|
القنصلية السودانية بجده مسكونه!!!
|
نعم والله .. مسكونة .. القنصلية السودانية الجديده التي تم استئجارها بمبلغ مليون ريال سعودي !!!!! والمالك هو جمعة الجمعة مسثمر المو تمر الوطني الوحيد والشرعي .. ما كفاهو ال في السودان اخذ لبعتو في جده .كمان . المهم ...يعني ايجار سنه واحدي .. حق قطعة ارض .( ما في غير جمعة الجمعة عشان يستاجروا منو ) . طيب .. الموقع .. بعيد منزوي وليس في شارع عام يمكن الوصول اليه .. صعب الوصول اليه .. غير انها مسكونه زيي ما قنا .. وما ننسي السماسرة اخذوا حقهم 400 الف يال سعودي عدا ونقدا .... ( نواصل
|
|
|
|
|
|
|
|
Re: القنصلية السودانية بجده مسكونه!!! (Re: فيصل محمد خليل)
|
تم استدعاء ود البرعي للموقع الجديد عشان يقرا .. ويطفش الشياطين المسكونه .....ونحن ما عارفين .. حتي الان ... هل الفلا كانت مسكونه من قبل ؟؟ ام سكونوا بعد استئجار الفلا ؟؟ كان بعد ... دايرين يشاركوا المؤتمرجية ويقوموا بمهمتهم ؟؟ عايز تفسير .. لا اقصد عايزين فكي قوي ( القوي هو الله )
___ هذا كلام مراسلنا في جدة بضبانتو
| |
|
|
|
|
|
|
Re: القنصلية السودانية بجده مسكونه!!! (Re: فيصل محمد خليل)
|
الاخ العزيز
فيصل ,,,
مسكاقمي وكل التحية والسلام وفق لغات الارض
تعرف ياسيدي حيرتني بالعنوان ففي حفل زواج كريمة آل شيخ الدين
التقيت الاخ خيري عبدالله خيري وقال لي كُنا في القنصلية في ختمة
قلت ليهو ليه مسكونة وقلت ليهو لو قرايتكم دي مية مية مؤكد الناس
الفيها ما ح تقدر تدخلها ويبدو وفق ما تكتبت قد صدق حدسي وسُكنت فعلاً
.....
تعال هنا انت مصادرك دي ما تكون ماورائية وكدا .
تقديري ,,,
............................................حجر.
| |
|
|
|
|
|
|
Re: القنصلية السودانية بجده مسكونه!!! (Re: الرفاعي عبدالعاطي حجر)
|
اســعار الايجارات لا يمكن ان تبلغ مليون ريال في السعودية بأي حال من الاحوال .. مبلغ مليون ريال مبلغ ضخم جدا هنا .. تتراوح ايجارات الفلل في جدة ما بين 40 الف ريال الي 200 الف ريال في السنة .. اي مبلغ فوق كدا بيكون يا تهويل من صاحب البوست .. يا كمان يكونوا اشتروا الفيلا دي .. حتي اللبع و الحرمنة .. بتكون دايرة ليها شوية حرفنة ..
| |
|
|
|
|
|
|
Re: القنصلية السودانية بجده مسكونه!!! (Re: humida)
|
Quote: اســعار الايجارات لا يمكن ان تبلغ مليون ريال في السعودية بأي حال من الاحوال .. مبلغ مليون ريال مبلغ ضخم جدا هنا .. تتراوح ايجارات الفلل في جدة ما بين 40 الف ريال الي 200 الف ريال في السنة .. اي مبلغ فوق كدا بيكون يا تهويل من صاحب البوست .. يا كمان يكونوا اشتروا الفيلا دي .. حتي اللبع و الحرمنة .. بتكون دايرة ليها شوية حرفنة .. |
القنصلية الارترية بتذكر لمن اجروها قبل 13 سنة كانت 600.000 وهي حينها عبارة عن حوش وبعض المباني الصغيرة لذلك لا استبعد ان تكون هذه الفيلا الضخمة بهذا المبلغ وفي هذه الايام ...
لكن ياحميدة يمكن الجن داخل في الحسبة !!
| |
|
|
|
|
|
|
Re: القنصلية السودانية بجده مسكونه!!! (Re: فايزودالقاضي)
|
سلام قريبي فيصل
وبما ان اموال جمعة الجمعة محجوزة بالسعودية مقابل ديونه المتلتلة
يبقى اي دخل يحصل عليه ستستلمه الحكومة السعودية
بما يعني ان دافع الضريبة السوداني سيقوم بتسديد ديون جمعة الجمعة؟؟؟
مسكونه شنو يا فيصل
دا ابليس شخصيا بكون بتلفت ومستغرب من الالاعيب الشيطانية دي وبكون بكلم في جماعته ان اتخارجوا من المبنى دا
| |
|
|
|
|
|
|
Re: القنصلية السودانية بجده مسكونه!!! (Re: كمال ادريس)
|
Quote: فيصل ياقريبي سلام
قنصلية جدة لسه مازرتها لكن سفارتنا في مسقط مسكونة ووقفت على ذلك بنفسى.
اعوذ بالله من الشيطان الرجيم |
اكيد الجن عايز ياخد خبرات ...
ياكيمو عثمان قاضي عايز يجدد جوازه قوليه القنصلية شغالة بالليل عشان يمشي وكده نكون ارتحنا وارتحت معانا ...
| |
|
|
|
|
|
|
Re: القنصلية السودانية بجده مسكونه!!! (Re: فايزودالقاضي)
|
قريبي فيصل هليل طاب مساءك وصباحك بل كل ال24 ساعة في بومك انت معلوماتك قوية و لا استبعد دار و لا زال يدور حديث كثير عن المبنى الجديد و السمسرة و اغنياء السمسرة الجدد
يا حليل ايامكم يا محمد على حسن شبح جدة وشادول (شادول و محمد : مصدر معلوماتي في جدة )
دعوة لعشاق القنصلية للمساهمة في هذا البوست دعوة للمساهة بغض النظر عن فحوى المساهمة
| |
|
|
|
|
|
|
Re: القنصلية السودانية بجده مسكونه!!! (Re: فيصل محمد خليل)
|
Quote: فيصل ياقريبي سلام
قنصلية جدة لسه مازرتها لكن سفارتنا في مسقط مسكونة ووقفت على ذلك بنفسى.
اعوذ بالله من الشيطان الرجيم |
أخي كمال، غيّض لي أن أكون من المتابعين والزائرين لسفارتنا بمسقط منذ افتتاح مبانيها بأرقى حي بمسقط ولسنوات طوال وفي مختلف أوقات الليل والنهار ولم ألحظ شيئا غريبا ، وهي كما تعلم مواجهة للسفارة الأمريكية وعلى مرمى حجر من السفارة البريطانية ولا أظن أن أحد الذين عملوا بها منذ ايام السفير هاشم محمد صالح وميرغني جاويش شكى من (تحركات مريبة) رغم طُرف د. على قاقارين عندما كان وزيرا مفوضا بها. للقارئ الكريم ، سفارة السودان في مسقط شيدت و أثثت بالكامل على نفقة الحكومة العمانية بما في ذلك المبنى الإداري وبيت السفير وبيوت الدبلوماسيين على مساحة شاسعة منحتها سلطنة عمان للسودان وهذا بعض من كرم عمان نحو السودان. لا إيجار لا سمسرة ولا فساد، بس يا كمال بكلامك دا حاتجهجه لينا أصحابنا هناك. مودتي.
| |
|
|
|
|
|
|
Re: القنصلية السودانية بجده مسكونه!!! (Re: محمد المرتضى حامد)
|
فيصل صباح الخير قالوا فرعون فى ونسه مع ابليس قال ليهو ياخى ورطتنا شوف الحاله النحن فيها دى قام ابليس قال ليهو انا ورطتك والله العظيم انا انت لمن قلت انا ربكم الاعلى انا اعصابى باظت...انتهت النكته لكن ما لم ينتهى ان كوادر المؤتمر الوطنى هم انسب من يساكن الجن(ان وجد) وربما استفاد الجن من خبراتهم وربنا يستر على الجن ذاته.
| |
|
|
|
|
|
|
Re: القنصلية السودانية بجده مسكونه!!! (Re: د.محمد بابكر)
|
Quote: لمن اجروها قبل 13 سنة كانت 600.000 |
كلام ما صحيح يا فايز كالعادة .. القنصلية الاثيوبية .. تتكون من فيلا ( ادارية ) و سكن طاقم القنصلية .. و اتنين صالة مناسبات .. و حوش ضخم .. لو دفعت لكل وحدة عشرة الف بتحصل معاك الرقم القلتو دا .. رغم انه رقم ما صحيح ..
.. ..
فايز الطاهر غاتس وين ..
| |
|
|
|
|
|
|
Re: القنصلية السودانية بجده مسكونه!!! (Re: humida)
|
استاذ فيصل ...سلام
غايتو ما عارف ..لقد زرت القنصلية يوم الخميس الفات لاستلام ارانيك التقديم ..واول تعليق لينا ان هذا المبنى كان قصرا قديما او ما شابه ذلك وتم تجديدة بالرخام ..يعني مبنى قديم واكيد كان مهجورا وليس مبنى جديد ...
ثانيا ..ما حول المبنى ..كمية من الاوساخ ..وداخل الصالة حاجة تخجل ..###### شديد .. حتى اننا علقنا ..متين هو ...+ كمية من الاخشاب والكرتون ..المهم ما منظر ..مشرف ولا حاجة ..
قصة مسكونة دي ..احتمال كبير ... لانو ابليس زاتو قال ليهم البتسو فيهو دة انا ما قكرت فيهو ....!!!
| |
|
|
|
|
|
|
Re: القنصلية السودانية بجده مسكونه!!! (Re: humida)
|
حميدة ...ٍسلام ..
Quote: كلام ما صحيح يا فايز كالعادة .. |
Quote: القنصلية الاثيوبية .. تتكون من فيلا ( ادارية ) و سكن طاقم القنصلية .. و اتنين صالة مناسبات .. و حوش ضخم ..لو دفعت لكل وحدة عشرة الف بتحصل معاك الرقم القلتو دا .. رغم انه رقم ما صحيح .. |
انا ماجبت سيرة القنصلية الاثيوبية .. قلبك معاهم شكله
Quote: القنصلية الارترية بتذكر لمن اجروها قبل 13 سنة كانت |
Quote: فايز الطاهر غاتس وين .. |
وانا اقول انت مالك كده ...اتارى بتعرف فايز الطاهر الزول ده معانا في جدة ومدير مع ناس عبده يماني (وزير سابق) ومكتبه في شركة دله ..وفي يعد الفطر حانعرس ليه باستخدام القوة ..
| |
|
|
|
|
|
|
Re: القنصلية السودانية بجده مسكونه!!! (Re: فايزودالقاضي)
|
الإيجار الشهري 950 إلف ريال !!.. . والاستقبال في البدروم ( مواقف السيارات ) .. ومشكلة انقطاع الكهرباء.بسبب الضغط ( عدد المكاتب كبيره ) . هذا كله وعلي حساب المغترب المسكين .. علما بان قنصلية جده كانت ومازلت البقره الحلوب لخزينة جمهورية السودان .. ويعلم الجميع انه في فترة التسعينات من القرن الماضي كان الممون الوحيد لقنصليات وسفارات السودان بدول العالم المختلفه .. قصدنا وبالواضح دايرين.. . القنصلية ترد بعض الجميل لمغتربينا .. يعني تريحهم شوية ..... واننا لا نكتب من اجل الكتابة او التشهير باحد ... بس الحاصل فقط مودتي الرفاعي حجر
| |
|
|
|
|
|
|
Re: القنصلية السودانية بجده مسكونه!!! (Re: فيصل محمد خليل)
|
علي حسب بوست الاستاذ تاج السر
بالقنصلية بجده آخر تقديم للجامعات يوم الاحد 25/7/2010 م مع احترمنا وتقدرينا الشديدين للاحوه الذين تم شكرهم وتقديرهم أولا :بصراحة ما فهمت حاجة من الشكر ده ( هل هم متطوعين أم يعملون باجر ؟؟؟!!!!) لو يعملوا .. ما في داعي للشكر وهذه من طبيعة عملهم وواجبهم .. ... ما عارفين قصد الاخ تاج السر ..!!! ثانيا : الصور دي في القنصلية الجديده ام القديمة .. علي حسب علمنا ...موظفي لابسين قمصان (تي شيرت ). ( طبعا عشان الحر ) ثالثا / توقيت الاعلان !! وكمان في هذا البوست ؟؟ لماذا ؟؟!! رابعا : اين الملحق الثقافي ؟؟ دي شغلة الملحق؟؟؟ خامسا : الاخ تاج السر معروف انو صحفي هل هو الناطق الإعلامي للقنصلية ؟؟ ام الملحق الثقافي ؟؟؟ ام ..!!! ام انه من ناس الدفاع الشعبي !!؟؟؟ سادسا: ح يستقبلوا الطلبه والطالبات وين .....يا ربي .. برضوا في البد روم .. سابعا : عايزين من محامي القنصلية تاج السر .. ينفي ..او يؤكد ( قطوعات الكهرباء-وجود الاستقبال في البدروم –عدم وجود النظافه ...وعدم لائمة المكان .... )
لانو في حاجات ح تظهر ...قريبا .. والسلام
| |
|
|
|
|
|
|
Re: القنصلية السودانية بجده مسكونه!!! (Re: فيصل محمد خليل)
|
علي حسب بوست الاستاذ تاج السر
بالقنصلية بجده آخر تقديم للجامعات يوم الاحد 25/7/2010 م مع احترمنا وتقدرينا الشديدين للاحوه الذين تم شكرهم وتقديرهم أولا :بصراحة ما فهمت حاجة من الشكر ده ( هل هم متطوعين أم يعملون باجر ؟؟؟!!!!) لو يعملوا .. ما في داعي للشكر وهذه من طبيعة عملهم وواجبهم .. ... ما عارفين قصد الاخ تاج السر ..!!! ثانيا : الصور دي في القنصلية الجديده ام القديمة .. علي حسب علمنا ...موظفي لابسين قمصان (تي شيرت ). ( طبعا عشان الحر ) ثالثا / توقيت الاعلان !! وكمان في هذا البوست ؟؟ لماذا ؟؟!! رابعا : اين الملحق الثقافي ؟؟ دي شغلة الملحق؟؟؟ خامسا : الاخ تاج السر معروف انو صحفي هل هو الناطق الإعلامي للقنصلية ؟؟ ام الملحق الثقافي ؟؟؟ ام ..!!! ام انه من ناس الدفاع الشعبي !!؟؟؟ سادسا: ح يستقبلوا الطلبه والطالبات وين .....يا ربي .. برضوا في البد روم .. سابعا : عايزين من محامي القنصلية تاج السر .. ينفي ..او يؤكد ( قطوعات الكهرباء-وجود الاستقبال في البدروم –عدم وجود النظافه ...وعدم ملائمة المكان .... )
لانو في حاجات ح تظهر ...قريبا .. والسلام
| |
|
|
|
|
|
|
Re: القنصلية السودانية بجده مسكونه!!! (Re: فيصل محمد خليل)
|
تدعيات القنصلية السودانية بجده
علمنا من مصادرنا ان القنصل العام السوداني بجده .. قد تم فتح تحققيق معه بخصوص ايجار الموقع الجديد وبمتابعة شخصية من رئيس جمهورية .. الرجاء من الإخوة المغتربين بجده المتابعه وكشف الحقائق تدعيات القنصلية السودانية بجده
علمنا من مصادرنا ان القنصل العام السوداني بجده .. قد تم فتح تحققيق معه بخصوص ايجار الموقع الجديد وبمتابعة شخصية من رئيس جمهورية .. الرجاء من الإخوة المغتربين بجده المتابعه وكشف الحقائق
| |
|
|
|
|
|
|
|