|
|
 سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟!
|
في البدء أود التأكيد على موقفي المعارض للإنقاذ وعلى انها كانت السبب الرئيس لإجهاض التجربة الديمقراطيبة في البلاد
وكذلك موقفي الرافض لمحكمة الجنايات الدولية من حيث المبدأ .. ليس حباً في البشير ولكن حتى لو كان غيره .. فأنا أرفض أن تتم محاكمة أي سوداني هناك
..
الشاهد في الأمر أن كثير من البوستات التي كتبت هنا في الفترة الاخيرة توحي أو تقولها صراحة بأن تنفيذ أمر الإعتقال سيخرج السودان من نفق الإنقاذ إلى ما هو أرحب
وسينهي المشاكل والصراعات الإثنية في السودان وسيلغي موضوع الإستفتاء ويعود الجنوب مرة أخرى لحظيرة الوطن وستتوقف الحركات الدارفورية
وتجلس لمائدة المفواضات وتقبل بالحلول العقلانية المطروحة .
كيف سيكون ذلك .. أنّـا لهم بهذا التحليل ؟؟
وجود البشير في على رأس السُلطة او عدمه لن يلغي الواقع الراهن لحال البلاد .. فمؤسسات الكيزان قد أطبقت على كل مفاصل الحكم من أصغر الشركات
وإنتهاءا بأضخم اجهزة الدولة وأكثرها حساسية (الأمن ، الجيش ، الشرطة .....إلخ) ..
فغياب أحد التروس لن يوقف الماكينة الإنقاذية الضخمة التي تسير البلاد والعباد كيفما تشاء ..
|
|
 
|
|
|
|
|
|
|
 Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! (Re: محمد عمر جبريل)
|
وماهي السيناريوهات المحتملة إذا تم تنفيذ أمر الإعتقال ؟؟
هل ستدخل البلاد في حالة من الفوضى والإضطرابات الأمنية لتسقط بعدها الإنقاذ بإنتفاضة جماهيرية أو ما شابه؟؟
غير وارد على الإطلاق .. لسببين :-
1) في العقدين الأخيرين وقعت أحداث كثيرة كان من الممكن أن تكون النواة لإنتفاضة جماهيرية تسقط نظام الإنقاذ .. هذا بافتراض أن الجماهير
المؤثرة (جماهير المركز) ترغب في الإطاحة بهذا النظام .. من على سبيل المثال لا الحصر موت القائد جون قرنق .. الإغتيالات والتصفيات التي
حدثت لقادة آخرين .. المفاصلة الشهيرة .. أطنان الأموال المفقودة بسبب الفساد والجميع يعلم عنها
كل هذه الأحداث كان من الممكن أن تكون سببا لثورة الجماهير ولكنها مرة مرور الكرام ولم تحرك ساكناً على أرض الواقع ماعدا بعض التفاعلات في بعض
الصحف أو المواقع الإلكترونية .. ولم تشكل أي لبنة لبناء (شئ ما) يستطيع الإطاحة بنظام الإنقاذ .
2) أيضا في العقدين الأخيرين حدثت تطورات مهولة ونقلات تحديثية كبيرة جدا في أجهزة الدولة من أمن وجيش وشرطة تستطيع بها مواجهة كل أشكال التفلتات الأمنية
من مظاهرات وإضطرابات امنية .. او حتى محاولة القيام بانقلاب عسكري .
| |
|
|
|
|
|
|
|
|
|
Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! (Re: Sabri Elshareef)
|
صبري الشريف ..
البوست ده محايد جداً (رغم تاكيدي الفوق) بموقفي المعارض للإنقاذ
وعادة لا أحب السياسة ولا الساسة ..
السؤال المطروح هنا لماذ يتوهم البعض أن الإنقاذ هي البشير ؟؟!!
وتنفيذ أمر القبض يعني حتمية زوال الإنقاذ من سدة الحكم !
Quote: لكن من اجرم في حق شعب دارفور يجب محاكمته في لاهاي
|
كامل التعازي لأهل الضحايا من الطرفين .. بس جملتك ما محايدة يا صبري
عارف ليه .. لأن في وجهة نظر تانية بتقول .. المجرم الحقيقي هو من بدأ بإسعار نار الفتنة في دارفور
هو من بدأ بتنفيذ عمليات النهب المسلح وترويع أهلنا في دارفور
يلا تحديد المجرم الحقيقي ببقى محل أخذ وعطي .. إنت بتقول من أعترف بمقتل 10000
وفي ناس بقولو ليه الحرب دي في دارفور .. ؟ ليه ما كانت في أي جهة تانية في السودان
بصورة أوضح .. مين السبب في إنو طائرات الأنتينوف تقصف القرى الحالمة في دارفور ؟؟
| |
|
|
|
|
|
|
|
|
|
Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! (Re: محمد عمر جبريل)
|
الأخ محمد عمر جبريل
لك التحية و الإحترام
Quote:
الحاجة التانية البجد انا مستغرب ليها .. ليه الفور والزغاوة والمساليت تحديداً
وين باقي القبائل الأفريقية في دارفور ؟؟!!!
|
يبدو أنك لا تدري كيف يعمل القضاء ... الغربي بالذات ...
و لا تدري كيف يبني أوكامبو قضاياه الجنائية ضد المتهمين ...
لذلك أرجوك أن تراجع سيرته التي كانت سببا في تكليف مجلس الامن و المحكمة الجنائية له بالتصدي للتحقيق في قضية دارفور ...
فاوكامبو بدأ سيرته القضائية كمدعي عام من بلاده الأرجنتين ... عندما تحقق في فساد الحكومة العسكرية جنائيا و قتلها لآلاف الشباب الأرجنتينيين للإشتباه بهم أنهم شيوعيين أو يساريين ... و باتوا يعرفون بالمختفين The Disappeared ... لأنهم كانوا يغتالون بعد التعذيب بعد إعتقالهم .
و بدأ اوكامبو قضيته بالتحقيق بضباط السجن ... ثم الطيارين الذين كانوا يرمون الجثث من الطائرات في المحيط لإخفاء الجثث .. أي إخفاء الدليل ...
و برغم إختفاء الآلاف من الشباب و المعرضين ... فإنه بني قضيته و بالادلة المادية و الشهود حول إختفاء ثلاثين ضحية فقط .... و بدأ يتتبع الخيوط صعودا الي أن وصل الي رأس الهرم .. كبير الجنرالات و رئيس الحكومة العسكرية ... و في الطريق تساقط قضاة و وزراء و جنرالات كبار ....
هنا أيضا في دارفور ... سوف لن تتوقف الضحايا علي الفور و الزغاوة و المساليت ... و هذه القبائل يملك أوكامبو الدليل المادي و القانوني علي إستهدافها بالإبادة بحسب تعريف الأمم المتحدة للإبادة ...
و سوف لن يتوقف الإتهام علي البشير فقط .. مهما تكون الإنقاذ ولاّدة أو فقّاسة .... و سبب إتهام البشير أنه و في لحظة حماقة ظن مخطئا (أي البشير) أن حصانة الرئاسة ستعصمه من الإتهام .. فتصدي لأوكامبو متحديا بأن يترك أحمد هارون و كوشيب لحالهم لأنه هو من كان يصدر التعليمات لهم بحكم منصبه مبررا جرائمهم أنهم يحمون الوطن من شرور التمرد ... لكن لم يعلم أن لأوكامبو أدلة دامغة و شهود عيان و وثائق و تسجيلات و شهود من ضباط كبار في الجيش و الأمن . لذلك كانت الأدلة كافية لإقناع القضاة أن البشير بوصفه رئيسا للسودان هو ضالع في الإبادة و غارق فيها حتي أذنيه ...
و من الذي قال لك أن الغتهام و الإدانة ستقف عند البشير فقط؟؟
ما حدث بدارفور هي جرائم إبادة شارك فيها الجيش النظامي بكل فروعه و من أعلي قادته حتي الجندي الأزبليطة .. بل مستجدون تحت التجنيد .. و كل فروع الأمن و المخابرات و الشرطة و المليشيات الحكومية و مليشيات قبلية محلية جندتها الحكومة و الأهم ... سياسيا الحزب الحاكم ... المؤتمر الوطني ... و هنا سيتم التعامل معه كما تم التعامل مع الحزب النازي أو حزب كرادتش و ميلوسوفيتش و صدام .
عمليات الإبادة كانت تتم بصورة مرتبة و مخططة أستغلت فيها كل ترسانة الدولة و البني التحتية للدولة من مواصلات و إتصالات و وزارات و قضاء و برلمان ... حتي وزارة الشئون الإنسانية كانت أداة من أدوات الإبادة كما ورد في قرار القضاة في أمر القبض علي البشير....
البشير هو قمة هرم الإبادة ...
و ذهابه سيتم التخلص من كل اعوانه قضائيا و قانونيا .... لأن محاكمته سوف لن تكون جلسة من خمسة دقائق تقتصر عليه هو فقط..
لا .. سيتم حلب كل المعلومات منه ... و من أحمد هارون و كوشيب .... و حينها سيكون البند السابع و العقوبات تتري علي السودان حتي يتم تسليم كل المشتركين...
هنا تكمن الإجابة علي سؤالك الذي تصدر بوستك ....
فالنازية قبل ستين عاما لم ينتهي مباشرة بإنتحار هتلر ..... بل محاربة النازية أصبحت قانونا في الدستور الألماني حتي اليوم.
لذلك يجب تفكيك الإنقاذ قانونيا و قضائيا بدءا من البشير .. رأس الهرم.
| |
|
|
|
|
|
|
|
|
|
Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! (Re: Mohamed Suleiman)
|
| Quote: يبدو أنك لا تدري كيف يعمل القضاء ... الغربي بالذات ... |
محمد سليمان إزيك ياخ .. ومعليش للتأخير ,, الحاجة البعرفهعا يا عزيزي إنو القضاء الغربي ده ما عندو نزاهة بي تعريفة
وبكيل باكتر من مكيال .. بالذات لمن يكون الشخص المتهم أو الدولة دي واحدة من دول العالم الثالث ,, إنت هسي مشيت جبت لينا تاريخ اوكامبو المهني
والسي في بتاعتو وضربت لينا مثل بموضوع الأرجنتين .. وعشان اكون صريح معاك موضوع الأرجنتين ده ما حصل سمعتا بيهو قبل كده .. وده ما تشكيك
في مصداقية الكلام زاتو .. بمعنى ها أفترض إنو الكلام ده صاح . . . بس الأرجنتين دي يا خوي نحن بنشوفها في شعارهم بتاع الكورة ..
اضرب لي أي مثل بي حاجة عندها علاقة بالواقع بتاعنا .. بالحاجات البتمسنا في اللحم الحي .. وين اوكامبو من الحاجات البنعرفها كلنا يا محمد سليمان ..
الحاجات الما دايرا ليها قوقلة وبحث وتحري .. وين اوكامبو من أفغانستان والعراق وفلسطين والحاجات الحصلت فيهم ؟؟؟
بس ما تجي تقول لي اوكامبو بنفذ في قرارات مجلس الأمن الي هي أحالت موضوع دارفور لمحكمة الجنايات الدولية .. عارف ليه ما تقول لي كده
لانو ده ها يرجعك لكلامي الفوق في اول سطر في المداخلة دي .. عدم نزاهة الغرب في كل ما يتعلق بدول العالم الثالث ..
Quote: هنا أيضا في دارفور ... سوف لن تتوقف الضحايا علي الفور و الزغاوة و المساليت..
و هذه القبائل يملك أوكامبو الدليل المادي و القانوني علي إستهدافها بالإبادة بحسب تعريف الأمم المتحدة للإبادة ... |
ليه الفور والزغاوة والمساليت تحديداً؟؟ ليه الإبادة الجماعية دي ما كانت ضد كل القبائل الأفريقية في دارفور ؟؟
وين الميدوب / البرتي / التنجر / الميما / الداجو / الفلاتة / .............إلخ من القبائل الغير عربية الموجودة في دارفور..؟
Quote: ما حدث بدارفور هي جرائم إبادة شارك فيها الجيش النظامي بكل فروعه و من أعلي قادته حتي الجندي الأزبليطة
.. بل مستجدون تحت التجنيد .. و كل فروع الأمن و المخابرات و الشرطة و المليشيات الحكومية و مليشيات قبلية محلية جندتها الحكومة و الأهم ...
سياسيا الحزب الحاكم ... المؤتمر الوطني |
يا محمد سليمان .. أعضاء المؤتمر الوطني 6 مليون + 3 مليون شرطة وجيش وأمن + مليون (أخرى) ديل عشرة مليون يا محمد سليمان !!
إنت منتظر اوكامبو يجي يحاكم ربع السودانين ؟؟؟ كيف الكلام ده يا محمد .. ما وقع لي
| |
|
|
|
|
|
|
|
|
|
Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! (Re: محمد عمر جبريل)
|
| Quote: وبطن الإنقاذة ولادة .. بجيك علي أو نافع أو أو أو ... |
ده لأنك ما حِضرت زمن < عُمر محمد الطَيِب > أو حاضرو وما بِتوعاهو ... ياخ نميري مِن شِده ما كان شرِس ، بِعيونا دي 16 سنة ما شفنا فيها الصادِق المهدي أو أي أنصاري ساي حايِم في البلد ... بِعِيونا دي 16 سنة ما شُفنا فيها محمد عثمان الميرغني أو أي ختمي حايِم في البلد ... الجلابِية أُم رقبه ، حقت الختمِية والجلابِية الأنصارِية ، الخياطين مِن طولو ما خيطوهِن ، نِسو بِفصِلوها كيف زاتو ... بِعِيونا دي 16 سنة ما شُفنا فيها محمد إبراهيم نُقُد ... ما شُفنا 16 سنة أولاد الهندي ... وكُلهُم نميري دخلُمْ غصبًا عنهُم الإتِحاد الإشْتراكي كُلهُم كُلهُم ... اليَوم الوضع مرخي ... مرخي مِن الشهور الأولى ... أهو الأحزاب هايصا ... واحدين إشتروهُم وواحدين إتوالو وواحدين في البِيوت مُدمْدِمين ومُكَوِعين إيديهُم ... يا حليلو نميري لو قال كلِمة في كادُقلي تتنفذ في الخُرطوم ... البشير ليهو سنين ما قادِر يِشيل الخَيم المنصوبة في خشُم كُل وِلاية ومُحافظة وبِتشيل قُروش الناس ذندية ... البشير قبُل كَمين سنة كَدي ، طلع في التلفزيون ولغى كُل الرسوم على طريق مدني، وحياتك بعد ثلاثة أيام ، ماشي في طريق مدني شالو مني قروش في (3) نِقاط سنار ومدني وسوبا ... يا زول الإنقاذ ما زي ما إنت مُتصَوِر ، بس إنت ما شُفت الشافو القُبالك ، حتقارِن كيف ده بِده وإنت ما بِتعرِف غير ده. < ... تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء ... > 26 آل عِمران
ـــــــــــــ
| Quote: الإنقاذ هي خلاصة لتجربة طويلة جدا خاضها تنظيم الأخوان المسلمين |
تجرُبة شنو يا خوي ... التجرُبة دي بِتأدي لِلوصول إلى حقائِق ... الإنقاذ لو عِندها تجرُبة ما كانت قتلت أكتر مِن 2 مليون بني آدم في الجنوب والغرب والشرق وشردت قدُرُمْ. ما كانت خلت المال دَولة ... ما كان رئيسها بِطلع بِدَبا ويِدخُل بِدْبا مِتل الحرامي
ـــــــــــــ
| Quote: الحاجة التانية البتخلي الإنقاذ مازي نظام نميري .. إنها بتهبش الناس (السودانين) في وتر حساس جدا بالنسبة لينا .. وتر الدين .. والله . والرسول |
الدين الإسلامي ، في السودان < مُسَودن > لامِن ركز ، ركز بِواسطة الطُرُق الصوفِية ... وبِيوتات العِظام (ناس أنا أبوي المهدي وأنا أبوي الميرغني وأنا أبوي الهندي) كان مالكين العرض والأرض بِالدين أب نوبا وشتَمْ ده وبِرغم ده العُظامِيين سقطو كذا مره (الصادِق المهدي/الميرغني/الهندي) الدين الإسلامي في السودان لا هو وتر حساس ولا هو وتر تخين ... أمشي شِق البُطانة شوف الناس كيفِن بِتْصلي ، ذكرت البُطانة علشان مظان الأعراب ... هسِع يوم الليلة ده في زول بِقول إنو الإنقاذ بِتطبِق الدين الإسلامي؟ شوف السودان ده فوقو كم قُبة فكي وشيخ طريقة ومُعظم الطُرُق في ضلال وبعيدة عن الدين الإسلامي ... يِقول ليك ده بِطير وده بِمِش فوق الموية وده بِجيب الغايبه وده بِخلي المرا العاقِر تلِد و ... و ... و
| |
|
|
|
|
|
|
|
|
|
Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! (Re: عزام حسن فرح)
|
الاخ محمد
تحياتي
| Quote: الحاجة التانية البجد انا مستغرب ليها .. ليه الفور والزغاوة والمساليت تحديداً |
لانه القوميات دي في دليل (مادي) لدى المحكمة الجنائية الدولية بتورط البشير مباشرة
حيث انه امر في لقاء شعبي حاشد بالفاشر وبثه تلفزيون السودان قال فيه - موجها حديثه لضباط الجيش :
انا ما داير اسير او جريح انا داير اصفي المنطقة منهم مافي متمرد زغاوي او مسلاتي او فوراوري يجي ماشي بجاي
__
وهذه دعوة صريحة كما ترى وامر مباشر من المجرم الذي يشغل منصب القئد الاعلى للقوات المسلحة بالقتل ذاكرا
في خطابه قبائل محددة .
| |
|
|
|
|
|
|
|
|
|
Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! (Re: عزام حسن فرح)
|
هلا يا عزام
| Quote: الدين الإسلامي ، في السودان < مُسَودن > لامِن ركز ، ركز بِواسطة الطُرُق الصوفِية |
والله حاجة خلّت السودانين ديل بمستوى السذاجة والتخلف وأحياناً العبط ده غير الصوفية دي ما في حاجة ,,, بعدين تعال نسألك الصوفية البتستشهد بيها
دي مش ياهام ذاتهم البايعوا أمير المؤمنين ده ؟؟ يا عزام الصوفية الحقيقية القاصدها إنت موجودة هناك في متون الكتب وبعض الأمثلة من الرعيل الأول
ما عايز أحرف النقاش عشان يبقى عن الصوفية ..
لكن الحاجة العايز أقولها ليك إنو الإنقاذ (مؤدلجة) ما زي حكم نميري كان عندهم أهداف واضحة في عشان يتوسعوا ويتمددوا في دول تانية لحدي قبل المفاصلة
وهنا قصدي الأخوان المسلمين مش الإنقاذ .. أذكر في يوم من أيام التسعينات الفاتت دي كنا بنتغدى .. ومعانا واحد ضيف كان بتكلم بكل غرور وإفتخار عن الإنقاذ
وفي معرض كلامو قال نحن (الأخوان المسلمين) بعد مسكنا الحكم في السودان ... الشهر الجاي ها نمسكوا في مصر وتركيا
ويشهد ربنا ما هي إلا أيام قليلة لحدي ما حصلت محاولة إغتيال حسني مبارك وفاز حزب الرفاه الإسلامي بالإنتخابات في تركيا
| |
|
|
|
|
|
|
|
|
|
Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! (Re: محمد عمر جبريل)
|
سلام أخونا محمد عمر
| Quote: سينهي المشاكل والصراعات الإثنية في السودان وسيلغي موضوع الإستفتاء ويعود الجنوب مرة أخرى لحظيرة الوطن وستتوقف الحركات الدارفورية وتجلس لمائدة المفواضات وتقبل بالحلول العقلانية المطروحة |
كل المطلوب أعلاه كانت آخر فرصة له هي الانتخابات الأخيرة التي أبت الطغمة وعلى رأسها حامي الفساد البشير إلا أن تفسدها وتحولها لكزميديا سوداء لتستمر في اذلال الشعب وما توزيع الغنائم بين منسوبي الطغمة إلا شاهد على ذلك واستمرار لنفس سيرة ال 20 التي سبقتها.. فماذا بقى للشعب؟؟؟
شعب يعاني في جميع المجالات والفساد والسرقة هما سمة منسوبي الطغمة وفوق هذا يتم تعيين 77 وزير و 14 مستشار في ظل نظام يدعون بأن فيدرالي فاي مهزلة نشهد وأي صمت مطلوب..
ياحبيب المحكمة هي للقصاص للشعب الذي تم استمراء اذلاله في جميع أرجاء السودان بدرجات متفاوتة (وهذا لايشمل منسوبي الطغمة والانتهازية التي تحيط بهم من الحفاة العراة الذين تطاولوا في البنيان ومن ينتون ذلك بدون وازع من ضمير أو أخلاق أو دين)..
احتراماتي
| |
|
|
|
|
|
|
|
|
|
Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! (Re: Mohamad Shamseldin)
|
Quote: صبري الشريف ..
البوست ده محايد جداً (رغم تاكيدي الفوق) بموقفي المعارض للإنقاذ
وعادة لا أحب السياسة ولا الساسة ..
السؤال المطروح هنا لماذ يتوهم البعض أن الإنقاذ هي البشير ؟؟!!
وتنفيذ أمر القبض يعني حتمية زوال الإنقاذ من سدة الحكم !
Quote: لكن من اجرم في حق شعب دارفور يجب محاكمته في لاهاي
كامل التعازي لأهل الضحايا من الطرفين .. بس جملتك ما محايدة يا صبري
عارف ليه .. لأن في وجهة نظر تانية بتقول .. المجرم الحقيقي هو من بدأ بإسعار نار الفتنة في دارفور
هو من بدأ بتنفيذ عمليات النهب المسلح وترويع أهلنا في دارفور
يلا تحديد المجرم الحقيقي ببقى محل أخذ وعطي .. إنت بتقول من أعترف بمقتل 10000
وفي ناس بقولو ليه الحرب دي في دارفور .. ؟ ليه ما كانت في أي جهة تانية في السودان
بصورة أوضح .. مين السبب في إنو طائرات الأنتينوف تقصف القرى الحالمة في دارفور ؟؟
|
الاخ محمد عمر
تحية طيبة
انا غير محايد مع لصوص العصر وسفاحين السودان الحديث
عزيزي هنا الكيمان اتفرزت مجرم مطلوب من قبل العدالة الدولية وحتما سيصلها رغب ام لم يرغب
وهنا الامر ليس امر قضاء السودان او القضاء الافريقي او العربي الذي يقف مع الطغاة ضد العدالة
مسئؤلية الحكومة هي المحافظة علي الوطن مش قتل جهة وتحريض مليشيات وجماعات
عزيزي ما خلفته قضية دارفور كثير جدا اكتب دارفور تاتيك احاديث وصور ولقاءات لا تتصور ان محاكمة البشير وعصابته تكفي
عزيزي العدالة تقتضي القبض علي هذا المجرم
| |
|
|
|
|
|
|
|
|
|
Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! (Re: Sabri Elshareef)
|
| Quote: وجود البشير في على رأس السُلطة او عدمه لن يلغي الواقع الراهن لحال البلاد .. فمؤسسات الكيزان قد أطبقت على كل مفاصل الحكم من أصغر الشركات |
يا حليك وحليل الكيزان
ديل راحوا زمان
من أيام المفاصلة
أو قبلها بكثير
لم تعد هناك أكثر ولا أقل من ديكتاتورية
مثلها مثل أي ديكتاتورية في العالم
ونطمنك
بضياع الديكتاتور لن تعود هناك مؤسسات خليك من كيزانية
دا كله كله بنتهي قبل أن يرتد إليك طرفك
بموت فرانكو عادت الديمقراطية لإسبانيا
وبسقوط سلازار عادت الديمقراطية للبرتقال
وبموت ستالين راحت الستالينية شمار في مرقة
وإنت عارف الحصل شنو لنميري
المهم
كدي خلينا نشوف المجرم الهارب من العدالة في سوح عدالة حقيقية
مش عدالة هو الذي إختار قضاتها
وحينها مشاكل كثيرة ستكون في طريقها للحل
| |
|
|
|
|
|
|
| |
محمد عمر جبريل
عزام حسن فرح
Mohamad Shamseldin
Mohamed Suleiman
عبد المنعم سليمان
Nasr
فيس بوك
تويتر
انستقرام
يوتيوب
بنتيريست