نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 غرايشون ده شنو ...... حد يفهمنا يا ناس ؟؟
|
الزول ده قصتو شنو ؟؟؟؟؟؟؟؟؟
يا ناس الفهم ..
وناس السياسة ..
فهمونا قصة الراجل ده شنو ؟؟؟؟؟
لأن في مليون استفهام ببقى عندي
بعد الراجل ده يجي
ويمشي .......................
|
|
 
|
|
|
|
|
|
|
|
Re: غرايشون ده شنو ...... حد يفهمنا يا ناس ؟؟ (Re: Mahjob Abdalla)
|
كيفن تسأل سؤال زي دا.!
قريشن هو العمل الانتخابات في مواعيدها
وح يعمل الاستفتاء في مواعيده لأني شايفو
قال هو عايز الاستفتاء في ميعاده!
وحتى قال يا اخوانا لازم نسرع لأنو مافي
وقت وكلها فاضل لينا اربعة شهور.
وأبدى انزعاجو.
بالعربي كدا الزول دا سوداني وبيقرر
في شؤون السودان على الاقل أكثر مني
لو ما أضفتك معاي!
| |
|
|
|
|
|
|
|
|
|
Re: غرايشون ده شنو ...... حد يفهمنا يا ناس ؟؟ (Re: mustafa mudathir)
|
والله يا mustafa mudathir
زي ما قلت
| Quote: كيفن تسأل سؤال زي دا.! |
لأن زي ما يقولوا ..... المنبر ده ....يخيل لي زي الحكومي كده بقى ...
والله العظيم انا مع الحكومة ...
واديت صوتي للشجرة
ولي بكرة بديها ...
بس فهمونا حكاية الزول ده
| Quote: قال هو عايز الاستفتاء في ميعاده! |
اهو كلامك ده البخلينا نتجنن ...
ونسأل !!!!!!!
ودي المبوظة اعصابي ...
فهمونا عشان نعرف راسنا من رجلينا
| |
|
|
|
|
|
|
|
|
|
Re: غرايشون ده شنو ...... حد يفهمنا يا ناس ؟؟ (Re: Mahjob Abdalla)
|
| Quote: انا دخلت البوست ثلاثة مرات عشان اعرف الموضوع شن |
اخي العزيز Mahjob Abdalla
الموضوع غرايشون حكايتو معانا شنو انا شخصيا ما فاهم الزول ده
مرة جا الصباح المساء ياسر عرمان انسحب بمليون استفهام ؟؟؟؟؟؟؟؟
وفي كل جية ويمشي بيترك في رأسي مليااار استفهام
فهمونا الحاصل شنو
لا أكثر
| |
|
|
|
|
|
|
|
|
|
Re: غرايشون ده شنو ...... حد يفهمنا يا ناس ؟؟ (Re: توفيق عيسى مكي)
|
اخوى / توفيق عيسى
تحية من سوداني إلى سوداني آخر في هذا الظرف العصيب اللي شرو مستطير
ترددت في كتابة هذه المداخلة لاني حسيت بأنها حتكون طويلة و فيها إثقال على البوست و القراء
لكنى برضو قلت احسن اقول شوفى و فهمي للموضوع بحكم اهميتو و خطورتو و سرعة إندفاعو
و برضو الدنيا و الأعمار غير معروفة : فما لن تقله اليوم، قد لا تستطيع قوله غدا"
علاقة سكوت قرايشون مع حكومة المؤتمر الوطني زي علاقة الحراز مع المطر في مناطق و سط و شرق السودان
سياسيا و إستراتيجيا زي علاقة سفيرة بوش الكبير في العراق مع صدام في تلك الأيام
طبعا سفيرة بوش كانت بتقول لصدام : امريكا بتقول ليك، ما عندنا مانع إنك تاخد الكويت كمحافظة إضافية للعراق، نحنا عاوزين عراق غني مستقر
نردع بيهو ايران
و برضو كانت بتقول ليهو: كل همّ امريكا هو وصول بترول الخليج لمصانع الغرب عبر مضيق هرمز بأمن و سلام، و امريكا احسن ليها العراق ياخد الكويت
بدل ما تاخد الكويت ايران
طبعا كل الموضوع كان تضليل و مرامي إستراتيجية بهدف : وصول جيوش و بوارج الأطلسى لبحر العرب و إحتلال العراق
بإختصار قرايشون هدفوا و شغلوا الرئيسى هو جرجرة حكومة المؤتمر الوطني في درب المواقف البتوصل جيوش الأطلسي ( و المرة
دي على وجه التحديد جيوش الشرعية الدولية) للبحر الاحمر
لو البشير زور الإنتخابات قرايشون حيقول ليهو ما في مشكلة، لو ضرب دارفور بالطيران برضو مافي مشكلة اهو نحن حنجيب خليل في الدوحة بكافة
الوسائل، لو رفض البشير ترسيم الحدود و نقض موافقتو السابقة على حكم محكمة العدل الدولية حول أبيّي برضو حيقول ليهو ما في مشكلة، لو رفض البشير
إجراء الإستفتاء و بدأت إرهاصات الحرب بين الشمال و الجنوب قرايشون برضو حيقول للبشير ما في مشكلة امريكا مع سودان واحد موحد و لو بقوة السلاح
( إختصارا : مهمة قرايشون هي قطع الطريق على اهل السودان في إنو يحلوا مشكلتم لوحدهم سريعا و بشكل عقلاني و بما يوقف زحف الشرعية الدولية
مدخل قرايشون البستخدموا بذكاء هو نقطة ضعف البلد اللي اسمها البشير، قرايشون عارف أنو البشير متشبس بالسلطة و ما شايف الخطر
و مافي معارضة حاليا بحسب توازن القوى حتطيح بيهو، و مافي زول في المؤتمر الوطني بقدر يقول ليهو بغم، لانو كلو زول عاوز يحافظ
على موقعو و مصالحو و البزنس بتاعو) .. قرايشون فهموهوا الموضوع دا كويس في القسم المتخصص في شئؤن السودان بوازرة الخارجية
الامريكية .. فهموهوا برضو إنو يغرف للبشير من الماعون البعجبوا
* القول بأن قرايشون كل هدفوا هو وصول قاطرة نيفاشا لمحطة الإستفتاء و فصل الجنوب : دا قول تبسيطي فطير ما منتبه لإستراتيجيات و جيو - بوليتكس
العولمة
* و حنكتشف لاحقا إنو قرايشون كان برضو بضلل البشير و بقول ليهو: خليك من كلام اوكامبو و تهديداتو الفارغة دي، امريكا مؤيدة بقائك كحاكم شرعي منتخب للسودان
ونحنا كلمنا تشاد انها ما تتدخل في موضوع المحكمة الجنائية و مهمة إلقاء القبض عليك. و خليك من تصريحات جماعة هيلاري كلينتون حول قرار المحكمة الجديد،
دي مجرد تصريحات للإستهلاك و إرضاء لحركة الإحتجاج الواسعة بتاعت حقوق الإنسان. يعنى قرايشون برضو بعمل في قصة الدوحة الفاشلة
دي مجرد علاقات عامة و ترسيخ موطىء قدمو داخل السودان لحوبات لاحقة، و برضو إرضاء و إمتصاص لغضب الأمريكان الطيبين بتوع
حقوق الإنسان المهتمين بدارفور ، و برضو كسبا للوقت إلى حين و صول جماعة الشرعية الدولية للبحر الاحمر
دا هو دور قرايشون، اما وصول اساطيل الشرعية الدولية للبحر الاحمر، فدا شغل اوباما شخصيا و معاهو سوزان رايس سفيرة امريكا في الامم المتحدة،
و سآمانتا بآور مستشارو للامن القومي، و واحدة تالتة قاعدة في مجلس الامن إسمها روزمآري ( اوباما و معاهو ثلاثة نساء ذوى بأس شديد )
.. اوباما دايما بقول : لن تدخل امريكا عسكريا في اي مكان في العالم لوحدها !!
.. سندخل فقط عبر شرعية دولية .. لذلك فإن موضوع اوكامبو البشير مربوط إبتداء" بالفصل السابع بتاع زحف قوات الشرعية
الدولية .. شغل قرايشون وثيق الصلة بهذا الفصل السابع ( الغريب في الامر إنو على عثمان و الجاز و نافع وقوش عارفين الموضوع
دا كويس، و دايما المصري بتاع المخابرات عمر سليمان لمن يجى الخرطوم بشرح ليهم السيناريو دا )
قرايشون ما عاوز البشير يمشى محكمة لآهاي لانو دا لو تم فإن إحتمال و صول اساطيل الأطلسي للبحر الاحمر ببقى إحتمال ضعيف
موضوع أفاعيل و مؤامرات قرايشون دا كلوا قايم على نظرية لفوكايما اسمها : إعادة ترسيم و بناء الدولة الوطنية في افريقيا بقوة الجيوش و إقتصاديات العولمة
ختاما اخي توفيق خليني ارجع ليك الكورة في ملعبك : بما أنك من جماعة الشجرة، فأرجو مخلصا سؤال جماعة المؤتمر الوطني
ليس عن موضوع قرايشون فقط ، بل عن ايه هم ناوين يعملوا بالضبط في مواجهة هذا الخطر الكارثي - الفادح الزاحف بسرعة
سبعة مآخ
لك تقديري و لبقية ضيوفك في البوست .. و اكرر اسفي للإطالة
| |
|
|
|
|
|
|
|
|
|
Re: غرايشون ده شنو ...... حد يفهمنا يا ناس ؟؟ (Re: أحمد طراوه)
|
توفيق عيسي مكي:
Quote:
والله العظيم انا مع الحكومة ...
واديت صوتي للشجرة
ولي بكرة بديها ...
بس فهمونا حكاية الزول ده
|
نحن الدايرين نسألكم السؤال ده: فهمونا يا ناس الحكومة حكاية الزول ده؟؟!!
نحن فاكرينوا مؤتمر وطني زي ما قال رئيسكم في حملته الإنتخابية ..
يعني إنتو بتتصرفوا كأنو الزول ده في جيبكم !!
الآن يبدو أنكم إكتشفتم إنو ما كان في الجيب .. كان في مكان آخر (بالخطأ) ..
يعني حالتكم بقت كما يقول أهلنا بدارفور: جراداي في سروال و لا بعضي .. إلا قعادو و لا حلو !!
(من سؤالك يبدو انكم بدأتم تحسون أن قريشن أصبح عقرب أو ثعبان (و ليس فقط مجرد جراداي)!!
.
.
.
تخريمة:
علمت من أحدهم أن بقاء قريشن حدد له حتي فبراير .. أي بعد الإستفتاء .
| |
|
|
|
|
|
|
|
|
|
Re: غرايشون ده شنو ...... حد يفهمنا يا ناس ؟؟ (Re: Mohamed Suleiman)
|
يا طراوة لكن ماجضمت الراجل جضيم شديد قريشن
أقصد مش توفيق بعدين قريشن دا قريشن حلاتا قريشنا
مالو نخاف الريدة......عبدالقادر سالم!
العسكري دا حافظ كويس يعني نوع أدوهو ورشة عمل
بتاعت حل منازعات مع شوية كورسات الاركان حرب
وما أدراك وبعداك برطع بالاهبل الحاكمنا دا.
"أن بقاء قريشن حدد له حتي فبراير .. أي بعد الإستفتاء"
كلامك صحيح مية المية يا صديق!
| |
|
|
|
|
|
|
| |
توفيق عيسى مكي
Mahjob Abdalla
mustafa mudathir
أحمد طراوه
Mohamed Suleiman
فيس بوك
تويتر
انستقرام
يوتيوب
بنتيريست