|
|
 عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو!
|
هذه المشكلة تؤرق الكثير من المغتربين , حيث يتفاجأ المغترب عند عودته للسودان بأن قطعته قد تم البناء عليها
والسكني , ليضيع بعدها حصاد غربته , ولتبدأ سلسلة من الاجراءات الطويلة والعقيمة تهدر كثير من الوقت والمال.
هناك عدة طرق يتم بها التزوير في قطع الأراضي حتي ولو كانت مسجلة في سجلات الحكومة وبها شهادة بحث
صحيحة باسم المغترب وكل الأوراق لا تثريب عليها , فما هي تلك الطرق؟ وماهي الوسائل التي يمكن بها تفادي
هذه المشكلة الخطيرة , هذا ما ستتم مناقشته في هذا البوست.
|
|
 
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: الصادق يحيى عبدالله)
|
الأخطر من ذلك هو الذي يأتي ممن يدعون طرح أراضي إستثمارية هنا بأسماء شركات لا تملك أراضي
ومثل هذا ما تم من خلال رابطة المهندسين الزراعيين بجدة حيث تحولت بقدرة قادر إلى شركة وادي المقدم في حين أن المهندسين الزراعيين
نفسهم لم يتسلموا أراضيهم التي أكملوا سداد مبالغها منذ عام 2006 وفي ذات الوقت تدعي الشركة (شركة وادي المقدم) بقيادة رئيس رابطة
المهندسين الزراعيين بالمنطقة الغربية ( أبو سارة) أن لديها اراضي لكل مغترب سواء كان مهندساً زراعياً أو غير ذلك من المغتربين فكيف يستوي الأمر
والرابطة أو شركة وادي المقدم المنبثقة من الرابطة نفسها إذا كانت لديها قطع أراضي فمن الأولى أن تمنحها لمن دفعوا من المهندسين
الزراعيين وثم بعد ذلك تسوق البقية إن وجدت فهل هنالك أسوأ من هذا؟؟!!
عاصم فقيري
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Asim Fageary)
|
| Quote: كمان في حاجة غير التزوير وهي ابراج الاتصالات .. احد الاصدقاء في لندن اشتكى لي مُر الشكوى عندما وجد دون سابق انذار برج اتصالات ( مغزوز ) في ارضه في الجريف وحدثني بكل يأس عن ارضه التي تم نهبها جهارا نهارا |
طمئن صديقك انو حالو أحسن بي كثير من حال زول جا يبني علي قطعتو لقاها اتبنت واتسكنت من سنين , صحبك محظوظ لأنو التعدي علي قطعتو مادي وملموس يمكن الناس تشوفو وتتعرف علي الجهة المالكة
للأبــــــــــراج , وعملية مقاضاة الشخصيات الأعتبارية فيها صعوبات لكن ليست بالعلمية المعقدة , يعني مقارنة الحالتين مع بعض حالة صحبك أسهل شوية ولكنها أيضا عايزة سك شديد , ربنا ينصرو علي حقو.
تحياتي
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
Quote: خوي محمد
تحياتي واحترامي
يعني انا كان عندي قطعة ارض بها شهادة بحث من الحكومة ولم افوض اي شخص بالبيع
ممكن واحد يبني فيها وحقي يضيع
ماقالوا الاجراءات الجديدة حدت من الشغلات دي
على العموم منتظرين تنويرك |
أخونا بهاء الدين سليمان
كيفنك ياخي؟
والله للأسف ما داير أخوفك لكن دي الحقيقة , يعني تكون شايل ورقك ونايم قفا , تجي يوم تلقي قطعتك ذاتها بي ذاتها مبنية ومسكونة حتحتاج ليك زمن طويل عشان تصدق الحاصل قدام عيونك , والله في ناس بجنو عديل , معليش عارف اني طممت بطنك لكن أحسن الناس تعرف وتعمل احتياطاتها بدل الندم , وزي ما حتشوف في البوست ده , الكلام حيبقي ليك زي الحلم كده وما أظن تصدق انو ده واقع في السودان.
ربك يستر بس.
تحاياي.
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
Quote: موضوع مهــــــــــــــــــــم جدا... كنت و ما زلت اخشى ان يزور توكيل
باسمي لهذا الغرض خاصة و ان اغلب حالات البيع تتم بتوكيلات فقط. مرابطين
هنا لمعرفة الوسائل الكفيلة بالحفاظ على الممتلكات.
شكرا صاحب البوست على طرح الفكرة و في انتظار نصائحكم التي لا تقدر بثمن |
أخونا الصادق سلام
التوكيلات كمان قصتها قصة تانية والله , وان شاء الله ربنا يستر عليك وعلي الجميع , باذن الله حتلقي في البوست ده النصائح الأكيدة اللي تضمن ليك حقك كامل وتحفظو من التعرض للمشكلات اللي مر بيها كثير من المغتربين وحتي المقيمين في السودان.
شكرا ليك.
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
Quote: الخبير القانوني محمد عبد المنطلب
سلامات ياغالي
موضوع هادف وجميل
هل تذكر القضية التي كسبناها من صاحبك وانت كنت محاميها
ياخي التحايل كثير وموجد في بلدنا
ربنا يصلح الحال بس |
العزيز وليد عبداللطيف
كيفك والأهل كلهم ؟ ذكريات جميلة فعلا , السودان بقت فيهو عبقريات في فن الاحتيال والنصب والتزوير وقوة القلب , زمان كان عيب الزول يمشي القسم ساكت ,هسه مشي الأقسام بقي زي النزهة , وربك يصلح الحال زي ما قلت , عارف يا وليد في البوست ده حتشوف حاجات حتقول محمد ده بقي كضاب ولاشنو , لكن والله حاصل وواقع عشتو أنا شخصيا , حاجة كده تشيب الراس , لكن نرجع ونقول السودان حالتو بقت صعبة شديد.
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
Quote: الأخطر من ذلك هو الذي يأتي ممن يدعون طرح أراضي إستثمارية هنا بأسماء شركات لا تملك أراضي
ومثل هذا ما تم من خلال رابطة المهندسين الزراعيين بجدة حيث تحولت بقدرة قادر إلى شركة وادي المقدم في حين أن المهندسين الزراعيين
نفسهم لم يتسلموا أراضيهم التي أكملوا سداد مبالغها منذ عام 2006 وفي ذات الوقت تدعي الشركة (شركة وادي المقدم) بقيادة رئيس رابطة
المهندسين الزراعيين بالمنطقة الغربية ( أبو سارة) أن لديها اراضي لكل مغترب سواء كان مهندساً زراعياً أو غير ذلك من المغتربين فكيف يستوي الأمر
والرابطة أو شركة وادي المقدم المنبثقة من الرابطة نفسها إذا كانت لديها قطع أراضي فمن الأولى أن تمنحها لمن دفعوا من المهندسين
الزراعيين وثم بعد ذلك تسوق البقية إن وجدت فهل هنالك أسوأ من هذا؟؟!!
عاصم فقير |
أكتر ناس بحننوني في السودان المهندسين الزراعيين ديل , وفي نفس الوقت مساكين شديد والله وغشتهم سااااااااااااهلة , المفروض المهندسيين الزراعيين ديل من قصة مشروع سندس الزراعي بتاع الصافي مين داك يكون اتعظو من حاجة اسمها استشمار , والله مشروع سندس ده بذكرني بي البرنامج بتاع الاذاعة الاسمو دكان ود البصير داك , كل يوم يجوك الممثلين ويقعدو يتونسو لحدي الحلقة تنتهي وياخدو عدادهم , يعني زي ما تقول كده ياكلو من البرنامج ده لي جنا جناهم , ونفس القصة في مشروع بنقز ولا سندس الزراعي ده , الموضوع ده حقو ينسوهو ويشوفو ليهم فكرة استثمار تانية غير الزراعية دي.
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: نادر النور آدم)
|
من جريدة الرأي العام عدد اليوم 27/07/2010
( كشفت نيابة مخالفات الأراضي، عن إحصائيتها للنصف الأول من العام 2010م، وقالت إن جملة البلاغات الواردة وصلت (420) بلاغا، منها (67) إجراءات أولية، وبلغت جملة بلاغات التزوير (176) بلاغا بنسبة (42%)، وبلغ الاحتيال (95) بلاغا بنسبة (22%)، فيما بلغت جملة بلاغات التعدي على الأراضي (140) بلاغا بنسبة (33%)، وأخرى بنسبة (3%). وقال محمد المصطفى وكيل أعلى مخالفات الأراضي في تصريحات أمس، ان جملة بلاغات التعدي على المباني بلغت (191) بلاغا، أحيلت (170) منها للمحكمة، وبلغت جملة المقبوض عليهم في هذه القضايا (381) متهما من الذكور، و(60) من الإناث، واوضح ان جملة الاستئنافات بلغت (204) استئنافات تم الفصل فيها. وأضاف أنه تم إحالة (105) بلاغات من بلاغات العام الماضي الى المحكمة، فيما أحيلت (65) من بلاغات العام الحالي للمحكمة. وأكد المصطفى سعيهم والجهات ذات الصلة لرفع الوعي وسط المواطنين، وطالبهم بالشراء عبر مكاتب تنظيم القرى، وبالتعامل عبر ادارة الاستثمار العقاري المختصه بتوزيع المخططات السكنية في حالات التعامل مع المخططات.)
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
Quote: اخشى ان يزور توكيل
باسمي لهذا الغرض خاصة و ان اغلب حالات البيع تتم بتوكيلات فقط |
الأخ الصادق يحي
تحية واحترام
نأسف للتأخير ، موضوع التوكيل وامكانية التصرف في القطعة دون علمك
بيختلف الأمر بين الأراضي المخططة أو خطة اسكانية "شهادة بحث"
وبين تسجيلات المجالس أو تنظيم قري أو مجرد لجان شعبية.
في حالة انو القطعة تسجيلات أراضي ووجود شهادة بحث بغرض
البيع مع عقد البيع والتوكيلات ((وأورنيك تلات أ)) واقرار الزوجة
- اذا وجد - :
النصيحة الأولي في هذه الحالة عليك بالتسجيل الفوري للقطعة ، أما اذا
لم تسمح الظروف بذلك فأضعف الايمان ان تقوم بحجز القطعة بأورنيك
3أ وهو اجراء سهل وبسيط وغير مكلف علي الاطلاق.
لكن موضوع هذا البوست أخطر من ذلك بكثير ، وهو يتعلق
بالتصرف في القطعة حتي بعد أن تقوم بتسجيلها في اسمك واستلامك
شهادة بحث صحيحة و باسمك ، علما ان التوكيل اذا ما كان قديما سيطالبونك بتجديده
وهو ما قد يعرضك لابتزاز البائع الذي قد يستغل الموقف أسوأ استغلال.
نواصل ....
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: حاتم محمود الجاك)
|
الحكومة برضو بِتمارِس نوع مِن السرِقة والإسْتِهبال على البشر الفضلو ... في أراضي الخُطة الإسكانِية - الخوجلاب - بحري ... الحكومة وزعت أراضي أهالي منطِقة الخوجلاب (أحفاد الشيخ خوجلي ود عبدالرحمن - صاحِب حله خوجلي/بحري) وزعتا خُطة إسكانِية ... قبضت القُروش مِن البشر ... وظهرت بعد كِده عشرات القضايا البِتنازِع فوق الأرض ، الكلام ده سنة 2005م ولِهسِع أصحاب الخُطة الإسكانِية ما قادرين يتصرفو في أراضيهُم بِِالبِناء أو البيع أو الإسْتِبدال ... ده مُش سرِقة وإسْتهبال ... المفروض أراضي الخُطة الإسكانِية بِالذات ، تكون خالِية مِن الموانِع تمامًا ...
قبل أيام جا وفد مِن الأراضي ، لدولة ِقطر وقامو روجو لأراضي خُطة إسكانِية وإسْتِثمارِية ... الناس سجلت وفيهُم الدفع ... بعد ما الوفد رجع السودان ، طلع بيان مِن مُدير الأراضي بوقف ها البيع ... والناس السجلو والدفعو ما عارفين مصيرُم شنو ...
أنا قدمت للخُطة الإسكانِية عام 1985م إسْتلمتها عام 2005م (بعد 20 سنة) والقانون بِقول لو عِندك أرض إنت ولا زَوجتك إن شاءالله وقعت ليكم ورثة ، ما بتسْتحِقو خُطة إسكانِية ... يعني 20 سنة لا تشتري أرض ولا يِموت ليك زول إنت ولا زوجتك ، ترثوهو ... ما علينا ... بعد ما قدمت لِلخُطة الإسكانِية ... بعد 20 سنة ، دخلت ثلاثة لِجان اللجنة الأولى أُلْغَيت لِوجود فساد ، عملو لجنة تانِية برضو كُنت مِن ضِمن المُسْتحِقين ... برضو أُلْغِيت لِوجود تلاعُب وفساد ... عملو لجنة تالتة ، برضو كُنت مِن ضِمن مُسْتحِقيها ، إسْتلمت أرض درجة أولى ... لاحِظ التلاعُب والفساد البِموجبو أُلْغِيت اللجنتين كان مِن داخِل العاملين في الأراضي ، يعني منهُم وفيهُم ... يبقى السماسرة ليهُم حق ، طالما الحكومة فوقا تلاعُب وفساد ... الناس على دين مُلوكا فوق الحرام بِتْلوكا والفساد يِقْدِل بِشَتَمْ ودلوكا
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: عزام حسن فرح)
|
يا استاذ/ عبدالمطلب
تحياتي...
انا بنصح الناس بالعكاكيز...القانون دربو طويل...في حالات التعدي علي الاراضي
اذا كان مغترب ومسجل ارضو في اسمو وجاء راجع لقاها مسورة...مبنية...مشجرة
عكازو وعندو...ويسوق باقي اهلو في دفار مرابطين بي عكاكيزهم...
وخلي المسور او الساكن في قطعتك هو اليشتكي...
انا اشتكي عشان اطلع زول من بيتي؟؟؟ الجابو شنو؟؟؟؟
هسي لو جاء حرامي بيتكم ودخل توش في غيابك بنا ليه غرفة وطلع...وجيت راجع
دخلت بيتكم ولقيتو بصوت ليه في عصيدة...ما بتركبو عكاز!!!
قانون شنو...نحن في المدرسة الابتدائية...وفندي داك شال برايتي...
عكاكيز بس...
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
| Quote: لاحِظ التلاعُب والفساد البِموجبو أُلْغِيت اللجنتين كان مِن داخِل العاملين في الأراضي ، يعني منهُم وفيهُم ... يبقى السماسرة ليهُم حق ، طالما الحكومة فوقا تلاعُب وفساد ... الناس على دين مُلوكا فوق الحرام بِتْلوكا والفساد يِقْدِل بِشَتَمْ ودلوكا |
وده هنا مربط الفرس زي ما حيتضح من خلال البوست ده.
لكن في النهاية ما بنقدر نفصل الحاصل ده من الحاصل في مجتمعاتنا السودانية باعتبار الموظوفين ديل في نهاية المطاف هم جزء من الشعب السوداني , والكلام ده بمشي عشان يشمل كافة القطاعات للأسف.
المهم في النهاية الناس تقدر تحافظ علي أراضيها اللي دفعت دم قلبها وأفنت زهرة شبابها متغربة عشان ضل يحتوي الأسرة بعد رحلة طويلة من عذاب بيت الايجار وسكن النسابة
والشلهته .
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
Quote:
يا استاذ/ عبدالمطلب
تحياتي...
انا بنصح الناس بالعكاكيز...القانون دربو طويل...في حالات التعدي علي الاراضي
اذا كان مغترب ومسجل ارضو في اسمو وجاء راجع لقاها مسورة...مبنية...مشجرة
عكازو وعندو...ويسوق باقي اهلو في دفار مرابطين بي عكاكيزهم...
وخلي المسور او الساكن في قطعتك هو اليشتكي...
انا اشتكي عشان اطلع زول من بيتي؟؟؟ الجابو شنو؟؟؟؟
هسي لو جاء حرامي بيتكم ودخل توش في غيابك بنا ليه غرفة وطلع...وجيت راجع
دخلت بيتكم ولقيتو بصوت ليه في عصيدة...ما بتركبو عكاز!!!
قانون شنو...نحن في المدرسة الابتدائية...وفندي داك شال برايتي...
عكاكيز بس. |
ههههههه
يا نزار
رمضان كريم ياخي
والله الزيك ده في السودان حاليا يتمنوهو مني ما لاقنو , عارف هسه لو عندك قطعة وريني ليها وبعد داك تعال شايل عكازك , عشان تبقي عليك ميته وخراب ديار , يعني لا تلم في قطعتك وباقي عمرك تقضيهو سجون وجرجرة محاكم , يعني بعد ما كنت سيد حق تبقي في التخارجك , وللأسف قروش قطعتك زاتها ما تحلك الا تتم عليها.
أوع تعمل بي نظريتك دي ولا كمان قطرك حيصفر قبل محطتو وبي زمن طويل.
عكاكيز أأأأأأ؟ هييييييييييييييييييييع!!
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: حاتم محمود الجاك)
|
رمضان كريم .
نخش في الموضوع:
الطريقة الأولي:
بتبدا بي مشوار للمحتال أو السمسار اللي بيكون عارف الحتة المعينة ومتخصص فيها وحنقول
المثال الذكرتو فوق لقطعة في مربع 13 الحاج يوسف وهو مربع منخفض وبمسك مطرة كتيرة
جدا في الخريف , علي الرغم من كده اسعارو غالية , السمسار بكون عارف أي قطعة فاضية
في المربع , وللناس الما عارفة المربع ده فهو مريع مسكون طبعا وبه كل الخدمات وعدد القطع
الفاضية فيه محدودة جدا , عشان كده السمسار بكون عارف أي قطعة فيهو.
بقوم السمسار بي زيارات متتالية للقطعة عشان يتأكد انو مافي حركة حولين القطعة من ناحية انها
معروضة للبيع من المالك أو انو المالك بقوم بي زيارتها ولا بأس من "الشمشمة" من الجيران وبالذات
الأولاد الصغار اللي بيدو المعلومة الصحيحة دايما.
القطع المعنية دايما بتكون مثلا قطعة واحدة واقعة بين بيتين مسكونات فالسمسار بقوم بعملية متابعة
التسلسل الرقمي للبيت من خلال البيوت المجاورة خاصة انو معظم البيوت المسكونة فيها لافتات
بالمربع ويمكن بسهولة معرفة رقم القطعة المستهدفه , المربع طبعا معروف وما بحتاج لسؤال.
المهمة الأولي للسمسار بتنتهي بتحديد القطعة والتأكد انو ما فيها أي حركة أو زيارة في وقت قريب.
بعد كده تبدأ المرحلة التانية وهي أخطر مرحلة في العملية كلها.
نواصل.........
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: معاوية عبيد الصائم)
|
من جريدة الرأي العام عدد اليوم 12/08/2010
( أطلقت نيابة مخالفات الاراضي في الفترة الماضية نداءات للمواطنين بتوخي الحذر في شراء الاراضي نتيجة لازدياد حالات الغش والاحتيال فيها بصورة كبيرة في الفترة المنصرمة حتى أصبحت هاجساً لدى الجهات المسئولة واشارت النيابة الى أن بعض اصابع الاتهام تتجه نحو الموظفين والعاملين في هذا المجال.
وكشف مولانا محمد المصطفى موسى وكيل أعلى نيابة مخالفات الاراضي عن احصائية النيابة للنصف الاول من العام 2010م بلغت جملة البلاغات المفتوحة فيها بمخالفة لمواد القانون الجنائي (420) بلاغاً (176) بلاغاً تحت المادة (123) من القانون الجنائي «التزوير» (95) بلاغاً تحت المادة (178) في القانون «الاحتيال» و(140) بلاغاً تحت المادة (183) في القانونى «التعدي الجنائي» ، (5) بلاغات في المادة (94) من القانون «التخلف من الحضور» و(4) بلاغات في المادة (97) من القانون الادلاء ببيان كاذب بالاضافة الى شطب (13) بلاغاً كما بلغت جملة البلاغات المفتوحة خلال العام بالمخالفة لقانون التخطيط العمراني والتصرف في الاراضي لسنة 1994م وقانون تنظيم البناء بولاية الخرطوم لسنة 2008م عدد(191) بلاغاً، والبلاغات التي احيلت للمحكمة المختصة (170) بلاغاً تم شطب (11) بلاغاً مباني وحفظ (8) في المباني وكانت جملة العرائض والطلبات المختلفة (3147) وقدمت (204) استئنافات خلال هذه الفترة، وارجع مولانا محمد المصطفى ظهور قضايا مخالفات الاراضي في الآونة الاخيرة الى انتشار الوعي لدى الكثيرين بعد حالات الاحتيال التي مورست على الكثيرين بالاضافة الى أن القضية وضعت ضوابط كثيرة لتفادي هذه المشاكل على تسجيلات الاراضي واستخراج شهادة البحث للبيع، ومنع استخراج اكثر من شهادة للغرض الواحد إلا بواسطة اقرار مشفوع باليمن، واضاف: بعد كل ذلك اصبح المجرمون في مجالات الاراضي اكثر دقة وحرص اذ اضحى التزوير نوعياً يعتمد على الاراضي كقيمتها وليس كمياتها، كذلك هنالك ضوابط أخرى في التمليك والتصرف في الاراضي بالاضافة الى الضبط الاداري.
وفي السياق أكد عبد الرحمن محمد بلة «النجومي» المحامي بأن هنالك تزويراً يمارس على رئيس التسجيلات عبر الاوراق المروسة مشيراً الى انه في حالة يكون هنالك تزوير من الجهة الادارية يتم تحويله الى محكمة الاختصاص «للمحكمة الادارية» أما الشق الجنائي بالنسبة للعقود المزورة يتم فتح بلاغ (124) بالنسبة للموظف العام «المحامي المزور» وأكد ان العقوبات بالنسبة للمحامين تعد عقوبات رادعة تصل الى سحب الختم ويتم ايقافه عن العمل حتي يفصل في القضية، وقال: في رأيى لا بد لأي محام يوثق عقداً أن يسجله في ادارة التوثيقات ولا يسري المستند إلا بعد التصديق لكي لا تترتب عليه آثار قانونية من بيع او رهن.
وأشار أحمد مالك الخبير الاقتصادي ان واحدة من المشاكل التي تحدث في الاقتصادات العالمية المضاربة بالاراضي.. وواحد من اسباب الأزمة العالمية كانت هي العقارات فهي قضية معقدة وبها تداخل لعدة اتجاهات وانتقد مالك ارتفاع رسوم التسجيل، وتطويل قضايا الاراضي لدرجة ان الكثيرين لا يلجأون للقضاء كما ان عدم التسجيل يصل الى التزوير وادعاءات والعكس فالتسجيل يحفظ الحقوق وقيمة الارض. وكذلك من الاسباب التي جعلت هنالك أزمة بالبنوك السودانية باعطاء الارض قيمة غير حقيقية لها مما اصبحت واحدة من ضربات المعروفين بالجوكية مما يدخل في العديد من القضايا ومخالفات شرعية كبيرة تؤدي الى الفساد المالي وضرب النسيج الاجتماعي، وتضر بالسوق والعمل ويجب الوقوف عندها وقفة جادة ولا بد من تضافر الجهات ذات الصلة في مختلف المجالات لقياس أثر مخالفات الاراضي في النواحي الشرعية والقانونية والتعامل الفنى معها والاستفادة منها، والقضية الرئيسية هي الوعي وازالة الجهل الذي بزاوله تزول الكثير من المخالفات.)
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: حاتم محمود الجاك)
|
أطلقت نيابة مخالفات الاراضي في الفترة الماضية نداءات للمواطنين بتوخي الحذر في شراء الاراضي نتيجة لازدياد حالات الغش والاحتيال فيها بصورة كبيرة في الفترة المنصرمة حتى أصبحت هاجساً لدى الجهات المسئولة واشارت النيابة الى أن بعض اصابع الاتهام تتجه نحو الموظفين والعاملين في هذا المجال.
وكشف مولانا محمد المصطفى موسى وكيل أعلى نيابة مخالفات الاراضي عن احصائية النيابة للنصف الاول من العام 2010م بلغت جملة البلاغات المفتوحة فيها بمخالفة لمواد القانون الجنائي (420) بلاغاً (176) بلاغاً تحت المادة (123) من القانون الجنائي «التزوير» (95) بلاغاً تحت المادة (178) في القانون «الاحتيال» و(140) بلاغاً تحت المادة (183) في القانونى «التعدي الجنائي» ، (5) بلاغات في المادة (94) من القانون «التخلف من الحضور» و(4) بلاغات في المادة (97) من القانون الادلاء ببيان كاذب بالاضافة الى شطب (13) بلاغاً كما بلغت جملة البلاغات المفتوحة خلال العام بالمخالفة لقانون التخطيط العمراني والتصرف في الاراضي لسنة 1994م وقانون تنظيم البناء بولاية الخرطوم لسنة 2008م عدد(191) بلاغاً، والبلاغات التي احيلت للمحكمة المختصة (170) بلاغاً تم شطب (11) بلاغاً مباني وحفظ (8) في المباني وكانت جملة العرائض والطلبات المختلفة (3147) وقدمت (204) استئنافات خلال هذه الفترة، وارجع مولانا محمد المصطفى ظهور قضايا مخالفات الاراضي في الآونة الاخيرة الى انتشار الوعي لدى الكثيرين بعد حالات الاحتيال التي مورست على الكثيرين بالاضافة الى أن القضية وضعت ضوابط كثيرة لتفادي هذه المشاكل على تسجيلات الاراضي واستخراج شهادة البحث للبيع، ومنع استخراج اكثر من شهادة للغرض الواحد إلا بواسطة اقرار مشفوع باليمن، واضاف: بعد كل ذلك اصبح المجرمون في مجالات الاراضي اكثر دقة وحرص اذ اضحى التزوير نوعياً يعتمد على الاراضي كقيمتها وليس كمياتها، كذلك هنالك ضوابط أخرى في التمليك والتصرف في الاراضي بالاضافة الى الضبط الاداري.
وفي السياق أكد عبد الرحمن محمد بلة «النجومي» المحامي بأن هنالك تزويراً يمارس على رئيس التسجيلات عبر الاوراق المروسة مشيراً الى انه في حالة يكون هنالك تزوير من الجهة الادارية يتم تحويله الى محكمة الاختصاص «للمحكمة الادارية» أما الشق الجنائي بالنسبة للعقود المزورة يتم فتح بلاغ (124) بالنسبة للموظف العام «المحامي المزور» وأكد ان العقوبات بالنسبة للمحامين تعد عقوبات رادعة تصل الى سحب الختم ويتم ايقافه عن العمل حتي يفصل في القضية، وقال: في رأيى لا بد لأي محام يوثق عقداً أن يسجله في ادارة التوثيقات ولا يسري المستند إلا بعد التصديق لكي لا تترتب عليه آثار قانونية من بيع او رهن.
وأشار أحمد مالك الخبير الاقتصادي ان واحدة من المشاكل التي تحدث في الاقتصادات العالمية المضاربة بالاراضي.. وواحد من اسباب الأزمة العالمية كانت هي العقارات فهي قضية معقدة وبها تداخل لعدة اتجاهات وانتقد مالك ارتفاع رسوم التسجيل، وتطويل قضايا الاراضي لدرجة ان الكثيرين لا يلجأون للقضاء كما ان عدم التسجيل يصل الى التزوير وادعاءات والعكس فالتسجيل يحفظ الحقوق وقيمة الارض. وكذلك من الاسباب التي جعلت هنالك أزمة بالبنوك السودانية باعطاء الارض قيمة غير حقيقية لها مما اصبحت واحدة من ضربات المعروفين بالجوكية مما يدخل في العديد من القضايا ومخالفات شرعية كبيرة تؤدي الى الفساد المالي وضرب النسيج الاجتماعي، وتضر بالسوق والعمل ويجب الوقوف عندها وقفة جادة ولا بد من تضافر الجهات ذات الصلة في مختلف المجالات لقياس أثر مخالفات الاراضي في النواحي الشرعية والقانونية والتعامل الفنى معها والاستفادة منها، والقضية الرئيسية هي الوعي وازالة الجهل الذي بزاوله تزول الكثير من المخالفات.
http://www.rayaam.info/News_view.aspx?pid=708&id=55646
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: حاتم محمود الجاك)
|
عزيزي الأستاذ الأخ محمد عبدالمطلب،
رمضان كريم وكل سنة والجميع بخير،
أخوك ماعندو نية يشتري بيت أو قطعة أرض في السودان
لأني قنعان من الناحية دي والحمد لله..
لكن الشيء الذي أريد أن أقوله: شايف البوست لحدي الآن
ماشي كويس بدون إساءات.
رجاء خاص وعارفك ما حترد طلبي..
أرجو أن تحافظ على سير البوست بهذه الطريقة لأن البوست
مهم والناس كلها منتظره تخرج بمعلومات تفيدها وتنورها بما
يجري في عمليات تزوير الأراضي.. لذلك أرجوك عدم الرد على
أي إساءة توجه إليك حتى لا ينحرف البوست عن مساره.
مع فائق تحياتي وتقديري.
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
المرحلة الرابعة هي أسهل مرحلة وفيها بيكون السمسار مجهز المشتري والشهود ومتفق علي المبلغ وعلي العمولة وكل التفاصيل الباقية لاتمام الصفقة.
يمشي السمسار مع المشتري وبالضرورة المشتري بكون شاف القطعة بعد المغيرب بي شوية كده ووافق لأنو السعر فيهو نقصان بحجة انو صاحب القطعة مقبوض
في شيك ولا بتو حتتعمل ليها عملية في الاردن .....الخ الي آخر التقليعات المعروفة في عالم السمسرة.
يمشو للمحامي الموثق واللي بي دورو حيراجع كافة المسنتدات وطبعا ما فيها أي خطأ أو نقص فيقوم باجراء المبايعة والتوثيق ويستلم السمسار المبلغ والمشتري أوراق القطعة وكل زول يروح لي حالو.
المشتري بيمشي وبسرعة يكمل اجراءات التسجيل في اسمو وتنتقل الملكية اليه وينتهي الأمر - كما يعتقد - ويشرع في البناء.
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
الطريقة التانية من طرق التزوير بصراحة ما عايز ابداها لأنو الناس ما حتتحمل والزمن ما حيساعدني أتمها مرة واحدة , عشان كده أقدم ليكم نصائح مهمة تساعد كل زول شقي وتعب واتغرب عشان ضل يرتاح عليه بعد عذاب الغربة وبهدلتها ,النصائح كتيرة ومتعددة لكن النصيحة الأخوية الصادقة هي : أي زول عندو قطعة ومهما كلف الأمر يبني فيها غرفة واحدة بس ان شاء الله ويسكن فيها زول يكون محتاج للسكن ويعمل معاهو عقد ايجار بمبلغ رمزي جدا عشان يحفظ حقو لو لا قدر الله الساكن برضو حاول يلعب. وباقي النصائح برضو الواحد يكون علي متابعة مستمرة للقطعة من خلال زول متواجد بالسودان (عارف الحتة دي صعبة شديد لأنو مافي زول فاضي لي زول , حتي أقرب الناس ليك ) ده أضعف الايمان , برضو حته مهمة جدا التعرف وعن قرب بجيران القطعة الساكنين ومواصلتهم من بلد الغربة عن طريق التلفون وبرضو تشجيعهم بأي شكل. المهم جدا انو الناس ما تخت ارقام القطعة علي الأبواب وكمان التسجيل أول بأول وان كان التسجيل برضو ما بيحل لكن عدم التسجيل فرص التزوير فيها مضاعفة , فقدر أخف من قدر زي ما بيقولو.
ونواصل....
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
| Quote: , ومن ثم يقوم السمسار بالذهاب لمكتب تسجيلات الأراضي والتقديم لاستخراج شهادة بحث بغرض البيع باسم المالك الحقيقي. |
مشكور يا اخ محمد
بسبب هذه الاجراءات الهشة والمائعة والغبية التي تتبعها مكاتب الاراضي تضيع حقوق الناس
فكيف يتم السماح للسمسار بالتقديم لاستخراج شهادة بحث لغرض البيع باسم المالك ؟؟؟!!
أليس من الاجدر ان يطلب مكتب الاراضي حضور مالك الارض شخصيا او منْ ينوب عنه قانونيا.. او اقل شئ توكيل من المالك والتوكيل يكون محدد باستخراج شهادة بحث لغرض البيع ..
على كل حال ما علينا إلا ان نتبع نصائح اخونا محمد وليك علي بعد ثلاثة شهور طالع السودان
( مش نازل كما يقولون ) واول شئ الهدية المحترمة لجاري الذي بنى جنبي وتاني حاجة
ابني اوضة واسكن فيها واحد بعقد ايجار رسمي وموثق عند محامي محترم ..
طبعا الكلام دا كله للذين لهم اراضي ويخافون ضياعها بسبب التزوير .. اها الناس العايزين
يشتروا يا دوبك يسووا شنو ؟ اتخيل لي اول حاجة التأكد من هوية البائع ليس بالبطاقة الشخصية
التي يتم تزويرها ولكن التأكد على ارض الواقع .. يعني ح يكون الهم همين اول شئ تفتش القطعة التي تنوي شرائها والهم التاني تتأكد وتتيقن 100% من هوية البائع ..
شكرا يا محمد وفي انتظار الطريقة التانية وان شاء الله ما يكون في تالتة
تحياتي
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: حاتم محمود الجاك)
|
الأخ محمد والمتداخلين السلام عليكم ورحمة الله وبركاته
لي تجربة شخصية بفقدان قطعة أرض ، وقد انتظرت حتى يكمل الأخ محمد توضيحه ونصائحه
وباختصار أقول لكم ما يلي : (وسأعادود إن شاء الله لاحقاً إن كان هناك معلومة تفيد في الموضوع بحكم ما عايشته في شأن تلك القطعة)
أخوكم طبعاً مغترب ، واشتريت قطعة أرض في عام 2002م بمبلغ (20.000.000) عشرين مليون بالقديم وقمت بتسجيلها في نفس العام واستخرجت شهادة الملكية (البحث). ومن حسن الحظ أن بعد أشهر قليلة تم عمل امتداد طريق الإنقاذ ليمتد بعد شمبات إلى الحلفاية بمحاذاة السكة حديد ، وقد كان ذلك سبباً في ارتفاع سعر القطعة بذلك المربع إلى أكثر من 100.000.000 مائة مليون.
حسب طبيعة عملي في التدريس فإني أحضر سنوياً للسودان في الإجازة الصيفية ، وقد حضرت في صيف 2003 واستخرجت شهادة بحث للتأكد أيضاً ، كما حضرت في عام 2004 واستخرجت شهادة بحث وأعددت الخرط واستخرجت تصريح البناء ، وبدأت أجمع أمري للانطلاق في البناء.
حضرت بداية صيف 2005م في شهر يونيو ، وذهبت للقطعة ، فإذا بها سور (مهدرم) وكحيان ، مع إن المنطقة كلها عمارات ، والسور ارتفاعه نصف متر ، يعني باختصار (إثبات وجود)
سألت الناس الحولين المكان وأفادوني بشخص ذكروا صفاته ، وأنه هو الذي يأتي مع عمال لعمل ما تم إنشاؤه هنا.
ذهبت بقلب قوي وفتحت بلاغ تعدي ومعي مستنداتي كلها ، وبدأنا مسلسل للقبض على ذلك الشخص ، الذي لم يظهر واختفى
ثم كانت المفاجأة...
ما لا تتوقعون ....
جاء الرجل ومعه شهادة بحث حديثة باسم ورثة المرحوم ........
وأصبحت شهادة البحث التي معي ، زي أي ورقة جريدة مجدوعة في أي مكان!!!!
كيف هذا حصل ؟! وما الذي يجري؟!
ذهبنا للتسجيلات : قالوا : السجل تم تعديله حسب قرار المحكمة المدنية بالرقم .... قبل شهر ونصف.
وعلمنا أن الأرض كانت معروضة في البيع ، وقد عرضت لنفس السمسار الذي باعها لي !!!!!
تصدقوا؟!
ذهبنا للمحكمة ووجدنا حكماً (غيابياً) صدر ضدي!!!
إذ تم استدعائي بصحيفة وهي من المعلومات لدى قلة من الناس!!! ، للنظر في الدعوى المقدمة من ورثة ...... وخلاصة الدعوى :
أن الشخص الذي باع لي القطعة وهو (س) صاحب القطعة وممتلكها من عام 1988م عن طريق (ص) وكيله الذي باعها بتوكيل من (س) لـ (ع) وهو السمسار الذي باع لي واشتريت منه (وقد تم نقل الملكية بواسطة التوكيلين من (س) إلى شخصي مباشرة).
فادعى الورثة أن (س) قد باع هذه القطعة لمورثهم في عام 1988م ، ومنذ (17) عاماً لم يتيسر لهم التسجيل وقد فقدوا الأوراق ، ومعهم فقط صورة مبايعة بين مورثهم والبائع من محامي.
علماً بأن شرائي تم بشهادة بحث بغرض البيع مع العقد الأصلي للقطعة وهو العقد الحكومي مع اكتمال كل الأوراق حتى موافقة زوجة (س) على البيع.
وقضية الحكم الغيابي قضية هي خطيرة جداً ، وهي تشبه الصورة التي تفضل بذكرها الأستاذ محمد ، وتلتقي معها في بعض الجزئيات.
فالسجل ليس له أي قدسية ، فبمجرد أن يدعي شخص ضد آخر وتتم الحيثيات لا تكلف المحاكم نفسها جهداً في الوصول للمدعى عليه علماً بأن عنوانه غالباً موجود بسجل العقار بالأراضي.
وبدأ مسلسل طويل .... استمر ثلاث سنوات ،،، فقد أهديت لصاحبي المحامي (ثلاث خرفان أضاحي) لثلاثة أعوام متتالية!!! غير الأتعاب ، والتلفونات قبل وبعد كل جلسة طيلة تلك الأعوام الثلاثة.
والأدهى والأمر أنه تم فتح بلاغ تزوير يشمل المحامي والوكيلين والبائع (س) وشخصي ، وحتى لم يشفع لي أني مشتري حسن النية وأن الأرض ليست باسمي الآن ، وانا الوحيد المتضرر في هذه القائمة ، وبالفعل تم وضعنا في حراسة ، بقسم شرطة الخرطوم بحري لمدة ساعتين وخرجت بضمان!!!!!
واستمرت القضية (مدنية) لثلاث سنوات ، فيها تفاصيل وقصص وحكاوي مثيرة.
وقد أرجعت لي الأرض بقدرة قادر وتمت إعادة السجل
لكنها فرّت من يدي مرة أخرى ،،،،
وفي الأخير مسكت في رقبة الشخص الذي باع لي وقلت له خارجني بأي حال كان ،،، مع علمي بأنه ضحية أيضاً ، وبعد جلسات أخوية وتسويات ، دفع لي مبلغ (70.000.000) سبعين مليون ، وتقييم القطعة في وقتها (140.000.000) وطلبنا العوض من الله الذي لا يغيب عنه شيء في الأرض ولا في السماء.
وهو لا يزال يلاحق في القضية ليرد على الأقل هذه السبعين مليون ،، كان الله في عونه ،،،
هذه صورة واقعية سقتها باختصار من واقع تجربتي ، وأؤكد الاهتمام بوصايا الأستاذ محمد في البناء على الأرض وشغلها بأي وسيلة ممكنة مناسبة.
تحياتي للجميع ، وشهركم مبارك
| |
|
|
|
|
|
|
|
|
 Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: حاتم محمود الجاك)
|
يا حاتم الجاك
سلامات
اقرا هنا
Quote: المرحلة التالتة : هي مرحلة تتم داخل مكتب البطاقة الشخصية ويتم فيها تزوير بطاقة شخصية باسم المالك حسب ما ورد في السجل , ومن ثم يقوم السمسار بالذهاب لمكتب تسجيلات الأراضي والتقديم لاستخراج شهادة بحث بغرض البيع باسم المالك الحقيقي.
|
ما خلاص .. بعد كدا خلاص السمسار اصبح هو صاحب القطعة بالبطاقة المزورة ..وعادي ممكن يتصرف في بيع القطعة
والمحامي.. شغلو كلو سليم .. ...
نقطة لصاحب البوست .. هذة الطريقة معروفة من سنوات .. ولم تتدارك هذة الحكومة الفاسدة الأمر..
لأن المتورطين .. ناس كبار ..كبار .. ليهم ضهر
والكتلة كلها في اجهزة الدولة..
البداية .. من تسجيلات الأراضي..
والنهاية المؤلمة.. في مكتب البطاقة الشخصية .. يعني داخل وزارة الداخلية
المتروك لها حفظ الامن داخل البلد .. فتأمل
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
الأخ / محمد
واقعة مريرة أعيشها منذ 11 عاماً ومازالت المعاناة مستمرة ، حيث أنني قمت بشراء قطعة تجارية (دكان) بسوق حلفا الجديدة ودفعت مقدما ما يعادل الـ 75% من قيمة الدكان وكان ذلك في ابريل 99 وتمت هذه البيعة بإيعاز من بعض مسؤولي المنطقة الذين زاروا المملكة في حينها وحضروا لمدينة الرياض وكان الوفد يتكون من معتمد حلفا الجديدة وممثل المنطقة في المجلس الوطني ومسؤول التموين ، وقمت بسداد مبلغ 1500 ريال سعودي أي ما يعادل 985 الف جنيه في ذلك الوقت ، وعند سفري للسودان في شهر فبراير 2000م ، توجهت لمصلحة الأراضي لأسدد بقية المبلغ وتكملة إجراءات التسجيل ، وكانت الفجيعة والمفاجأة الكبرى بأن القطعة تم بيعها لمواطن من حلفا الجديدة بمبلغ 200 الف جنيه أي خمس المبلغ الذي دفعته ، وبعد أن قام السيد مدير الأراضي بالاطلاع على ملف القطعة المعنية وتأكد تماماً بأن القطعة تم بيعها وتسجيلها لمواطن آخر ، وبعد إطلاعه على سند الايصال المالي الذي بحوزتي وأحقيتي للقطعة وعدني بالتعويض بدكان آخر في السوق في حال توفر أي قطعة في المستقبل القريب ، وبالرغم من سفري للسودان سنوياً ومراجعتي للمسؤولين إلا أنني لم أجد الحل ، وحالياً عدت بالأمس من السودان وفي مراجعتي الأخيرة ، تم وعدي بتعويضي بدكان في سوق جديد ، إلا أنني طالبت بالتعويض المناسب حيث أن القطعة التي فقدتها قيمتها الحالية 30 مليون بينما القطعة المقترحة في السوق الجديد سعرها 9 مليون ، وأخيراً بعد أن نفذ صبري قررت أن اشق طريقي بواسطة المحاكم أو تعويضي التعويض المناسب بعد أن خسرت 11 عاماً من جراء الانتظار .
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: ولياب)
|
Quote: مشكور يا اخ محمد
بسبب هذه الاجراءات الهشة والمائعة والغبية التي تتبعها مكاتب الاراضي تضيع حقوق الناس
فكيف يتم السماح للسمسار بالتقديم لاستخراج شهادة بحث لغرض البيع باسم المالك ؟؟؟!!
أليس من الاجدر ان يطلب مكتب الاراضي حضور مالك الارض شخصيا او منْ ينوب عنه قانونيا.. او اقل شئ توكيل من المالك والتوكيل يكون محدد باستخراج شهادة بحث لغرض البيع |
الأخ حاتم
تسلم ورمضان كريم وحماك الله من عديمي الضمير
في حاجة مهمة يا حاتم في كلامك المقتبس فوق ، احتمال لأني حاولت الاختصار قدر الامكان - حسب طلب الأخوان - تكون النقطة دي فاتت عليك وهي انو السمسار بيتمكن من استخراج بطاقة شخصية باسم المالك لكن الصورة اللي في البطاقة هي صورة السمسار نفسو ، يعني السمسار لما يمشي مكتب تسجيلات الأراضي لاستخراج شهادة البحث بيكون علي اساس انو المالك وبي ورق ثبوتي وصحيح مية في المية - ظاهريا - طبعا ، وهنا تكمن خطورة المسألة لأنو المحامي وموظف التسجيلات ما بيدهم أي حاجة يعملوها ، لأنو مستحيل زول يشك انو البطاقة الشخصية ياسم زول والصورة بي اسم زول تاني.
شكرا ليك ياحاتم انك أثرت النقطة دي عشان الواحد يوضحها تمام ، ودي المقصود من البوست انو التداخل الموضوعي والهادف بيقود لي فايدة عظيمة.
سلام وتحياتي.
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: nazar hussien)
|
Quote: الاستاذ/ محمد عبدالمطلب
تحياتي ،،
بسال عن إجراء اسمو الحجز او التسجيل لقطع الاراضي ( بالصورة الشخصية) ده عبارة عن شنو ؟؟
وهل يعتبر ذو جدوى لضمان اثبات حقوق ملكية شخص لعقار ما ؟؟
تحياتي |
الأخ أبو عبيدة حسن محمد
سؤال مهم وفي نفس الوقت بجيب علي تساؤل في البوست ده عن أراضي الخوجلاب وما حدث فيها من مشاكل,
المقصود من الحجز بالصورة الفوتوغرفية الشخصية - لو ده كان قصدك - هو اجراء تحوطي لجأت ليهو سلطات
تسجيلات الأراضي لتفادي المشكلة المطروحة في البوست ده أي لتفادي مشكلة تزوير البطاقة الشخصية , يعني
صورتك الفتوغراقية كمالك بتكون موجوده في ملف القطعة ولما تجي تقدم لي شهادة بحث بغرض البيع بيتم
مقارنة الصورة مع الشخص الماثب أمام موطف التسجيلات ويتم التوقيع علي المطابقة بوسطة رئيس التسجيلات
أو من ينوب عنه , اعتقد انو الكريقة دي فعالة ومفيجة جدا وبتضمن حماية أكثر للحقوق من الضياع.
تحياتي.
وشكرا علي السؤال المهم.
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
Quote: الأخ محمد والمتداخلين السلام عليكم ورحمة الله وبركاته
لي تجربة شخصية بفقدان قطعة أرض ، وقد انتظرت حتى يكمل الأخ محمد توضيحه ونصائحه |
المحترم عارف الركابي
تحية طيبة ورمضان كريم وتحية واجلال لك ولكل معلمي بلادي في الداخل والخارج.
والله مشكلتك دي مشكلة تبكي وتؤلم وتصيب الانسان باليأس , لأنك وانتي بتحكي
تفاصيل المأساة دي اتخيلت كل لحظة تكون مرت عليك وكل تفاصيل تلك اللحظة
وحجم المعاناة النفسية والمادية والبدنية الرهيب اللي مريت بيهو , وفي نفس الوقت
أعرف وأحس تماما الاحساس اللي حسيتو انتو وأفراد اسرتك وأهلك والأصدقاء ,
كيف انك تطلع من البيت لاجراء معين وتقضي كل يومك ورا الاجرا ء ده وفي
نهاية اليوم ترجع البيت ولا حاجة من الاجراء ده اتعمل وفي نفس الوقت لا فطور لا
شاي لا موية وســـخــــانة وبهدلة وانتظار وكوراك وتحانيس و.........الخ.
السودان كل شئ فيهو عايز اعادة بناء من الصفر , لكن اعادة صياغة الانسان
السوداني وطريقة تفكيره هي المشكلة الأكبر اللي ما ليها حل علي المدي القريب
والبعيد حتي.
مشكلتك دي أنا مريت بيها كثير وكثير جدا , وعلي الرغم من اني كنت بمثل
أشخاص متضررين لكني كنت أشعر بأني المتضرر وكنت اتحمس أكثر حتي
من صاحب الحق لأنو مرات صاحب الحق وفي مرحلة معينة بيصاب باليأس
والاحباط ويفقد الأمل نهائيا في العدالة ودي النقطة الخطيرة في الموضوع ,
لأنو الاجراءات عقيمة ومعقدة وبيروقراطية بشكل قاتل , حتي وان المتضرر
يشعر أحيانا انو التعقيدات دي اتعملت مخصوص لحماية اللصوص والاضرار
بأصحاب الحقوق.
علي كل أقول ليك حمدلله علي السلامة مع اني بكره عبارة "المال تلتو ولا كتلتو"
دي لكن في نهاية المطاف ما كان قد كان وقد قضي الأمر.
تحياتي وتصوم وتفطر علي خير.
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
Quote:
متابعين وبالذات موضوع الخوجلاب دا انا فكرت افتح بوست للنقاش بخصوصه
الحاصل شنو؟؟ |
الحصل في أراضي الخوجلاب كالآتي :
مصلحة الأراضي وزعت أراضي الخطة الاسكانية فيها وسلمت الناس عقودات مليكة المنفعة طبعا عقد ملكية المنفعة ما زي شهادة البحث , فالبيع مفروض يكون بشهادة بحث مستخرجة بغرض البيع , فالناس استلمت عقوداتها وبدت تبيع بي حاجة اسمها "التوكيل المفتوح" يعني المالك يكون عندو عقد ملكية منفعة بس يقوم يعمل ليك توكيل "التوكيل في الغالب انت تختار تعملو باسم زول معاك زي أخوك أو صديقك المقرب" وبرضو يعمل اقرار بانو استلم منك مبلغ البيع. والسبب في كده انو سجل القطعة بكون لسه اجراءاتها في التسجيلات ما اكتملت وهو ما يعرف بــ"السجل المقفول" وبعد تكتمل اجراءات ناس التسجيلات بقومو بفتح السجل عشان الناس تقدم لشهادة البحث بغرض البيع أو التأكد أو البناء ....الخ. ومن ثم يتم بيع القطعة بيع يمكن المشتري من التسجيل , وبرضو يمكن الناس القبيل اشترو بموجب عقد ملكية المنفعة لأنو االسجل فتح خلاص.
الحصل انو في ناس تمكنت من تزوير عقود ملكية منفعة لقطع غير موجودة علي الطبيعة "أكيد بمساعدة زول شغال هناك" ولما السجل فتح اتفاجأ المشترون بأنو القطعة الاشتروها ما عندها ملف في التسجيلات وبالتالي ما ليها م وجود علي أرض الواقع , فكانت الطامة الكبري خاصة للناس الاشترت عدد كبير من القطع في منطقة الخوجلاب ومعظمهم من التجار والسماسرة.
حاليا تم تدارك المشكلة ووضعت ضوابط جديدة من ضمنها الزام المشتري ارفاق صورة فتوغرافية حديثة مع أوراق القطعة لترفق بالملف , وهي النقطة اللي أشرت ليها في الرد علي سؤال الأخ أبوعبيدة المهم أعلاه.
أرجو ان أكون قد أوضحت المشكلة دون اسهاب أو اختصار مخل.
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
Quote:
عزيزي الأستاذ الأخ محمد عبدالمطلب،
رمضان كريم وكل سنة والجميع بخير،
أخوك ماعندو نية يشتري بيت أو قطعة أرض في السودان
لأني قنعان من الناحية دي والحمد لله..
لكن الشيء الذي أريد أن أقوله: شايف البوست لحدي الآن
ماشي كويس بدون إساءات.
رجاء خاص وعارفك ما حترد طلبي..
أرجو أن تحافظ على سير البوست بهذه الطريقة لأن البوست
مهم والناس كلها منتظره تخرج بمعلومات تفيدها وتنورها بما
يجري في عمليات تزوير الأراضي.. لذلك أرجوك عدم الرد على
أي إساءة توجه إليك حتى لا ينحرف البوست عن مساره.
مع فائق تحياتي وتقديري |
العزيز عزيز عيسي
تسلم ، وطلبك مجاب.
تحياتي.
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
Quote: المحترم عارف الركابي
تحية طيبة ورمضان كريم وتحية واجلال لك ولكل معلمي بلادي في الداخل والخارج.
والله مشكلتك دي مشكلة تبكي وتؤلم وتصيب الانسان باليأس , لأنك وانتي بتحكي
تفاصيل المأساة دي اتخيلت كل لحظة تكون مرت عليك وكل تفاصيل تلك اللحظة
وحجم المعاناة النفسية والمادية والبدنية الرهيب اللي مريت بيهو , وفي نفس الوقت
أعرف وأحس تماما الاحساس اللي حسيتو انتو وأفراد اسرتك وأهلك والأصدقاء ,
|
الأخ الأستاذ / محمد عبد المطلب ، تحية طيبة وبعد
وأشكر لك مشاعرك الطيّبة ، وأبشرك أني بتوفيق الله منذ العام الأول من أعوام القضية الثلاثة
أخذت قطعة أخرى بشمبات ، لأنه زي ما بيقولوا الجواب بيكفيك عنوانه ، فقد عرفت النتيجة مبكراً
وكانت القطعة الأخرى أحب وأفضل ، وبالفعل تحقق في قضيتي حسب ما أرى قول الله تعالى : "وعسى أن تكرهوا شيئاً وهو خير لكم"
القضية التي آمل أن يكون النقاش فيها بمستوى أكبر ، وينبغي ان تثار على اعلى المستويات أمر :
الحكم الغيابي ،،، وما أدراك ما الحكم الغيابي ؟!!!
هذا الحكم الغيابي قد يحول به سجل عمارة عشرة طوابق فضلاً عن قطعة أرض!! وقد حصل ،،،
لا بد أن يكون لشهادة الملكية قدسية ولا يتم تغيير السجل إلا بعد استنفاذ كل الطرق الموصلة لصاحب الملك.
لك مودتي وتقديري ،،،
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: عارف الركابي)
|
Quote:
الأخ الأستاذ / محمد عبد المطلب ، تحية طيبة وبعد
وأشكر لك مشاعرك الطيّبة ، وأبشرك أني بتوفيق الله منذ العام الأول من أعوام القضية الثلاثة
أخذت قطعة أخرى بشمبات ، لأنه زي ما بيقولوا الجواب بيكفيك عنوانه ، فقد عرفت النتيجة مبكراً
وكانت القطعة الأخرى أحب وأفضل ، وبالفعل تحقق في قضيتي حسب ما أرى قول الله تعالى : "وعسى أن تكرهوا شيئاً وهو خير لكم"
القضية التي آمل أن يكون النقاش فيها بمستوى أكبر ، وينبغي ان تثار على اعلى المستويات أمر :
الحكم الغيابي ،،، وما أدراك ما الحكم الغيابي ؟!!!
هذا الحكم الغيابي قد يحول به سجل عمارة عشرة طوابق فضلاً عن قطعة أرض!! وقد حصل ،،،
لا بد أن يكون لشهادة الملكية قدسية ولا يتم تغيير السجل إلا بعد استنفاذ كل الطرق الموصلة لصاحب الملك.
لك مودتي وتقديري ،،، |
الأخ الاستاذ عارف الركابي
تحية واحترام
حمدا لله ان تحصلت علي تعويض مناسب رغم ان الضرر قد وقع وترتبت نتائج علي ذلك الضرر ، الحكم الغيابي هو من الأحكام الخطيرة جدا وهي سلاح ذو حدين ففي بعض الأحيان تمكن أصحاب الحقوق من الوصول الي حقهم بعد أن سدت كل الطرق أمامهم ، وفي ذات الوقت هو سلاح خطير لبعض ضعاف النفوس وهم كثر. ففي الأحكام الغيابية وفي كثير من الأحيان يكفي أن يحلف المدعي انه لا يعلم مكان إقامة أو عمل المدعي عليه فتقوم المحكمة بإعلان المدعي عليه بما يعرف بالطرق البديلة وهي في هذه الحالة الاعلان عن طريق النشر في إحدي الصحف اليومية ، وهنا تكمن الخطورة حيث ان المدعي يختار من الصحف ما يشاء وفي الغالب تكون صحيفة غير مقروءة ، وحتي في تلك الصحيفة وفي كثير من الأحيان يختار صفحة لا يطلع عليها أحد حتي يضمن ان المدعي عليه أو من يعرفه لن يطلع علي الاعلان ، وما علي المدعي الا أن يحضر نسخة من تلك الصحيفة في الموعد المحدد للجلسة ليقوم القاضي وبعد سماع بينة المدعي - وفي الغالب يكون السماع مقتضبا حيث لا حضورللطرف الثاني ليتمكن من استجواب المدعي ومن ثم تقديم بينة مناهضة لبينة الادعاء - ومن ثم يقوم القاضي باصدار الحكم الغيابي والذي قد تترتب عليه آثار خطيرة جدا ، خاصة في الدعاوي العقارية أو دعاوي التركات أو دعاوي الأحوال الشخصية.
هناك خلل كبير جدا في قانون الاجراءات المدنية لسنة١٩٨٣ وهو قانون في نظري قديم وغير مواكب ويحتاج الي تعديلات تواكب التغيرات الخطيرة التي طرأت علي المجتمع السوداني وانتشار حالات الاحتيال وسطه. فطريقة الاعلان بالنشر يجب ان تسبقها اجراءات مكثفة وتحريات دقيقة والا يلجأ اليها الا للضرورة القصوي.
هناك طرق أخري يتم بها استصدار احكام غيابية سيتم الطرق اليها لاحقا ان شاء الكريم.
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
Quote: لا بد أن يكون لشهادة الملكية قدسية ولا يتم تغيير السجل إلا بعد استنفاذ كل الطرق الموصلة لصاحب الملك.
لك مودتي وتقديري ،، |
فعلا هذه من المشاكل الخطيرة جدا ، لذلك يتوجب علي كل صاحب حق أن يبذل جهدا كبيرا للمحافطة علي حقه خاصة في ظل الظروف والتغيرات الكبيرة في المجتمع السوداني ، ويكون ذلك بالمتابعة والزيارة المستمرة للعقار أوتوكيل من يقوم بذلك وفي هذه الحالة يجب ان يكون المالك مستعدا لدفع مقابل مادي لمن يقوم بتلك المتابعة ، أو أن يقوم المالك باجارة العقار أو جزء منه مع عقد ايجار رمزي لضمان الحق ، ومن المهم جدا خلق علاقات مع الجيران والتواصل المستمر معهم عبر التلفون أو أي وسيلة أخري وتحفيزهم.
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
الطريقة الثانية للتزوير , ينطبق عليها القول الشهير " ورثوره وهو حي يرزق"
الخطوة الأولي بتكون معاينة القطعة بنفس الطريقة الأولي المذكوره أعلاه , بعد داك السمسار بمشي المحكمة الشرعية ويقدم طلب لاصدار اعلام وراثي بثبوت الوفاة وانحصار الارث , وغني عن البيان انو السمسار بكون اتحصل علي معلومات القطعة من المصدر من داخل المكتب المعني , وفي المحكمة حيجيب شهادة من اللجان الشعبية تؤكد وفاة صاحب القطعة , ويجيب معاهو شاهدين يشهدو بي كده ويشهدو انو السمسار هو الوريث الوحيد للمرحوم "الحي طبعا" , بعد داك المحكمة بتصدر اعلام شرعي وتثبت حق السمسار في ارث القطعة وتقوم بمخاطبة التسجيلات لتغيير السجل في اسم السمسار وبعد كده السمسار ما عليه سوي بيع القطعة والاختفاء بعيدا , الي أن يعود صاحب القطعة الحقيقي ويتفاجأ بانو قطعتو اتبنت واتسكنت والمشتري حسن النية لا يعلم شي عن الأمر , وتبدأ رحلة صاحب العقار وهي رحلة أشبه برحلة الي جهنم وعلي نفقتك الخاصة.
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: حاتم محمود الجاك)
|
Quote: اكرر شكري الجزيل يا استاذ محمد عبدالمطلب على هذا البوست المفيد والمفيد جدا .. بس الكلام المقتبس دا والله حيرني !!! بالله المزيد لو سمحت
تحياتي ورمضان كريم |
الأخ حاتم محمود,,
تحية ورمضان كريم ,
يعني الزول صاحب القطعة علي الرغم من انو علي قيد الحياة وزي مابقولو "حي يفرفر" , فالسمسار المعني بيقوم بعمل اجراءات عشان يوصل للمحكمة انو صاحب القطعة اتوفي وانو هو "أي السمسار" هو الوريث الوحيد لصاحب القطعة , طبعا المحاكم الشرعية ما بتطلب احضار شهادة وفاة لاثبات ان الشخص اتوفي , بل تكتفي بافادة من اللجنة الشعبية ويكفي انو يجو شاهدين قدام المحكمة ويحلفو القسم انو الزول اتوفي في التاريخ الفلاني في المنطقة الفلانية وانو الوريث بتاعو الوحيد هو السمسار , وانو الزول ده عندو قطعة أرض في الحتة الفلانية , وقبلها بتكون في تحريات اتعملت عن العقار بخطابات للتسجيلات وجهات أخري لللافادة بصحة السجل وخلو القطعة من أي مستحقات. وبعد المحكمة تستمع للشهود ديل بتطلع اعلامي وراثي بثبوت وفاة المرحوم في تاريخو وان الشهود فلان وفلان شهدو بذلك وانو فلان الفلاني "السمسار" هو الوريث الوحيد للمرحوم , علي كده تطلع خطابات لتسجيلات الأراضي عشان تسجل القطعة في اسم السمسار , بعد كده السمسار يقوم يبيع القطعة.
أنا عارف يا حاتم انو الكلام ده ما ممكن زول يتصورو ولا حتي في الأحلام , لكن للأسف ده واقع حصل في سودانا ده!
الله يكون في العون بس!
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: Mohamed Abdelmotalib Hassan)
|
| Quote: طبعا المحاكم الشرعية ما بتطلب احضار شهادة وفاة لاثبات ان الشخص اتوفي , بل تكتفي بافادة من اللجنة الشعبية ويكفي انو يجو شاهدين قدام المحكمة ويحلفو القسم انو الزول اتوفي في التاريخ الفلاني في المنطقة الفلانية وانو الوريث بتاعو الوحيد هو السمسار , |
حتى لو قلنا لماذا لا تطلب المحاكم الشرعية شهادة وفاة .. ومادام الوضع بهذا السوء معناه حتى شهادة الوفاة يمكن تزويرها بسهولة او حتى يمكن استخراج شهادة وفاة لصاحبنا مالك القطعة الذي هو حي يرزق
غايتو الحافظ الله
Quote: أنا عارف يا حاتم انو الكلام ده ما ممكن زول يتصورو ولا حتي في الأحلام , لكن للأسف ده واقع حصل في سودانا ده!
الله يكون في العون بس! |
للاسف السودان الآن اصبح اسوأ مما كنا نتوقع والله يكون في العون كما ذكرت يا استاذ محمد عبدالمطلب
عموما مشكور كتير وكمان شكرا على بوست الوادي الاخضر
| |
|
|
|
|
|
|
|
|
|
Re: عزيزي المغترب: اليك الطرق التي يتم بها التزوير في قطع الأراضي وبيعها دون علمك , فاحترسو! (Re: حاتم محمود الجاك)
|
Quote: يا استاذ محمد
مادام نحنا اون لاين الآن عايز اشتشيرك في واحد صاحبي عرض علي بيت في سوبا وبمساحة كبيرة جدا
وسعر مغري بس عيبه بدون شهادة بحث بقول بأنه المسألة تتم باوراق من اللجنة الشعبية
وبشهود
رأيكم مشكورين |
يا أخ حاتم:
أراض سوبا طبعا أراضي قديمة ، يعني الناس بتعرف بعض وبتعرف لو القطعة المعينة فيها مشاكل وبتعرف لو فعلا مملوكة للزول البايع ليك ، يعني انت ممكن تتحري عن القطعة عن طريق طرف تالت ليست له علاقة أو مصلحة بالمالك ، وانت برضو تكون واقف علي التحريات دي بي نفسك ولو تأكد ليك انها ما فيها مشكلة تمشي مكتب اللجان الشعبية وتستفسر منهم عن القطعة وصحة سجلها للمالك واعلن ليهم رغبتك في الشراء ، لكن لأنو السعر مغري والمساحة كبيرة كن حذر جدا ، ما تضع أي اعتبار انو صاحب القطعة صحبك ، أعتبرو شخص غريب عنك وعايز يبيع ليك حاجة انت ما بتعرفو ولا بتعرف الحاجة البايعها ليك.
عموما كون القطعة تسجيلات لجان شعبية ما بيعني بالضرورة انها فيها مشكلة ، ونصيحتك لك اذا اشتريتها أن تقسمها الي نصفين وأن تسجل نصف في اسم أحد أو كل الأبناء -اذا ما كنت متزوج - أو شخص تثق فيه ،لأن المساحة الكبيرة حتما ستسبب لك مشاكل عندما يتم تسجيلاتها لدي الأراضي. كما أنصح بفصلها كأي قطعتين منفصلتين لتحقيق ذلك الغرض.
في النهاية ، لو أمكن شراء قطعة بشهادة بحث مستخرجة بغرض البيع ، هذا هو المطلوب وهو ما أنصح به لك أخ.
بالتوفيق.
| |
|
|
|
|
|
|
| |
Mohamed Abdelmotalib Hassan
بهاء الدين سليمان
الصادق يحيى عبدالله
وليد عبد اللطيف
Asim Fageary
نادر النور آدم
عزام حسن فرح
ناذر محمد الخليفة
كمال حامد
MOHAMMED ELSHEIKH
محمد زكريا
معاوية عبيد الصائم
سيف اليزل برعي البدوي
Dr.Elsadig Abdalla
عزيز عيسى
ahmed haneen
ولياب
ابوعبيدة حسن محمد
الصادق اسماعيل
فيس بوك
تويتر
انستقرام
يوتيوب
بنتيريست