|
|
 حضرنا و لم نجدنا
|
السلام على المناضلين الجد جد
سلام بورداب الخرطوم و عموم السودان
نأسف لعدم الظهور لاننا اخذتنا الدوامة قبل ما نصل زاتو
دي حكاية لا حكت و لابقت السفر اليومي داخل دولة الخرطوم
الكبرى يحتاج يتلسلفوا ليهو زمن من وين لكن؟
ادم اسمث قال انه العامل يعطى اجره مقابل الزمن البينفقه
في الانتاج، ناس الخرطوم ديل بكدا مفروض يكونوا اغنى ناس
في الدنيا
غايتو شفتا بومبي و سمعت عن ميكسكو ستي على انهم سوبر
ستيز لكن زي عوة الخرطوم دي لا شفناها و لا سمعنا بيها
حاجة كدا توصل لحافة الجنون
كل كلامي دا و كل مشاويري حتى الان محصورة في المستشفيات
و الاطباء و المختبرات الطبية
و قليل من الواجبات الاجتماعية المتراكمة لعقود هي
فترة غيابي عن الوطن (الذي كان)
|
|
 
|
|
|
|
|
|
|
|
Re: حضرنا و لم نجدنا (Re: نصار)
|
| Quote: عن الوطن (الذي كان) |
حمد لله على سلامة العوده يانصار ..
وان شاء الله الوالد بخير ..
ربنا يسبغ عليه تمام العافية ..
لك الله وانت تساوم مافيا العلاج ..
الذين يظنون انهم يعطونك الحياة مقابل
ماعندك من مال ...
فى انتظار الذى كان ....
| |
|
|
|
|
|
|
|
|
|
Re: حضرنا و لم نجدنا (Re: محمد عبدالرحمن)
|
سلمك الله اخي محمد عبدالرحمن
الحمد لله ربنا حبانا بطبيب من اهلنا و رجل بركة
يسر لينا الامور و وصلنا للتشخيص بسرعة وبدأ
الوالد في الاستجابة للعلاج بصورة ممتازة
اما الذي كان فاخشى ان يطول انتظارنا له
لكن سظل الامل قائم
| |
|
|
|
|
|
|
|
|
|
Re: حضرنا و لم نجدنا (Re: نصار)
|
الاخ الجميل نصًار
تحياتي ,,,
نسأل الله العافية للوالد
وربنا يبلغه تمام الصحة
عنوان مترابط والذي كان
يعني نمحو عن الذاكرة الشدو
الجميل للموسيقار ود اللمين
السودان الوطن الواحد ما قد
كان وما سيكون التي اضاعوها
اولاد الآيه .
............................حجر.
| |
|
|
|
|
|
|
|
|
|
Re: حضرنا و لم نجدنا (Re: نصار)
|
ياسيدي بالسلامة ونتمنى نشوفك
لو في العمر بقية وتعال رمضان
عندنا ودا التلفون 0545444897
مودتي .
..............................حجر.
| |
|
|
|
|
|
|
|
|
|
Re: حضرنا و لم نجدنا (Re: حبيب نورة)
|
بطمنك بانه الوالد بحمد الله صحته في تحسن
لكن البلد ما بقدر اقول سوى ربك يلطف
بيها و باهلها
بعد انت وصلت المهندسين المرجعك فيصل
شنو؟
موش قلت ليك مشيت فيصل بالليل لمان
نزلت الصباح لقيت قدام باب العمارة
لافتة مكتوب عليها انها تابعة لبولاء
الدكرور؟
| |
|
|
|
|
|
|
|
|
|
Re: حضرنا و لم نجدنا (Re: ناذر محمد الخليفة)
|
العزيز ناذر
شكرا جزيل على المبادرة بالاتصال
يازول بالشفتو دا مجرد البقاء في
السودان هو الجهاد الاكبر
صبري دا صديق الصبا خليهو علي
اصله كان سيرباك عنيف مرات بكسرنا
نحنا اصاحبه
| |
|
|
|
|
|
|
|
|
|
Re: حضرنا و لم نجدنا (Re: ياسر علي نايل)
|
الف حمدا لله علي السلامه اخي نصار
سعدنا بلقياك ومشاركتك الفاعله في اجتماع بيت الفنون
وعذرا لضعف الحضور وبعض عدم الترتيب والالتزام بالزمن الذي صاحب الاجتماع
ونتمني لقياك في ساعات اوسع وارحب
تحياتي
| |
|
|
|
|
|
|
|
|
|
Re: حضرنا و لم نجدنا (Re: نوفل عبد الرحيم حسن)
|
العزيز نوفل
عن نفسي اجزم و عن بقية بورداب الخارج اعتقد جازما
بان ملاقاتكم و تعميق المعرفة و الصداقة بكم
هي احد اعز الامنيات
زادت سعادتي بلقاء اصدقاء اخرين من الداخل و الخارج
في اليوم التالي ليوم بيت الفنون
و اتصلت و اتصل بي اخرين
| |
|
|
|
|
|
|
|
|
|
Re: حضرنا و لم نجدنا (Re: نصار)
|
نصار سلام و ألف حمد الله علي السلامة
و ألف حمد الله علي سلامة الوالد وربنا يكمل العافية
نتمني لك إجازه سعيدة ..
| |
|
|
|
|
|
|
|
|
 Re: حضرنا و لم نجدنا (Re: عبدالمجيد المقابل)
|
العزيز نصار سلامات ومشتاقين
تعرف يا نصار يظهر إنو ما لي في الطيب نصيب
يوم 28 دا كنت في السودان
ويا ريت ولو دخلت المنبر كان ممكن نتقابل
كنت في السودان مريض لمدة شهرين وسافرت منه يوم 29
الجميل في سفرتي الآخيرة دي قابلت عسكوري
والحي يا نصار مصيرو يلاقي
| |
|
|
|
|
|
|
|
|
|
Re: حضرنا و لم نجدنا (Re: نصار)
|
غبنا عن البلد ردح من الزمن و عدنا له غرباء، فترت انقطاعنا كانت طويلة و الادهى انها فترة تحولات كبيرة لا اطن ان لها مثيل في تاريخنا الحديث، يعني بقت علينا عوامل الزمن و قدر التغيرات المهولة الحدثت بعدنا.... تقطعت حبال وصلنا القديمة و لم تنفتل اخرى جديدة فكيف العمل.. العائد من المنافي البعيدة يحمل شوق لواقع لم يعد قائما.. لنكون منصفين لابد من ان نذكر لعنات السفر.. كثير من التفاصيل ما كنا لنتوقف عندها لو لم تصيبنا هذه اللعنة.. دائما تنعقد المقارنات بين الحال هنا الاحوال هناك و في ذلك اجحاف من ناحية ارادة خير و احلام مشروعة من نواحي اخرة..
درجت الغالبية من الذين يزورون السودان في اجازاتهم ان يكتبوا بعد رجوعهم الى اوطانهم البديلة الا اني رأيت ان استدرك بقيت اجازتي بطرق الابواب علي اجد مداخل لما اغلق امامي عل خلف الحجب اشياء ترضي.. او ان اجد تبيان لمعالم الواقع الجديد.. لدي ما اقوله من فوائد السفر و من رؤية لواقعنا من بعيد ثم ان المهاجر يحمل من خواص بلده و اهله ما قد يتخلى عنها المقيم يفعل ذلك ليقاوم فقدان الهوية و الذوبان في المجتمعات التي يعايشها.. و عندي رغبة للاستماع.. اتوق لمعرفة نتاج الواقع المعاش من شعر و ادب و فنون.. لدي افكار لتطوير بعض الاشياء.. الخلاصة اريد ان اشعر اني لم اعد من مغتربي الى مغترب اشبه اهله فقط في ملامح الوجه و لون الاهاب..
| |
|
|
|
|
|
|
| |
نصار
محمد عبدالرحمن
حبيب نورة
محجوب البيلي
عثمان محمد كرار
الرفاعي عبدالعاطي حجر
ناذر محمد الخليفة
معاوية الزبير
مرتضى احمد عبد القادر
ياسر بيناوي
نوفل عبد الرحيم حسن
عبدالمجيد المقابل
النذير حجازي
Sidgi mattar
فيس بوك
تويتر
انستقرام
يوتيوب
بنتيريست