نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 البنيات البمرقن من مسامك ..... الشاعر عثمان بشري
|
البنيات البمرقن من مسامك
كل ماغنيت عشية امتحان
زي وجع صحي وكأنك
لما تتحتحت معاهن
بركبك فرس الرهان
البنيات الرهافة السر
وما ياتي نهار الدهشة
بتمصمص طماطمك
ظلفتين في البحر
وخُشن يابنات الخربشة الطاعمه
عليكن قدرة الموج والفضا الغبيان
مورط غيم وتسبيح بالجنون
يهرد حشا الدهشة ويسافر في النعاس حفيان
إلا من الرهافة ..
فما تيسر من وجع بستحملك ياموت طري
وياموج لو بتعرف طول حبالك كنت كتفت البحر من جنو
والريح والبنيات البمرقن من مسامك كل ماغنيت عشية امتحان
كأني أنا الوحيد الخنت إحساس الوطن باللحظة
انشريت عصور ماقبل جيت الخلق
أتنبر مسام الريح واحكي عن المكان
في بت تخربش ضحكتها السلطه
كأني أنا الوحيد التهت في الهدى
والسراط عاري
مكتف بالسلف والورطة
ياموسى ماشج البحر غير ديل
عصافير القيامه الفينا
لابسات الهم والدعاش فساتين
مسلمات حد الفضيحه ولا يزال فرس الرهان إبليس
سليمان لما إتورط سبأ
بلقيس نست توبا وتدلت مسرحين تاريخ
وجيناك آبحر نعمدك
مرقتْ مخاليقك ... طشيت
جرحتنا بالدوار وكنت بالطيب كسيحك
وما إيلاك من داء مفاصل وحمى عميانة ورمت فجأه
اكتشفناك سرنا الغائب محمد بن عبدالله
توخينا الحذر
فادلى مننا موج على الصحرا وضِهب
قامت قيامة الناس هناك واستهبل التاريخ شبابيكنا
وفتحنا على الرياح تاني ومشى
لسه بتوترنا بحديثك آانبي؟
لسه بتحملنا الأمانه؟
وانت عارف عبْء هذا الشارع الفينا
وجروح الياسمين
البنيات والرهافة الممكنه
وكاس من حزن ناعس
أنا داقس .. انا شاهد مقاصلك
النفري
الحلاج
ابن عربي
محمود محمد طه
أنا شاهد مقاصلك
والصفيح ضل الحفر حبسوك جواهُ
نهرت رهافتهم بالويل
ماكان ده إحساس بالفدا
ماكان ده حلمك ياخليل
كل الخلوق الليلة كبش
والفالح يرجع آدم التفاحه
واحلام الجليل
من وين نجيك يا الله مليانين شرافه؟
وبالبنيات البمرقن من مسامك كلما غنيت عشية إمتحان
يا الله ماوقفت سماك من غيرنا
مالك ما بتجينا؟
ونحن حبات اليقين والسبحه
والدهشة بتموص خاطر الشايلنو عنك
يا الله البنات فكرة؟
وسهرنا عليك بفتش فينا انثى من الوجع بكرة؟البنيات البمرقن من مسامك
|
|
 
|
|
|
|
|
|
|
|
Re: البنيات البمرقن من مسامك ..... الشاعر عثمان بشري (Re: سلمى الشيخ سلامة)
|
Quote: عارف يا صبرى
عثمان بشرى دا شاعر استثنائى
لانه لمن تسمعه وهو بقرا شعره بتحس انك ماقادر تحبس دموعك
عشان كدا لو ساعدنا بانه يسجل قصائده ويوزعها لينا بنكون اكثر الناس سعادة
تحياتى لكما |
الاستاذة سلمى الشيخ سلامة
إحترامي
ترفي الاستثنائي هنا , ان السعادة نستمدها عبر
الدموع هو الاستثنائي فينا صدقيني عثمان بشرى
شاعر جميل .
.....................................حجر.
| |
|
|
|
|
|
|
|
|
|
Re: البنيات البمرقن من مسامك ..... الشاعر عثمان بشري (Re: Sabri Elshareef)
|
عثمان البشرى
الكائن
المخول له امر الشعر
موسيقى .. محتوىً
فلسفى
ابعاد جماليه
وتفاعلات
الواقع الوجود
هذا الكائن .. ربما لا ينتبه
او يحفل بسموق قامته
حاضرنا العجول ,
لكن وجوده وشعره
على السواء
سيصعد به
درجات
القادمين
انه
يحمل للشعر والوجود
ذات النص ,
جينات جديده
.
.
شكرا صبرى الشريف
لجلب اشعار عثمان
الى هنا ..
.
.
| |
|
|
|
|
|
|
| |
حبيب نورة
الرفاعي عبدالعاطي حجر
سلمى الشيخ سلامة
هشام كمال
Elbagir Osman
khatab
معاوية عبيد الصائم
خضر حسين خليل
فيس بوك
تويتر
انستقرام
يوتيوب
بنتيريست