نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
أنا بقيت فنّان !!
|
جايين طايرين كلكم تسمعوا الغناء بتاعى مش ! بتطوّلوا ... أنا قاصد فنّان .. فنّان !! يعنى ..طقّاع !! بقيت أطقع يعنى .. كلمة والثانية فننن أفنن ليك الحاجة .. الأولاد عذبونى عذاب بالأسئلة والشكيّة ! خلاص بقيت ما قادر أتحمل ! ولقيت ليك الحل فى الفن أو الفنين !! مما أجى داخل البيت بفتحوا لى شوال الأسئلة والشكاوى ! يا بوى شفت إسلام قال لى .. يابا عاوز كراس للواجب .. أبوى عندك قلم حبر زايد ؟؟ يا بوى كولا ضربنى بى كراعو فى رقبتى .. يا ولد ضربت أخوك ليه ؟؟ ما ضربتو فى الحقيقة ضربتو فى البلى ستيشن ! ويجينى بسبوس المتفلهم : يابا يابا .. جبت جرايد الليلة ؟؟ يا جماعة مامعقول خلونى أفنن هدومى بعدين تعالوا !! وستهم تجينى جبت لى شنو الليلة ؟ يعنى لازم يا شهد كلو يوم أجيب ليك حاجة ! ياخ إنتى ما بقيتى بت كبيرة !! والعامل فيها شفت منتصر : أبوى دايرين مفتاح العربية !! ماشين الدروشاب ناس خالتى جو من الدوحة ! ما بديك المفتاح أنا طالع هسى ! يا بوى إنت متين جيت عشان تطلع ! والبوليس طوالى يملص لى (يارا) أمسك بتك البكّاية دى ! (لغاية مايوم أفننا ليها عشان يفهمن الإتنين حاجة ) أها ياجماعة دى مش حاجة تخلى الزول يبقى فنان !! كلو ده ما بقيف إلا بالفن ! قولة فنننننن ... الجماعة كلهم بتضايروا !! ملحوظة : آخر ضحايا فنى كان الموبايل !!
|
|
|
|
|
|
|
|
Re: أنا بقيت فنّان !! (Re: Mohammed Awad)
|
Quote: والله ياجنابو فن زى دا كان عند ابوى بس مرة طربيزتنا جبناها من الجيران... |
ياطبنجة اذا عندو اتنين بس زيك ......... كان مفروض هو زاتو يمشي يقعد مع الجيران
| |
|
|
|
|
|
|
Re: أنا بقيت فنّان !! (Re: محمد الامين محمد)
|
Quote: ياطبنجة اذا عندو اتنين بس زيك ......... كان مفروض هو زاتو يمشي يقعد مع الجيران |
جيران وين ياجنابو... والله بدونى كان نشلو مرة قبضت النشال ماسك فى جيبو واثناء المعافرة الحاج قام ناولو ليك بونية من ابو لستك اجمل مافى الموضوع انا والحرامى اتكومنا جوة الخور وكانت الدنيا خريف... وانا لابس هدوم الحفلة.... جيت مارق احدر لي ابوى وهو يضحك قال لى تفتح خشمك بقول انت النشال
ــــــــــ مش مفروض امشى اقعد مع الجيران انا؟
| |
|
|
|
|
|
|
Re: أنا بقيت فنّان !! (Re: Mohammed Awad)
|
Quote: جيت مارق احدر لي ابوى وهو يضحك قال لى تفتح خشمك بقول انت النشال |
والله ياعمك ابوك ده نطالب بكري بمنحه باسويرد فوراً ...... اتاريك كارثة بالوراثة
| |
|
|
|
|
|
|
Re: أنا بقيت فنّان !! (Re: Mohammed Awad)
|
Quote: والله ياجنابو فن زى دا كان عند ابوى بس مرة طربيزتنا جبناها من الجيران... |
محمد عوض خلى بالك أبوك من زمن الحقيبة !!Quote: بعيد من الفن ـــــــــــــ ربنا يحفظهم ليك ياخ |
بارك الله فيك وحفظك
| |
|
|
|
|
|
|
Re: أنا بقيت فنّان !! (Re: omer osman)
|
Quote: فنانين ساي ........ ناس شعبي وناس حقيبة ...... وناس جاز عديل كده |
جنابو عمر الظاهر الأوركسترا الجبتها معاك اللمة الفاتت ما مقصرين معاك بالذات أب راسأ مدوقس داك شكلوا كده ح يخليك تغنى ظلمونى !!
| |
|
|
|
|
|
|
Re: أنا بقيت فنّان !! (Re: صلاح أبودية)
|
ابو دية
سلامات ومشتاقين
والحمد لله اتخارجنا قبل ماتفننا.....!!!!!
طارق المكي
Quote: نفسي زول معرس يقول لي العرس سمح |
والله اسمح من العرس مافي
انت بس راجل جباااااااااااااااااان.....!!!!!!
| |
|
|
|
|
|
|
Re: أنا بقيت فنّان !! (Re: عبدالمجيد المقابل)
|
Quote: الزول كدا ضمن ليهو فنان ملح لمناسبات العائلة و الأصدقاء |
حليل المناسبات الكانت عندكم ديك ! متذكر يادكتور كان واحد ساى فى الأبيض طعنتوا قزازة كنتوا بتعملوا ليهو (ديسكو) نحن فى الخرطوم كنا بنسميها (بارتى ) !! أيام !!!!
| |
|
|
|
|
|
|
Re: أنا بقيت فنّان !! (Re: haroon diyab)
|
Quote: ابو دية
سلامات ومشتاقين
والحمد لله اتخارجنا قبل ماتفننا.....!!!!! |
هارون أخوى حمدا لله على السلامة ! جيت شربت ليناالمريخ وفننتوا آخر الواطة ومشيت !
| |
|
|
|
|
|
|
Re: أنا بقيت فنّان !! (Re: صلاح أبودية)
|
Quote: والله ياعمك ابوك ده نطالب بكري بمنحه باسويرد فوراً ...... اتاريك كارثة بالوراثة |
والله انا بأكد ليك انو لو كان بس دخل الجيش ساى كان ابو دية كتب وصيتو وهو نازل بالمظلة فى اول قفزة
| |
|
|
|
|
|
|
Re: أنا بقيت فنّان !! (Re: Mohammed Awad)
|
المذكور من أسرة فنانة جداً،،
عمه ، الله يديهو الصحة والعافية ، قبل كدا (فنن) بتو في راس الراكوبة!!
وقال الراجل ينزلها،،
سهرة صباحية كانت لسوسن في راس الراكوبة:
المشكلة ياصلاح تقوم تقلد عمك : راكوبتكم الاربعة طوابق دي الغناء فيها صعب!!!
سلام ومشتاقون،،
مبروك عليكم أسوأ مريخ في التاريخ!!!
| |
|
|
|
|
|
|
Re: أنا بقيت فنّان !! (Re: عبد اللطيف بكري أحمد)
|
لطفى كيف حالك وأحوالك !
Quote: المذكور من أسرة فنانة جداً،، عمه ، الله يديهو الصحة والعافية ، قبل كدا (فنن) بتو في راس الراكوبة!! وقال الراجل ينزلها،، سهرة صباحية كانت لسوسن في راس الراكوبة: |
الله يرحم سوسن ويغفر لها ويتقبلها قبولا حسنا ويطول لينا فى عمر عمنا أحمد صلاح الذى أورثنا الفن !!
Quote: مبروك عليكم أسوأ مريخ في التاريخ!!! |
ده ماإله فنى القالوا الشفيع زاتو !!
| |
|
|
|
|
|
|
Re: أنا بقيت فنّان !! (Re: SHIBKA)
|
شبكة !
Quote: الله يرجعني للمقطوع منه من المقطوع اليه |
آمين يارب العالمين ! اللهم أوصل ما إنقطع ! بالمناسبة الوصل والقطع برضو نوع من أنواع الفن !!
| |
|
|
|
|
|
|
Re: أنا بقيت فنّان !! (Re: لؤى)
|
يا لؤى كيف حالك ؟Quote: الحمد لله ياخي البقى فِنّين ما فن شيّلتني هم |
يالؤى إنت قايل البتاع بتاعكم ده ما بنعرف ليهو ول شنو؟؟ والله أنا أشتغل ليك يا ناسينا كلاسيك بالنورمال لمن تستغرب !! كدى بس لمن تجى المرة الجاية !! وبالمناسبة دى جيب لى معاك أوتار للعود( سالمين) بتاعى الأهدانى ليهو زميلنا بالبورد عبداللطيف بكرى !!
| |
|
|
|
|
|
|
Re: أنا بقيت فنّان !! (Re: طارق جبريل)
|
Quote: طارق المكى ! العرس سمح |
اسه عليك الله يا ابديه ود المكى كان عاين لى راسك الابيض ده ما كان عفاك من السؤال ده؟ انا غايتو كان فى زول سألنى ما بجاوبو لانه سؤال باييييييييييييييييييييييييييييخ.
| |
|
|
|
|
|
|
Re: أنا بقيت فنّان !! (Re: د.محمد بابكر)
|
دكتور محمد لك التحية والإحترام
Quote: اسه عليك الله يا ابديه ود المكى كان عاين لى راسك الابيض ده ما كان عفاك من السؤال ده؟ |
خلى ياخ يسأل زى ما عاوز !! لكن يعفينى من الإجابة !!
| |
|
|
|
|
|
|
Re: أنا بقيت فنّان !! (Re: طارق جبريل)
|
طارق ود خالتى ! كيفنك والوليدات .. عساك ما طقّع ؟
Quote: يا ود الخالة كيفنك باقيلي جنيت لو ما امك ((طيبة)) الطيبة كان سويت شنو |
ما دى الحباسة زاتها ! والله لو ما عيون طيبة كان قدينا السلك عديل كده !!
| |
|
|
|
|
|
|
Re: أنا بقيت فنّان !! (Re: صلاح أبودية)
|
Quote: لكن يعفينى من الإجابة !! |
والله ده المهم فعلا ...خصوصا التفاصيل ...مش ناس السياسه قالوا الشيطان يكمن فى التفاصيل وخصوصا التفاصيل العارفنها انا وانت...تحياتى
| |
|
|
|
|
|
|
Re: أنا بقيت فنّان !! (Re: د.محمد بابكر)
|
د. محمد بابكر لك التحية والإحترام
Quote: وخصوصا التفاصيل العارفنها انا وانت. |
دى فهمتها كده : أنا وإنت قاتلين الجدادة وخامين بيضها! ول شنو ؟ كدى ذكرنى ..!! تحياتى
| |
|
|
|
|
|
|
|