|
|
|
 Re: دعوه لمقاطعه المؤتمر الوطني ومنسوبيه (Re: مجدى محمد مصطفى)
|
ده كلو بدون زنقه المعيشه وقفه الملاح ونقه المرا ومشاكل الاطفال , مشاكل الاطفال دي كمان بتكون براها عديل كده! , لأني ما بتخيل انو في زول عندو اولاد وبنات صفار ما بيكون خايف من قصص الاغتصاب البقت في الجامع دي !...
يعني بالاضافه لكل الجكه وقومه النفس الفوق دي كلها انت بتكون خايف على الاطفال حقنك و على اخوانك الصغار , يعني جاكي وخايف ! دي لو دخلت فيها نقه المرا وزحمه المواصلات والحر الواحد يكون بقى ... بقى شنو ؟!
| |
 
|
|
|
|
|
|
|
|
Re: دعوه لمقاطعه المؤتمر الوطني ومنسوبيه (Re: مجدى محمد مصطفى)
|
سياسيا , المؤتمر الوطني ادمن شراء الذمم لأجهاض أي تحرك حزبي ضده , وماشاء الله الحزبيين (يقوموا نفسك) بيع بالجمله وسقوط ليس له من قرار ... وكل يوم والتاني نسمع انضمام قيادات من الحزب الفلاني للمؤتمر الوطني , وبطل الفلم بتاع البيع ده الزول الما نافع الاسمو نافع , أي بيع يحصل تلقى الناس الباعوا احتفلوا بالببيعه مع نافع ! ...
| |
|
|
|
|
|
|
|
|
|
Re: دعوه لمقاطعه المؤتمر الوطني ومنسوبيه (Re: مجدى محمد مصطفى)
|
سياسيا برضو المؤتمر الوطني واقف عصلجه بس في موضوع دارفور وموضوع الجنائيه , فهو عارف أنو مافي سلام في دارفور بدون دفع استحقاقات السلام الواضحه للجميع , وعارف برضو انو الجنائيه دي مافي مفر منها ! ...
ومع ذلك تلقى خطابات المؤتمرجيه في كل مكان والعجب في المنبر التقول الناس دي نست يوم القيامه , أو الناس دي قايله العالم ده مجنون وهم بس الواعين ! ...
ياخي حمى أوكامبو الجنائيه الدوليه دي خلت منسوبي المؤتمر بجحين بجاحه ما شفناها ولا سمعنا بيها في أباؤنا الأولين ! , واحد مؤتمرجي حمى الاباده طلعت في راسوا فتح بوست قال أنو الشلك أبادوا الدينكا !! ...
زي الزول القالوا ليهو دخل كلمه اباده في جمله مفيده , قام بدل يعمل جمله مفيده داير يعمل فتنه ...
| |
|
|
|
|
|
|
|
|
|
Re: دعوه لمقاطعه المؤتمر الوطني ومنسوبيه (Re: حذيفه ابراهيم الكباشي)
|
حذيفه ابراهيم الكباشي
تحياتي
| Quote: معناها الاشكال بس في المؤتمر الوطني؟؟ |
والله يا اخوي الأشكال لو ما كلو في المؤتمر الوطني فهو اكيد حيشيل الجزء الاكبر لأنو السلطه بيده , السلطه دي يا حذيفه يا اخوي ليها سطوه كبيره في واقع كل مجتمع , يا أما تقودو للأمان والرخاء والتقدم زي ما بنشوف بي بلاد كتيره يا للدمار والفوضى والخراب زي ما شايفنو في روحنا ...
Quote: المؤتمر الوطني دا جزو من مجتمعك
افراز طبيـــعي لي مجتمعك السوداني ما جانا مستورد من الخارج
عملية التغير بتبداء من المجتمع |
دي متفقين فيها , انا شخصيا شايف انو الانقاذ دي بلاء من رب العالمين للسودانيين , ما ممكن يدور في ذهني للحظه واحده أنو الابرياء الماتوا في السودان والظلم الذي مورس في السودان وبصمت مطبق من المجتمع وبمشاركه منو حيمر من دون عقاب ألاهي , وعقابنا هو الناس الحاكمننا ديل ...
التغيير عمليه مستمره , صحيح بيبدأ من المجتمع بس المجتمع السوداني الان عاجز , ومستشري فيها بيع الضمير بصوره غير طبيعيه , أي خمسه سودانيين يقوموا بأي عمل حقيقي للتغيير السلمي أو العسكرى الا والسلطه سعت لشراء بعضهم , حتي خارج السودان تمت هجمه منظمه من السلطه على الجاليات السودانيه في الخارج وتم اختراقها بفعل المال فقط ولا شيئ غير المال .. وده هو اساس عجز المجتمع ...
لذلك انا أؤمن بأن تغيير السلطه هو أساس لتغيير المجتمع أيضا ....
مودتي
| |
|
|
|
|
|
|
|
|
|
Re: دعوه لمقاطعه المؤتمر الوطني ومنسوبيه (Re: مجدى محمد مصطفى)
|
سياسيا برضو كل الدلائل بتقول أنو المؤتمر الوطني التسليم بالنسبه ليهو بقت مسأله موت وحياه , يعني الحكم ده ما حيقبلوا يفكوا أبدا أبدا , لأنو قاده كتااااار ما حيقدروا يعيشوا زي بقيه خلق الله من السياسيين السودانيين النزلوا المعاش الاختياري أو الاجباري .
انتخابات مخجوجه ...
تراجع في الحريات , و طبعا تراجعوا بسرعه الصاروخ بعد الانتخابات طواالي لأنو الملف الفتحوا الصحفى الجسور أبوذر الامين ملف خطير وحساس للمؤتمر الوطني , ملف خلافات الرؤوس الكبيره ...
بالله لو الزول يحكمواخمسه سنوات سجن في مقال كتبو أنتو يا ناس سودانيز أون لاين يدو كل واحد منكم كم سنه ! ...
والعجب سيد الحوش اللماكم , ده أكيد فيها سلخ ...
- ده كلو بدون قيام النفس في موضوع الجنوب , موضوع الجنوب ده كمان عجيب وغريب ...
كلنا تقريبا في السودان اتأكد لينا بما لا يدع مجال للشك أننا اتعرضنا كأمه لخديعه كبيره من البدايه ! قمنا لقينا نفسنا في صراع دموي اتعاملنا معاهو كالمسلمات تماما ... زي المسلم الما عارف هو مسلم ليه ...
قله مننا الكانو بيسألوا أو حاولوا يعرفو المشكله شنو ...
اشخاص مثل ياسر عرمان مثلا شاب وعيو متقدم بالنسبه لسنو في الوقت داك ادرك حقيقه مشكله الجنوب المتمثله في الظلم التاريخي للجنوب و محاوله اجبارنا للجنوبيين بأن يكونوا كما نريد نحن لا كما يريدون هم ! وخاطر بنفسوا لنصره اخوانه في الوطن تم تصويرهم لنا كمارقين وخونه ... قاتل الله الكلمه والاعلام المأجور !
مشكله الجنوب والانفصال القادم بقوه دفع المؤتمر الوطني بعد ان عبئ الرأي العام في الشمال بواسطه أقذر صحيفه في التاريخ سميت بالانتباهه , رغم اغلاقه لها ومكافئته لكتابها وعلى رأسهم الطيب مصطفى بالوظائف الدبلوماسيه , وما قد يترتب على ذلك الانفصال من مشاكل ده ما بيقوم النفس بس ده بيهيج القرحه ...
| |
|
|
|
|
|
|
|
|
|
Re: دعوه لمقاطعه المؤتمر الوطني ومنسوبيه (Re: مجدى محمد مصطفى)
|
الوضع الطبيعي أنو في خلاف سياسي لازم يكون خلاف سياسي ويبقى في اطاره, ولا يتعدى ذلك الى المسائل الاجتماعيه , ده في الاوضاع
الطبيعيه ...لما يكون في قيم أو اخلاق تحكم اللعبه السياسيه ...
طيب لما يكون مافي أي قيمه أو أي خلق بتحكم العمليه السياسيه تماما كما هو الحاصل في السودان , ...
نشتريك بقروش الدوله السرقناها ,
بعت ضميرك نختك بالجنبه ,
عصلجته بعتقلك ويمكن أعذبك ويمكن أقتلك ذاتو وأجدعك في الشارع زي ال######
شلت السلاح بقصفك بالطائرات و أعمل فيك حاجات ما بعملها مع زول احتل بلدي ! .
والعمليه مستمره عمليه سياسيه قذره ...
البلد تتقسم على اسس عنصريه , أي تتقسم فاليذهب الجنوب وليذهب الغرب اذا استطاع ! و و و ... الخ
كيف يمكن في الاحوال دي الخلافات السياسيه ما تتداخل مع العلاقات الاجتماعيه زي زمان , زول مختلف معاهو جزبيا في كل الحكومات السابقه ممكن يكون صحبك وبتمشي بيتهم وتتغدا معاهو وتلعبوا كوره وتمشوا السنما , و و و .. الخ .
اسي الزول كيف يمكن يصاحب ليهو مؤتمرجي ! وارد جدا يكون اسي طالع ليهو من بيت اشباح كوى ليهو زول بالمكواه الحاااااره في ضهرو , أو قام بأغتصابه أو أو .. الخ من أفعال المؤتمرجيه التي تعد جرائم وفقا للقانون السوداني ذاته .
كيف يمكن ان تصادق أو تتعامل مع مؤتمرجي هو في الواقع شريك في كل الجرائم الحاصل قدام عينك ! ووارد جدا انو يكون هو مشارك فيها شخصيا !!!.
| |
|
|
|
|
|
|
|
|
|
Re: دعوه لمقاطعه المؤتمر الوطني ومنسوبيه (Re: مجدى محمد مصطفى)
|
اغلبيه الناس غير مؤمنه أو غير مستعده للتغيير المسلح , والاسباب شتى , كما ان لذلك خطوره شديده بسبب (انعدام سقف الأخلاق) لدى المؤتمر الوطني حربا وسلما , وعدم تردده للحظه واحده من تحويل ذلك العمل لتراجيديا غير مضمونه النتائج كما هو الحال في دارفور (اباده جماعيه) ...
انا ما عندي شك للحظه واحده ان المؤتمر الوطنى لو عندو اسلحه جرثوميه أو اسلحه بيلوجيه زي صدام حسين , لما تردد من استخدامها ضد أي جماعه مسلحه تحمل السلاح في وجهه ,تماما كما فعل صدام حسين في حلبجه !
كما ان الاحزاب المفترض تقود حركه التغيير (يا عيني عليهم) دخلوا مع نافع في لعبه القط والفار , يشتري ويدفع كاش ! ... وبقوا زي
الزول الوقع في دوامه كل يوم انسلاخ جديد! .
الجاليات السودانيه و القوى السودانيه الحيه في الخارج ايضا دخلت لعبه البيع بالجمله والقطاعي ...
انفصال الجنوب جاى بسرعه الجن
مجتمع عاجز ويساق الى حتفه بسرعه الجن أيضا ....
ليه الناس طالما عاجزه عن حمل السلاح وعاجزه عن مواجهه ترهيب وترغيب المؤتمر الوطني بي فعل ايجابي , ليه ما تقاطع المؤتمر الوطني وحكومته ومنسوبيه ...!
يعني الصحف التي تريد التوقف عن الصدور ليوم ليوم واحد , ليه ما تتوقف على طول , ... ويكون ذلك ايذانا بدايه للعصيان المدني !
ليه قاده الاحزاب ديل ما يدعوا لعصيان مدني واعتصامات بدل الاستسلام للمؤتمر الوطني ومجرميه !.
القبول بالحكم الجائر ضد الجسور أبوذر ورفاقه , والاستسلام للأستخدام الاجرامي لأجهزه العداله , والقبول بالتعذيب الذي تعرضوا له يعني الاستسلام لمصير محفوف بالمخاطر , وما حدث ويحدث لأبوذر وقبله الاطباء يمكن ان يحدث لك انت شخصيا .
الصمت عن الفساد والافساد الحاصل الذي يمارسه المؤتمر الوطني , سيدمر المجتمع وينهي با بقي به من فضيله , ولن يأمن أي منا على اطفاله حتي من الذهاب الى المساجد , وهذا استسلام للمؤتمر الوطني , وهو خسران مبين
قاطعوا المؤتمر الوطني وقاطعوا منسبيه سياسيا واجتماعيا واقتصاديا ... ايذانا بعصيان مدني عام
| |
|
|
|
|
|
|
|
|
|
Re: دعوه لمقاطعه المؤتمر الوطني ومنسوبيه (Re: مجدى محمد مصطفى)
|
Quote: يعني الصحف التي تريد التوقف عن الصدور ليوم ليوم واحد , ليه ما تتوقف على طول , ... ويكون ذلك ايذانا بدايه للعصيان المدني !
ليه قاده الاحزاب ديل ما يدعوا لعصيان مدني واعتصامات بدل الاستسلام للمؤتمر الوطني ومجرميه !.
القبول بالحكم الجائر ضد الجسور أبوذر ورفاقه , والاستسلام للأستخدام الاجرامي لأجهزه العداله , والقبول بالتعذيب الذي تعرضوا له يعني الاستسلام لمصير محفوف بالمخاطر , وما حدث ويحدث لأبوذر وقبله الاطباء يمكن ان يحدث لك انت شخصيا .
الصمت عن الفساد والافساد الحاصل الذي يمارسه المؤتمر الوطني , سيدمر المجتمع وينهي با بقي به من فضيله , ولن يأمن أي منا على اطفاله حتي من الذهاب الى المساجد , وهذا استسلام للمؤتمر الوطني , وهو خسران مبين |
الأخ مجدي لك التحية والتقدير ..
لافض فوهك ..
التهاون لن يفيد السكوت لن يفيد!
لابد من إتخاذ موقف إيجابي من أجل انقاذ الوطن الجريح !
متى نصحو من غفوتنا التى طالت ؟
| |
|
|
|
|
|
|
|
|
|
Re: دعوه لمقاطعه المؤتمر الوطني ومنسوبيه (Re: Amani Al Ajab)
|
الاخت الفاضله أماني العجب
تحيه واحترام
Quote: التهاون لن يفيد السكوت لن يفيد!
لابد من إتخاذ موقف إيجابي من أجل انقاذ الوطن الجريح !
متى نصحو من غفوتنا التى طالت ؟ |
اتفق معك تماما , خصوصا لو وضعنا أن قبول النظام بأحداث تغييرات جوهريه اصبح ضرب من خيال , فالانتخابات زوروها بشهاده كل العالم , حتى الذين صمتوا على تزوير الانتخابات صمتو عشان ينفصل الجنوب !.
بالاضافه لعوده النظام لبيوت الاشباح من جديد وانتهاج التعذيب كنوع من أنواع الترهيب , واغلاق الصحف ومحاكمه الصحفيين الشرفاء , ده كلو واكتر بيأكد حقيقه واحده وهي ضروره التغيير .
الاحزاب شكلها كده اتشلت ولا حصل ليها تخدير ! , فماذا ينتظر الناس ! ...
اتمنى يا اختي الكريمه أن نصحو قبل فوات الاوان
خالص مودتي
| |
|
|
|
|
|
|
| |
مجدى محمد مصطفى
حذيفه ابراهيم الكباشي
Amani Al Ajab
علاء الدين يوسف علي محمد
فيس بوك
تويتر
انستقرام
يوتيوب
بنتيريست