على العلم ونحن كنا نجهلة ..
كنتونا
| Quote: الفرق الأساسي بين طارق وامين زكي ان أمين زكي يستخدم رجليه الإثنين وطارق يستخدم رجله اليمنى فقط. |
ههههههههههه
ياخي كلامك دا ذكرني قصة في الحله واحد من شبابها
قال : تعرفوا مردونا دا ماعندو حاجة بس الواحد يقفل ليهو شمالو تاني يمشي وين ..
هه
بوست موفق
| |
|
|
|
|
|
|
| |
cantona_1
البحيراوي
منتصرمحمد زكى
المعز ادريس
وليد عبد اللطيف
فيس بوك
تويتر
انستقرام
يوتيوب
بنتيريست