عـجـ(راعي سوداني يهرب سيده سعودية للسودان ويحتجزها لمدة عامين)ــــيب!!!

Quote: المدينة المنورة: علي العمري 2010-07-15 2:20 AM غرر بها حين كان راعياً لغنمها في محافظة بدر التابعة لمنطقة المدينة المنورة، وحملها معه عبر الباخرة إلى السودان رغم كونها سعودية، واحتجزها هناك لأكثر من عامين، واستدعى الأمر تدخل الشرطة الدولية "إنتربول" للإيقاع به وتسليمه للمملكة. إلا أن اعترافات الوافد السوداني "ي، إسماعيل" لقاضي محكمة بدر، والتي صدقها شرعاً في 13 رجب الماضي، وحصلت "الوطن" على تفاصيلها أمس، حلّت كافة الألغاز التي صاحبت القصة ورفعتها إلى مصاف الأساطير الشعبية في محافظة بدر (150 كيلومترا جنوب غربي المدينة). ووصف "ي، إسماعيل" (32 عاماً) تفاصيل استغلاله أمومة ربة الأسرة التي كان يعمل لديها راعياً للأغنام، إذ أوهمها بوجود علاج في السودان لابنتها التي تعاني مشكلات عقلية، لتبيع الأم حليها وترحل مع الراعي إلى جدة عام 1424. وفي جدة، تقدم راعي الأغنام إلى القنصلية السودانية مدعيا بأن السيدة السعودية (52 عاماً) هي قريبته، وأنها فقدت جواز سفرها، ليتم إصدار تأشيرة اضطرارية لها تمكنها من السفر إلى السودان. حمل "ي، إسماعيل" الأم الباحثة عن علاج لابنتها على متن باخرة متجهة إلى السودان، وبمجرد وصوله إلى منزله في "بورتسودان"، استولى راعي الأغنام على 60 ألف ريال كانت بحوزة السيدة السعودية، وبدأت الأخيرة رحلة احتجاز قسري في منزل الخاطف استمرت عامين، قبل أن تتمكن من العودة لأسرتها. ومن هناك، واصل الراعي اتصالاته على أسرة السيدة السعودية في محافظة بدر يطالبهم بدفع فدية لقاء إعادتها لهم، إلا أن أسرتها لم ترضخ للتهديد وأبلغت الأجهزة الأمنية التي نسقت بدورها مع الشرطة الدولية "الإنتربول" للإيقاع بالخاطف. ونجحت الشرطة الدولية مطلع 2010 في القبض على الراعي.

Quote: غرر بها حين كان راعياً لغنمها في محافظة بدر التابعة لمنطقة المدينة المنورة، وحملها معه عبر الباخرة إلى السودان رغم كونها سعودية، واحتجزها هناك لأكثر من عامين

Quote: ووصف "ي، إسماعيل" (32 عاماً) تفاصيل استغلاله أمومة ربة الأسرة التي كان يعمل لديها راعياً للأغنام، إذ أوهمها بوجود علاج في السودان لابنتها التي تعاني مشكلات عقلية، لتبيع الأم حليها وترحل مع الراعي إلى جدة عام 1424.

Quote: يعنى الكنجور بتاع سودانين السعودين مصدقين حنظلتو.

Quote: يدل على قصور كبير فى اجراءات إصدار مثل هذه النوع من الفيزات بجوازات القنصليه السودانيه بجده!

Quote: دي أسئلة منطقية جدا لو تمت الإجابة عليها من قبل المعنيين بالأمر لأتضح لهم أن الأمر فيه إتفاق في أوله و خلاف في آخره

Quote: إنها حملة منظمة تقودها جريدة الوطن ضد السودانيين في المملكة لا تريد الجهات الاعلامية بقاء السودانيين في السعودية اكثر من ذلك يظنون أنهم يمكن ان يعيشون بدوننا وهذا ممكن طبعاً ولكن من الأفضل ألا يشوهون سمعتنا بهذه الصورة.

(عدل بواسطة الامين موسى البشاري on 07-16-2010, 11:46 AM)

Quote: وفي جدة، تقدم راعي الأغنام إلى القنصلية السودانية مدعيا بأن السيدة السعودية (52 عاماً) هي قريبته، وأنها فقدت جواز سفرها، ليتم إصدار تأشيرة اضطرارية لها تمكنها من السفر إلى السودان.

Quote: واضح وجلي أن الرجل راعي ليس إلا أي ليس من وجهاء المنطقة الغربية وذو علاقات مع ناس السفارة ليتجاوزوا له القانون. وبما أن الكل يعرف أن إجراءات الجواز والوثيقة قدتعقدت خلال الأعوام الأخيرة فليس هنالك مبرر واحد يجعلنا نقبل أن المرأة حصلت على وثيقة سفر سودانية من قنصلية جدة.مالم تنشر تلك الصحيفة صورة الوثيقة وتاريخ استخراجها وتؤكد قنصلية جدة الحدث فالموضوع فبركة كما ذكر أحد المتداخلين تقصد به الجريدة إشانة سمعة السودانيين. ولكننا نقول لهم سمعتنا فوق رغم أنف الحاقدين.

Quote: السيدة السعودية (52 عاماً) هي قريبته، وأنها فقدت جواز سفرها، ليتم إصدار تأشيرة اضطرارية لها تمكنها من السفر إلى السودان.

Quote: يا اخوانا وين وردت في الخبر قولة انو الحاجة دي سافرت كسودانية؟

Quote: انو القنصلية (أو السفارة في جدة ؟؟) اصدرت وثيقة سفر أو وجواز اضطراري؟

يا ود البشرى الحكاية دي ما عايزة عبقرية يااااخ ...
ودا إجراء متبع في كل الدول وفي سفاراتها.. الزول لما يضيع جوازه بطلعو ليهو وثيقة سفر اضطرارية عشان يسافر بيها ، ودا شئ طبيعي صاحبنا مشى القنصلية وقال الزولة دي قريبتو واضاعت جــوازها وعايز ليها وثيقة عشان تسافر طيب يا ود البشرى لو كنت انا محل القنصل أو من يقوم مقامه لعملت الآتي:
- اطلب منه جنسية المرأة إن توفرت حتى يتسنى لي التألكد من هويتها
- بالعدم كدا اقامتها أو اي وثيقة تثبت سودانيتها.
- إذا لم تتوفر أي واحدة من الحاجات الفوق دي كانت قابلتها شخصيا وتأكدت من هويتها قبل أن اصدر لها اية وثيقة.
- بالعدم احلفو قسم ويا ما حلفنا في المغتربين والسفارات
التأشيرة يا ود البشرى لا تمنح إلا بموجب جواز سفر او وثيقة سفر اضطرارية ولذلك كلامك الفوق كله مردود عليك .. وحقو تبلعو بالهناء والشفاء ... ممكن نرسل معينات للبلع وكدا
وســـؤال ليك برضو معروف لما تضيع اية وثيقة لازم تفتح بلاغ في الشرطة وتعلن في الجرائد عن فقد جواز سفرك وتاتي بكل هذا حتى يتم استخراج وثائق أخرى كبدل فاقد القنصل أو من يقوم مقامه ليه ما عمل كدا ، بالطريقة دي يا ود البشرى ممكن أي حبشي يمشي السفارة ويرقد ليهم سلطة ويقول ليهم طلعو لي جواز لأنو جوازي ضاع ... صاح ولا ما غلط يا عمكـ

Quote: أفتكر مسألة القرابة دا افتكر هي الأوحت بانو الولية دي سافرت كسودانية

دي يا ود البشــرى ما فيها تفتكر أو يفتكر هو دي وثائق رسمية ، وثيقة السفر الاضطرارية لا تطلع إلا في حالات محددة جدا (certain cases) وهي غالبا حالات مستعجلة أو طارئه وعشان كدا الكلام دا ما منطقي وما بخش العقل..

Quote: دي نوع كتابة الغواية يا ود البشاري خلّي بالك

يا ود البشـــرى 60 مرة قلنا ما تغير الصنف يـــااااخ

خليك قريب يا حبــــه

(عدل بواسطة الامين موسى البشاري on 07-16-2010, 01:02 PM)

Quote: الامين موسى البشاري:دخلت للتحية والمجاملة اولآ وقبل كل شيئ...

Quote: يامحمد الخبر بيقول المرة دى ادوها تأشيرة اضطرارية يعنى ماجواز سفر ..

(عدل بواسطة خالد حاكم on 07-16-2010, 03:09 PM)

Quote: وفي جدة، تقدم راعي الأغنام إلى القنصلية السودانية مدعيا بأن السيدة السعودية (52 عاماً) هي قريبته، وأنها فقدت جواز سفرها، ليتم إصدار تأشيرة اضطرارية لها تمكنها من السفر إلى السودان.

Quote: [حمل "ي، إسماعيل" الأم الباحثة عن علاج لابنتها على متن باخرة متجهة إلى السودان، وبمجرد وصوله إلى منزله في "بورتسودان"، استولى راعي الأغنام على 60 ألف ريال كانت بحوزة السيدة السعودية، وبدأت الأخيرة رحلة احتجاز قسري في منزل الخاطف استمرت عامين، قبل أن تتمكن من العودة لأسرتها. ومن هناك، واصل الراعي اتصالاته على أسرة السيدة السعودية في محافظة بدر يطالبهم بدفع فدية لقاء إعادتها لهم، إلا أن أسرتها لم ترضخ للتهديد وأبلغت الأجهزة الأمنية التي نسقت بدورها مع الشرطة الدولية "الإنتربول" للإيقاع بالخاطف.

Quote: كاتب البوست قال تأشيرة إضطرارية فلو نقلها بضبانتها ما عليه شئ. لكن لو شرّع من عنده وأتى بكلمة تأشيرة إضطرارية يكون أجهل من الجهل وعامل فيها مغترب.

Quote: قال تأشيرة اضطرارية

Quote: ود البشاري وعليكم السلام يا خوي سؤالي واضح و بسيط الخبر قال تأشيرة اضطرارية ما قال وثيقة سفر (ما تقول لي كاتب الخبر قاصد وما قاصد)

Quote: كاتب البوست قال تأشيرة إضطرارية فلو نقلها بضبانتها ما عليه شئ.

Quote: لكن لو شرّع من عنده وأتى بكلمة تأشيرة إضطرارية يكون أجهل من الجهل وعامل فيها مغترب.

ومن ثم كتبت

Quote: بعد دا كلامه بنعتبره (كلام بنات معديات بنات) مالم يأتي لنا بكوبي (صورة) من الخبر كما نشرته الصحيفة السعودية

وايضا كتبت

Quote: أو الرابط الذي نجد به الخبر المنشور. غير كدا يكون زول ساكت على حد قول السعوديين ولقى الهبوب وقعد بضرِّي.

عجيييييييييييييييييييب!! عجييييييييييب والله
وعشان اكتـــل ليك الدش في يدك هاك دا مصدر الخبر
جريـــدة الوطن
ثم ماذا بعد؟ وأي سؤال؟
وزي ما قال ليك خالد حاكم لو كلفته نفسك شوية وسألت عمنا قوقل ما كان دا كلو حصل
اها هسي ح تودي وشك وين من الناس دي

ما عندي حاجة أقـــولها ليك غير الله يسامحك يااااخ وما تستعجل تاني بالشينة باللاهي
ويلا خلينا نشوف جكتك شـــنو بعد ورود مصـــدر الخبر

كامل الاحترام يا عزيزي

Quote: يا اللمين البشاري أنا لا بتعب روحي ولا بقوقل.

كدي يا أخــــوي برااااااحة كدا امشي شوف المداخلة رقم 9 فيها رابط الخبر وتعليقات القـــراء
وياها دي مصورة كمان رأيك شنو؟


عشان كدا خلينا نتجاوز النقطة دي وركز لينا في المهم يـــاااخ
أنا قلت يمكن ما شفته الرابط وجبناهو ليك تاني مرة أها تــاني اعمل شنو؟

Quote: البجيب ليهو كلام يجيبو كامل وما عاوزين أخبار مبتورة

قرايتك هي المبتورة والكامل وجه الله يا حبيب ... وكامل بعد دا إلا أمشي اعمل ليك انترفيو مع الزول دا ... الخبر ورابطه موجود فوق
....المهم... يا قولة تبارك شيخ الدين
هسي انت ما حاسي إنك بدون مبرر كدا شنيت علي هجوم وبدون وجه حق في كلامك الفوق دا؟ (بشــــوف القلب يا أخــــوي )
كامل احترامي يا أخوي وكدا أرجع برواقة كدي وأقرأ كلامي في البوست دا ... وخلينا نطلع بخلاصة مفيدة بدل ما نحرف البوست عن مساره وكدا

تحاياي

Quote: الشاهد من البوست دا بدل نقعد نشتت في الكورة كدا على الفاضي 1. التأكد من الخبر وحقيقته. 2. على السفارة أيضاً أن تستوثق من صحة الوثيقة المستخرجة( وبصراحة اشتم فيها رائحة فساد). 3. شنو الممكن نعملو هنا في مقابل اساءات جريدة الوطن ونشرها لاخبار مفبركة مما يدل على استهداف واضح للسودانيين في السعودية 4. شنو الممكن نقوم بيهو لو ثبت لينا إنو الزول دا برئ وانو المرأة دي سافرت برضاها. 5. والباب مفتوح لأية اضافات أخرى يراها الأعضاء خلينا نحصر كلامنا في النقاط دي عشان نطلع بحاجة مفيدة مش أحسن؟

Quote: الأخ محمد عبد المطلب حسن وعليكم الســـلام ورحمة الله،، إذا حضر الماء بطل التيمم .. وكويس جيتنا برجلينك كدي يا اخوي اقرأ الخبر وحلل لينا الموقف من ناحية قانونية لأنو بصراحة الخبر فيهو حاجات ما منطقية يعني عايزين رأيك كقانوني ورأيك دا ح تتبني عليهو حاجات كثيرة شاكرين مقدما لمساهمتك

(عدل بواسطة Mohamed Abdelmotalib Hassan on 07-17-2010, 03:03 AM)
(عدل بواسطة Mohamed Abdelmotalib Hassan on 07-17-2010, 03:08 AM)

Quote: يكون أجهل من الجهل وعامل فيها مغترب.

متعة والله وحكاية
الامين كيفنكـ يابا

Quote: وهل من السهولة أن يستخرج راعي أغنام جواز سفر من السفارة أو القنصلية السودانية بكل هذه السهولة وفي بلد كالسعودية؟ دي قصة بتشبه الأفلام الهندية..

Quote: الأخ محمد عبد المطلب ســــــلام،، اشكرك على الاضافة المميزة وإلقاء الضوء على القضية من الناحية القانونية..وارجو ان تسمح لي بطرح بعض التساؤلات وعليه انت افترض أنه مذنب فلنفترض هذه المرة بأنه غير مذنب ونبين ما يمكننا فعله... ومعليش تقلنا عليك شوية تحاياي

Quote: الاخ الفاضل الامين موسى تحية طيبة من المعروف ان اسهل الطرق لاستخراج وثيقة سفر اضطرارية ويمكن اعتمادها لدى السلطات السعودية هى احضار رقم جواز لاى متخلف دخل المملكة العربية السعودية ولازال موجود بها رقم تذكرة السفر والناقل تاريخ الدخول للمملكة وبموجب هذه البيانات مع ارفاق صورة اى شخص مطابق للمواصفات من حيث الجنس والعمر يتم تسليمك الوثيقة وخاصة اذا قلنا الحاجة دى عيانة ومريضة ومابتقدر تجى (ده ما تبرير لناس القتصلية فى استخراج الوثيقة) ولكنه واقع الحال للاسف بالنسبة للخروج من جوازات السعودية فانه يتم الاعتماد على البيانات المسجلة بالوثيقة خاصة فيما يتعلق بتاريخ الدخول اذا كان مضبوط وكذلك الجنس تركب الطائرة او الباخرة لوج كمان طبعا فى حالات نادرة يتم فيها بعض المشاكل اذا كان هنالك شك من الجوازات فى امر ما اما بالنسبة للسودان فاذا ادعت عذر المرض امام ضباط الجوازات فانهم يستعجلون لك الخروج بحسن نية برضو اذا ماكان فى شك فى حاجة

Quote: عامل فيها سيده لاكييييين هو ما سيدة متعة والله وحكاية الامين كيفنكـ يابا

Quote: وين السفاره السودانية والقنصلية ؟؟ حن في حوجه لعمل دبلوماسي ، أكثر من أكشاكـ جـباية !

Quote: دي قصة ما بتدخل ليها عقل بني آدم وحتى الشخص اللي ألفها لم يوفق في وضع الحبكة الدرامية الصحيحة

Quote: اكاد اجزم ان هذا الرجل كان يقصد المساعدة بنية طيبة وقلب سليم مليء بالشهامة السودانيةالمعروفة ولاتخفي علي احد ولكن لسبب ما اختلط الامر علي ذويهافتم اتهامه وتلفيق التهم عليه .

Quote: وزي ما علق سوركتي كيف يكون الاختطاف لمدة سنتين من 1424 وحتى 1426 والقاء القبض يتم في 2010م

Quote: تشكل "فريق عمل" لمتابعة اطلاق النار علي مصريين في السعودية الرياض: افادت مصادر اخبارية بأن القنصل المصري العام في الرياض شكل فريق عمل لمتابعة حادث اطلاق نار على صحفي مصري وجاره جنوب العاصمة السعودية. وضم فريق العمل نائب القنصل العام والمستشار القانونى لمتابعة حادث اطلاق الناروللتواصل ايضا مع قسم شرطة الديرة جنوب الرياض التي قامت بدورها بأخذ أقوال المصابين وشهود الواقعة. وقال القنصل المصري فوزي العشماوي إنه تم تشكيل فريق العمل المصري فور علم القنصلية بالحادث الذي أسفر عن إصابة كل من مراسل صحيفة "الرأي" الكويتية بالرياض صبحي رخا والذي يعمل في المملكة منذ 16 عاما، وجاره المصري وليد الصفتي إثر تعرضهما لإطلاق نار أثناء قيامهما بفض مشاجرة بين مقيم مصري يدعى خالد عفيفى و3 شباب كانوا يستقلون سيارة أحدهم. وكان الشجار بسبب خلاف نشب فيما بينهم حول الوقوف أمام محل بقالة بحي الديرة جنوب الرياض. وأكد السفير اهتمام الأمير سلمان بن عبدالعزيز أمير منطقة الرياض الشخصي بالموضوع، ومتابعته لنتائج التحقيقات. وأوضح القنصل المصري العام بالرياض أنه بالرغم من وجود عدة أشخاص فى موقع الحادث، إلا أنه لم يتم أخذ رقم السيارة التي كان يستقلها الجاني، مشيرا إلى أن البحث مازال جاريا. وكان كل من رخا والصفتي قد اُصيبا بإصابات نافذة في الفخذ؛ أدخلا إثرها مستشفى الشميسي العام، حيث تلقيا العلاج اللازم قبل أن يغادرا المستشفى، بعد أن مكثا فيها نحو 5 ساعات، وحالتهما الآن مستقرة. ووصف فوزي العشماوي الحادث بأنه "خطير"، ولا يوجد إطلاقا ما يبرره، وأنه يمثل حدثا غير معهود في الرياض التي ينعم فيها الجميع بالأمن . وأعرب السفير عن ثقته من أن السلطات السعودية ستقوم بواجبها للقبض على الجاني وتقديمه للمحاكمة العادلة، مؤكدا أنه سيتم الاحتفاظ بحقوق المصابين المصريين في نيل أقصى رعاية طبية ممكنة، ومتابعة حالتهما حتى الوصول إلى النتيجة النهائية، ومعرفة إذا ما كان هذا الحادث سيؤدي إلى أى إعاقة أو أي شىء والوقوف على حجم التعويضات فى مثل هذا الشأن. وذكر القنصل المصري أنه تم إبلاغ مساعد الوزير للشئون القنصلية السفير محمد عبدالحسن والجهاز الرئاسي في وزارة الخارجية بالحادث وبملابساته. وتشير تفاصيل الحادثة الى أن خلاف نشب بين مقيم مصري وثلاثة شبان سعوديين حول الوقوف أمام إحدى محلات البقالة بحي الديرة جنوب العاصمة السعودية الرياض، وقام على اثر ذلك كل من رخا والصفتي مع آخرين كانوا موجودين في المكان بالتدخل لفض المشاجرة، وأقنعوا الشباب السعوديين الثلاثة بركوب سيارتهم ومغادرة الموقع، وعند مغادرتهم الموقع بسيارتهم وبعد أن أدار الجميع ظهورهم؛ فوجئوا بأحد الشبان الثلاثة الذي كان يجلس في المقعد الخلفي للسيارة يخرج ذراعه من نافذة السيارة ويطلق النار بشكل عشوائي من مسدس كان بيده، ثم فروا هاربين بأقصى سرعة؛ فأصيب مراسل الرأي الكويتية وجاره، ولم يتمكن أحد الموجودين من التقاط أرقام لوحة السيارة التي كانوا يستقلونها. http://www.moheet.com/show_news.aspx?nid=396890&pg=1