Quote: نتوقف عن البكاء على الراحلين من أهل المغنى عند الأستماع لياسر تمتام
ينصر دينك يا بوعفان .. ما قلت إلا الحق . تمتام بديع ياخ .. صوت سمح و فيهو بحة تجرس الما بيتجرس .. و الوحيد الفي جيلو حافظ غنا الدنيا و العالمين و خاتم عليهو زي ما يجب .
استمتعوا ياخ .. عافين ليكم .
07-23-2010, 01:24 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
عزيزنا الفنان عماد عبدالله سلامات وبارك الله فيك يا أخى نعم الفنان تمتام بديع . وحافظ ومحافظ على الوديعة . ونبرة الصوت العندو دى . مافى شك بتخليه يمتلك مفاتيح الدخول للعالم الواسع . تمتام يا عماد جاب من عندو شغلات فيها فهم كتير . تحياتى وكتير شكرى
07-23-2010, 03:25 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
والله ترحاب كتير بالفنان تمتام فى البلدات الخمسين المتحدة الأمريكية . مرحب يا أخى . شم الهواء النظيف وفرفش وأسمع غناء المكاسيك والويست انديز والعرب والحلب وجيب لينا حقنا نديان من جروف النيل مع الموجة الصباحية . زى ماقال شيخى السيد الرئيس عمر الطيب الدوش .
07-24-2010, 03:15 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
عزيزنا محمد عثمان . بسراع بسراع . فى انتظارك لجلب الأغنية ( هواك وهواى ) فى هادى الأغنية يا محمد عثمان صوت تمتام فيه نغمة من كل صوت من أصوات أولئك الخالدين . وفيه ما يذكرك بصوت من قال : يا سلوة المحزون .. يا قيثارة القلب الجريح يادرة فاقت على الانداد بالقد المليح يازهرة انفاسها كالعطر .. يعبق بالضريح .. جيب تمتام يا محمد يا عزيزى .. ويديك العافية
07-24-2010, 06:20 AM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
كنا نتحدث عن الغناء وأهل المغنى . وكنا نستمع الى الفنان تمتام وهو يغنى أغنية هواى وهواك . الصوت ينقلك الى تلك الدروب اللطيفة . الى البراحات الجميلة . الى النزهة فى ضواحى أمدرمان . الى العالم تمتام يشعرك بقوة حضوره . تمتام تعرف على فنون الخالدين عن كثب .
07-25-2010, 02:33 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
عزيزنا جمال السنوسى سلامات وألف شكر على وضع الشغل المتين . يا أخى نمر عليك فى الأفراح والليالى الملاح . شايف يا سنوسى ؟ شايف الزول ده صوتو ماهل قدر شنو ؟ وشايف طريقة الحفظ ؟ .. بارك الله فيك وكتر خيرك يا أخى .. وتحياتى
07-25-2010, 08:34 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
ليالى الخير جادن من المحبوب نسايم الليل عادن من المحبوب شفت فى الأحلام ظبى يتهادن برخيم نغمات خلى تنادن عبرات الشوق بى ازدادن تلكم احلام ليت تمادن . .. من 14 سنة وأنا أذكر صوت تمتام وكلمات محمد ود الرضى .. يا للجمال
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osman Musa
Emad Abdulla
معاذ حسن
جمال السنوسي
فيس بوك
تويتر
انستقرام
يوتيوب
بنتيريست