|
|
 Re: برضو بِتبالِغ .. (ليس للقراءة) (Re: محمد المرتضى حامد)
|
شافع مسلط و فناااااان ..
ذكرني زمان زول شافع كده قليلوني شديد لمن سموهو ( قلِبه و اشربه ) .. على دعاية أندروس الزمان ديك ..
برضو كان نصيبة في الرقيص .. عندو زمن ختري عديل ..و بقى عندو جمهور و مريدين و مبارين ليهو في الحفلات ..
سمعت إنه خش الجيش و انتهى به الأمر شهيدا في أحراش الجنوب .
......
دحين يا مرتضى مسعول من الخير ..!!
إنت ليش غالبية الناس الإيقاعها مظبوط صاح و زمنهم كارب .. ليش كلهم من ذوي البشرة الداكنة ؟؟
الحكاية دي لافا في راسي طوالي ..
حتى في الخليج مثلا .. تلاقي الموسيقيين و الطبالين و بتاعين الدفوف و النوبات .. كلهم سمر البشرة ..
تمشي أمريكا أو اوروبا .. تلقي حكاية الإيقاع دي متكلة على أصحاب الأصول الأفريقية ..
نحنا كأفارقة الإيقاع ده حكايتو شنو معانا ؟؟
حاجة تانية .. الناس الفاقدين الصبغة اللونية ( أولاد الحور ) .. ليه زمنهم بايظ ؟
أي ود حور - أتحداك - تلقى زمنو فارق كلو كلو ..
و لو رقصت جنب واحد فيهم ممكن يلخبطك يمرقك في الصقيعة .
.....
شكرا يا ابن خالتي ..
أمتعتني بهذا الشافع الرقاص .
| |
 
|
|
|
|
محمد المرتضى حامد
Emad Abdulla
الطيب شيقوق
فيس بوك
تويتر
انستقرام
يوتيوب
بنتيريست