|
|
|
 Re: قصة صابر - الفنان حمــدي السمـر (دعوة لمناقشة تجربه) (Re: نوفل عبد الرحيم حسن)
|
Quote: الفنان الصديق الجميل حمدي السمر
يمتلك خامه صوتيه مميزه ..
يختار اغنياته بعنايه ولا يأتي الا بالخيار من الخيار
شاب في ريعان الشباب لم يعرف رث الغناء وهابطه قط
امنياتي له بدوام التقدم والازدهار
وننتظر اراء الموسيقين امثال الزميل الموصلي ولؤي وبقية اصحاب الاختصاص
شكرا فارق |
العزيز نوفل:
الصدفة وحدها هي التي ساقتني لأستمع لهذا الأنيق والغناي حمدي السمر..
فبحثت عنه وعن أغنياته ولم أجد غير الدهشة المعلقة بصوته الندي وفكره العالي في الغناء.
إضافة علي ذلك فهو شاعر مجنون وملحن أراه كبيراً جدا.
أتمني أن يجد حمدي فرصته في هذا المجال ، وأن لا يبخل عليه الأعزاء هنا بنصائحهم وملاحظاتهم.
لك كل الود يا نوفل ومثلك أتمني حضور الرائعين لنسمع ونري ما يكتبون.
وإيدك معانا في هذا البوست يا نوفل.
كل المودة
| |
 
|
|
|
|
|
|
|
|
Re: قصة صابر - الفنان حمــدي السمـر (دعوة لمناقشة تجربه) (Re: فاروق أبوحوه)
|
نجمة الوادي ... ملحمة الشُّفع الداقسين ... !!!
سما ومنقد وحبة نار
وكل الشُفع الداقسين
رمو الواطة البتشبه
لون بيوت الزار
نزلت من النهار مطعون
مكتف بي بواقي الثار
غرقت وغرقت احزانك
رزازك رش بستانك
رجع ماعوني كلو غبار
وضهر الغيمة ما كبَ
ولا ريق المطر صبَ
ولا نفس الهبوب هبَ
علي السكة وتغني كنار
وقفتي جدار
سما ومنقد وحبة نار
وكل الشُفع العرفوك
زخرفو في سماك تذكار
(وغنو معاي)
يانجمة الوادي ... فكينا من الضيق
غنينا يا شادي ... طعم الكلام مِطِيق
قربنا للمسرة ... حصدوها بي المِتِيق
وقف الزمن يطرا ... وكان اللي باقي مَرِيق
كلامك زي برود الموت
ومنك لما جاني الصوت
لقيت ضل العذاب منحوت
ومابي يفوت
وواقف في الغناوي اسرار
مستفة في دواوينك
حِزم من نور
موتّدة في عناوينك
بنية حور
مكتفة زي شواطينك
مداخل سور
وسارقة من الاماسي نهار
سماء ومنقد وحبة نار
لقيتك والبلد فاتح
شبابيك لي بيوت الهم
مخيرة كان مشيتي براك
تلقطي من سحابي عشم
وانا المشتاق صباحاتك
تجيني ملانة شوق ونغم
تودعي بالهتاف الحي
مدارات البلد تنجم
وتشتلي في الصحاري ازهار
سماء ومنقد وحبة نار
تدفي من الشتاء القارص
ولما الليل يفلل بي
تكون مسدار
انم غنواتي ادوبيلك
واكون تيار
يعانق الشُفع الببروك
وزي شيتا سمح دسوك
ويا مندهشة دي الامطار
بدت تنزل
شتتي فيني تيرابك
اذا رطن الكلام جابك
شبك شباكي نشابك
تاكدي انو ح تجني
شتيلات الاماني خدار
تلبّسي في طواقيكي
ومافيكي البكفيكي
بنياتك تناديكي
شديراتك تناجيكي
حدياتك تحاحيكي
بتفتحي مشرع البنطون
نعديلك نواسيكي
نلاقيك واقفة مبتهجة
تولدي في السواقي سوار
انا وانتي
وكل الشارع المهزوم
عرفنا طعم فشلنا صغار
سماء ومنقد وحبة نار
وكل الشفع الداقسين
رمو الواطة البتشبه
لون بيوت الزار
عرفنا وكنا مشتاقين
نضاري من الشموس الطين
ونتوشح صدي الجايين
نقابلك في زمن طيب
ملانة حنين
وغيمك يبقي هو الاشعار
دعاشك رنة الدوبيت
خريفك موسم الغنيات
وامطارك هي الانهار
سماء ومنقد وحبة نار
حمدي السمر
2005م
| |
|
|
|
|
|
|
|
|
|
Re: قصة صابر - الفنان حمــدي السمـر (دعوة لمناقشة تجربه) (Re: لؤى)
|
Quote: الأخَوان الكريـمان
فاروق ونوفل
مساء الخير
ياخي دا شغل جميل جدّاً والله
لكما وله التّحيّة
|
الرجل الفنان لؤي:
عطرك بالمكان يا صديقي ..
وكما قلت فحمدي فنان جميل وزول غناي جداً
أعجبتني لمستك الأنيقة علي الصورة والبنت الوطن
تحياتك توصل إن شاء الله يا أستاذ لؤي..
كامل المودات
| |
|
|
|
|
|
|
|
|
|
Re: قصة صابر - الفنان حمــدي السمـر (دعوة لمناقشة تجربه) (Re: Elmosley)
|
Quote: حبيبنا ابو حوه
انا غايب ل20 سنه وماعارف حمدي ليهو كم سنه بغني
عموما انا مابحب الانطباع الاول
الا انني حاولت التمعن
اولا هو صوت يمكنك التآلف معه سريعا احساسو حلو
النص جميل مافي شك
اللحن جديد وقديم
جديد من حيث تاريخ سماعي له واصداره
قديم من زاوية الاستايل
ولكنه لحن ولوف ولطيف وممكن كل الفنانين يغنوهو وممكن الناس يرددوه
تحياتي لكل اضلاع المثلث الفني
ولكم |
العزيز الجميل الفنان الشامل / استاذنا الموصلي
لك خالص التحايا
احمل اليك رساله صغيره من الواعد حمدي السمر
بقول ليك فيها بعد التحيات الطيبات والتقدير لشخصك السامي
انه بدأ الغناء كمحترف او بمعني . دخوله للاذاعه والتلفزيون
بعد حضوره للخرطوم في العام 2002 م
ويتمني لو انك اعطيته بعض النصائح الصوتيه والموسيقيه
خاصه وانه ما زال في بداية الدرب والطريق
انتهت الرساله
مودتي الاكيده
| |
|
|
|
|
|
|
|
|
|
Re: قصة صابر - الفنان حمــدي السمـر (دعوة لمناقشة تجربه) (Re: نوفل عبد الرحيم حسن)
|
Quote: العزيز الجميل الفنان الشامل / استاذنا الموصلي
لك خالص التحايا
احمل اليك رساله صغيره من الواعد حمدي السمر
بقول ليك فيها بعد التحيات الطيبات والتقدير لشخصك السامي
انه بدأ الغناء كمحترف او بمعني . دخوله للاذاعه والتلفزيون
بعد حضوره للخرطوم في العام 2002 م
ويتمني لو انك اعطيته بعض النصائح الصوتيه والموسيقيه
خاصه وانه ما زال في بداية الدرب والطريق
انتهت الرساله
مودتي الاكيد |
حبيبنا نوفل البيقول زي الكلام ده هو البمشي لي قدام
نظرا لانه يعتبر في بداياته الا انها بدايات احسن من بدايات لكثيرين سبقوه
نصيحتي له ان يستمر في التلحين وان يسمع لغير الموسيقيين السودانيين
كتير شرقي وغربي
هذا ماجعل الاستاذ عمر الشاعر يمتعنا بالحانه الخالدة
حاول اسمع اعمالك من منظور السامع الناقد
وربنا يوفقك
عندي فكرة مع راسماليين بانشاء شركة تهتم بالمبدعين الجدد
وباذن الله نضمك للقائمة
وشكرا ليك كتير يانوفل
| |
|
|
|
|
|
|
|
|
|
Re: قصة صابر - الفنان حمــدي السمـر (دعوة لمناقشة تجربه) (Re: Elmosley)
|
Quote: حبيبنا ابو حوه
انا غايب ل20 سنه وماعارف حمدي ليهو كم سنه بغني
عموما انا مابحب الانطباع الاول
الا انني حاولت التمعن
اولا هو صوت يمكنك التآلف معه سريعا احساسو حلو
النص جميل مافي شك
اللحن جديد وقديم
جديد من حيث تاريخ سماعي له واصداره
قديم من زاوية الاستايل
ولكنه لحن ولوف ولطيف وممكن كل الفنانين يغنوهو وممكن الناس يرددوه
تحياتي لكل اضلاع المثلث الفني
ولكم |
الحبيب والصديق والقريب للقلب والروح الموصلي:
واحشنا يا عزيزي ، و يا متآلف حتي مع (الغير) أو كما قال الصديق أزهري محمد علي..
لعلمي التام بمكنون تفكيرك الموسيقي العميق والبعيد ، ولرحابتك التي تسع الجادين في العملية الفنية بكل أركانها ، ولما لك من نظره ثاقبه للوصول إلي كنه الأشياء ، الأشياء الجميلة أعني . ولحسك الفني الجميل ورهافتك التي تسير بها الركبان.
لكل ذلك وغيره ، أفرحني وجودك هنا لأنه بغيرك تنقصه نكهة أصيله تصل لدرجة الملح الذي يضفي علي الوجبة طعم أن تكون مألوفه وكافيه.
تلك العشرون عاماً يا صديقي نحن من فقدك فيها وأقصد بنحن (قبيلة الفن) بكل ضروبه ،
ولعلك تلاحظ زجي بنفسي بين هذه المجموعة التي إفتقدتك طويلا ، فليكن موضعي بينكم حتي ولو من باب (المتابعين) لكل الحراك الثقافي الفني.
ما همني في أمر هذا الحمدي الأسمر الجميل أن الصوت الذي حينما إستمعت له لأول مره أحسست بنفس إحساسك أعلاه حيث التآلف والقرب إلي الوجدان.
نعم تسلل إلي القلب علي أطراف النشيد ، و لا أجدني أبالغ إن قلت لك أن الإحساس الذي ساورني لحظتها كما الذي كان مع الزول السمح جمال حسن سعيد حين قال:
زوله بتفتح الروح ضلفتين.
تخشك .... وتمرقك ....
عــــــادي ..
تخشك ....
وتمرقك ....
ما بتقفل الباب من وراها .....
بل تساسق بين شفقتك ..... وحرقتك ....
ما بتأذنك ...
ما روحه نفاج غربتك ....
هذي البنية ....
الساكنة أسرار فكرتك ....
هي الشايلة ..
حســـــك وسترتك
نعم أحسست بنفس هذا الإحساس وأنا أستمع لصوت حمدي لأول مره من خلال (قصة صابر) هذه الرائعة
والذي زاد إلفتي مع الصوت والكلمات عندما عرفت أنه هو من قام بتلحينها ، فلك أن تقرأ ما وراء ذلك من فنان قادم لتوه من عذابنا وحرقتنا.
فإن حكمت عليه من إنطباعك الأول لغالطت نفسي بأن ليس هذا الموصلي الذي أعرفه ويعرفه الجميع من حيث التأني في الحكم علي الأشياء.
أعجبني حضورك الأنيق هنا وبلا شك قد وصلت وجهة نظرك للفنان حمدي السمر بكل رحابتك وقولك الأنيق.
أتمني أن يصل هذا الصوت الجميل لكل الناس وكل الأصقاع ، وليس لي قول غير:
عينيك تبشر بالمطر
لحظات هطولك عارفه
حافظ رزازك وقبلتك
من الحريق راقد قفا.
كامل مودتي التي تعرف
والتي لا تعرف
| |
|
|
|
|
|
|
|
|
|
Re: قصة صابر - الفنان حمــدي السمـر (دعوة لمناقشة تجربه) (Re: فاروق أبوحوه)
|
| Quote: نعم أحسست بنفس هذا الإحساس وأنا أستمع لصوت حمدي لأول مره من خلال (قصة صابر) هذه الرائعة |
الحبيب فاروق ابو حوه
تاكد بان في رؤيتي بان الاصل في استقبال
القادمين الجدد هو الحفاوة
خصوصا ان كانت بداياتهم مبشرة
ويجب ان ننتظرهم بتان وروية
الي يتم لهم النضوج التام
فكل عمالقة الفن بدآوا كمواهب فطيرة
ولكن بجهدهم واستزادتهم وخبرتهم
سكنوا في الاركان القصية لقلوبنا
لك وله المودة الخالصة
| |
|
|
|
|
|
|
| |
فاروق أبوحوه
نوفل عبد الرحيم حسن
لؤى
إبراهيم عبد الحليم
جمال محمود
Elmosley
فيس بوك
تويتر
انستقرام
يوتيوب
بنتيريست