|
|
 لقاء بورداب الخرطوم ... التفاكري .. ببيت الفنون يوم (..............)
|
لقاء بورداب الخرطوم التفاكري
الزمان يوم الجمعة 23/7/2010 الساعة السابعة والنصف مساء (صلاة المغرب هناك)
المكان : بيت الفنون بحري شارع الانقاذ - مقابل السكة حديد
الدعوة لكل اللذين سجلوا حضور واللذين لم يسجلوا ايضاً..
اجندة الاجتماع
- مناقشة تكوين مكتب لبوداب الخرطوم لتسيير النشاطات الاجتماعية والثقافية وغيره
- أخرى
وشكراً
|
|
 
|
|
|
|
|
|
|
 Re: لقاء بورداب الخرطوم ... التفاكري .. ببيت الفنون يوم (..............) (Re: Tabaldina)
|
كويس يا تبدلينا انك سألت ..
ضرب لي العوض قال لي يا انعام ما لاقي البوست حق اللقاء التفاكري كدي فتشيهو ..
قلت ليه انا عملت فيه مداخلة واحدة اظن .. ووضحت اني ما جاية الاجتماع لظروف عائلية ..
عملت بحث ما لقيت البوست ..
قلت ليه يا العوض ما لقيت البوست ..
قال لي خلاص فتح واحد ، قلت ليهو لا خليني افتحوا انا ..
وقسماً بالله يا تبلدينا البوست الفات انا لقيتو مفتوح يعني ما كنت ما ضمن الناس المرتبة لي كدة
لانو لو كنت من ضمن الناس المرتبة للاجتماع ما كنت بختار الجمعة من اساسا وانا عارفة اني عندي ظروف ..
جيت كتبت يا جماعة انا ما جاية لانو عندنا عرس ..
وحصل النقاش ودار في البوست ..
وداليا حولت اليوم الى السبت وكان ما كان ..
ودائما التحولات في اليوم البنزل بيه بوست بتكون فيها مشكلة ، زي رحلة جبل اولياء قبل كدة لمن حولتها من سبت لي جمعة او العكس ما متذكرة ..
بالنسبة لي ما زالت ظروفي قائمة وما حا اقدر اجي الاجتماع وقلت الببقوا عليه الجماعة انا معاهم ..
وانا اصريت على العوض اني افتح البوست عشان ازيل اي فهم او لبس حاصل انو اتأجل الاجتماع الى يوم السبت عشاني عشان انا حسيت من مداخلات ناذر تحديدا الكلام دا ..
وخليت اليوم مفأجاة بداخل البوست للجميع ..
بالنسبة للبوست المافي ..
داليا هي الفتحت البوست وبنوجه ليها سؤال لي طلبت سحب البوست ..
| |
|
|
|
|
|
|
|
|
 Re: لقاء بورداب الخرطوم ... التفاكري .. ببيت الفنون يوم (..............) (Re: Tabaldina)
|
| Quote: تقنين تسير العمل الاجتماعى بلا حساسيات وبكل تجرد ومسؤولية ومن خلال اسس ونظم ولوائح .. |
بالقاف يا تبلدينا ..
ودا بيت القصيد ..
ومجرد من العوض ذكر جمعية عمومية ولقاء تفاكري وكدة انا كان في رأسي انو العمل ما يكون مرمي على عاتق ناس محددة سواء بالمادة او الاشراف او العمل ..
وما نتعود انو الزول الفاتح البوست هو اليشيل البرنامج ويستقبل الناس ويخدم كمان يقدم البارد والشاي واللقيمات ..
المهم الناس تتفق ويبقوا يد واحدة ..
| |
|
|
|
|
|
|
|
|
 Re: لقاء بورداب الخرطوم ... التفاكري .. ببيت الفنون يوم (..............) (Re: ذواليد سليمان مصطفى)
|
| Quote: صراحة انا بهمنى حضور الرواد .. |
طيب يا تبلدينــا ما دام الرواد ديــل مهمين قدر دا
ما يجتمعو هــم ويحددو لينــا ( الاشارة الخضراء ) من ( الاشارة الحمراء )
ونجــئ نحـن نبصــم عليها ..
ولا اقول ليـك ما نجــئ زاتو نبصــم عليها ساكــت كدا ( إسفيريــا )
_______________
والله يا وهبـــة يا عمــك شابكنــى البورداب البورداب تكورك لميت الحلة كلهــا
وبرضـو طلعــت ما رواد 
وكمان انت ذاتك يا عمو حنين طلعــت ذى ناس وهبــه
| |
|
|
|
|
|
|
|
|
|
Re: لقاء بورداب الخرطوم ... التفاكري .. ببيت الفنون يوم (..............) (Re: بدر الدين اسحاق احمد)
|
..
.
Quote: طيب يا تبلدينــا ما دام الرواد ديــل مهمين قدر دا
ما يجتمعو هــم ويحددو لينــا ( الاشارة الخضراء ) من ( الاشارة الحمراء )
ونجــئ نحـن نبصــم عليها ..
ولا اقول ليـك ما نجــئ زاتو نبصــم عليها ساكــت كدا ( إسفيريــا )
|
سلام يا بدر الدين ؛
اولا ارد ليك من الخرمجة التحت العايز تعملها دى
اولا احمد حنين عاد من السعودية منذ اقل من عامين ..
وهبة .. بمقارنة المهندس وعبير خيرى وناذر وانعام يعتبر ايضا جديد
وانا لمن اقول الروداد ما هضمت حق زول انا بقصد خبرتهم واول من تبنى اللقاءات الاجتماعية
لمن انت كنت برلوووم .. او لم تحصل على العضوية بعد .. وقد تكون لا تعرف سودانيز اون لاين
مافى زول فرض شئ ولا قال تعال ابصم وبس .. او تبصم من سكات ..
ورضيت ام ابيت من ذكرت وحتى اننى اشرت للبعض
هم رواد فى المنبر وفى النشاط .. رغم اننى رائد فى المنبر قبلهم بمراحل الا اننى عندما عدت
كانت عبير والمهندس وناذر هم اول من قدمونى للاعضاء بالخرطوم واول مره يعرف البعض من تبلدينا
وهذا هو المقصود .. ووهبة والعوض الذى سبق الكبار والقبلو وداليا يجدون منى كل التقدير للمجهود
والنشاط .. كدا الكلام واااضح ..
مش تجيب ليك جملة ما طيبة ..
--------------
جنى وجن الكلام المغتغت وخمج ..
| |
|
|
|
|
|
|
|
|
|
Re: لقاء بورداب الخرطوم ... التفاكري .. ببيت الفنون يوم (..............) (Re: العوض المسلمي)
|
..
.
Quote: اخوتي الكرام ودعما لهذا الاجتماع وحتي ياخذ الجميع راحتهم في اختيار
لجنتهم او لجنة التسير فانني اعلن تنازلي عن رئاسة بورداب الخرطوم
منذ هذه اللحظة ..واتمني للجميع التوفيق والسداد .. |
ما مشكلة يا زعيم انت استقيل فى البوست دا .. ولمن نجى الاجتماع
انا برشحكـ رئيس لدورة ثانية وحتى العاشرة .. ,ولو الموضوع بقى قوائم
قائمة بتاعت مناضلين احرار
وقائمة انظمة مستبدة
وقائمة حركة شعبية وشيوعية
بالله ختنى فى قائمتك ان شاء الله قائمة جهاز الامن والمخابرات ..
----------------
ان شاء الله يكون فى منافس ليكم
يقدر على الشغلة دى ما تسمع النقة دى ..
| |
|
|
|
|
|
|
|
|
|
Re: لقاء بورداب الخرطوم ... التفاكري .. ببيت الفنون يوم (..............) (Re: ناذر محمد الخليفة)
|
Quote: ورضيت ام ابيت من ذكرت وحتى اننى اشرت للبعض
هم رواد فى المنبر وفى النشاط .. |
رضيان عليك امان الله وكمان بقول مبروك عليهم يا تبلدينا يا اخوى ان شاء الله يتعلو ما يتدلو ..
ونشوفهم كلهم فوق شامخين يرفعو من اسم السودان (شقيش ما قبلو ) كلام بقارة وكدا ..
_______________ ( وكمان العوض ذاتو طلع ما رائــد انا قايلو عقيــد )
يا تبلدينــا يا اخوى ( الحكــي اخــر )
من رأيـت وعاشــرت بتصبح تجربـة ذاتيــة حقتك انت تعميمها على الناس بحيــث يفهم منها
ان المذكورين من لوازم نجاح لما لهم من تجربــة فى العمل الاجتماعــى بتظــل رؤيتك انت
ما بالضرورة انــا / اخرين / حتى نسمع بيها فى لقاء يقال انــه تفاكــرى كل زول يدلو
بفكرتــه رؤيتــه ويتداول الناس الافكار ...
لكـن ما فــى اى زول عندو شبــر مقام زيادة على الاخرين ... الاخرين ديــل انت ما عارف
ولا شفت تجربتهم فى العمل والشــأن العام ...
وازيدك كمان ( العمل العام عندو مفاهيــم واســس ) لا تنطبــق على ما نقوم / تقوم بــه
شوف نوع اسئلتــى دا :
مــن نحــن ؟ الاجابة ساهلــة جدا ( بورداب الخرطوم الذين يتمتعون بعضوية منبر سودانيزاون لاين )
بكرى ابو بكر يستطيع دون ان يراجعـه احــد ( الغاء عضويــة زيد/ عبيد ) من بورداب
المنبر وبالتالى الخرطوم ....
تبلدينــا مــافــى اطار لعمــل عام مثــل هذا يتحكم زول واحد فوقو .
هل نريد ان نصبـح جهــة اعتباريــة ؟
واقع الحال بيقول نعــم ...نشوف الجهات الاعتباريــة انواعها شنو فى السودان
جماعة تهتم بالعمل الثقافى / الاجتماعى ( تسجل فى وزارة الثقافــة )
جماعة لها اهداف ثقافية / اجتماعية ( تسجل فى وزارة الشئون الانسانية .. منظمة)
جماعة لها اهداف ثقافية / اجتماعية ( تسجل فى المسجل التجارى .. بتصبح شركة ربحية)
كل واحدة من ديــل بتخضــع لقانون بينظم عملهــا ( الدولة جزء منـــه )
تبلدينــا ( الخمـج برضــو رأى )
| |
|
|
|
|
|
|
|
|
|
Re: لقاء بورداب الخرطوم ... التفاكري .. ببيت الفنون يوم (..............) (Re: انعام حيمورة)
|
.
تبلدينا إزيك
شكراً لدعوتك لنا وكنت اتمنى حقيقة ان أحضر هذا الاجتماع تحديداً لما فيه من جدل إذا لم يساق في طريقه الصحيح ستكون نتيجته الاطاحة ببند الاجتماعيات ، ولكن شاءت الظروف أن أكون في بلاد العم سام ولا أملك غير الدعوات بالتوفيق لكم .. سأبعث لك برقم المهندس في الخاص لدعوته .
ــــــــــــــــــــــــــــــــــــ
الأخ الكريم بدر الدين اسحق
تحية من عند الله مباركة
هون عليك يا اخي فما جاء به صالح لا يستحق كل هذه الكلمات الغاضبة ..
ما يقصده بــ"الرواد" هو أننا من أوائل الذين دعوا بالتقاء الزملاء على الواقع ومعرفتهم ومن ثم كان مسمى بورداب الخرطوم وفعالياته واحتفاءه بالآخرين من زملاء البيت المبعثرين في بلاد الله الواسعة ..
بالتأكيد لا تعرفنا .. ببساطة لأن تاريخ حضورك هنا في 2008 وتاريخ بقائي هنا منذ 2004 ، هذه السنوات كفيلة بأن تجعل الحق في كلمة الاوائل او الرواد عند صالح مقننة..
ومن ذكرتهم من أخوة وأصدقاء أعزاء عليّ أنا تحديداً في رأيي هم الرّواد بالمفهوم الأساسي للكلمة وليس بمفهوم قصد تبلدينا .. ويعلم الله أنّي أكن لهم ولكل فرد هنا كل الاحترام والتقدير حتى وإن كنت لا اعرفهم .
سعدت بالتحدث إليك
عبير خيري
ــــــــــــــــــــــــــــــ
نعومة الحبيبة إزيك
اتمنيت الاقيك لكن ظروفي كانت مشاترة
والزمن ضيق جدا
خلي بالك منك
| |
|
|
|
|
|
|
| |
انعام حيمورة
Ahmed musa
نوفل عبد الرحيم حسن
زهير عثمان حمد
العوض المسلمي
محمد الامين محمد
humida
بدر الدين اسحاق احمد
ahmed haneen
yasir tamtam
شول اشوانق دينق
صلاح أبودية
ذواليد سليمان مصطفى
ابراهيم بقال سراج
ناذر محمد الخليفة
عبير خيرى
بكري الخير
معتصم محمد صالح
mayada kamal
حاتم كاهن
Safia Mohamed
انور التكينة
فيس بوك
تويتر
انستقرام
يوتيوب
بنتيريست