Quote: تتعرض قبيلة الشلك بجنوب السودان لمضايقات بشعه وإبادة جماعيه منظمة ومنسقة ومدروسه من قبل قادة الجيش الشعبي المنحدرين من قبيلة الدينكا .
Quote: الغريب في الأمر أن السيد باقان اموم يصمت صمت القبور تجاه هذه المجازر وهو المنحدر من قبيلة الشلك ولانراه يفعل أي شيء لإزالة الضيم عن قبيلته وبني جلدته وربما يرى البعض ان الامر ليس بمستغرب عن رجل كهذا يرى كثيرون أنه لاخير فيه وهدفه الاساسي تقسيم البلاد وإشعال النيران في جميع أطرافها
Quote: بحسب المنطق الماشي في البورد اليومين ديل ربما يكون محمد فرح غواصة !!
يكون غواصة حركة شعبية في المؤتمر الوطني عشان يشوه صورة المؤتمر
** الزول دا يا خالد بيكضب ويتحري الكضب في البورد دا كثيراً
ولو بحبت ليك ارشيفو بجيب ليك اكتر من بوست .. وما بوست الكهرباء عنا ببعيــد
يبقي لمتين الناس تقيف تتفرج فيهو وهو يسئ لمصداقية المنبر .. ويبث سموم الفتنة والتحريض بين ابناء القبائل .. والاهم من دا حق الزول التعب وصور وخاطر في الفيديو دا واحتمال كان ينقتل ويجئ محمد فرح بكل بساطة يقول ليك عندي فيديو وسأقوم برفعه .. وين دورنا في فضح مثل هذا الكذاب وسحله بالمنبر العام ليكون عبرة وتاني زول يسرق حق غيرو مافي ؟؟!
07-15-2010, 07:34 AM
Nader Abu Kadouk Nader Abu Kadouk
تاريخ التسجيل: 02-19-2007
مجموع المشاركات: 3706
سلامات ياود الزين حقيقة لا علم لي باي مجازر تحدث في الجنوب .. ولكن هذا الفيديو مشهور وقديم وقبل كدا الاخ ناذر الخليفة فتح بيهو بوست ... وسحبو تاني بعد ما عرف ان الفيديو لم يصور بجنوب السودان بل يخص دولة افريقية اخرى لا اذكرها ... والاخ محمد فرح عليه ان يسحب الفيديو ويلزمه الاعتذار ... وكما ارجو من الاخوة الزملاء توخي الحيطة والحذر فيما ينقلون . مودتي لك وللجميع
07-15-2010, 07:46 AM
Nader Abu Kadouk Nader Abu Kadouk
تاريخ التسجيل: 02-19-2007
مجموع المشاركات: 3706
Quote: وحقيقة هذا الفيديو لأثنين من اللصوص فى مدينة لاجوس/ نيجيريا، وليس السودان وبالطبع الحركة الشعبية لم ترسل عضويتها لمعاقبة اللصوص فى نتجيريا بالقتل!!!
وتم سحبه من موقع اليوتيوب كما قلنا سابقاً قبل ان يقوم محمد فرح اليوم بتغيير عنوانه وادراجه باليوتيوب مرة اخري..
يبقي هنا في كذب وتزوير وتلفيق .. وقبل ذلك تحريض بالفتنة .. محمد فرح سارق ومزور واظن بقي عندنا هنا سعي لتثبيت حقوق الملكية الادبية والفكرية وضد السرقات اي كان نوعها ..
مودتي يا حبيب
07-15-2010, 08:07 AM
محمد علي شقدي محمد علي شقدي
تاريخ التسجيل: 04-25-2010
مجموع المشاركات: 2730
Quote: ولكن هذا الفيديو مشهور وقديم وقبل كدا الاخ ناذر الخليفة فتح بيهو بوست ... وسحبو تاني بعد ما عرف ان الفيديو لم يصور بجنوب السودان بل يخص دولة افريقية اخرى لا اذكرها ...
نعم الفيــديو قديم وهو مصور في نيجيريا لإحراق عدد من السحرة .. لا اذكر ان كان ناذر الخليفة قام بانزاله هنا لكن اول من انتبهت ليهو كان ببوست لنجاة محمود وقام الاخ عمر صديق بانزاله معنون باسم جرائم الحركة الشعبية بالجنوب ( واظنه اضاف ضد المؤتمر الوطني )
الزين حيدر تحياتي يا صديق المؤلم حقا ما يرمى له منسوبي اللا وطني من إشعال نيران الفتن وتأجيج العنصرية والقبيلة وجعل الجنوب منطقة مشتعلة بالحروب والفتن لتأجيل أو إفشال موضوع الاستفتاء حول الإنفصال .. ومحمد فرح يقوم بلعب ذلك الدور هنا لا حبا في الشلك أو النوير لشيء في نفس اللا وطني ... رغم أني حذرته من في نفس البوست وبسرعة من عدم إنزال أي فيديو أو صورة ... لكن المقتولة ما بتسمع شنو ما عارف ... لك ودي وحبي الذي لا يخفاكم الشفيع ابراهيم
07-15-2010, 09:11 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: المؤلم حقا ما يرمى له منسوبي اللا وطني من إشعال نيران الفتن وتأجيج العنصرية والقبيلة وجعل الجنوب منطقة مشتعلة بالحروب والفتن لتأجيل أو إفشال موضوع الاستفتاء حول الإنفصال .. ومحمد فرح يقوم بلعب ذلك الدور هنا لا حبا في الشلك أو النوير لشيء في نفس اللا وطني ... رغم أني حذرته من في نفس البوست وبسرعة من عدم إنزال أي فيديو أو صورة ... لكن المقتولة ما بتسمع شنو ما عارف ...
تحياتي يا الشفيــع ..
ونعم القول ..
07-15-2010, 08:32 AM
محجوب البيلي محجوب البيلي
تاريخ التسجيل: 04-19-2005
مجموع المشاركات: 2016
شكرا ان اثبت هذه الحقيقة .. لانو خايف يجي بكرة ود الباوقة يقول الفيديو حقيقي .. والنجيريين سرقوهو من السودان ..
Quote: كدي ياحيدر الزين شوف ردكـ كان شنو لمن نزلّو اخونا ناذر الخليفة؛؛
ياريت يا بشير تجيب لي ردي والرابط النزل فيهو ناذر الخليفة الفيديو دا.. لاني بحثت وما عرفت في ياتو ربع نزلو .. ممكن !! .. عشان ما يشتبه علي ويجي في بالي اني قلت لناذر شكرا فيديو جميل ..
Quote: خلاص يالمؤتمرجية سيرة وإنفتحت...
شكراً ليك والله يا بشير .. شكراً جداً فإنت من حيث لا تحتسب بتثبت انه المواضيع هنا كل البيحركها هو عصف السياسة ومؤتمرجية وخلافهم .. ولا صوت هنا للنصيحة او احقاق الحق .. ومفروض لو مؤتمرجي سرق وزور بقية المؤتمرجية ما يفتحو خشمهم عشان ما يحرجوهو .. مش كدة ؟؟!
هسع بالله حفل الشواء الكان مدور ضد معتز تروتسكي دا هنا ليهو اسبوعين .. اتاريهو السبب ما حقوق زول بل السبب انه معتز ما مؤتمر وطني..
شكراً يا حبيب بتسهل علينا النضم دائما
مودتي
07-15-2010, 11:03 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
علي ضوء مداخلة الاخ بشير احمد الماضيـة .. بفهم انو تاني لو غلط زول مصنف معارضة او سرق .. او كضب .. او زور .. او لفق .. او اساء لأي زول .. وجاء واحد مصنف موالاة فيكون واجبي انا كزول مصنف معارضة برضو .. اني اتداخل واقول ليهو يا فالان انت غلطان واعتذر ..
وبعد كدة اقول اي زول مصنف كوز لو اتداخل اقول ليهو بختك تبشة ولقت الرمال .. بل واحاول بقدر الامكان انه مافي زول مصنف موالاة يقول ليهو عينك في راسك ..
وبنفس الوقت .. بقيت ناس المعارضة بالمنبر يفترض بيهم يدفنو دقن ويشوفوا بقية النضم..
وبكدة بنؤسس لمنبر سلام عادل بحق وحقيقة .. فيهو تُرد المظالم وفيهو يُقال الحق ..
07-15-2010, 11:13 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: الساده المتداخلين جميعاً تحيه طيبه يبدو أن هذا الفيديو أرّق مضاجع كثيرين هرولوا لينسبوه لدول أخرى الفيديو حقيقي ياسادتي ربما كانت الحقيقه مره ويصعب تصديقها لكنها تظل الحقيقه مايحدث للشلك أفظع وأنكى من هذا الفيديو فالشلك الان يهجرون من مناطقهم ويطردون بالقوه ويقتلون ويسحلون تحت مرأى ومسمع الجميع سنظل نفضح فظائع الجيش الشعبي وأبناء الدينكا ولن يثنينا عن ذلك أي شيء وهناك الكثير والكثير مايزال بجعبتنا
محمد فرح بالله راجع الروابط النزلت دي وبطل مكابرة ..
07-15-2010, 11:12 AM
محمد إبراهيم علي محمد إبراهيم علي
تاريخ التسجيل: 08-10-2009
مجموع المشاركات: 10032
محمد فرح ليس اكثر من مرسال خائب وكاذب ومزور قبض بالثابته هنا في المنبر وبكي ومخاتو سالت وحلف انو تاني ما يجي يعتب هنا وجا راجع تاني واعتذر الا يعود لمثلها ابدا واهو عاد وحيجي يبكي ويقرفنا بالمخاتة وحيقول معليش دي اخر مرة وحيعو لمثلها مستقبلا ودي اشارط عليها طبعا حراس الفضيلة لهم رب غفور رحيم لمحمد فرح وشديد العقاب لتروتسكي مع انو الفارق (سرقة) معتز لا تضر احدا سوى كاتبها اي صاحب النص الاصلي اما افتراء محمد فرح فبمثله قامت حروب وازهقت انفس وسالت الدماء انهارا ايهما احق برفع البوستات من سحق بعوضة او من قتل الحسين؟ انت يا حيدر قبل كدة ما دقيت جرس في القوقلي الاخر السيدح (جيب الرابط فتشتو ايام موقعة تروتسكي ما لقيتو) الجا قال ليك البركة فيكم منو ولا الجا قال السيدح ده حرامي ومنتحل منو ما برضو عملو رايحين ولا حقوق ملكية فكرية ولا دياولو محمد فرح المرسال الخايب لمن يرسلوك بحاجة اقراها اول مش تكون كمثل الحمار يحمل اسفارا ولا اقول ليك انت فعلا مثل الحمار يحمل اسفارا
07-18-2010, 07:46 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: محمد فرح ليس اكثر من مرسال خائب وكاذب ومزور قبض بالثابته هنا في المنبر وبكي ومخاتو سالت وحلف انو تاني ما يجي يعتب هنا وجا راجع تاني واعتذر الا يعود لمثلها ابدا واهو عاد وحيجي يبكي ويقرفنا بالمخاتة وحيقول معليش دي اخر مرة وحيعو لمثلها مستقبلا ودي اشارط عليها طبعا حراس الفضيلة لهم رب غفور رحيم لمحمد فرح وشديد العقاب لتروتسكي مع انو الفارق (سرقة) معتز لا تضر احدا سوى كاتبها اي صاحب النص الاصلي اما افتراء محمد فرح فبمثله قامت حروب وازهقت انفس وسالت الدماء انهارا ايهما احق برفع البوستات من سحق بعوضة او من قتل الحسين؟ انت يا حيدر قبل كدة ما دقيت جرس في القوقلي الاخر السيدح (جيب الرابط فتشتو ايام موقعة تروتسكي ما لقيتو) الجا قال ليك البركة فيكم منو ولا الجا قال السيدح ده حرامي ومنتحل منو ما برضو عملو رايحين ولا حقوق ملكية فكرية ولا دياولو محمد فرح المرسال الخايب لمن يرسلوك بحاجة اقراها اول مش تكون كمثل الحمار يحمل اسفارا ولا اقول ليك انت فعلا مثل الحمار يحمل اسفارا
شكراً يا باشمهندس محمد براهيــم ..
بمراجعة سريعة لمعظم بوستات الكضاب محمد فرح بنلقي انها دايماً بتتناول الشأن الجنوبي وبصورة مشوهة وكضب لأغراض دنيئة تسعي للفتنة .. محمد فرح نعم مرسال ومرسال خايب .. لكن خطه عموماً لا يختلف عن خط اسحق احمد فضل الله والطيب مصطفي .. ويسعي دوماً لتصوير الجنوبين بابشع صورة بأمر مدروس ..
نعم هو حا يرجع تاني لكن قاعدين ليهو بالمرصاد صدقني .. لو جاب خبر عرس نقول ليهو مصدرك قبل التهاني
تحياتي ليك وكلام في الصميم
07-15-2010, 11:41 AM
ibrahim alnimma ibrahim alnimma
تاريخ التسجيل: 03-28-2008
مجموع المشاركات: 5197
الاخ حيدر الزين التحيات الزاكيات: وهل هذه مفجاءة؟ الرجل له سوابق كثيرة ، واخوته في التوجه الحضاري يتصفون بنفس الصفات ، وهي خصلة أكيدة ولها تبريراتها الايدلوجية ، الناس تموت من جراء الاهمال التام لصحتهم ولتعليمهم، وهم يرددون بان المواطن في احسن احواله، الدولة تتمزق وتسرق وتستقطع منها الاقاليم والاراضي وهم يرددون مصلطحات تشير الي الانعتاق والتحرر. الناس تتحدث عن قتل الطالب محمد موسي وهم يهمون باغلاق الموضوع لحين سماع راي السلطة الامنية والي هذه الحظة لم تبت الشرطة ببنت شفة. الناس يتحدثون عن التزوير ، وهم سعداء بانتخابات حرة ونزيه، الناس يتحدثون عن التعذيب ، واصحابنا أهل الهوي يتحدثون عنها كاكاذيب . ياخي الناس ديل يكذبوا وسوف يكذبون انفسهم فالامر لا يتوقف في تكذيب الاخر. فعلاما الانزعاج اذاً؟ عزيزي حيدر احب ان اؤكد لك باني عندما اسمع اي نباء من لدن هؤلاء القوم، لا ابحث وراء صحته ، انما جل وقتي استنذفه فيما وراء الخبر . لذلك ما السبب وراء الخبر هو ماسيريحك ، اذ السبب وراء الخبر اعلاه حتي وان كان صادقاً فهو ليس رأفة بالشلك وانما وقيعة سياسية بين القبائل المكونة للحركة الشعبية. وهل المجازر التي تقام في السودان قليلة؟ مجازر دارفور اولي بالاهتمام أو هكذا افترض . ولكن لان الجاني يتمتع بحماية المؤتمر الوطني ، فان الاول اهمية عندهم هو التجاهل والبحث عن ضحية اخري . فضحايا غزة اهم اليهم من ضحايا الجنوب ودرافور . والحرية السياسية في الحنوب اهم منه في الشمال . واغلاق الصحف في الجنوب جريمة بينما في الخرطوم تعني انهاء الفوضي. ومحاكمة المجرمين في الصرب يعتبر انتصار للمجتمع الدولي بينما في دارفور هو ووفقاً لنظرية المؤامرة هو تجني ضد الانعتاق والرموز السيادية. فالامر ياعزيزي خصلة وليس سقطة كيبورد تستوجب الاعتذار ؟
Quote: الساده المتداخلين جميعاً تحيه طيبه يبدو أن هذا الفيديو أرّق مضاجع كثيرين هرولوا لينسبوه لدول أخرى الفيديو حقيقي ياسادتي ربما كانت الحقيقه مره ويصعب تصديقها لكنها تظل الحقيقه مايحدث للشلك أفظع وأنكى من هذا الفيديو فالشلك الان يهجرون من مناطقهم ويطردون بالقوه ويقتلون ويسحلون تحت مرأى ومسمع الجميع سنظل نفضح فظائع الجيش الشعبي وأبناء الدينكا ولن يثنينا عن ذلك أي شيء وهناك الكثير والكثير مايزال بجعبتنا
07-15-2010, 12:20 PM
Mohammed Awad Mohammed Awad
تاريخ التسجيل: 11-13-2009
مجموع المشاركات: 3441
Quote: والاخطر من السرقة الادبية والكضب .. هو بث الفتنة في أرجاء المنبر بين ابناء قبائل السوادن الواحد وهي مخالفةينص عليها قوانين السودان ودستور البلاد ..
الطريفى حياك الله
ياخى الراجل دا مؤتمر وطنى عديل كدا
طيب ايه الداعى لسرقة ادبية وكضب وتزوير وخج وفتنة وسرقة قلة ادبية . لا تفسر الماء بعد الجهد بالماء.
07-15-2010, 06:31 PM
بدر الدين اسحاق احمد بدر الدين اسحاق احمد
تاريخ التسجيل: 03-29-2008
مجموع المشاركات: 17127
انا اعتقد ان الموضوع اكبر من سرقة ادبية او انتهاك حقوق ...فزيد / عبيد يمكن ان يسرق مقال /
نص / قصيدة ولا يترتب على هذه السرقة ضرر عام ( بل شخصى ) مع الرفض الكامل للسلوك ..
الامــر يمكن ان يقود الى اثارة الكراهيــة بين ابناء البلد الواجد ( التقول ناقصين كراهية )
تداخلت فى البوســت الاصــل وانقل مداخلتــى الى هذا البوسـت ..
Quote: ود فرح ,, السلام عليكم ورحمة الله
النزاعات بين القبائل فى الجنوب موجودة كما فى كثير من المناطق فى السودان ...
وهــى نزاعات ذات دواعــى مختلفة ( مرعى / اراضى / نفوذ / .....)
الحرب مذمومة بنص القران :
{وقالت اليهود يد الله مغلولة غلت أيديهم ولعنوا بما قالوا بل يداه مبسوطتان ينفق كيف يشاء وليزيدن كثيرا منهم ما أنزل إليك من ربك طغيانا وكفرا وألقينا بينهم العداوة والبغضاء إلى يوم القيامة كلما أوقدوا نارا للحرب أطفأها الله ويسعون في الأرض فسادا والله لا يحب المفسدين} سورة المائدة آية رقم 64
ولا نحتاج للتدليل على استخدام وتوظيف الدينكا كقبيلة لنفوذهم فى الحركة الشعبية للتمكين لكيان
الدينكا ... فى الحركة الشعبية كان القوام الاكبر من الجنود من بحر الغزال وهــم من الدينكا
لكن لا يقلل ذلك من جهود ابناء النويـر فى تحمل عــبء تأسيس الحركة فى ثوبها الجديد 1983م...
والشلك من القبائل الصعيرة العدد لكنها من المناصــرة بقوة وبشدة لدكتور جون قرنق مما جعلــه
يوظفهم لتأمين الحركة الشعبية ( ويي دينق اجاك ) الفريق الان ..
_________________-
عليــه كلام فرانكلــى دهـ تستصحبو معاك معاك فى جزئية استقرار الجنوب من مسئوليتنا كحزب
حاكم .. واى انفراط للامــن قطعا سيرجعنا الى مربــع الحرب الذى لا يريدهـ احـد فى المؤتمر الوطنى
ولا فى الحركة الشعبية ( الشريكان ) ومن قبل لا يريدهـ جموع اهل السودان ...
وجزئيـة الفيديو ( طوالــى تمسحو / تعتذر / وتطلب من بكرى ابو بكر حذف الفيديو ...
فهو يؤســس لعدم المصداقيــة فى المنبــر ..
_________________
لم اقــل ما قلـت الا لان امــرك يهمنـى ... فكلنا خطأ وخيرهم الذين يؤوبون الى ربهم
Quote: الأخ الكريم محمد فرح
أخطأت بنسبة الفيديو للسودان
وأخطأت بأن نسبت الفيديو لنفسك وأنّك من قام برفعه لليو تيوب
أرجو أن تعتذر عن الخطأ ونتقدّم خطوة للأمام
الجنوب ما زال داخل الوطن ولم ينفصل بعد واستقراره مهمة الحكومة الوطنية أولاً وحكومة الجنوب ثانياً
حتى وأن جاء تقرير المصير بدولة الجنوب المستقلة فعدم استقراره هو عدم استقرار لنا في الشمال
07-15-2010, 06:59 PM
مجدى محمد مصطفى مجدى محمد مصطفى
تاريخ التسجيل: 11-06-2005
مجموع المشاركات: 1700
Quote: النزاعات بين القبائل فى الجنوب موجودة كما فى كثير من المناطق فى السودان ...
ما ياهو ده ذاتو القاعدين يقولوا فيهو الشباب من الصباح أنو النزاعات دي موجوده ويتم تغذيتها بالفتن والاكاذيب مثل الذي نقله محمد فرح .
Quote: الحرب مذمومة بنص القران :
ودي برضو عافنها الناس وعارفين كمان انو المؤتمر الوطني في ظل عملو الدئؤوب ضد ما يقول به القرآن يقوم بشن الحروب لأخضاع الذين يرفضون ظلمه وجبروته , وبما ان الجنوب الان اصبح منطقه محرمه على المجاهدين يعمل المؤتمر الوطني وزبانيته من امثال محمد فرح على زرع الفتنه بين الجنوبيين بترديد الاكاذيب .
Quote: ولا نحتاج للتدليل على استخدام وتوظيف الدينكا كقبيلة لنفوذهم فى الحركة الشعبية للتمكين لكيان
الدينكا
والمؤتمر الوطني كيف استخدم ياتو قبائل عشان يمكن ياتو قبائل ؟!!!
Quote: وجزئيـة الفيديو ( طوالــى تمسحو / تعتذر / وتطلب من بكرى ابو بكر حذف الفيديو ...
الكذب والتلفيق والفتنه برضو بقى جزئيه!
ياخي انت والله أكذب من محمد فرح واكثر نفاقا منه , ضيعتو الراجل الله ينتقم منكم !
07-15-2010, 11:07 PM
الشفيع وراق عبد الرحمن الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
الأخ/حيدر لتسمح لي بابداء هذا الراي وكلي امل ان تقرأه بتمعن: فيديو المحرقة ، كلنا يعلم انه كان لافي في المنبر ده لأكثر من ربعين الفيديو قتل تحليلاً وتمحيصاً وثبت انه ليست له علاقة بالحركة الشعبية
هل ترى أن محمد فرح بهذا الغباء ليدعي مثل هذا الادعاء؟
انا استطيع من هنا ان انفي تهم السرقة الادبية/الادعاء/التلفيق/الكذب المتعمد
وأظن انه وصل اليه بطريق آخر، ايميل او خلافه وقام برفعه لليوتيوب لقد تأكدت من تاريخ رفعه لليوتيوب قبل ان يمسح
إذن على أخونا محمد فرح: إما أن يثبت أن هذا الفيديو كما يدعي أو يعتذر عن الخطأ الذي ارتكبه
بالرغم من ثبوت ان بعضاً من الشلك قد عقدوا مؤتمر وافادوا باستهدافهم من قبل الحركة الشعبية ، الا ان هذا لا يبرر الترويج لحملات الابادة الجماعية
نربأ بمؤيدي المؤتمر الانسياق وراء هذه الدعاوى التي بهتنا بها في رئيسنا ، ويجب علينا الصبر والاحتساب فيما اصبنا به ، وان لا نتعامل بالمثل وبلدنا لا تتحمل مثل هذه الفتن
كما ويجب عليكم محاسبة الحركة الشعبية فيما تقوم به يا حيدر ، فالديقراطية لا تتجزأ وما يزال السودان قطعة واحدة ، فلا تطالبوا المؤتمر ببسط الحريات والشفافية وتتركوا للحركة الحبل على الغارب لتعمل ما تريد في الجنوب
ودي وسلامي
07-16-2010, 00:38 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
جميع الأخوة المرور من هذا البوست .. عذري لكم بس حقيقة حبيت قبل الرد عليكم عاوز اراجع كلام اخونا الشفيع وراق دا لانه قال كلام جميل جدا بوجهة نظري :
يا الشفيع الوراق مسألة انه الفيديو طرح قبل كدة بالمنبر دي لا نختلف فيها انا وإنت واي زول متابع للمنبر دا .. وثبت قبلاً انه غير تابع للحركة الشعبية يبقي قصة انه محمد يعيد نشره مرة تانية ويغير عنوانه دي القصة البنقول فيها انه محمد فرح كضاااب ومزور وملفق وكضيضيب .. ولو عندك دليل يثبت صحة الفيديو جيبو غير كدة بعتقد انه محمد فرح مزوراتي وملفق ويستحق التقريع والضرب علي نويفيخو لانه وجه فيديو جاء من خارج الحدود لما لا يستحق لداخلها ..
وسألتني : ( هل تري انه محمد فرح بهذا الغباء ليدعي مثل هذا الادعاء ) إنتهي الاقتباس
الإجابة نعم .. وواضح من قوله اعلاه واصراره انه بيدعي لآخر لحظة انه الفيديو حقيقي وصور في الجنوب .. ويا الشفيع اتحداك جيب لي كلام ينفي انه محمد فرح ادعي غير ذلك عشان ما تدافع عن الباطل وانت تعلم وتضع نفسك في خانة المدافعين عن الباطل..
وقلت يا الشفيع وراق : (انا استطيع من هنا ان انفي تهم السرقة الادبية/الادعاء/التلفيق/الكذب المتعمد) انتهي الاقتباس
يا سيدي محمد فرح لم يحوجك عشان تشيل وش الكعوبية وشهادة الزور والكضب بدل عنه ولا حوجك تجهد نفسك اكتر مما هي محملا بيهو وقال بكل صراحة إنه رغم كل الاثباتات فالفيديو صحيح أها بدون لف ودوران ولبس روحاتك ( المتعود عليها ) تعال اثبت لينا انه الفيديو دا صحيح واتصور بالجنوب في ظل ابادة الدينكا من عانصر الحركة الشعبية لقبيلة الشلك ) وما عاوزين فرفرة كتيرة ..
لا لا لا يا وراق يا حريف ياخبرة في الروحات انت يا انت .. ما تجي بعد كلامك الفوق تقول التالي :
((((وأظن انه وصل اليه بطريق آخر، ايميل او خلافه وقام برفعه لليوتيوب لقد تأكدت من تاريخ رفعه لليوتيوب قبل ان يمسح
إذن على أخونا محمد فرح: إما أن يثبت أن هذا الفيديو كما يدعي أو يعتذر عن الخطأ الذي ارتكبه))) إنتهي الاقتباس
دا اسمو تدليس يا الشفيع .. تدليس .. !! ما تدافع وتجي تسحب بالبارد فاهمني اظنك !!
وتدليسك العجيب والفطير بيثبتو كلامك التحت من كلامك دا فقلت يا الوراق :
Quote: بالرغم من ثبوت ان بعضاً من الشلك قد عقدوا مؤتمر وافادوا باستهدافهم من قبل الحركة الشعبية ، الا ان هذا لا يبرر الترويج لحملات الابادة الجماعية
ثم في عكسة كورة من الكورنر .. لا تشابه في تواضع عكستها والشايتها الا اهلنا فب العكد ( ناس اتكا متل الاكنك شايتها ديلك ) فماثلتهم انت في الطرح عندما ضميتني للحركة الشعبية لا ايدي لا كراعي بس عشان تمرق زولك محمد فرح الكضيضيب .. ( زي ما قبل كدة خضت معركة فاشلة مع زولكم المحسوب عليكم ايوب خليل الكضيضيب ) فجيت يا الشفيع وقلت لي مخاطباً لي كأني بالحركة الشعبية : (( كما ويجب عليكم محاسبة الحركة الشعبية فيما تقوم به يا حيدر ، فالديمقراطية لا تتجزأ وما يزال السودان قطعة واحدة ))) إنتهي الاقتباس ..
فهنا سؤال هل انا حركة شعبية يا الشفيع ؟؟!
إذا كانت الاجابة لا ؟! فلماذا توجيه الخطاب لي !!
إن كانت إجاتك بإعتباري مواطن ابحث عن الحق والعدل في وطني السودان فلقد وجدت ان فرح من اكبر منتهكي هذا الحق في التعايش السلمي .. لكن وجدت بالمقابل ان اعضاء المؤتمر الوطني هم من يحاولون التبرير له بخجل ونفس مكسورة وصوت خافت بينما يعلو صوتهم حينما ينتهك الحقوق لا يتبعون لهذا الحزب.. وإن كانت اجابتك بانك تظن اني حركة شعبية فابسط دليك ..
وإن كانت غير هاتين التسميتين فسميهما وأيضاً ابسط دليك..
يا ود الزين سلامات وجمعة مبارك من خلال خبرتي في التحاور معك فقد اخترت كلمات مداخلتي بعناية فائقة بحيث تؤدي الغرض ولا تحوجني للعودة وتفريع اسئلة مداخلتي الترمتها هنا:
Quote: كما ويجب عليكم محاسبة الحركة الشعبية فيما تقوم به يا حيدر ، فالديقراطية لا تتجزأ وما يزال السودان قطعة واحدة ، فلا تطالبوا المؤتمر ببسط الحريات والشفافية وتتركوا للحركة الحبل على الغارب لتعمل ما تريد في الجنوب
وهي واضحة موجهة لمعارضة شمالية وبالذات الجزء الترمته الذي لا يستقيم قولاً ان يوجه لمنتسب للحركة
07-15-2010, 11:12 PM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
يا بدر اسحق سلامات ... يآخ وقت تقتبس وتعلق وجه حديثك للزول المعني .. هسع انا اتحيرت قلت متين فتحت لي بوست بالمعني دا ..
المهم هسع يا بدر الدين رايك شنو في موقف محمد فرح دا مُش مفروض بالله يُحاسب اخلاقيا علي فعلته؟؟ ثم جريمتو دي زي ما قال واحد من الاخوان فوق اكبر من فعلة معتز تروتسكي لانه تروت اضر بصاحب المقال فقط فقط بينما محمد فرح عمله يتعدي للاضرار ببلد كامل؟
معليش يا جماعة برجع ليكم قاعد مع زول كمبيوترو ما بيظبط الاقتباسات وشكلو كدة موديل 1971م :) :) لووول
ــــ حالتو الزول دا عضو منبر كااااك
07-16-2010, 09:59 AM
معاوية عبيد الصائم معاوية عبيد الصائم
تاريخ التسجيل: 06-09-2010
مجموع المشاركات: 22458
Quote: يا بدر اسحق سلامات ... يآخ وقت تقتبس وتعلق وجه حديثك للزول المعني .. هسع انا اتحيرت قلت متين فتحت لي بوست بالمعني دا ..
الزول ده ما عندو حاجه يقولها , الكذب العملو محمد فرح والتلفيق ومحاوله زرع الفتنه لا يخرج من منهج متبع من قبل المؤتمر الوطني , والشيئ اليفرس أنو يجيك واحد مؤتمر وطني زي ده يحاول يبرر ليك القذاره دي ...
أصلو ما ممكن ننظر لكذب محمد فرح بعيد عن كذب وتلفيق والسعي بالفتنه بين الناس الذي يقوم به المؤتمر الوطني وان حاول بعضهم التدثر بالاخلاق والفضيله و خلافه .
محمد فرح مطالب بالاعتذار , ولكن هل سيعتذر المؤتمر الوطني الموجه لمحمد فرح ؟! و يعتذر عن شنو ولا شنو ولا شنو !!!
07-16-2010, 10:14 AM
معاوية عبيد الصائم معاوية عبيد الصائم
تاريخ التسجيل: 06-09-2010
مجموع المشاركات: 22458
يا معاوية طالع الصلاة وقتها جاء عندنا بالشرقية ما تجرجرني
بس يازول والله انا هديتو ليك فوق .. حتي بالامارة قلت ليك اطلع نخلتو دي بس ما تعضرو لينا لانه فاكهة بالمنبر دا كل مرة بيجي يفك كضبة نمسك فيها ربع كامل لحدي الارشفة
النزاعات بين القبائل فى الجنوب موجودة كما فى كثير من المناطق فى السودان ...
وهــى نزاعات ذات دواعــى مختلفة ( مرعى / اراضى / نفوذ / .....)
الحرب مذمومة بنص القران :
{وقالت اليهود يد الله مغلولة غلت أيديهم ولعنوا بما قالوا بل يداه مبسوطتان ينفق كيف يشاء وليزيدن كثيرا منهم ما أنزل إليك من ربك طغيانا وكفرا وألقينا بينهم العداوة والبغضاء إلى يوم القيامة كلما أوقدوا نارا للحرب أطفأها الله ويسعون في الأرض فسادا والله لا يحب المفسدين} سورة المائدة آية رقم 64
ولا نحتاج للتدليل على استخدام وتوظيف الدينكا كقبيلة لنفوذهم فى الحركة الشعبية للتمكين لكيان
الدينكا ... فى الحركة الشعبية كان القوام الاكبر من الجنود من بحر الغزال وهــم من الدينكا
لكن لا يقلل ذلك من جهود ابناء النويـر فى تحمل عــبء تأسيس الحركة فى ثوبها الجديد 1983م...
والشلك من القبائل الصعيرة العدد لكنها من المناصــرة بقوة وبشدة لدكتور جون قرنق مما جعلــه
يوظفهم لتأمين الحركة الشعبية ( ويي دينق اجاك ) الفريق الان ..
_________________-
عليــه كلام فرانكلــى دهـ تستصحبو معاك معاك فى جزئية استقرار الجنوب من مسئوليتنا كحزب
حاكم .. واى انفراط للامــن قطعا سيرجعنا الى مربــع الحرب الذى لا يريدهـ احـد فى المؤتمر الوطنى
ولا فى الحركة الشعبية ( الشريكان ) ومن قبل لا يريدهـ جموع اهل السودان ...
وجزئيـة الفيديو ( طوالــى تمسحو / تعتذر / وتطلب من بكرى ابو بكر حذف الفيديو ...
فهو يؤســس لعدم المصداقيــة فى المنبــر ..
_________________
لم اقــل ما قلـت الا لان امــرك يهمنـى ... فكلنا خطأ وخيرهم الذين يؤوبون الى ربهم
Quote: مررت قبل ساعات بالقرب من عمارة السيد صديق النعمه بالخرطوم ماأن شاهدت العماره حتى تذكرت الحديث الدائر عن ست الشاي التي توفيت اثناء هروبها من كشه والجدل الدائر حول الامر ملايين اللعنات التي إنهالت على الشرطه السودانيه . (ست شاى) تموت اثناء هروبها من ( الكشة ) وبالرغم من ضيق وقتي إلا أنني أصريت أن أتأكد من صحة الخبر لأنه من شاكلة الأخبار التي تورث غصة يصعب زوالها بسهولة إطلاقاً . بدأت اسأل اصحاب المحلات المجاوره للعماره فذكروا لي جميعاً انهم لم يسمعوا بهذه الحادثة إطلاقاً . تلفتت حولي فوجدت ستات شاي في ظل حائط مدرسة كمبوني إستفسرت من إحداهن فنفت أيضاً حدوث أمر كهذا . وأنهن لم يتعرضن للملاحقه إطلاقاً منذ فتره فالمحليه طلبت منهن عدم الجلوس جنوب الشارع وكان هذا منذ فتره طويله جداً . التلاعب بالمشاعر بمثل هذا الكذب القبيح أمر سخيف جداً ناقل الخبر هنا ذكر أن مصدره الراكوبه شخصياً لااملك عضويه في هذه الراكوبه ولاأود ذلك لكن أحياناً البعض اصبحوا يمررون الكذب عبر المواقع لنقله هنا سأفترض حسن النيه وأرجو التحقق من الاخبار جيداً قبل نقلها فمثل هذا الكذب ضار جداً
أخ احمد العمار أنت مدين للقراء بالإعتذار لأنك لم تتحقق إطلاقاً
بل وبكل بجاحة قال :
Quote: منذ البدء كان الخبر كنت متشككا في صحة الخبر فمن غير المنطقي إطلاقاً أن ينزف أي حد دعك من أن تكون إمرأه وحامل أيضاً وسط شارع مزدحم بوسط الخرطوم دون أن يهب أحد (أي أحد) لإسعافها ونقلها لإحدى المستشفيات . قد أصدق أن نهر النيل جف ونضبت ينابيعه لكن أن تنضب ينابيع المرؤه في العب السوداني فهذا هو المستحيل بأم عينيه . يبدو أن من فبرك هذا الخبر لايعرف معدن السودانيين إطلاقاً
يا لسوءك يا فرح ..
وزي الواثق كدة قام قال :
Quote: أدعو لتشكيل لجنه للتحقق إن صح الخبر أعدكم بسحب عضويتي من المنبر
فماذا حدث ؟؟!
07-17-2010, 10:17 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: العفو والعافيه ياأخوانا أتمنى أن لايكون في قلب أي أحد منكم شيء ضدي عن نفسي كلكم بمثابة الإخوة والآباء وصدقاً لم يكن أحمل في قلبي ولو ذرة من الكره لأي أحد هنا . لاأود الإطاله سأترككم في رعاية الله كونوا ومن تحبون بخير أعتذر مقدماً لعدم الرد على المتداخلين في هذا البوست
فهل اوفي بوعده ايضاً ..
وحاتكم ابدن وهاهو اليوم يأتي بكضبة جديدة ..
وصدق الاخ صلاح ليون عندما قال له ببوسته هذا :
Quote: أبداً ما وفيت ولا انت من البيوفو بوعودهم.. ولا بتخجل .. ولا بتعتذر.. ولا عندك دم..
07-17-2010, 10:23 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: خليل ابراهيم يزور اسرائيل بصفته مستشارا للرئيس ديبي بجواز سفر دبلوماسي تشادي والزيارة تمت من دولة افريقية عن طريق سفارة اسرائيل بها ورافقه تيمان إدريس وعمر إدريس
وتسلم خليل فور وصوله من اسرائيل عتاد عسكري ضخم من الجنرال دوسة ديبي
انتهى الخبر
اصبح من الواضح ماهو السبب في توقف مفاوضات الدوحة المسألة التي حيرت الجميع ( كما هو سؤال موقع الجزيرة نت التصويتي - من تحمل مسؤولية توقف محادثات الدوحة بشأن دارفور؟ الحكومة السودانية ام حركات التمرد)
وللأن محمد فرح زايغ من خبرو دا ..
الم نقل لكم ان مسيلمة الكضاااب يتململ في قبره خجلاً من هذا الفرح
07-17-2010, 10:24 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
شنو الغاغه والعوا ومسؤد الصحف كده !!!؟ يا اخينا انا مش اخوك ومعاك في المنبر ده ؟؟ بالله ما تملحني ساي وفهمني قصة الكهرباء دي شنو واوعه تجيب لي رابط تقول لي اقراهو ما عايز اقرأ ولا حاجة فهمني بي كلام كنك انت ده وانا بفهم .
07-17-2010, 10:45 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: المره دي مازي سابقاتها المره دي الجواب نهائي وتاني الولايه حتستمتع بتيار مستمر بدون تردد أو إنقطاع إن شاءالله
يازول عليك امان الله بعد بوست محمد فرح دا طوالي ناس الخرطوم زي شهر كدة ما شافو الكهرباء .. شئ قطوعات وشئ برمجة قطع وغايتو ..
اها يجوك عضو ساكن في الخرطوم اتنين يقول الكهرباء عندنا من الصباح قاطعة يجي محمد فرح يقول ليهو انت كضاب ومدلس .. الكهرباء في ومتوفرة يجي زول من شمبات يقول لينا خمسة يوم ما شفنا كهرباء يقوم محمد فرح يقول ليهو امشي يا كضاب انا هسع دي جيت من ام درمان والكهرباء متوفرة ..
الصحف تنشر انه فعلا ولاية الخرطوم تعاني من ازمة في الكهرباء .. يجي محمد فرح يكضب الصحف
غايتو يا زول الزول دا بقي مهزلة عديل وبوستو دا يمكن وصل الصفحة الاربعين ضحكاً فوقو يآخ لدرجة انه بكري حفظو في مكتبة المواضيع التوثيقية المتميزة .. شايف كيف .. ههههههههه
وبعدها طوالي جاء طبقها بخبر ست الشاي ..
تحياتي
07-17-2010, 10:57 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: من بكره ... تاني مافي كهرباء بتقطع في الخرطوم إن شاءالله
Quote: المره دي مازي سابقاتها المره دي الجواب نهائي وتاني الولايه حتستمتع بتيار مستمر بدون تردد أو إنقطاع إن شاءالله
يازول عليك امان الله بعد بوست محمد فرح دا طوالي ناس الخرطوم زي شهر كدة ما شافو الكهرباء .. شئ قطوعات وشئ برمجة قطع وغايتو ..
اها يجوك عضو ساكن في الخرطوم اتنين يقول الكهرباء عندنا من الصباح قاطعة يجي محمد فرح يقول ليهو انت كضاب ومدلس .. الكهرباء في ومتوفرة يجي زول من شمبات يقول لينا خمسة يوم ما شفنا كهرباء يقوم محمد فرح يقول ليهو امشي يا كضاب انا هسع دي جيت من ام درمان والكهرباء متوفرة ..
الصحف تنشر انه فعلا ولاية الخرطوم تعاني من ازمة في الكهرباء .. يجي محمد فرح يكضب الصحف
غايتو يا زول الزول دا بقي مهزلة عديل وبوستو دا يمكن وصل الصفحة الاربعين ضحكاً فوقو يآخ لدرجة انه بكري حفظو في مكتبة المواضيع التوثيقية المتميزة .. شايف كيف .. ههههههههه
وبعدها طوالي جاء طبقها بخبر ست الشاي ..
عليك آمان الله يا ود الزين والرهط الذي معه انتو بتبالغو وبكري ابو بكر ذاتو ما والزول ده واضح انو مسكين سااااكت عندو موضوع ، عليك النبي الزول ده كان ما زول الله سااااي وزي الزين بتاع الطيب صالح مش كان بيفهم انو السودان ده ما ممكن يكون فيهو زول بيتنبئ بالبحصل فيهو !!!!؟ شفته يا ود الزين سوء نيتكم في الزول ده وصلتوها لي وين !!!
ياخ من دربي ده بقول للزول ده اذهب اذهب انت من الطلقاء طلقاء ساااااي كده .
وانتو الله يغفر ليكم .
07-17-2010, 01:38 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
HAIDER ALZAIN
Tragie Mustafa
خالد عبد الله محمود
Nader Abu Kadouk
عبدالوهاب علي الحاج
محمد علي شقدي
محجوب البيلي
فايزودالقاضي
بشير أحمد
محمد إبراهيم علي
ibrahim alnimma
Mohammed Awad
معاوية عبيد الصائم
Salahaldeen Nadir
د.محمد حسن
ود محجوب
بدر الدين اسحاق احمد
مجدى محمد مصطفى
الشفيع وراق عبد الرحمن
العوض المسلمي
Zakaria Joseph
حسين نوباتيا
معاوية عوض الكريم
معاوية الأرباب
الطيب رحمه قريمان
سفيان بشير نابرى
عزام حسن فرح
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست