|
لمن تلقي واحد يديك دفره
|
كثيرا ما نقع في مطبات ومشاكل وأجمل اللحظات تلك التي نلقي لينا واحد يدينا دفره ورررررن تقوم بينا العربية. أها الفكرة المهببة دي جاتني وأنا بقراء في موضوع النابغة الذبياني لمن دخل على النعمان بن المنذر عضو مجلس قيادة الثورة حينئذ وقال ليهو: تخف الأرض إن تفقدك ***** وتبقى ما بقيت بها ثقيلا فنظر إليه النعمان نظر الغضبان . وكان كعب بن زهير حاضرا، فقال في سره (يا نابغة نت وهم ولا شنو في ملك يقولو ليهو كلام زي ده وفي وشو) المهم همهم وقال: أصلح الله الكنج ، إن مع هذا البيت بيتا ضل عنه أخونا النابغة ، وهو : لأنك موضع القسطاس منها ***** فتمنع جانبيها أن تميلا فضحك النعمان وأمر له بجائزتين == يعني النابغة لو ما لقي ليهو دفره ماكنه من كعب بن زهير كان لي هسي يكون قابع في غوانتاناموا بدون محاكمة أناشد كل الأعضاء هنا أن يعملوا توأمة مع واحد ذو عضلات يستطيع أن يدفرهم أو يباصي ليهم التو في حال الهجمة المرتدة وشخصياً أتقدم بطلب توأمة مع المبدع جلال بن داؤود "أبا جهينة" ولو تحقق لي ذلك فإنني لن أخشي في المنتدى بعد اليوم لومة لائم.
|
|
|
|
|
|