|
د الفاتح حسين والفرقة الموسيقية بمصاحبة وليد زاكى الدين وحسين الصادق
|
فى اطار مشاركاته الفنية الخارجية( بالقاهرة و الاسكندرية ) يحضر هذا العام د القاتح حسين و الفرقة الموسيقية بمصاحبة كل من الفنان وليد زاكى الدين والواعد حسين الصادق تواريخ الحفلات : 25 | يوليو حفل موسيقى فقط قلعة قايتباى (الاسكندرية ) الفقرة الثانية الفنان خالد سليم 29| يوليو حفل موسيقى فقط مسرح الجنينة بحديقه الازهر ( القاهرة ) 1 |أعسطس الحفل الرئيسى بمشاركة وليد زاكى الدين وحسين الصادق بمسرح دار الاوبرا (القاهرة) 2 | أعسطس الحفل الختامى بقلعة صلاح الدين (القاهرة )
قاسم المهداوى مؤسسة المهداوى للدعاية والاعلان والطباعة
|
|
|
|
|
|
|
|
Re: د الفاتح حسين والفرقة الموسيقية بمصاحبة وليد زاكى الدين وحسين الصادق (Re: قاسم المهداوى)
|
قاسم تحياتي وسلامي
وطبعاً الواحد بحكم إنو لمدة خمس سنين حاجز كرسيه في الصفوف الامامية وحاضر البروفات وقازي عودو في شقتهم وراكب في حفلة الفنانين.
من ابو اللمين مرورا بأروع حفلة حتي الان أبو عركي وعمر جعفر ثم نانسي عجاج وشرحبيل وإنتهاء بسيف الجامعة والبت بتاعة باربي ديك - روبي الغناء السوداني الحشرها لينا د.الفاتح في نص الاوبرا وما عرفت تقول شنو؟
لكل ذلك ارجو حفظ المقام في الصفوف الخلفية هذه المرة جنب بتاع الصوت.
واكون ليك شاكر.
وتحياتي للأخ والصديق العزيز د. الفاتح حسين والفرقة مليجي والرفاق
| |
|
|
|
|
|
|
Re: د الفاتح حسين والفرقة الموسيقية بمصاحبة وليد زاكى الدين وحسين الصادق (Re: محمد ادم الحسن)
|
محمد ادم سلامات واشواق كميات عساك بخير وعافية شكرا عميقا حضورك بوستينا هذا وايضا التداخل وذكريات الاوبرا وقبة الغورى .. والوقوف بعد انتهاء الاحتفالية ساعات وساعات كعادة السودانيين ( بعد اى برنامج تلاقيهم كيمان كيمان ) سواء كان حفل او ندوة او اى برنامج جمعى سنفتقدك كثيرا ولكنك حاضر فى كل الامكنة التى ارتدناها سويا وبقية الاصدقاء . تحاياك ستصل لمليجى وحزيفة ونزار وناجى وبقية الموسيقيين
مودتى وتقديرى
قاسم المهداوى
| |
|
|
|
|
|
|
Re: د الفاتح حسين والفرقة الموسيقية بمصاحبة وليد زاكى الدين وحسين الصادق (Re: tayseer alnworani)
|
حبيبنا ومتصور معانا قاسم مهداوي البيداوي
مشتاقين وكدا
ياخ احجزوا لينا كرسينا قدااام في المكان المعين والواضح .
Quote: والبت بتاعة باربي ديك - روبي الغناء السوداني الحشرها لينا د.الفاتح في نص الاوبرا وما عرفت تقول شنو؟ |
ههههههههههههههههههههههههههههه يا ود آدم بالغته فوكا لوووووووووووووول ياخ والله داك كان يوم كوميدي بشكل هههههههههههههههههههههه
بالمناسبة يا مهداوي انت في طريقة انو الدكتور الفاتح يتناقش معاكم باعتبار انكم انتو السودانيين الفي القاهرة المعنيين بالحفل ؟؟؟ في طريقة يعني يخليكم تشاركوهو اختيار الفنانين ؟؟ محبة شديدة في قلبي .
| |
|
|
|
|
|
|
Re: د الفاتح حسين والفرقة الموسيقية بمصاحبة وليد زاكى الدين وحسين الصادق (Re: سفيان بشير نابرى)
|
Quote: بالمناسبة يا مهداوي انت في طريقة انو الدكتور الفاتح يتناقش معاكم باعتبار انكم انتو السودانيين الفي القاهرة المعنيين بالحفل ؟؟؟ في طريقة يعني يخليكم تشاركوهو اختيار الفنانين ؟؟ محبة شديدة في قلبي . |
|بالمناسبة ياسفيان دي نقطة مهمة وفي ناس كتير من زمان يناقشوا الموضوع دا كنا بنطمع بعد انتهاء المشاركة يعقد مؤتمر صحفي... منو الناس تقدر تقيم الشغل ومنو يترد علي الاسئلة ...باعتبار المشاركة دي تمثل السودان. إنت ضفت حاجة جديدة في دفتر الملاحظات : إمكانية مشاركة السودانيين الموجودين في القاهرة بصفة دائمة في اختيار الفنانيين.
ـــــــــــــــــــــــــــــــــــــــــــــــــــــ كسرة : ياسفيان بمناسبة روبي فعلاً هههههههههههههههه.
| |
|
|
|
|
|
|
Re: د الفاتح حسين والفرقة الموسيقية بمصاحبة وليد زاكى الدين وحسين الصادق (Re: سفيان بشير نابرى)
|
سفيان نابرى تحايا و...... مكانك محجوز يا سيىدى وقدام زى العام الماضى تمت فيمت يختص بموضوع مشاركة ( روبى ) والمقصود هنا شروق ابو الناس طبعا ليس من اختصاصى الرد وتناول الموضوع ولكن دعونا نقول ان الفن رسالة انسانية وطالما كانت كذلك فبالضرورة التجريب يتم فى البشر ( اقصد الجمهور المستمع ) بشكل عام شروق ظهرت بسرعة وايضا وصلت التلفزيون واجهزة الاعلام باسرع مما يجب واعتقد بان احد اسباب مشاركتها انها تؤى بالسباعى وايضا الخماسى ويبدو ان فكرة المزج كانت ستضيف ولكن وكما فى القبح جمال ايضا فى الفن خدعة وشروق خدعت نفسها قبل ان تخدع من قدموها للجمهور منهم موسيقيين شعراء نقاد طبعا يا سفيان ده راى شخصى ولكن ايضا دعونا نعود للبوست وايضا الاحتفاليه القادمة ختاما مودتى وتقديرى
قاسم المهداوى هامش لم اكن اود الخوض فى موضوع شروق ولكن ارجو ان اكون قد اجبت بشكل صحيح عليك وايضا محمد ادم
| |
|
|
|
|
|
|
Re: د الفاتح حسين والفرقة الموسيقية بمصاحبة وليد زاكى الدين وحسين الصادق (Re: قاسم المهداوى)
|
Quote: مكانك محجوز يا سيىدى وقدام زى العام الماضى تمت فيمت يختص بموضوع مشاركة ( روبى ) والمقصود هنا شروق ابو الناس طبعا ليس من اختصاصى الرد وتناول الموضوع ولكن دعونا نقول ان الفن رسالة انسانية وطالما كانت كذلك فبالضرورة التجريب يتم فى البشر ( اقصد الجمهور المستمع ) بشكل عام شروق ظهرت بسرعة وايضا وصلت التلفزيون واجهزة الاعلام باسرع مما يجب واعتقد بان احد اسباب مشاركتها انها تؤى بالسباعى وايضا الخماسى ويبدو ان فكرة المزج كانت ستضيف ولكن وكما فى القبح جمال ايضا فى الفن خدعة وشروق خدعت نفسها قبل ان تخدع من قدموها للجمهور منهم موسيقيين شعراء نقاد طبعا يا سفيان ده راى شخصى ولكن ايضا دعونا نعود للبوست وايضا الاحتفاليه القادمة ختاما مودتى وتقديرى
قاسم المهداوى هامش لم اكن اود الخوض فى موضوع شروق ولكن ارجو ان اكون قد اجبت بشكل صحيح عليك وايضا محمد ادم |
شكراً يا مهداوي علي حجز الكرسي لكن يا اخويموضوع شروق ده ما تاكلنا فيهو حنك ساي وتعديهو كده بُليشي شاي شروق دي لازم تقول فيها رائك الشخصي ورائك الفني ذاتو لانو هي لما تجي تغني في مكان زي الاوبرا المصرية دي بتجي تغني باسمنا نحنا السودانيين ديل والناس بتقول دي فنانه سودانيه فبالله بطل مجاملاتك دي وقول كلامك دغررررري كده ويعني شنو جابوها ناس فلان وفلتكان ايوة نعم ساعدوها لكن غلطانين يعني نسكت علي غلطهم ده ونعديهو ليهم سااااكت!!!. الزول دي لا لامه في السباعي ولا لامه في الخماسي وصوته نشاذ وحركته المسرحية ضعيفة ومعرفته وملكاتها الابداعية اضعف ما يكون .
| |
|
|
|
|
|
|
Re: د الفاتح حسين والفرقة الموسيقية بمصاحبة وليد زاكى الدين وحسين الصادق (Re: سفيان بشير نابرى)
|
سفيان نابرى تحايا وجهة نظرك حول المذكورة ورؤيتك مقدرة جدا على ادنى تقدير لدى شخصى تعلم وجميعنا على يقين , و اخريات (الجندريات) لهم راى واحد حول امكانياتها الصوتية والتطريب ان وجد . وكما تعلم كثر فى المنبر لهم راى يتفق ووجهة نظرك و كى لا ينساق البوست صوب اتجاه اخر , وتتوه فكرة الاعلان عن الاحتفاليه القادمة بعد ايام , دعنا نفتح بوست اخر عن (شروق ابو الناس ) مستصحبين اراء مختلفه حول مشروعها الفنى ... وامكانياتها الصوتية والبعد التطريبى لديها ؟؟؟؟ اما راى الشخصى فانت اعلم به فنى انا لست بذلك القدر, يا دوبك محاولات مبسطه ولكن تقدر تقول مستمع جيد وبعرف شوية فى الموسيقى شكرا حضورك ودعنا نركز فى الاعلان عما هو قادم بعد ايام معدودات
قاسم المهداوى هامش ,,,, عذااااااب
| |
|
|
|
|
|
|
Re: د الفاتح حسين والفرقة الموسيقية بمصاحبة وليد زاكى الدين وحسين الصادق (Re: قاسم المهداوى)
|
بالنسبة لبورداب مانشستر فتلك تسميةٍ حصريةٍ أمتلكُ حق التنويه عنها
أما بخصوص بورداب لندن فذلك شرفٌ لا ادعيه !
و بالنسبة للمغني بنجيه زاحفين بي حقنا وبي العندنا وبي الما عندنا
دة الفاتح حسين !
لكن يا أخوي بإعتبارك غاتس ليك سنين و دِنين و عُمُر مسلمين إنت مؤسسة المهداوي دي بتفتح موسمياً أو تقريباً مع حفلات الأوبرا؟؟ صاحبك محمد آدم زعلان وداير يطرشق بمناسبة فوز المنتخب الشبه أسباني الكاتالوني حقيقةً إلا من كاسياس و تشافي ألونسو و فاتح ليه بوست بيعرِب فيه عن خيبة أمله بمناسبة خسارة البرتكان لحرب الفواكه
قول ليه تعال سوق الإتنين نملا ليك قُفّتك برتكان و يوستفندي والكيلو إتنين جنيه بس !
أما بخسوس ودةنابري ف دة جالياً مستلب ثقافيا و فكرياً وفنياً من قبل بورداب الخرتوم سيبك منو ياعم !!!
| |
|
|
|
|
|
|
Re: د الفاتح حسين والفرقة الموسيقية بمصاحبة وليد زاكى الدين وحسين الصادق (Re: حبيب نورة)
|
عزيزى جدا حبيب واحدة فى الكمنجات ( البنات ) ياخى اشواق( مبعثرة ) وفتشت ليك وما لقيتك و ...( كل الامكنة ... التى تم ترتيبها بشكل يفوق حد التوصيف ) بخصوص بورداب مانشستر حقوق الطبع والتاليف محفوظة مرحب بيك يا حبيب واحدة فى البنات والاسكندرية المقعد بجانب الشباك كمان المؤسسة : خليها فى سرك والبرتقالى ما بحبو ,,, بحب البنفسج ناس الاستلاب المكانى والفنى ,, ؟؟؟؟ عذااااااب شكرا عميقا حضورك وممنون حتى الثمالة كن بخير
قاسم المهداوى
| |
|
|
|
|
|
|
| |