|
|
 عامية مظفر النواب عامية بنكهة المشمش
|
الريل وحمد
___________
مرّينه بيكم حمد , واحنه ابقطار الليل واسمعنه , دك اكهوه ...
وشمينة ريحة هيل
يا ريل ...
صيح ابقهر ...
صيحة عشك , يا ريل
هودر هواهم ,
ولك ,
حدر السنابل كطه
يا بو محابس شذر , يلشاد خزامات
يا ريل بللّه .. ابتغنج
من تجزي بام شامات
ولا تمشي .. مشية هجر ...
######ي..
بعد ما مات
وهودر هواهم
ولك
حدر السنابل كطه
جيزي المحطة..
بحزن ..
وونين ..
يفراكين
ما ونسونه ,ابعشكهم...
عيب تتونسين
يا ريل
جيّم حزن...
اهل الهوى امجيمين
وهودر هواهم
ولك
حدر الستابل كطه
يا ريل
طلعوا دغش...
والعشق جذابي
دك بيّه كل العمر...
ما بطفه عطابي
تتوالف ويه الدرب
وترابك ..
ترابي
وهودر هواهم
ولك..
حدر السنابل كطه
آنه ارد الوك الحمد .. ما لوكن لغيره
يجفّلني برد الصبح ..
وتلجلج الليره
يا ريل باول زغرته...
لعبته طفيره
وهودر هواهم
ولك .. حدر السنابل كطه
جن حمد....
فضة عرس
جن حمد نركيله
مدكك بي الشذر
ومشلّه اشليله
يا ريل....
ثكل يبويه..
وخل أناغي بحزن منغه...
ويحن الكطه
كضبة دفو , يا نهد
لملمك ... برد الصبح
ويرجنك فراكين الهوه ... يا سرح
يا ريل....
لا.. لا تفزّزهن
تهيج الجرح
خليهن يهودرن..
حدر الحراير كطه
جن كذلتك...
والشمس...
والهوة...
هلهوله
شلايل برسيم...
والبرسيم إله سوله
واذري ذهب يا مشط
يلخلك...اشطوله !
بطول الشعر ...
والهوى البارد....
ينيم الكطه
تو العيون امتلن ....
ضحجات ... وسواليف
ونهودي ز مّن...
والطيور الزغيره...
تزيف
يا ريل ...
سيّس هوانه
وما إله مجاذيف
وهودر هواهم
ولك...
حدر السنابل كطه
************* الشاعر الكبير / مظفر النواب
|
|
 
|
|
|
|
|
|
|
|
Re: عامية مظفر النواب عامية بنكهة المشمش (Re: Osman Musa)
|
مو حزن لكن حزين
مثل ما تنقطع جوّا المطر
شدّة ياسمين
مو حزن لكن حزين
مثل صندوق العرس ينباع خردة عشق من تمضي السنين!
مو حزن لكن حزين
مثل بلبل قعد متاخر
لقى البستان كلها بلاي تين
مو حزن ..لا مو حزن
لكن احبك من كنت يا اسمر جنين!
خذني يا بحــــــر
خذني خشبة
خذني والبحارة لو نسيوك كلهم ... ما نسيتــــك!
ما نسيتــــك
الخشبة عاشت عمر طيب
عشقت كل المخاطر
عاندت...مشيت بوجه الريح
لكن.... ما كسرهــــــــــا!
وصارت تسافر وحدهـــــــا
بلا اتجـــاه ....!
وارجع احط خـــدي على خـــدك
يا بحـــــــــــــر
خشبــــة وبحــــــر
خشبة.... خلاص حنينة وكلش حزينـــة
خشبـــة لكن حيـــل اهيب من سفينـــــة!
ما بكيتـــــــــــــــك
فارقت انت السفينة
وانا جايبلك بحــــــــــر ... !
جبتلك طوفان الحلم
حلم منذور بغياب الشمس
فارقت حلم الناس
ومليت السفينة والسفر!
ما بكيتـــــــــــك
انا بكتني السفينـــــــــــة!
منين ما طش الرذاذ .... تريد تِبْحـــــــر..
تدري نوبات السفن لو ضاق خاطرها بجبن قبطانها
تسافر وحدهــــــــــا!
ما بكيتــــــــك
انا بكتنني السفينة
تدري نوبات المحبة تمـــــــلّ
واحبك للقهـــــــــــــر!
| |
|
|
|
|
|
|
|
|
|
Re: عامية مظفر النواب عامية بنكهة المشمش (Re: Osman Musa)
|
نتابع الشاعر المحبوب مظفر النواب .
نتابع
كيف يلقى الشعر بلهجته العامية العراقية
المشحونة بالحنين .
وكيف يدعو العرب فى شعره الى التصرف بالقسط
والعدل تجاه الشعوب العربية .
وكيف يكون استثمار الموارد وكيف يكون التقارب
مع دول العالم .
| |
|
|
|
|
|
|
|
|
|
Re: عامية مظفر النواب عامية بنكهة المشمش (Re: Osman Musa)
|
--------------------------------------------------------------------------------
مابجيــــتك (مظفر النواب )
..................................
فاركًيـتْ إنتـه السفيـنَه وآنه جايبلـَك بحــرْ
خِفِـتْ !! مايكفيـك عشكَ الناس
توصــلْ فرح كَلبــكْ ..
كَـٌعديتْ الثلج من نومــه الثجـــــــيلْ
وسلسَـلتـْلـَكْ حزن كَلبي سلسَبيــــــلْ
جـِبتْ سلطــان الحلمْ ...
شِفتـَكْ مِثــل ممسـوح بغياب الشمس
فاركَت حِلم النـاس ومَلـٌيتء السفينه والسفَرْ
إشلـونْ كَلــبك طاوعـَــكْ
ماتكَفْ عالجيــــــــــــدوم
وَجـهَكْ كَمـَرْ ونجـــــــــوم
تنطيــنه كل لحظـه إتجــاه الريـــــــح
نِشتـــــاكَ الكَمـــــَـر
يصعَدْ حِسـِنْ وجهـــك كَمــَر
مابجيــــتك ..... ما بجيـــــــتكْ
آنه بجـٌتني السفيــنه
إمنين ماطـكَ الرذاذ إتفكْ كَلبها إتريد تبحـِـــر
تِدري نـوباتْ السفن لو ضاكَ خاطرها
إبجُبـُنْ سفـٌانها إتســورب وحدها ؟ ؟
تدري نـوباتْ المحبـٌـه
إتمـِلْ طبُـع محبوبـها
ويغفــه عالجتــاف الســــــهر ؟؟
مابجيــــتك ..... ما بجيـــــــتكْ
مَدري منهو إبصدري يبجـــي ؟؟
مدري منهو إيشَكَـٌــكَ إبكَلبي كواغِــــد ؟
مدري منهوْ إيريـــدْ يرحـَـلْ ؟
مدري منهو إيجرني بيدَر للمطـــــــر ؟
مابـِجـيتـَكْ .. درت عيني للبَحــَـر!!
أبجي المســافات الهِمتها ويـــاك !!
مابجيــــتك ..... ما بجيـــــــتكْ
إنتـه تكذب مابجيـــــتكْ
آنه هدٌيـت السفيـنه
وسيـٌسـتها إشراع أسَـبكَ الريــح
ولا خاروعـه عندك للمطــــــــَـــــرْ
..... ما بجيـــــــتكْ
آنه جايبــلـَكْ من دموعـي بحـَــــــــرْ
| |
|
|
|
|
|
|
| |
Osman Musa
فيس بوك
تويتر
انستقرام
يوتيوب
بنتيريست