|
Re: جاييك يا اخر المواني عركي بعد غيبة (Re: khaleel)
|
خليل
بهرتنى طلته ليلة الخميس ,, على قناة الازرق
انا ما كنت بفرق بين عيال الصديق الاربعة الهادى الصديق عوض صديق هاشم صديق واحمد صديق,,
ودخل الاخير اعتباطا حتى تشمله صفة الابداع
ياخى هذا الرجل كان يمثل الحراك الدرامى وبوقوفه وقفت ضربات الطبل,,ونبضات الابداع تصور عرضت له اغنية لعركى و موسيقى تصويرية لمسلسل ايام الفطحلون الاوائل ,,بكى الرجل فكبت الشاشه معه فرد زاجرا هذه السنون العجاف,,,كم من الابداعات من الممكن ان تكون وقد حجبها الطيب عنصرة واتباعه لله درك ياوطن,,, كيف تشرد المبدعون,,, وتحضن فى حناياك المجرمون الغاصبون,,, فرد علينا الوطن انتم من القوم الساكتون المساومون على لقيمات تقمنا اصلابكم مؤيدون,,,
الموال لاحمد صديق ابقوتة
| |
|
|
|
|
|
|
Re: جاييك يا اخر المواني عركي بعد غيبة (Re: abuguta)
|
Quote: كيف تشرد المبدعون,,, وتحضن فى حناياك المجرمون الغاصبون,,, فرد علينا الوطن انتم من القوم الساكتون المساومون على لقيمات تقمنا اصلابكم مؤيدون |
يا سلام عليك يا ابقوتة وانت لا تقل ابداعا من كل العمالقة الذين
ذكرتهم
ارضك ظما والخريف شح هذا العام
| |
|
|
|
|
|
|
Re: جاييك يا اخر المواني عركي بعد غيبة (Re: khaleel)
|
.
مش قلت ليك مقاطعة المنتجات؟
دخلت عشان ده بس
Quote: عسى ان يسهم هذا البوست
في عودة العلاقة الوجدانية بين عركي وهاشم |
العلاقات بين العملاقين لا تشوبها الآن أية شائبة
فقط هي الأيام ستبريء ما بقي من جراح
تحية لهما
| |
|
|
|
|
|
|
Re: جاييك يا اخر المواني عركي بعد غيبة (Re: khaleel)
|
الكورة في معلبك حدد يا باش ونحن لينا الشرف
وده نموذج للعبادي
ببكي وبنوح وبصيح للشـوفـتـن بتـريح فرع النقا المميح مـنو المـسـك بفيح وكتين صباحو يبيح بلـبل قلوبـنا يصـيح ياجـنـة الطبيعة ايـاك زهـرة ربـيعا صحت شراها وبيعا عـينيك حروب ربيعة ختمو البروق ورعودو تـغـريد بلابل عودو نظروا الخلق لي عودو جافي المنام مـا بعودو متنوعات ازهارا في خدودا تجري انهارا ليلا الطلع في نهارا ضـلل فـؤادي و هرا آه لو قطوفك دانية احـظي ولـو فد ثانية كت اعصي ياغانية واعـلن فيالقي تمانية الجيدا طال واتني ودر جـماعـة متـلنا التوب شبك في التنة يانـاس انحـنا كتـلنا لابسة الحشم ازمة و مـالك مـلايين ذمة الحاشا ما بتذما ضـيع اخـوك بالذمة في رويحتي وباكرتي دايـماً مـقدم كـرتي مابتسهي عن ذاكرتي يـاللي صفاي عكرتي
| |
|
|
|
|
|
|
Re: جاييك يا اخر المواني عركي بعد غيبة (Re: نجوان)
|
Quote: لكن ثابت في المدي
واقف انا ودائس علي الابر المسممة بالكلام |
ياسلااااااام عليك يا خليل ياخ ..
ابوعركي ده ما وضعه بين قوسين ومرفوع للقوه 10000 عندي ..
الليله هبشتنى هبشه .. غايتو عافيه ليك اللحظة دي ..
ياخ العملاق ده عندي معاه قصص .. فصوله بتحكي عن .......
غايتو الله يرضى عليك يا خليل شقيش ما تقبل ..
| |
|
|
|
|
|
|
Re: جاييك يا اخر المواني عركي بعد غيبة (Re: عبد اللطيف عبد الحفيظ حمد)
|
Quote: هاشم صديق!!!!!! موسوعة إبداعية متحركة |
يقول هاشم يا عبداللطيف
فقدك كتب حزن المغني وانقطع شدو الفصول
ورجعت زي ما كنتي قبلك ساكتة في عصبي الطبول
لمس البرد عرقي وشرد مني الوتر كانه ريدك كان هلال اخر شهر
بعدو انتحر في الدنيا تاريخ الربيع وكانه فجرك ناغم افراح الشتاء وفجر احزان الصقيع
| |
|
|
|
|
|
|
Re: جاييك يا اخر المواني عركي بعد غيبة (Re: khaleel)
|
خليل الله يديك العافيه. يومنا ذاد جمال علي حلاوة طقسه اليوم.
جاييك يا أخر المواني : لها اثر في وجدان ساميعها يصوره مبالغه.
عشقناها ونحن نسمع نلك الايام من المذياع بعد نهاية افطار رمضاني ونحن مشدودشن للمذياع طوال ذلك الشهر ونحن نردد مع ((عركي)) بصوره يوميه وظلت محفوره في داخلنا.
لاتستطيه مقدار فرحتي عند سماعي لها قيل بداية اى اغنيه يصدح بها.
متي يحين لنا ان نسمع هذا البلبل الانسان مره اخرى؟
نتمني ان نرى ذلك اليوم قريبا.
| |
|
|
|
|
|
|
Re: جاييك يا اخر المواني عركي بعد غيبة (Re: Mahassin Ibrahim)
|
Quote: عشقناها ونحن نسمع نلك الايام من المذياع بعد نهاية افطار رمضاني ونحن مشدودشن للمذياع طوال ذلك الشهر ونحن نردد مع ((عركي)) بصوره يوميه وظلت محفوره في داخلنا.
|
نعم يا محاسن
الزمان هو سبعينات القرن الماضي ونحن في برش افطار رمضان
في حضرة جدي يوسف عليه الرحمة واخرون حلويين كلهم ترجلو اما بالموت او الاغتراب
وفي تمام الساعة السادسة وخمسة واربعين دقيقة ياتي صوت المذيعة
الاذاعة السودانية تقدم مكي سنادة تحية زروق
ويبدا عود عركي ومن ثم الغناء
جاييك يا اخر المواني
يا الله يا الله
| |
|
|
|
|
|
|
|