|
|
|
 Re: ســـإلى تمبس وآخرين ــــــــــت الريد (Re: محمد إبراهيم علي)
|
محمد إبراهيم علي
تحايامحل ما تقبل
شكرا لقبولك الإهداء أولا، وعلى الـ ضحك الذي يثلج القلب
بعدين أنا ما حريف في القصة دي والله
وأخونا تمبس، أنا طالبوا أكتر من لنك حفظ قبل كدة
عشان كدا منتظرو يصحى
ويجيب لينا لنك الحفظ بتاع الأغنية دي
يعني الإهداء ما مجاني
العنوان فتل لي رقبتي أنا ذاتي والله
بس إنشا الله بقية الإخوة المذكورين في الإهداء، بجانب الجمهور
ما يزعلوا مننا في الحتة دي
| |
 
|
|
|
|
|
|
|
 Re: ســـــــــــــــــــــــــــــــــــــــــ إلى تمبس وآخرين ـــــــــــــت الريد (Re: Alsadig Alraady)
|
يا ود الرضي .. الله يرضى عليك حسع دي أغنية بتنفع في ايام زي دي والدنيا اتنين وعقاب شهـر ..؟ 
طبعا فاتتني حلقة عجيبة جدا قبل كم يوم .. عن الاستاذ عبد الوهـاب الصادق ..
صاحبي أنــس قدرما حاولني انتظر الحلقة دي والتي جهزت ليها كل الامكانيات التقنية المتاحة للتوثيق ، إلا إنو نمته  يظهر إنو الواحد قلبو بقى فاتح علي عينو .. يا كمان قلبو أخف من مما كان عليه من قبل.
المهم انا حسع دي مشيت دخلته المكتبة والحمد لله لقيت البوست القديم قاعد ( ست الريد ) ...( بقت نساية )
بس للاسف الملف ما موجود ..
والحاجة المهمة لو اكتفى أبوبكر بهذه الأغنية كان احسن ليهو .. بعد الشفتو وسمعتو منو الفترة الفاتت دي ..
تعرف يا الصادق .. جارتنا في الموردة ونحن كنا شفع كان العرس حقها بي عبد الوهاب الصادق والمسرح كان في خشم بابنا والوكت داك لا بنعرف عبد الوهب الصادق ولا بنفرق بين المكرفون والساوند سستم والواحد عادي جدا ممكن ينوم والناس بتغني ..
اجازتي الأخيرة دي .. كان زواج بنتها البكر والحفلة كانت بي طـه سليمان .. جريت ليك الشريط في راسي وانا بستمتع بي حفلة لايف بعد كم سنة كدا غربة وشـــوق .. همست لي أم العروس بي جمبه كدا .. قلت ليها عليك الله حسع دي ما كان في طريقة تجيبو عبد الوهاب الصادق .. ياخ الزولة دي فتحت ليك عيونه قدر الريال اب عشرة .. وجضمتني ليك تجضيمة لطيفة جدا .. لانو اللحظة ديك بكون زي الغنيت ليها ست الريد بقت نساية ..
انها الذكريات الجميلة يا ود الرضي .. والغنا المعتق بي اقل الامكانيات بعيد من لغة المودليشن والخدع الموسيقية ..
لكن الحاجة العجيبة جدا .. إنو غنا زي دا بيقبل اي حاجة .. كل حاجة .. لكن لحظة تشيل منو أهم حاجة في اللحن .. طوالي بتحس بي إنو الاغنية بقت مسيخـة .. لو اشتغلته اكبر اوركسترا في الدنيا ..
وانا ما عارف لييه .. عشان بيهبش القلب سلاخي كدا ودغري برضو .. واللا عشــان زمنو كان سمح وبسيط وما معقد؟؟
ياخ انا عندي شريط لي ترباس زماااان ... وآخر لي مرغني المامون وأحمد حسن جمعة .. وأولاد شمبات .. ديل ناس عجيبين خلاص ..
ترباس كان بقول:
حني علي انا يا ستي الحاصل بي سببو إنت ..
وعبد الوهاب الصادق يقوليك :
وآخر الريد اذي لجزاي احمل هم كل امور اذايا
إنت الناس دي كانت بتعمل في روحـه كدا ليييه ..؟ وبعدين الطرف التاني في المسالة دي مالو كان مصعب الحاجات كدا دا ..؟
أرجو التوضيح .. عشان نعرف نجيب ليك لنك الحفظ ..
| |
|
|
|
|
|
|
|
|
|
Re: ســـــــــــــــــــــــــــــــــــــــــ إلى تمبس وآخرين ـــــــــــــت الريد (Re: تولوس)
|
عارف يا صادق الفنان عبد الوهاب الصادق
فى خامة صوته فى اصوات كتيرة بتجى داخلة
تسمعه كانك بتسمع لاحمد الطيب
ومرات يجيك ابراهيم عبد الجليل
ومرات يجيك حزن غريب كدا
طبعا انتو صغار ما عاصرتو لمن كنا بنتقيف ونمشى حفلات فيها عبد الوهاب الصادق ولا النور الجيلانى
فكرة الماندولين دى كانت جديدة
والغنا بالطريقة دى كان جديد برضو الكلام دا فى اواخر السبعينات نحنا صبايا
كنت على صعيد شخصى "متمردة " بمشى الحفلات زى الاولاد البخشو الصيوان بى وراهو
وارقص لمن اعرق واشيل اهلى
لكين ثمة عشق يربطنى لتلك الايام احبها حد الجنون
بث
| |
|
|
|
|
|
|
|
|
 Re: ســـــــــــــــــــــــــــــــــــــــــ إلى تمبس وآخرين ـــــــــــــت الريد (Re: سلمى الشيخ سلامة)
|
Quote: تسمعه كانك بتسمع لاحمد الطيب
ومرات يجيك ابراهيم عبد الجليل
ومرات يجيك حزن غريب كدا |
... | Quote: وارقص لمن اعرق واشيل اهلى |
وبعدين معاك يا سلمى ..؟ 
لما تجي داخله الخرطوم من شارع الأربعين على يدك اليمين يا سلمى .. في ابكدوك بي الشارع البنزلك الجوازات والقسم الجنوبي .. هناك في مسجد الشقليني ..
الشقليني دا كان بيأذن للفجر والهواء بيشيل صوتو ويلف بيهو الحلة كلها يجيبو لينا لحدت الخور تحت زي الكأنو قاعد حسع دي معاك هنـا .. يللا المسافة بتاعت الاذان دي كلها رغم بساطته .. بتكون فترة تفكير وفهم وتعمق وخشوع عجيبة خلاص .. دا كلو في الصوت دا .. كل طبقة صوت بتحسي بيها بتجيك منفصلة وفي موجه براهـا لكن مربوطة بالموجه القباله وما بتقدر تتخيله بتكون عامله كيف عن السبقته قدامه دي ..
نفس الطريقة ابراهيم عبد الجليل لما اسمع ليهو بحس إنو في جرس بيكون قاعد يدق في الراس بيذكرك بي الصوت دا .. كلما تغفل، فيا سلمى تفتكري إنو الكلام القلتيهو فوق دا كان عبارة عن مسالة تعويض مدركو الضخص الفنان وهو بيأدي في منظومتو المتكاملة دي .. تفتكري إنو كان تعويض أو تكملة أو رؤية بعيدة لي الكم الهايل من الادوات الموسيقية الحايمة حسع دي ؟؟ ياخ في زولة بتغني قبل فترة كنت بسمع فيها وما قادر اتذكره .. ياخ دي صوته عبارة عن (شيلووو)..
دكتور الدرديري في حلقة نجوم الغد .. كان بتكلم عن الراحل عبد العزيز داؤؤد قال صوتو دا بيغني في تلاتة مجالات وبي مهنية عالية جدا .. وبيضوق طعم الحروف قبال ما يطلعه من جواهو .. ياخ دا حسع ما كلام عجيب ..؟
..
| |
|
|
|
|
|
|
|
|
|
Re: ســـــــــــــــــــــــــــــــــــــــــ إلى تمبس وآخرين ـــــــــــــت الريد (Re: tmbis)
|
حبيينا ود الرضى وهدى
كيفك وكيف عامل وكيف لندن وهولندا معاك
ياخى انته اسع فى لندن دى لقيت وين الاغنيه دى اوعى تقول لى عند بقاله (الحياه) عند العمراب ديل
اولاد المورده تحياتى لهم فردا فردا ...بدون ذكر اسماء .....
طبعا عبد الوهاب الصادق كان يلقب ب(عبد الوهاب فرع بانت ) وهكذا كان يقدم فى الحفلات
وهو زول غناى جدا جدا والكان حفلتو بالذات فى بانت والمورده وما جاورها ما بى عبد الوهاب الصادق
بالذات الحنه او محمود على الحاج معناتو ما جاب فنان .......
والاتنين عندهم تطريب عالى جدا جدا
والتحيه موصوله لى تمبس ...
| |
|
|
|
|
|
|
|
|
|
Re: ســـــــــــــــــــــــــــــــــــــــــ إلى تمبس وآخرين ـــــــــــــت الريد (Re: عمر سعد)
|
ياسلام يالصادق,,
قبل كم يوم حـضرت سهرة النيل الازرق مع عبدالوهاب الصادق
بس للاسف الاغانى كانت بصوت فنان اخر,,مامتذكرها اسمـو,,
بس الاغنية دى تحديدا كـان شاعرها مـوجود والقاها شعرا...وغناها كمـان بالعود ,,
غايتو انا بكيت لحظت كان بحكـى مناسبة الاغنية..
تمبس,,
لوعندك اى اغنـية لعبدالوهاب الصادق النبى تنزلها لينا ومعاها لنك الحفظ
| |
|
|
|
|
|
|
|
|
|
Re: ســـــــــــــــــــــــــــــــــــــــــ إلى تمبس وآخرين ـــــــــــــت الريد (Re: عمران حسن صالح)
|
بالعكس يا تمبس الأغنية دي بتنفع الأيام دي تحديدا، لأنها بتعمل دعم معنوي مكثف
الحلقة دي تحديدا ندمتني على سفري برا البلد، يعني ما لقوا طريقة يعملوها إلا وأنا مسافر ومبشتن وما عندي طريقة أشوف تلفزيون، وشحتفني صاحبي طارق المكي لمن حكى لي بالتلفون قدر إيه كان مستمتع بيها
البوست بتاعك عنها كان متعة لا تحدها متعة، فقط أحبطني إنها لم تكن بصوت حاديها آنذاك، والملف بتاعك موجود في الـ يوتيوب، أنا رجعت ليهو واستقيت منو بعض المعلومات الوردت أعلاه
Quote: تعرف يا الصادق .. جارتنا في الموردة ونحن كنا شفع كان العرس حقها بي عبد الوهاب الصادق والمسرح كان في خشم بابنا والوكت داك لا بنعرف عبد الوهب الصادق ولا بنفرق بين المكرفون والساوند سستم والواحد عادي جدا ممكن ينوم والناس بتغني ..
اجازتي الأخيرة دي .. كان زواج بنتها البكر والحفلة كانت بي طـه سليمان .. جريت ليك الشريط في راسي وانا بستمتع بي حفلة لايف بعد كم سنة كدا غربة وشـــوق .. همست لي أم العروس بي جمبه كدا .. قلت ليها عليك الله حسع دي ما كان في طريقة تجيبو عبد الوهاب الصادق .. ياخ الزولة دي فتحت ليك عيونه قدر الريال اب عشرة .. وجضمتني ليك تجضيمة لطيفة جدا .. لانو اللحظة ديك بكون زي الغنيت ليها ست الريد بقت نساية ..
|
عشان جنس الحكي بتاعك دا،
خصيناك بـ العنونة، كتر لينا من جنس دا في مقبل لحظات الخيط
الناس دي يا تمبس أدت الفن حياتها، في الكتابة والتلحين والأداء،
والزمن عندهم كان معقول، كانت هناك حدائق للعشاق وللأسر وأماكن للأنس وبعض مقاهي،
كانت هناك مجلة الإذاعة والتلفزيون والمسرح،
كانت هناك الإذاعة، وبرنامج ألحان، وقصر الشباب والأطفال
المسرح القومي وفرقة الأكروبات وفرقة الفنون الشعبية ومسرح العرائس
و..و..و..إلخ
أما الطرف الثاني فيبدو لي ما كان عندو حيلة
في غنية بنات قديمة ورد في بعض ما نذكره منها
(أنا حبيت أشاغلو وعمل الكورة حيلة)
ما تنسى لينا موضوع الـ لنك
| |
|
|
|
|
|
|
|
|
|
Re: ســـــــــــــــــــــــــــــــــــــــــ إلى تمبس وآخرين ـــــــــــــت الريد (Re: Alsadig Alraady)
|
Quote: وبعدين معاك يا سلمى ..؟
لما تجي داخله الخرطوم من شارع الأربعين على يدك اليمين يا سلمى .. في ابكدوك بي الشارع البنزلك الجوازات والقسم الجنوبي .. هناك في مسجد الشقليني ..
الشقليني دا كان بيأذن للفجر والهواء بيشيل صوتو ويلف بيهو الحلة كلها يجيبو لينا لحدت الخور تحت زي الكأنو قاعد حسع دي معاك هنـا .. يللا المسافة بتاعت الاذان دي كلها رغم بساطته .. بتكون فترة تفكير وفهم وتعمق وخشوع عجيبة خلاص .. دا كلو في الصوت دا .. كل طبقة صوت بتحسي بيها بتجيك منفصلة وفي موجه براهـا لكن مربوطة بالموجه القباله وما بتقدر تتخيله بتكون عامله كيف عن السبقته قدامه دي ..
نفس الطريقة ابراهيم عبد الجليل لما اسمع ليهو بحس إنو في جرس بيكون قاعد يدق في الراس بيذكرك بي الصوت دا .. كلما تغفل، فيا سلمى تفتكري إنو الكلام القلتيهو فوق دا كان عبارة عن مسالة تعويض مدركو الضخص الفنان وهو بيأدي في منظومتو المتكاملة دي .. تفتكري إنو كان تعويض أو تكملة أو رؤية بعيدة لي الكم الهايل من الادوات الموسيقية الحايمة حسع دي ؟؟ ياخ في زولة بتغني قبل فترة كنت بسمع فيها وما قادر اتذكره .. ياخ دي صوته عبارة عن (شيلووو)..
دكتور الدرديري في حلقة نجوم الغد .. كان بتكلم عن الراحل عبد العزيز داؤؤد قال صوتو دا بيغني في تلاتة مجالات وبي مهنية عالية جدا .. وبيضوق طعم الحروف قبال ما يطلعه من جواهو .. ياخ دا حسع ما كلام عجيب ..؟
.. |
كلام عجيب شديد يا تمبس
| |
|
|
|
|
|
|
|
|
|
Re: ســـــــــــــــــــــــــــــــــــــــــ إلى تمبس وآخرين ـــــــــــــت الريد (Re: خالد العبيد)
|
لو بتتذكر يا عمر سعد، نغمة موبايلي، لما كنت معاكم في الدوحة
أنا الغنا السمح والصاح بباريني حتة ما أمش
هولندا كنت عامل معاها كويس وهي ما قصرت معاي، وأهو دلوقت في لندن، نحسب الايام على أطراف الأصابع شوقا لأم در وشجرا وبيوتا
أصحابك ناس بقالة الحياة، مريت بيهم قبل يومين، كنت متغدي مع ناس اصحابي قريب لمحلهم، لكن ما خشيت عليهم، لو داير بغشاهم ليك، لأني ساكن قريب ليهم، يعني لا بحتاج لي بص لا أندرقراون
صاح الفنان عبدالوهاب الصادق من أولاد بانت، والفنان محمود علي الحاج من ناس الملازمين على ما أظن، ومحمود علي الحاج دا داير ليهو خيط براهو
تحياتي يا صاحب
| |
|
|
|
|
|
|
|
|
|
Re: ســـــــــــــــــــــــــــــــــــــــــ إلى تمبس وآخرين ـــــــــــــت الريد (Re: Alsadig Alraady)
|
تمبس
بعد ما أنا جيت ورديت الردود دي كلها
إفتكر الوردية بتاعتي انتهت، حسب توقيت المدينة الأنا قاعد فيها أسع
المفروض دلوقت تكون صحيت وشربت الجبنة المظبطة بتاعتك
وبقيت جاهز لبدء الوردية حقتك بي جاي
بس أهم حاجة دايرك تركز عليها كـ زول فنان
مسألة التركيبة الإيقاعية بتاعت الأغنية دي
دايرك تتكلم لي عن الزمن دا
وهل دلوقت توجد ألحان بنيت على هذا الضرب الإيقاعي؟
ــــــــــــ
يلا في إنتظارك، قبل ما الهكر يستلم ورديتو الـ يومية
| |
|
|
|
|
|
|
|
|
|
Re: ســـــــــــــــــــــــــــــــــــــــــ إلى تمبس وآخرين ـــــــــــــت الريد (Re: Alsadig Alraady)
|
سلامات يا جماعة .. اها الحفلة دي كيف ..؟
..
Quote: بس أهم حاجة دايرك تركز عليها كـ زول فنان
مسألة التركيبة الإيقاعية بتاعت الأغنية دي
دايرك تتكلم لي عن الزمن دا
وهل دلوقت توجد ألحان بنيت على هذا الضرب الإيقاعي؟ |
والله يا الصادق شكلك عايز تورطني في الوردية بتاعت الصباح دي ..
معقولة اتكلم ليك عن التركيبة الايقاعية دي وفي ناس متخصصين قدر الضربة في البلد دي .. يا الصادق ..؟
في بوست مفتوح عن بوب مارلي من الزميل الفاتح مرغني .. متعة عجيبة جدا .. شايف استاذ الموصلي دخل كتب ليهو تشريح لي ايقاع الريقي بشكل سريع وخفيف وواضح جدا .. وكلامو دا كلو لقيتو في التركيبة بتاعت واحد من السلالم الموسيقية وقعتدت اعافر ليك معاهو .. قلت والله علم لكن .. والجماعة الترزية يخيطووو سااااي وما جايبين للدنيا خبر ..
غايتو الله يجازي الأورغن ..
يا الصادق عليك الله باقي الوردية دي شوف معاك طارق أبوعبيدة ووين الزول دا زبون كويس ..
| |
|
|
|
|
|
|
|
|
|
Re: ســـــــــــــــــــــــــــــــــــــــــ إلى تمبس وآخرين ـــــــــــــت الريد (Re: محمد عبدالرحمن)
|
الشفيف الصادق الرضى
الزول دا من حلتنا,,,,
تعلم الغنا فى نادى الزراعة باى قوته..ووقتها هذه المدينة التى تشبه دامر المجذوب
فازت باول معرض للزهور فى السودان,,كان بطلوبها المعلمون فى النقليات,,,للامتيازات وطيبة اهلها,,,
انا لم اسمع عبد الوهاب يغنى فى حلتنا,,,لانه يكبرنا زمنا,,لكن حضرت حفلة زواجه طشاش
فى منزل اخوه احمد الصادق فى الحى الشمالى اب قوتة وكان فيها جميع فنانو فرقة فلاح,,,
ما بعرف قبله فنان عندنا,,لكن الذين عاصروه,,محمد المبارك اخو الشيخ عبد الجبار المبارك
عشان ومات فى حلتنا كان له صوت زى جرس المدرسة النحاسى,,له اكثر من اغنية اخذها منه احمد طيب
مشى بها الاذاعة لانه زاهد فى الشهرة,,,واحمد طيب ابن عمه,,ديل اهل الطيب بشير,,
على فكرة حلتنا دى كانت قبلة الجمال والجميلين من اهل الادب,,الطاهر السراى,,الامين عبد الغفار
محى الدين الفاتح,,دا فاتنا كبير على قول الرواة,,
الخلاصة عبد الوهاب كان هناك,,وخلفه فى اغانيه بشرى وبشير وديل ذاتهم تركوا الغنا
عموما انا مش ذواق زيكم كدا,,لكن هذا الكروان الا يرجع يغنى اغانيه دى براه
حتى تطربنى,,, زى ما قال عزام عضو البورد,,,هذا الرجل شكل خارطة كتير من وجدان الشعب السودانى
تحياتى
| |
|
|
|
|
|
|
| |
Alsadig Alraady
محمد إبراهيم علي
tmbis
وليد محمد المبارك
تولوس
سلمى الشيخ سلامة
عمر سعد
عمران حسن صالح
خالد العبيد
naeem ali
محمد عبدالرحمن
abuguta
جعفر محي الدين
فيس بوك
تويتر
انستقرام
يوتيوب
بنتيريست