|
|
|
 Re: كيكي و خليل و انا ..... زاوية (Re: ابراهيم عدلان)
|
صباح الخيرات يا ابراهيم يا عدلان
وكمان ما تقول انا صحيت اربعة صباحا ويبدو ان فعلا هذا اليوم سيكون جميلا
واليوم اكان جمعة والامة مجتمعة
ياخي الاغنية دي عجيبة وعندي معاها ذكريات حلوة
في حفل راس السنة 1983 افتتح بها العندليب الحفلة في نادي الجزيرة مدني
وطبعا الاغنية عندها مقدمة موسيقية جميلة
جميل العندليب وما اجمل المقطع الذي يقول
وقبل لقانا ما حسيت بطعم الدنيا من تبيت
| |
 
|
|
|
|
|
|
|
|
Re: كيكي و خليل و انا ..... زاوية (Re: khaleel)
|
ابو الخل يا صاحب
زمان ايام الثانوي العام كنت مسؤل من الاذاعة المدرسية التي كانت عبارة عن مايك و سماعتين و جهاز ريكوردر كاسيت
زمن التشغيل ساعة ( حصة الفطور )
و كانت مدرستنا محاطة باربع مدارس اخري , ثلاث منها قوارير
و كانت بقيت ظالم
مطلب اول
ساعتها تسكن الحركة و يتحول الضجيج الي همس
و يهجع الطير عندما يصل زوزو مقاطع بحبك
جمعة مباركة
| |
|
|
|
|
|
|
|
|
|
Re: كيكي و خليل و انا ..... زاوية (Re: Soumeta)
|
Quote: "قلت لي من 1983 متابع حفلات زيدان و راس السنة؟" :D
|
يا عزة عمك السر قدور قال كان في القاهرة ومعاهو في العربية الفنانة عائشة الفلاتية
ومرو بمبني الاذاعة المصرية فقامت عائشة قالت للسر قدور
انا سنة اربعين غنيت في الاذاعة دي
نظر اليها قدور بنظرة انها كبيرة خلاص وبسرعة بديهة شديدة قالت له
لكن ما كنت صغيرة الوقت داك
فهسع انا يا عزة سنة 83 كنت صغير
| |
|
|
|
|
|
|
|
|
|
Re: كيكي و خليل و انا ..... زاوية (Re: khaleel)
|
هلا يا ابراهيم وابو خليل وسوميتا
ومساحة صباحية منعشة ودهشة
وكدي خلوني امتع نفسي بالدهشة والتحليق واجيكم شفيفا وانا في مرحلة النقطة الشهيرة التي كم هي قادرة تلك الاغاني العجيبة علي ان توصلني لها
وبجيكم نابل
| |
|
|
|
|
|
|
|
|
|
Re: كيكي و خليل و انا ..... زاوية (Re: khaleel)
|
بالله كيكي وخليل وانا زاوية
ياخي لمتكم دي ما عملت مثلث الشيطان زاتو يا ابراهيم عدلان
دي حالة شنو سلام جاكم
وانا بهناك ياكوتش منتظر الباص من كيكي وخليل
اها شايف الناس ديل بلعبوا معاي بطريقة سامي عزالدين
وكدا (باصات في الضهر)
هل تصدقوا ابو الزيك يرجع يغني وكأنة صاحب الاربعة وعشرون عام
الى ان همسة في اذن عازف الكمان الكردفاني وقلت له انت ابو الزيك دا ما بكبر
فضحك وقال قول ماشاء الله وسلمت على عازف الكمان الاخر مامون لاعب العباسية وكبتنا سابقا
وتحدثنا كثيرا عنه ونزل في نهاية الحفل وهو متزن وجلس بجانب المسرح فكان لازم
نديهو التحية ..
السؤال : لماذا زيدان يغني في احياء ام درمان بطريقة مختلفة وتحير
خليل
هذا الحفل كان قبل 20 يوم تقريبا زواج لوي سليمان شقيق الكابتن هيثم سلمان
بالموره ومن الطرائف قابلني صاحبك المدرب عامر كلانا فضحكت علية
وقلت له انت ثيردباك ولا حله راحله .. فضحك كثيرا
وصاحبك برهان تيه في اديس ابابا
| |
|
|
|
|
|
|
|
|
|
Re: كيكي و خليل و انا ..... زاوية (Re: وليد عبد اللطيف)
|
| Quote: السؤال : لماذا زيدان يغني في احياء ام درمان بطريقة مختلفة وتحير |
حباب وليد صاحب الكفر والوتر
المنبر نور ونحمد الله علي سلامة الوالدة
مرة الجماعة سالو زيدان ليه تسيب امدرمان وتسكن الحاج يوسف فاجاب
امدرمان دي خليناها ليك
تشيلوها كدة تودوها كدة وكان يشير بيديه يمينا وشمالا
لازم العندليب يبدع في ارض الطفولة والصبا والذكريات والشباب
| |
|
|
|
|
|
|
|
|
|
Re: كيكي و خليل و انا ..... زاوية (Re: khaleel)
|
خليلو
| Quote: المنبر نور ونحمد الله علي سلامة الوالدة |
تسلم ياغالي
من المدهش ياخليل عازفين زيدان عيانين بزيدان
وهل تصدق الكردفاني بدايته كان يغني ويقلد زيدان ابراهيم
قبل ان يعزف الكمان خلفة.
زمن والله زمن
| |
|
|
|
|
|
|
|
|
|
Re: كيكي و خليل و انا ..... زاوية (Re: وليد عبد اللطيف)
|
يا سسسلام يا وليد ياخي
وحمد الله علي سلامة وصولك سالما وحمد الله علي سلامة الوالدة العزيزة الغالية
وفقدناك شديد في ياخي في كاس العالم فلقد كنا نتمني وجودكم معنا
ولكنا نسعد اكثر وانت تطل علينا في راكوبة حبيبنا ابراهيم الملانة بالدعاش والنسمة والدهشة
والمزيكة النضيفة التي تاتي كما الباص الاسكرو الذي يريح الانصايد في حنانو وما عليهو الا ان يشوت القون
وكل الود والتقدير يا وليد وبالجد فتشت سكتك عشان اضرب ليك وانت في السودان
ولكن لكل العتبي يا صديقي حتي ترضي
وحبابك
| |
|
|
|
|
|
|
|
|
|
Re: كيكي و خليل و انا ..... زاوية (Re: وليد عبد اللطيف)
|
طارق يا كوتش
انتكي و اتجدع في الزاوية الزيدانيه
مرحب بيك
وليد الحريف
مثلث برمودا و سره الباتع
تعرف انو كيكي و خليل ديل اكبر ذواقه في حوش بكري و عندهم ون تو يحير بشري وهبه زاتو
زيان احد فلتات الزمن التي لن تتكرر
اسمع
بحسك جوه في اعماقي نور كلمات
و انت تعرف
سر بكاء زيدان في الاغنية دي فكاهو مصطفي ابو العزايم قصة حب زيدان مع فتاة استمرت 17 سنه
البنيه فراعيه و اظنها من كلية القانون
شرفت البوست يا ويلي
| |
|
|
|
|
|
|
|
|
|
Re: كيكي و خليل و انا ..... زاوية (Re: ابراهيم عدلان)
|
Quote: سر بكاء زيدان في الاغنية دي فكاهو مصطفي ابو العزايم قصة حب زيدان مع فتاة استمرت 17 سنه
البنيه فراعيه و اظنها من كلية القانون
|
من النادر ان تجد اغنية غير حزينة للعندليب وهذا يعود كما قال زيدان لليتم المبكر وعدد من التجارب الزوجية
والعاطفية الفاشلة
وزيدان صرح مرة انه فاشل في اي شي ما عدا الفن
الله يحفظ القون زيدان
| |
|
|
|
|
|
|
|
|
|
Re: كيكي و خليل و انا ..... زاوية (Re: khaleel)
|
عبد الكريم (كيكي )
Quote: يا سسسلام يا وليد ياخي
وحمد الله علي سلامة وصولك سالما وحمد الله علي سلامة الوالدة العزيزة الغالية |
الله يسلمك ياكوماندو صاحب الطلعات الجوية والباصات الغير مرئية
خليلو
Quote: وماذا يا ابراهيم عن العندليب
لما يقول
قسما قسما بحق عينيك ياك سمير قلبي |
ياخوانا الشاف مازي السمع
شوف عيني وسمع اضاني
وانا اخر واحد شاف زيزو الان عمره 25 عاما.
اها ياخليل قسما دي قسما مافي واحد بقدر يقلدها
علمني كيف اسمع زيدان
وعلمتني كيف اعشق الامبراطور
---------------------
سلام يا ابراهومة مشكور ياراقي
| |
|
|
|
|
|
|
|
|
|
Re: كيكي و خليل و انا ..... زاوية (Re: khaleel)
|
خليلو ياهندسة
نحكي ليك شوية عن ابوالزيك مع الفراعة
لما يجيها لابس لبسة اشتراكية وعربته مكتوب
فيها من الخلف مين علمك يافراش
عندي اصحابي وشلتي انا اضعف واحد فيهم في سماع العندليب
وديل زيدان لما يكون عندو يوم مفتوح لو مالقاهم قدامو
في المسرح ولا بحب يغني زاتو .
المهم يوم حفلة في القاعة برضو بتاعة فراعة واول مره شوف
زيدان بزعل وبتنرفز يازول يذكرك زيدان لاعب فرنسافي النهائي
يازول زيدان ابراهيم طلع المسرح بتاع الساوند قعد يعمل حركات
صلحوا الساوند بتاع الايقاع مامون قعد يعمل حركات
يازول صاحبك اتلفت وكبس ليك الى مامون
وقال :ياخي بتاع الساوند كرهنا انت كمان مالك علينا
وبعد داك المزاج يرجع وتعال شوف العذاب .
الطرح تطاير والمناديل تلوح وبشتنه شديده .
ابوالزيك فعلا عندليب ياخليل .
وبالشفتو الان افضل من قبل 30 سنه .
| |
|
|
|
|
|
|
|
|
|
Re: كيكي و خليل و انا ..... زاوية (Re: وليد عبد اللطيف)
|
Quote: وقال :ياخي بتاع الساوند كرهنا انت كمان مالك علينا
وبعد داك المزاج يرجع وتعال شوف العذاب .
الطرح تطاير والمناديل تلوح وبشتنه شديده .
ابوالزيك فعلا عندليب ياخليل .
وبالشفتو الان افضل من قبل 30 سنه |
وليد
عندي ليك حاجات حديثة وجميلة للعندليب وكردفاني وعاطف عبدالحي
فور الانتهاء من تحميلها ترسل لك فورا
| |
|
|
|
|
|
|
| |
ابراهيم عدلان
khaleel
Soumeta
عبدالكريم الامين احمد
وليد عبد اللطيف
فيس بوك
تويتر
انستقرام
يوتيوب
بنتيريست