|
|
 تنويه ... إعتذار ... إنسحاب
|
هذه هي الحياة ....
دروس تتلوها دروس ... ولكن أقسى الدروس التي يتعلمها الانسان هي حين يقف أمام الحقيقة عارية... إنك لا تدري عن الحياة نفسها شيئا ولا عن الناس.
حاتم النويري صديقي وأبن الحي لا يمكن ان أخطئه حين يكتب، ولا يمكن ان أخطئه حين يتحدث معي في الهاتف .
كتبت عنه سابقا...
إنسان مهذب، خلوق، صادق دائما ولا يكذب ابدا مهما كانت المبررات، يعفو ويصفح حتى عن من ارتكب في حقه ابشع الجرائم (سرقة بحثه الاكاديمي)، ذكي جدا للحد البعيد (عاشر الشهادة المتوسطة وأحرز نسبة كبيرة جدا في الشهادة السودانية)، جاري لا يفصل منزلي عن منزله سوى الخور، والدته صديقة والدتي ويعملان سويا في مهنة التدريس، لا يحب الجدال ويحب الهدوء والانعزال، شاعر موهوب ولكن لاينشر شعره، درست معه المتوسطة والثانوي والجامعة. عملنا معا ونحن ما زلنا طلبة في شركة واصل لتقنية المعلومات حتى اواخر 2003، عملنا معا مرة ثانية في مجال ابراج الاتصالات من 2005 حتى اواخر العام 2006. ولم ينقطع حاتم عني الا في النصف الاخير 2007 حين سافر للأمارات.
قبل كتابة البوست بنهار ارسلت رسالة بريدية لحاتم النويري في الايميل الذي اعرف انه يملكه منذ سنوات، وهو غير الايميل الذي ارسل لي منه حاتم النويري الاسفيري رسالة ، بعد مضي عدة ساعات اتصلت هاتفيا على احد الاصدقاء المشتركين، وقال لي ان حاتم مشغول جدا بإمتحان ال PMP لذا لا يرد على الايميلات ولا على التلفونات حيث يعيش في عزلة تامة هذه الايام، فكرت فورا إضافة الي كل شكوكي السابقة التي ذكرتها في إن حاتم النويري الاسفيري متواجد 24/7 ولا يمكن ان يكون مشغولا بالامتحانات ابدا...
فوصلت شكوكي للحد الذي كان يجب فيه مناقشتها معه في العلن....
هناك احتمالان لاثالث لهما... الاول إن حاتم النويري الاسفيري هو عينه حاتم النويري الشخص من دم ولحم... وهذا أمر لا ارغب في تصديقه لأسباب خاصة لها علاقة بما كنت أظن ان حاتم لايمكن ان يفعله.
الثاني ان هناك من انتحل اسمه، وهل هذا مستبعد؟ وأكثر بوست كتب فيه حاتم منذ مجيئه للمنبر وبذل فيه مجهودا خارقا هو بوست الهدف منه الكشف عن واقعة إنتحال؟ ليس مستبعدا وأنا اعرف ان الاسماء الوهمية هي اكثر السمات بروزا في ذاك البوست. وهل هناك ما يسيء لحاتم النويري الشخص من لحم ودم إن كان هناك من ينتحل أسمه؟.
صباح اليوم توجهت للمرة الثانية الي منزل حاتم النويري، وهذه المرة وفقت في مقابلة والدته السيدة الفاضلة الاستاذة حليمة، ذكرت لي ان تلفون حاتم الجديد غير موجود معها – كنت قبل فترة طويلة (سنة تقريبا) قد تحصلت على تلفون لحاتم من محمد مصباح وهو صديق مشترك ولكنه كان مغلقا دائما - لأن هاتفها في التصليح، ولكن سيعود مساء اليوم...
أتصلت عليها مساء اليوم، أعطتني رقم الهاتف وكان هو نفس رقم هاتف حاتم النويري الذي نشره هنا...
وهنا أدركت أنني ارتكبت خطأ فادح في حق صديقي حاتم، وإنه فعلا تغيير الي الحد الذي لم أكن ارغب في تصديقه. وصار من نوع الناس الذين يسجلون الاحاديث الخاصة وينشرونها. وهذا شيء عادي كان يجب ان اتوقعه، فعامان ونصف في الغربة يمكن ان تفعل اي شيء.
أنا اعتذر لك يا حاتم النويري، عن كوني شككت في ان الشخص الذي سجل لي الماسنجر لايمكن ان يكون حاتم الذي اعرفه، فأنت فعلا حاتم النويري بشحمه ولحمه... ولك الحق في اي شيء ترغب في اتخاذه.
كما اعتذر أعتذارا اخر لكل شخص تسبب له في ازعاج بشكوكي وتحليلاتي الخاطئة ... وبالذات الاخ خضر الذي أوهمته وأقنعته ان حاتم الذي اعرفه لايمكن أن يفعل بعض الاشياء، والتي اتضح لي للأسف الشديد أنه ممكن.
وأعتذر للأخ بكري بسبب تشكيكي في هوية احد أعضاء المنبر دون مسوغات مقنعة...
وأعتذر لك مرة اخرى حاتم النويري، وسنتقابل وجها لوجه – ما دام يفصل بيننا الخور فقط - يوم ما ولابد ان هناك حقائق كثيرة ستظهر الي ذلك اليوم، وسأبرر لك الكثير وعليك انت تبرير الكثير. ولكن هذا لا يعني انني ارتكبت في حقك خطأءا فادحا.
اليوم فقط عرفت اية هوة سحيقة أنجرفت اليها او جرفتني اليها قضية بوكرامي حتى صرت بالكاد لا أعرف نفسي، لم اكن ادخل ابدا في بوستات من هذا النوع، وهذه اول مرة في حياتي اخوض صراع اسفيري لاعلاقة له بالفكر، ولكنها كانت خطوة ضرورية لفهم الاسافير على حقيقتها، حيث المؤامرات والدسائس والاقنعة الوهمية للجبناء الذين لا يكتبون بأسماءهم. والمهرجين الذين يودون ان يضحكوا ويجدوا فقط فرصة للإستهزاء بأحدهم او التقليل من شأنه، والمغرضين الذين يرفضون رؤية الحقائق الماثلة أمامهم رغبة منهم في الانتصار لطرف لصالح طرف، والمستمتعين بالوضع ولايريدون لهذه التسلية الاسفيرية ان تنتهي.
لقد ارتكبت في الايام الماضية عددا مقدرا من الاخطاء لا ادري ان كان سيأتي يوم وأسامح نفسي عليها أم لا، ولكن وليعلم الجميع أنني لم اكن انشد شيئا سوى الحقيقة ولا شيء سواها.
وهذا اعتذار اخر لكل شخص أحسن الظن بي وبقدراتي وخذلته، وكل شخص رأى انني انتهك خصوصياته، وكل شخص رأى انني ظلمته بدون وجه حق.
لو كانت هناك فائدة من التجربة التي مررت بها، وهي انني توصلت الي حقيقة انني لا اصلح للحياة الاسفيرية من قريب ولا من بعيد، لذا يجب علي الانسحاب فورا من الاسافير، فلدي حياة اخرى كاملة أخوضها وعيوب شخصية علي قضاء وقت اطول مع نفسي لكي اعمل على إصلاحها وأتمنى ان اوفق. وأرجو ان يكفيني ما تبقى لي من العمر على اصلاح نفسي وتنقيتها من شوائب الرغبات الذاتية والميل الي الانتصار لها على حساب الحقيقة.
هذه أخر مداخلة لي في سودانيزاونلاين، وأتمنى ان لايفهم انسحابي هذا من قبل الاصدقاء على انه جبن بقدر ما هو محاولة للتكفير عن أخطائي وأرجو منهم مسامحتي والغفران لي.
كل شخص قرأ لي كلمة وشعر انها مسيئة في حقه او تجرح مشاعره، له مني شديد الاعتذارات وعليه ان يعلم انني لم اكن اقصد ان اسيء اليك...
كل متداخل في بوستاتي رأى انني رددت عليه بعنف غير مبرر فله مني العتبى حتى يرضى...
وللأصدقاء اقول: اسف على خذلانكم فأنتم اقدر مني على فعل ما فشلت انا فيه، وهو اجلاء الحقيقة ورد الحقوق لأهلها...
ولبكري ابوبكر: شكرا لك، فما وفرته لي انا شخصيا من مساحة حرية للتعبير عن ارائي لم يوفره لي اي شخص في هذه الدنيا.
|
|
 
|
|
|
|
|
|
|
|
Re: تنويه ... إعتذار ... إنسحاب (Re: Shihab Karrar)
|
Quote:
وهذا اعتذار اخر لكل شخص أحسن الظن بي وبقدراتي وخذلته |
سلامات يا باشمهندس
أدعي أني واحد من الأشخاص الفوق ديل
ويا مان الدنيا ما خربت وبإذن الله تتوفق في ساحات تانية طالما اخترت الابتعاد عن المكان دا
وأهلنا قالو: "العترة بتسمح المشية"
بالتوفيق يا شاب
| |
|
|
|
|
|
|
|
|
|
Re: تنويه ... إعتذار ... إنسحاب (Re: سارة علي)
|
تحياتي يا شهاب
ولا اجد سوي ان اقول شكرا لشجاعتك في الاعتذار
واتمني من الاخ حاتم ان يتقبل هذا الاعتذار بكل تسامي
طالما تربطكم اواصر الجيرة والكلية والمدارس المختلفة والعمل
والصداقة الاصيلة لن تموت بل تقوم وتقيم منعرجاتها بكل شجاعة
ومسئولية
| |
|
|
|
|
|
|
|
|
|
Re: تنويه ... إعتذار ... إنسحاب (Re: سارة علي)
|
| Quote: انك اتقمصت دور المحقق شدددديد.. |
محق شنو يا ساره اختي ...ده عندو غرض وغرضو هو كشخص مدعي انو لا ديني وعميق وصاحبو هشام ادم كشخص خاشي في وهمة انو ملحد ...عشان يوقعوا السلفي محمد E سليمان في الموضوع اللاخلاقي بتاع بوكرامي المزيف ...وعامل فيها مشتت للكوره ...
| |
|
|
|
|
|
|
|
|
|
Re: تنويه ... إعتذار ... إنسحاب (Re: سارة علي)
|
ياخ والله بعد قريتو تاني لقيتك بتخم فينا تاني Quote: وهنا أدركت أنني ارتكبت خطأ فادح في حق صديقي حاتم، وإنه فعلا تغيير الي الحد الذي لم أكن ارغب في تصديقه. وصار من نوع الناس الذين يسجلون الاحاديث الخاصة وينشرونها. وهذا شيء عادي كان يجب ان اتوقعه، فعامان ونصف في الغربة يمكن ان تفعل اي شيء.
أنا اعتذر لك يا حاتم النويري، عن كوني شككت في ان الشخص الذي سجل لي الماسنجر لايمكن ان يكون حاتم الذي اعرفه، فأنت فعلا حاتم النويري بشحمه ولحمه... ولك الحق في اي شيء ترغب في اتخاذه.
كما اعتذر أعتذارا اخر لكل شخص تسبب له في ازعاج بشكوكي وتحليلاتي الخاطئة ... وبالذات الاخ خضر الذي أوهمته وأقنعته ان حاتم الذي اعرفه لايمكن أن يفعل بعض الاشياء، والتي اتضح لي للأسف الشديد أنه ممكن. |
يا ابو الشباب موضوع تسجيل المسنجر جا بعد انت اعلنت اتهاماتك اولريدي
يازول قول لاوزت بيك المحكمة ساي
| |
|
|
|
|
|
|
|
|
|
Re: تنويه ... إعتذار ... إنسحاب (Re: Shihab Karrar)
|
Quote: أنا اعتذر لك يا حاتم النويري، عن كوني شككت في ان الشخص الذي سجل لي الماسنجر لايمكن ان يكون حاتم الذي اعرفه، فأنت فعلا حاتم النويري بشحمه ولحمه... ولك الحق في اي شيء ترغب في اتخاذه.
كما اعتذر أعتذارا اخر لكل شخص تسبب له في ازعاج بشكوكي وتحليلاتي الخاطئة ... وبالذات الاخ خضر الذي أوهمته وأقنعته ان حاتم الذي اعرفه لايمكن أن يفعل بعض الاشياء، والتي اتضح لي للأسف الشديد أنه ممكن.
وأعتذر للأخ بكري بسبب تشكيكي في هوية احد أعضاء المنبر دون مسوغات مقنعة...
وأعتذر لك مرة اخرى حاتم النويري، وسنتقابل وجها لوجه – ما دام يفصل بيننا الخور فقط - يوم ما ولابد ان هناك حقائق كثيرة ستظهر الي ذلك اليوم، وسأبرر لك الكثير وعليك انت تبرير الكثير. ولكن هذا لا يعني انني ارتكبت في حقك خطأءا فادحا. |
الاخ شهاب
شكرا لاعتذاراتك للجميع والتي لم تكن في حاجة لها لو انك تريثت بعض الشئ
| Quote: اليوم فقط عرفت اية هوة سحيقة أنجرفت اليها او جرفتني اليها قضية بوكرامي حتى صرت بالكاد لا أعرف نفسي، لم اكن ادخل ابدا في بوستات من هذا النوع، وهذه اول مرة في حياتي اخوض صراع اسفيري لاعلاقة له بالفكر، ولكنها كانت خطوة ضرورية لفهم الاسافير على حقيقتها، |
| Quote: لقد ارتكبت في الايام الماضية عددا مقدرا من الاخطاء لا ادري ان كان سيأتي يوم وأسامح نفسي عليها أم لا، ولكن وليعلم الجميع أنني لم اكن انشد شيئا سوى الحقيقة ولا شيء سواها |
.
جميل جدا ان تتوصل لهذه الحقائق وان تخرج منها بعبر ودروس تنفعك في مقبل ايامك..
| Quote: هذه أخر مداخلة لي في سودانيزاونلاين، وأتمنى ان لايفهم انسحابي هذا من قبل الاصدقاء على انه جبن بقدر ما هو محاولة للتكفير عن أخطائي وأرجو منهم مسامحتي والغفران لي. |
انت ترتكب خطأ بأنسحابك ويمكنك اصلاح ما بينك وبين صديقك وابن الحي الاخ حاتم وهو انسان بمعنى الكلمة وسوف يصفح كما يمكنك ان تزيل ما علق بنفوس البعض من القراء وذلك بالبقاء وسط الناس وعدم التسرع في الاحكام فالناس ظروف..
المواجهة (مواجهة النفس) من اصعب الاشياء وها انت تبدأ ذلك..
ودي
| |
|
|
|
|
|
|
|
|
|
Re: تنويه ... إعتذار ... إنسحاب (Re: BAKTASH)
|
| Quote: وقرر ترك المنبر بسلام فلنتركه يذهب بسلام...هكذا اتمني |
والله نتركه بسلام دي اصلو ما ممكن يا عبدالكريم اخوي ...والله اعتذارات ناس المنبر دي اصلو ما عندها معني ...
والله قريت كلام الزول الفوق ده ... ياخي احترتا انو الزول ده بقي لا ديني كيف ... ياخي الزول ده امكانياتو تعبانه ولايوق ... وقدرتا اعرف انو في صنفين من اللادينين جزء بلا اخلاق وجزء عاملين في عميقين ساكت اها زولنا ده يندرع في الاولانيه ...
| |
|
|
|
|
|
|
|
|
|
Re: تنويه ... إعتذار ... إنسحاب (Re: Elsanosi Badr)
|
شهاب كرار
اولا انك لم تكن امين مع نفسك او مع الآخرين وانت تتصدى
لقضية حساسة كهذه. فلا تلوم من اكتشف ذلك ورد عليك قبل
انت تكتشف انت ذلك.
هاشم ادم ولا انت الحادومتر . فلو كنتما صادقين وشريفين
ليس معنى ذلك ان الالحاد صاح. والعكس ايضا كذلك .
فالمسالة اعمق من ذلك بدرجة كبيرة.
لا أظن ان ابتعادك عن المنبر سينير لك الطريق لتكتشف نفسك
وتصلحها ولا وجودك هنا ايضا سيفعل ذلك. فالمطلوب هو الصدق الصدق
والابتعاد عن هوى النفس وهذا الأمر صعب وشاق وميزانه دقيق . فلربما يندفع
الشخص فى امر ما وهو مؤمن بانه الحق ولو دقق فى الأمر لوجده احد حبائل النفس.
واخيرا اتمنى لك التوفيق اذا بقيت او ابتعدت .
| |
|
|
|
|
|
|
|
|
|
Re: تنويه ... إعتذار ... إنسحاب (Re: BAKTASH)
|
Quote: وصار من نوع الناس الذين يسجلون الاحاديث الخاصة وينشرونها. وهذا شيء عادي كان يجب ان اتوقعه، فعامان ونصف في الغربة يمكن ان تفعل اي شيء.
|
| Quote: أنا اعتذر لك يا حاتم النويري، عن كوني شككت في ان الشخص الذي سجل لي الماسنجر لايمكن ان يكون حاتم الذي اعرفه، |
Quote: ان حاتم الذي اعرفه لايمكن أن يفعل بعض الاشياء، والتي اتضح لي للأسف الشديد أنه ممكن.
|
يا شهاب ياخي ما كان في طريقه اعتذارك يكون بلا الكلام الفارغ ده ؟
| |
|
|
|
|
|
|
|
|
|
Re: تنويه ... إعتذار ... إنسحاب (Re: Hussein Mallasi)
|
خضر مسكين يا ملاسي
وشهاب كرار نفسه مسكين
وانا ذاتي قربوا يطلعوني مسكينه زيهم
كلهم ضحيه لصديق يحركهم من الخلف
وهو منتحل شخصية بوكرامي بكل تأكيد.....
Quote: | Quote: وبالذات الاخ خضر الذي أوهمته وأقنعته |
كنت عارف إنو خضر مسكين بس ما كنت قايلو مسكين للدرجة دي, |
والشعب السوداني اغلبه مساكين واغلبه ضحايا مثل روزمن عثمان واسرتها!!
لاحول ولاقوة الا بالله العلي العظيم
والضحيه الآخير الحبشي صدقوني.
ود هامش ساي عامل فيها حقاني
وسط جهابزة الجلابه هؤلاء!!
يا الحبشي قاليل كونك شايقي دي كفايه؟؟؟
يا حبيب الجلبنه دي لها طقوس ورتشو وحركات و انت طلعت جاهل بيها
هي روزمن بطولها وعرضها طلعت مهمشه معانا(هههههههه)
وباعهوا واشتروها في سوق الله اكبر ده قدام خلق الله!!
يا اخوي مالك ومال البلاوي ديل؟؟
| |
|
|
|
|
|
|
|
|
|
Re: تنويه ... إعتذار ... إنسحاب (Re: أمين محمد سليمان)
|
الأخ شهاب لا معرفة لي به الا من خلال بوست بوكرامي..
لم أتردد فى اعطائه الباسورد ولو كان مكانه الاخ حاتم على أو الأخ وليد المبارك لفعلت ما فعلت
مداخلات المهندسين الثلاث التي أذكر من غير رجوع للارشيف مداخلات جادة وتدل على شهامة ابن البلد (شهاب مداخلات مهذبة جادة وان اختلفنا معه
, حاتم تداخله فى بوست لتراجي بخصوص تهكير حسابها على الفيس بوك وتقديمه المساعدة , ووليد غضبته من بوست تراجي الأخير وان اختلفت جزئيا معه )
أجبت زوجي بعد سؤاله كيف أدي الباسورد لزول ما بعرفه ..أنه ايميلي ما فيه حاجة أخاف منها أو أخجل منها ..وكان رده ...أنت ما بتتوبي!
رجوعا للنقطة الاساسية ..
موضوع الأخوة حاتم وشهاب موضوع يرتبط بعلاقات انسانية سابقة وطيدة
و أرجو أن نضع فى الأعتبار أن سبب المشكل هو بوست بوكرامي الذي لم يسفر عن شييء_رغبة الجميع فى المساعدة _
,وما تفتق عنه اتهامات متبادلة وصراعات مؤسفة..وخوفي على المزيد منها وفي النهاية من غير طائل .
موقفي هنا يقارب موقفي من تراجي فى موضوع النسبة ...ان نقدر امتلاك احدهم شجاعة الاعتذار والاقرار بالخطأ وهى ما نفتقد ,والشاهد قضيتي المفتوحة..
لا مضيعه للحقوق وانما اعلاء لقيمة الاعتذار ما لم يرتض المتضرر بصيغة الأعتذار أو مدى صدقه أولفداحة الخطأ وله كل الحق بذلك .والامر متروك له أولا وأخيرا.
والله وحده أعلم بالنوايا ..
تقديري واحترامي للجميع
| |
|
|
|
|
|
|
|
|
|
Re: تنويه ... إعتذار ... إنسحاب (Re: Amjed)
|
ونقطة تانية يا شهاب
لا اعتقد ان حاتم النويرى بشهادة من عرفه ان يقوم
بدعوى قضائية ضدكما اعتذرت ام لم تعتذر.
فهناك العشرة والزمالة وهناك الأهل والعلاقة بينهم فلا اظن
ان حاتم ينسى كل ذلك
| |
|
|
|
|
|
|
|
|
|
Re: تنويه ... إعتذار ... إنسحاب (Re: ود محجوب)
|
Quote: لا أظن ان ابتعادك عن المنبر سينير لك الطريق لتكتشف نفسك
وتصلحها ولا وجودك هنا ايضا سيفعل ذلك. فالمطلوب هو الصدق الصدق
والابتعاد عن هوى النفس وهذا الأمر صعب وشاق وميزانه دقيق . فلربما يندفع
الشخص فى امر ما وهو مؤمن بانه الحق ولو دقق فى الأمر لوجده احد حبائل النفس.
واخيرا اتمنى لك التوفيق اذا بقيت او ابتعدت . |
ود محجوب
| |
|
|
|
|
|
|
|
|
|
Re: تنويه ... إعتذار ... إنسحاب (Re: Amjed)
|
| Quote: وشهاب كرار نفسه مسكين |
يا تراجي الزول ده عامل فيها عميق ومشتت للانتباه ... هسي لامن جات سيرة المحكمه دس (ضنبو) ومارس عمقو ولولوته وكلامو الفارغ الفوق ده و طلعتوه مسكين ...
| |
|
|
|
|
|
|
|
|
|
Re: تنويه ... إعتذار ... إنسحاب (Re: Elsanosi Badr)
|
Quote: لا اعتقد ان حاتم النويرى بشهادة من عرفه ان يقوم
بدعوى قضائية ضدكما اعتذرت ام لم تعتذر. |
والله يا ود محجوب اخوي كتر خير حاتم اللوح بالمحكمة و(جفلت) لينا زولناالعميق ده ... لكن بيني وبينك يجب ان تكون هناك محكمه عشان اي زول يعرف يمد رجلو علي قدر بطانيتو ... ويبطلو التشتيت البيسوو فيهو ده ...
| |
|
|
|
|
|
|
|
|
|
Re: تنويه ... إعتذار ... إنسحاب (Re: Elsanosi Badr)
|
Quote: والضحيه الآخير الحبشي صدقوني.
ود هامش ساي عامل فيها حقاني
وسط جهابزة الجلابه هؤلاء!!
يا الحبشي قاليل كونك شايقي دي كفايه؟؟؟
يا حبيب الجلبنه دي لها طقوس ورتشو وحركات و انت طلعت جاهل بيها |
تصدقي وتآمني بالله يا تراجي: أول مرة أنتبه لهامشية الحبشي دي!
| |
|
|
|
|
|
|
|
|
|
Re: تنويه ... إعتذار ... إنسحاب (Re: Ashraf el-Halabi)
|
كتب شهاب:| Quote: وأعتذر للأخ بكري بسبب تشكيكي في هوية احد أعضاء المنبر دون مسوغات مقنعة... |
فعلق أستاذنا أبو بكر: | Quote: وكمان فيها شكاوى من وراء ظهر الناس لسيد الحوش ... إنت فضّل ليك شنو ما عملتو يا أخ؟ |
أظن أن شهاب يقصد بوسته عن النويري ولا يقصد مراسلة بكري بالخصوص
| |
|
|
|
|
|
|
|
|
|
Re: تنويه ... إعتذار ... إنسحاب (Re: Ashraf el-Halabi)
|
سلام يا شهاب،
معليش، لكن سؤال بسيط
يعني كان غالبك "تقطع الخور" وتجيب رقم تلفون حاتم النويري من أسرته قبل ما تكتب مقالك البتشكّك فيه في شخصيّتو؟
ولا سودانيز أونلاين أقرب ليك من بيتهم؟
يا جماعة، في نقطة عايز أنبّه ليها
الإعتذار واجب علي المخطئ وحق للمظلوم
يعني ما تكرّم من المخطئ نشكره عليه
| |
|
|
|
|
|
|
|
|
|
Re: تنويه ... إعتذار ... إنسحاب (Re: Khalid Osman Jaafar)
|
Quote: كتب شهاب:
Quote: وأعتذر للأخ بكري بسبب تشكيكي في هوية احد أعضاء المنبر دون مسوغات مقنعة...
فعلق أستاذنا أبو بكر:
Quote: وكمان فيها شكاوى من وراء ظهر الناس لسيد الحوش ... إنت فضّل ليك شنو ما عملتو يا أخ؟
أظن أن شهاب يقصد بوسته عن النويري ولا يقصد مراسلة بكري بالخصوص |
أشرف سلامات
كنت قد فهمت أن الإعتذار عن البوست سيكون لكل الناس ...فقلت ما قلت...
أجد وجاهة فى فهمك بأن المقصود الإعتذار بسبب البوست وليس لسيد الحوش... وقد ترَجّح ما قلته برسالة وردتنى تؤكد ما ذهبت إليه....
| |
|
|
|
|
|
|
|
|
|
Re: تنويه ... إعتذار ... إنسحاب (Re: BAKTASH)
|
ياخوانا استهدوا بالله وخلونا ننظر للأمور من زاوية عقلانية مش عاطفية ..
الأعتذار كقيمة أخلاقية في حد ذاته جديد على مجتمعنا..
والناس بتعمل على ترسيخه كثقافة عامة بين اجيالنا عشان ينتقل للبعدينا..
هو غير عدم الاعتذار وثقافة العزة بالاثم شنو الوسع الفتوق الاجتماعية والسياسية في وطنا؟
لما نحن نتعامل مع المعتذر بهذه القسوة مين تاني بالفكر يعتذر عن خطا سواء كان متعمد ام غير متعمد؟
مؤكد كل واحد يغلط حيركب راسة ويعاند ويفضل تدينه المحكمة ولا ينبشوا الناس..
خاصة ونحن عارفين نفسيات بعضنا كسودانيين وحساسيتها المفرطه تجاه التقريع البقع وسط الجمع..
الأخ شهاب اجتهد في حدود مقدرته الفنية بنية تقديم مساعدة..
غير انه ارتكب خطئين :
* تجاوزه لحدود اختصاصة برميه زميله وولد حيه بشبهة الشك في شخصيته ..
* وتأخره في الاعتذار على الرغم من الايضاحات التي قدمها الاخ حاتم ..
كان ولا زال لهذا الشك وقع مزعج ومؤلم على الأخ حاتم من وجهتين..
الاولى: حدوثه من زميل دراسته وابن حيه ان لم يكن جاره..
الثانية : ان الشك حدث في ظروف معضلة غامضه مجهولة الفاعل..
الامر الذي يسهل معه ان ينال اقل شك المعقولية ان لم يكن القبول في ذهن المتلقي..
مما يرتب ضررا على سمعة الأخ حاتم بين معارفه ومن يقرؤن له..
وكما ذكر الاخ عبد الكريم فالاعتذار لا يعيق حق الاخ حاتم ان شاء المضي قدما في اجراءات التقاضي ..
ولكن بلا شك سوف تضع المحكمة اعتبارا لهذا الاعتذار المبذول للكافة في ذات الموقع..
اثمن هذا التصرف من الأخ شهاب واشجع عليه ..
والحق الخاص بالطبع متروك لارادة الاخ حاتم ..
فهو رجل ماتيور وقادرعلى تقدير ايجابيات وسلبيات قيوله من رفضه.
| |
|
|
|
|
|
|
|
|
|
Re: تنويه ... إعتذار ... إنسحاب (Re: BAKTASH)
|
زول كــذاب و منافق
من البداية تدخلت علشان تجوط الموضوع
من البداية كان هدفك الكذب و النفاق
لعبت دور قذر جداً لكي تظهر الباطل على أنه حق
لعنة الله على كل كذاب و منافق
| |
|
|
|
|
|
|
|
|
 Re: تنويه ... إعتذار ... إنسحاب (Re: ABUHUSSEIN)
|
يا ملكـ .. البهرجل يستحمل الجلد في الطابور!!
_
اعتذار فطير زي اتهاماتكـ الفطيرة!
زي ما جيت جاري لينا زي الشافع اللقى حلاوة حربة
وبذلت اتهامات مجانية .. تعال اعتذر بكلام حي!!
قول أنا غلطت ومتحمل النتيجة كلها .. ما تقعد
تبرر و(تبربر)!!
سؤال: من وين جبت الإيبيهات بتاعت (سودانيز هوم)
وأنا جادي في السؤال دا لأنو بوديكـ بيهو المحكمة!!!
ولما ننتهي من الحكاية دي تجي تورينا الحاصل في بورض بكري!
زي ما قلت بعضمة كيبورضكـ ..
وزي ما قلت ليكـ .. عاوز تهرجل .. تتحمل الجلد في طابور الصباح .. وأربعة كُبار!
_
ولسع في الجراب يا شهاب .. عشان تاني ما تنظر فينا!
| |
|
|
|
|
|
|
|
|
|
Re: تنويه ... إعتذار ... إنسحاب (Re: Elsanosi Badr)
|
| Quote: والله يا ود محجوب اخوي كتر خير حاتم اللوح بالمحكمة و(جفلت) لينا زولناالعميق ده ... لكن بيني وبينك يجب ان تكون هناك محكمه عشان اي زول يعرف يمد رجلو علي قدر بطانيتو ... ويبطلو التشتيت البيسوو فيهو ده ... |
شيخ العرب السنوسى
تحياتى
ياخى لا تعينوا الشيطان عليه
عسى ولعل
ياخى ربنا كريم
وغفور ورحيم
| |
|
|
|
|
|
|
|
|
|
Re: تنويه ... إعتذار ... إنسحاب (Re: AnwarKing)
|
Quote: وهنا أدركت أنني ارتكبت خطأ فادح في حق صديقي حاتم، وإنه فعلا تغيير الي الحد الذي لم أكن ارغب في تصديقه. وصار من نوع الناس الذين يسجلون الاحاديث الخاصة وينشرونها. وهذا شيء عادي كان يجب ان اتوقعه، فعامان ونصف في الغربة يمكن ان تفعل اي شيء.
|
يا شهاب النقطة دي وضحوها ليك كم مرة في البوست السابق ، لقد غيرت أنا جهازي المحمول قبل عدة أشهر وذات مرة أبحث في المفضلة فوجدت كل محادثات الماسنجر موجودة ، ولا زالت ، ولها عدة أشهر . هذا شيء طبيعي يا مهندس ، وكونك تجعله نقطة محسومة للحكم أو الشك في الراجل دي نقطة من نقاط عدم توفيقك ، وللأسف أنت تذكرها حتى في اعتذارك.
Quote: وأعتذر للأخ بكري بسبب تشكيكي في هوية احد أعضاء المنبر دون مسوغات مقنعة...
|
ويا راجل من باب محبة الخير ليك برضو أرجو منك أن تراجع مواقفك من الإسلام وتشريعاته ، فأنت تسرح وتمرح في هذا المنبر في التشكيك في الدين ، وتفتخر بعبارتك : "أنا لا ديني ولا أؤمن بالله ولا برسوله" .
وقد تداخلت معك قبل أسبوعين في بوست "ماذا خسر الإسلام بإلغاء الرق" وتيقنت من حجم ما لديك من معلومات !! وقد تركت شريطك يذهب بعدها وكأنه "جنازة بحر"!!
فطالما أنك ستخلو بنفسك وتراجع أشياء كثيرة ، فراجع معك هذا الجانب فإنه أعظم مما جئت لتبذل له الاعتذار هنا.
| Quote: وأرجو ان يكفيني ما تبقى لي من العمر على اصلاح نفسي وتنقيتها من شوائب الرغبات الذاتية والميل الي الانتصار لها على حساب الحقيقة. |
.......
الأخ / حاتم النويري ، واثقون من أن خلقك الكريم وما ظهر للجميع عبر مداخلاتك وموقفك في هذه القضية وما سطرته من عبارات فيها ، واثقون من أنك بإذن الله ستقبل الاعتذار وتطوي هذه الصفحة ، ولن يخيب ظن الكثيرين بك ممن آلمهم ما أصابك وإن كانوا لا يعرفونك شخصياً.
اعف يا أخي الكريم واصفح ، وقد جاء في حديث أَبِى هُرَيْرَةَ رضي الله عنه عَنْ رَسُولِ اللَّهِ -صلى الله عليه وسلم- قَالَ: « مَا نَقَصَتْ صَدَقَةٌ مِنْ مَالٍ وَمَا زَادَ اللَّهُ عَبْدًا بِعَفْوٍ إِلاَّ عِزًّا وَمَا تَوَاضَعَ أَحَدٌ لِلَّهِ إِلاَّ رَفَعَهُ اللَّهُ »رواه مسلم.
وقد جاء في الترمذي بيان أن أحد أبواب الجنة هو باب للـ"عافين عن الناس" لا يدخل منه أحد غيرهم.
وهذا كما لا يخفى عام ، كيف بالجار والزميل ؟!
وقدرك معروف بين من يعرفوك ، وسعد بمعرفتك من لم يكن يعرفك سابقاً،،،
| |
|
|
|
|
|
|
|
|
|
Re: تنويه ... إعتذار ... إنسحاب (Re: ود محجوب)
|
كنت أتوقع اعتذارا صريحا مباشرا للأخ محمد الحسن سليمان، فقد ناله من الأذى أكثر مما نال الأخ حاتم النويري، لأن شهاب كان يلمح إلى أن محمد الحسن سليمان هوالكاذب والمنتحل، وما حاتم إلا ضحية انتحال له... وبحمد الله لم تزد هذه الاتهامات الأخ محمد الحسن إلا تأكيدا لصدقه ودقة عباراته.
كذلك لا أتعجب من فعل الأخ شهاب، فالمنطق الذي يجعل الشخص يشك في وجود خالقه بل وينكر وجوده، لا يستبعد منه مثل هذا الشك والإنكار في في حق الأخ حاتم.
| |
|
|
|
|
|
|
|
|
|
Re: تنويه ... إعتذار ... إنسحاب (Re: محمد عبد الماجد الصايم)
|
..
.
انت بالذات عذرك دا ما مقبول
لانو موقفك كان بايخ ######يف ..
وزول بتنكر لزميله وجارو وبعد احاديث
وتلفونات دل زولا ما منو نفع ..
ولمن بقت فيها محاكم وجرجرة بقيت على الاعتذار..
حسي تعال عيد الاعتذار دا لاصحاب الشأن
شخصيا .. مرة تانية ..
--------
مفترض انت ما تنسحب براكـ حقيقة
القائمة مفترض تكون متواصلة لو الناس بتحس ..
عفنتو المنبر.. ياخ
| |
|
|
|
|
|
|
|
|
|
Re: تنويه ... إعتذار ... إنسحاب (Re: محمد عبد الماجد الصايم)
|
عارف يا أخ شهاب
بالجد كنت بفتش لي بوردابي في أبوظبي هنا وأمس أتصل علي حاتم
بالجد زول رائع وكامل والكمال لله وشخص معرفته كنز وبركة ومكسب كبير والحمد لله
يعني مستحيل يجي يوم يكون عندي واحد من المعارف والأصدقاء الزي حاتم ديل وأجي يوم اشكك فيهم ولا حتى أغلط عليهم بالصورة الماحلوة الأنت عملتها دي بل حتى بيني وبين نفسي كمان
ليك تتخيل الأسى والحسرة الكان بتكلم بيها حاتم من البوست المعني حاجه مؤسفة وفي الأخر الأمر متروك لصاحب الأمر
| |
|
|
|
|
|
|
|
|
|
Re: تنويه ... إعتذار ... إنسحاب (Re: فايزودالقاضي)
|
..
.
Quote: شهاب كان معتقد لدرجة اقرب الى اليقين لاسباب بالنسبة له
مقنعة بأن الاخ محمدالحسن يكتب باسم صديقه النويري لذلك اتهامه
لمحمدالحسن كان دفاعاً عن النويري وبإستماته وليس العكس |
صديقة شنو ؟؟ ياخى صديقك اتكلم معاك فى الماسنجر
وفى التلفون وقال ليك انا زميلك وصحبك فلان ..
وتسالو عن موضوع وتعتذر تقول ليه انت قايلك الحبشى
ومتين اطورت بقيت تخش نت ؟؟
وومتين اغتربت ؟؟
ومتين اسلوبك اتغير ؟؟
وتقفل الخط وتجى تفتح بوست تقول ليه انت علاقتك شنوبنفس الشخص
السالتو منو؟
شهاب دا قايل نفسو الناس واقفه بطبعها
وافكارها بس هو المقددة .. وفى النهاية طلع
زاتوو ما نزيهة ..
-----------
ياخى اسم والد صحبك ما عارفو جاى
ينظر
| |
|
|
|
|
|
|
|
|
|
Re: تنويه ... إعتذار ... إنسحاب (Re: فايزودالقاضي)
|
والله فعلا الواحد بقى قاعد ساي في البورد .. ما ناقش اي حاجة ..
ياخ بقرا في الاعتذار دا من أول البوست لي نهايتو .. ما قادر اركز ..
شهاب دا منو .. وكرامي دا منو .. ؟؟ 
قـف ..
Quote: بدر السنوسي .. بما أنكـ مشرّف في البوست
دا وقانص فيهو .. أطالبكـ باعتذار صريح وواضح لي أنا
باقي الناس العاينت ليكـ ساي دي بطريقتم!! |
.. هل بدر السنوسني دا عمل اي حاجة ما في مكانه تستوجب الاعتذار .. لانو الزول دا سفير نوايا حسنة .. وبيناتنا مشاريع مشتركة في طور التكوين ..
قـف ..
إنتو شهاب دا منو يا جماعة ..؟
| |
|
|
|
|
|
|
|
|
|
Re: تنويه ... إعتذار ... إنسحاب (Re: tmbis)
|
تمبس يا عمكـ .. بدر السنوسي دا قال لقانا قاعدين
مع بعض في بوست عاملين تفاكر وعصف ذهني .. اتقمّص
لينا شخصية الباقــر جكـس .. وأدانا النجيضة ومـرق!
Quote: اي كان الفاعل فلعنة الله عليه والملائكة اجمعين ....
اكثر ما يثير الغثيان ان البعض يفترض الغباء في البعض هنا ومحاولة الغتغته والتحذلق ...
يتغامز البعض ويلوكون في الكلام زي (الحمير) التي تلوك الحشائش ...
في انسانه من لحم ودم تحطمت بفعل عمل صبياني طائش من اشخاص بلا ضمائر وياتي البعض يلوك في الكلام ويغتغتوا لبعض ...
ياخي لعنة الله عليكم اجمعين |
Re: قصة الناقد سعيــد بوكرامي ...
بدر .. ما تحاول تعدلا .. مكبشرة في أمانة الله!
| |
|
|
|
|
|
|
|
|
|
Re: تنويه ... إعتذار ... إنسحاب (Re: محمد عبد الماجد الصايم)
|
Quote: تمبس يا عمكـ .. بدر السنوسي دا قال لقانا قاعدين
مع بعض في بوست عاملين تفاكر وعصف ذهني .. اتقمّص
لينا شخصية الباقــر جكـس .. وأدانا النجيضة ومـرق! |
المثقفاتي الشايل باسويرد ود الصايم احسن يرجّعها ليه من سكات
وإلاّ ح نمشي المحكمة
| |
|
|
|
|
|
|
|
|
 Re: تنويه ... إعتذار ... إنسحاب (Re: محمد عبد الماجد الصايم)
|
Quote: تمبس يا عمكـ .. بدر السنوسي دا قال لقانا قاعدين
مع بعض في بوست عاملين تفاكر وعصف ذهني .. اتقمّص
لينا شخصية الباقــر جكـس .. وأدانا النجيضة ومـرق! |
.. شكرا يا عمك .. المعلومة دي مفيده جدا في مشروع الشراكة الذكية بيني وبين بدر السنوسني 
| |
|
|
|
|
|
|
|
|
|
Re: تنويه ... إعتذار ... إنسحاب (Re: tmbis)
|
ياخي والله انت زول ملولو وفايت اللولوة بي غادي
ياخي بس هسي ام اخونا حاتم دة لاي سبب ما شكت انه ولدها دة عنده عوجة
حا تكون قلقت منامها ياخي وهريتها هري
ياخي الله يهديك غايتو
عملت في الناس جنس عمايل
| |
|
|
|
|
|
|
|
|
|
Re: تنويه ... إعتذار ... إنسحاب (Re: tmbis)
|
Quote: أطالب أي واحد من بورضاب الرياض يجيب الفطـور
ويجيني في المكتب عشان نحسم المسألة دي!! |
.. معاك يا زول .. في بتاع كودو قدامك شوية يا معلم .. جمب بتاع الدونات اخطف رجلينك الاتنين وجيب ليك تلاتة ساندوتشات .. اتنين لي حميدة وواحد لي شخصكم .. انا من النوعية المعدتي ما بتستوعب اكلات الاستلاب دي .. ربما اتصل علي عمران يعمل لي حساب معاو في (سخينة) بي كسرة .. يا اي لغاويس موغله في السودانوية .. كدا الواحد بقدر يساهم معاكم بي صورة جادة في مشروع العمل المشترك في فض النزاع وحسم الأمور بي فهم متقدم ..
ملحوظة:
الحاجة المستغرب ليها لحدت الآن .. إنو محمد البشرى الخدر دا تم ليهو ربع ارشيفي كامل ما اتوقف وعايز كمان يساهم في المشهد الثقافي
| |
|
|
|
|
|
|
|
|
|
Re: تنويه ... إعتذار ... إنسحاب (Re: tmbis)
|
| Quote: الحاجة المستغرب ليها لحدت الآن .. إنو محمد البشرى الخدر دا تم ليهو ربع ارشيفي كامل ما اتوقف وعايز كمان يساهم في المشهد الثقافي |
ربعين يا فقر واظنهن تلاتة كان ما اخاف الكضب , الحساب ما تعرف
مهندس انتا؟
| |
|
|
|
|
|
|
|
|
|
Re: تنويه ... إعتذار ... إنسحاب (Re: tmbis)
|
| Quote: . انا من النوعية المعدتي ما بتستوعب اكلات الاستلاب دي .. |
| Quote: يا اي لغاويس موغله في السودانوية |
كلامك دا جواب نهائـي ..؟؟
يعني ما بتغيرو ..؟؟
-----------
ما تحاول تعدلو لانو مكبشر !
| |
|
|
|
|
|
|
|
|
|
Re: تنويه ... إعتذار ... إنسحاب (Re: محمد البشرى الخضر)
|
Quote:
محق شنو يا ساره اختي ...ده عندو غرض وغرضو هو كشخص مدعي انو لا ديني وعميق وصاحبو هشام ادم كشخص خاشي في وهمة انو ملحد ...عشان يوقعوا السلفي محمد E سليمان في الموضوع اللاخلاقي بتاع بوكرامي المزيف ...وعامل فيها مشتت للكوره ... |
| |
|
|
|
|
|
|
|
|
|
Re: تنويه ... إعتذار ... إنسحاب (Re: الطيب رحمه قريمان)
|
| Quote: بدر .. ما تحاول تعدلا .. مكبشرة في أمانة الله! |
عفو يا ود الصائم انا اخوك يالرقيقه ... تعديل نوهائي ما معانا وما ادونا ليهو زاتو...
الطاقيه الفوق دي ناسا عارفين روحهم ومنهم سيد البوست زاتو ... ...واي زول عامل فيها صاحبو برضو (الليندرع) معاهو ... أها في (رجاله) اكتر من كده
يمين بالله يا ود الصايم اخوي في ناس كتار هنا منافقين ... و(كاتلين) حيلهم وبيكتبوا كلمتين حلوات ومجاملاتيه وديل هم الاخطر ... never trust people with nice words
and also NEVER trust a Hippy, which lead to hell when his words paved with bad intentions from inside
وبعدين قضية الاعتذارات دي ما عندها قيمه هنا ... لانو الناس بتعمل علي تفريقها من معناها ...وبيعملو علي تدبيجها كثقافه ولكنها للاسف خاوية المعني ...
وبعدين هم شبكه يتبادلون الكلمات الرائعه والمزيفة التهذيب لايهام الاخرين ...
ولك الود كلو يا ود الصائم
| |
|
|
|
|
|
|
|
|
|
Re: تنويه ... إعتذار ... إنسحاب (Re: ABUHUSSEIN)
|
| Quote: محق شنو يا ساره اختي ...ده عندو غرض وغرضو هو كشخص مدعي انو لا ديني وعميق وصاحبو هشام ادم كشخص خاشي في وهمة انو ملحد ...عشان يوقعوا السلفي محمد E سليمان في الموضوع اللاخلاقي بتاع بوكرامي المزيف ...وعامل فيها مشتت للكوره ... |
هذه بوكرامي قيت ..وتشير إشارات ذكية
إلى أنه قد تكون هناك علاقة بين الإلحاد وهذه الأعمال؟
شهااااب راجع موضوع الإيمان ...دا الأصل
الفروع كلها ستأتي
ولا ييأسن الإنسان من إصلاح نفسه الأمارة
كنت أتمنى لو كان الاعتذار شاملا محمد إي سليمان
شكرا
| |
|
|
|
|
|
|
|
|
 Re: تنويه ... إعتذار ... إنسحاب (Re: عماد موسى محمد)
|
يعني كلكم نسيتو المصيبة الكبيرة و بقيتو في المصائب الصغيرة
الما عندو دين دا عمل دا كلو علشان إغطي على المصيبة الكبيرة
و هي تهكير إيميل روزمين والإساءة ليها و الإحتيال عليها
و الماعندو ديـن دا عمل كل العمايل دي علشان إحول إنتباهكم
في حاجات جانبية بفتعلها هو و نجح لأنكم ألآن كلكم نسيتو روزمين
و بقيتو في هشام آدم و محمد E سليمان.
لـعـنـة الله عليك يا كـذاب
| |
|
|
|
|
|
|
|
|
|
Re: تنويه ... إعتذار ... إنسحاب (Re: ABUHUSSEIN)
|
الحق حق يازول مافيه لعب ابقى قدر كلامك
شنو مشيت بيتم ولقيت امو وزميلى واشتغلنا سوى وجيران حيطة بالحيطة
قبيل انت ماعملت حساب مالك للحتات الضيقة البتخليك تمشى للأمات
مادام انت اصلا بين الشك واليقين !
اى واحد اجى شايل شوال اتهامات لاواقع لها وعمو ابليس زاتو بكون قال اعوذ بالله منو ! فى الآخر
اجى ينفزر فى نص البوست وهاك يا إعتذرات وكلام مرخرخ وياريت لو اعتذار بين وواضح " اى طوبة داسى تحتة عقرب "
دحين آللخو شيل شيلتك وسيبك من اعتذار وكلام فارغ تمشى تشوف محل حاتم داير يوصل قضيتك وتتابعة بى نفسك الحار بتاع المحقق منو كدة ماعارف !
---------
| |
|
|
|
|
|
|
|
|
|
Re: تنويه ... إعتذار ... إنسحاب (Re: Mohamed E. Seliaman)
|
Quote: كما اعتذر أعتذارا اخر لكل شخص تسبب له في ازعاج بشكوكي وتحليلاتي الخاطئة
... وبالذات الاخ خضر الذي أوهمته وأقنعته ان حاتم الذي اعرفه لايمكن أن يفعل بعض الاشياء،
والتي اتضح لي للأسف الشديد أنه ممكن |
خضر من البداية أنا نصحتك
لكنك أصررت على أن تمسك براحتيك ريح
شهاب كرار ،،،
يا جماعة موضوع أحمد صديق حصل فيه شنو ؟
| |
|
|
|
|
|
|
|
|
|
Re: تنويه ... إعتذار ... إنسحاب (Re: Mohamed E. Seliaman)
|
الأخ الكريم دكتور نزار
السلام عليكم ورحمة الله
Quote: كنت أتوقع اعتذارا صريحا مباشرا للأخ محمد الحسن سليمان، فقد ناله من الأذى أكثر مما نال الأخ حاتم النويري، لأن شهاب كان يلمح إلى أن محمد الحسن سليمان هوالكاذب والمنتحل، وما حاتم إلا ضحية انتحال له... وبحمد الله لم تزد هذه الاتهامات الأخ محمد الحسن إلا تأكيدا لصدقه ودقة عباراته.
كذلك لا أتعجب من فعل الأخ شهاب، فالمنطق الذي يجعل الشخص يشك في وجود خالقه بل وينكر وجوده، لا يستبعد منه مثل هذا الشك والإنكار في في حق الأخ حاتم. |
شخصيا لا أنتظر من هذا النكرة أي اعتذار .
جزاك الله خيرا
| |
|
|
|
|
|
|
|
|
|
Re: تنويه ... إعتذار ... إنسحاب (Re: Mohamed E. Seliaman)
|
Quote: لاحول ولاقوة الا بالله العلي العظيم
والضحيه الآخير الحبشي صدقوني.
ود هامش ساي عامل فيها حقاني
وسط جهابزة الجلابه هؤلاء!! |
هههههههههههههههه
والله يا تراجي بعدما رأيت
شرذمة المتخندقين مع المفتري خضر حسين خليل ومناصريه بالباطل والباطل
كدت لا أنازعك تفسيرك العرقي والجهوي
للأمر، لكني وجدت أن ما يجمع بينهم من الغباء
والحماقة أكبر مما يجمع بينهم من العرق والجغرافيا ,.
| |
|
|
|
|
|
|
|
|
|
Re: تنويه ... إعتذار ... إنسحاب (Re: Mohamed E. Seliaman)
|
الأخ الحبشي
تحياتي
إختلفت معك كثيراً في هذا الموقع وظل احترامي لك قائماً ـ لم أجنح يوماً علي الاطلاق بوصفك
بالغباء والحماقة ـ الآن يتعدي وصفك لي الي من وقفوا الي جانبي أنا لا أطلب منك الكثير
سوي الاعتذار عن الموضح أدناه
Quote: والله يا تراجي بعدما رأيت
شرذمة المتخندقين مع المفتري خضر حسين خليل ومناصريه بالباطل والباطل
كدت لا أنازعك تفسيرك العرقي والجهوي
للأمر، لكني وجدت أن ما يجمع بينهم من الغباء
والحماقة أكبر مما يجمع بينهم من العرق والجغرافيا ,.
|
احترامي المعلوم
| |
|
|
|
|
|
|
|
|
|
Re: تنويه ... إعتذار ... إنسحاب (Re: خضر حسين خليل)
|
الأخ العزيز شهاب كرار
تحية طيبة
قرأتُ هنا وهناك بعض الاتهامات بأن حاتم النويري هو محمد إي سليمان
والله بصراحة استعجبتُ لانني أعرف حاتم النويري خارج نطاق الإنترنت وأعرف محمد إي سليمان
وحقيقة لا يوجد رابط بينهما سوى أنهما من شرق السودان، وحتى من الناحية العمرية محمد إي سليمان
يعتبر جداً لحاتم النويري. والموضوع بسيط ما بستاهل الإعتذار والإنسحاب وتيك إت إيزي يا عزيزي
والدنيا دي كلها كوم تراب
تحياتي
| |
|
|
|
|
|
|
|
|
|
Re: تنويه ... إعتذار ... إنسحاب (Re: Mohamed E. Seliaman)
|
| Quote: إنسان مهذب، خلوق، صادق دائما ولا يكذب ابدا مهما كانت المبررات، يعفو ويصفح حتى عن من ارتكب في حقه ابشع الجرائم (سرقة بحثه الاكاديمي)، ذكي جدا للحد البعيد (عاشر الشهادة المتوسطة وأحرز نسبة كبيرة جدا في الشهادة السودانية)، |
طيب والحبشي ؟
| |
|
|
|
|
|
|
|
|
|
Re: تنويه ... إعتذار ... إنسحاب (Re: Mohamed E. Seliaman)
|
| Quote: كما اعتذر أعتذارا اخر لكل شخص تسبب له في ازعاج بشكوكي وتحليلاتي الخاطئة .... |
محلل خطير إنت يا باش (((مهندس))))
| Quote: وبالذات الاخ خضر الذي أوهمته وأقنعته ان حاتم الذي اعرفه لايمكن أن يفعل بعض الاشياء، والتي اتضح لي للأسف الشديد أنه ممكن |
لا تعليق
| |
|
|
|
|
|
|
| |
Shihab Karrar
Elsanosi Badr
محمد البشرى الخضر
Salahaldeen Nadir
Ashraf el-Halabi
سارة علي
عبدالكريم الامين احمد
BAKTASH
أبوبكر أبوالقاسم
ود محجوب
أمين محمد سليمان
Hussein Mallasi
Tragie Mustafa
Yassir Tayfour
rosemen osman
Amjed
khaleel
Khalid Osman Jaafar
محمد على طه الملك
ABUHUSSEIN
محمد عبد الماجد الصايم
AnwarKing
نزار محمد عثمان
فايزودالقاضي
tmbis
طارق جبريل
داليا الكباشى
الطيب رحمه قريمان
Mohamed E. Seliaman
خضر حسين خليل
النذير حجازي
فيس بوك
تويتر
انستقرام
يوتيوب
بنتيريست