شباب جنوب السودان بالقاهرة يدعون للانفصال .. .. ( توجد صور)

(عدل بواسطة JOK BIONG on 07-09-2010, 06:01 PM)

Quote: تحية لهم وتحية لرفضهم العيش مواطنين في درجة 2 في وطنهم... 99% نعم للاستقلال التام...

Quote: ديل كلهم دينكا! لو شلك ولا نوير ولا مورلى ولا ولا حقهمراح حتى بى باقانهم وريك مشارهم! جنى

Quote: يا ابو الزيك دينكا ديل مؤتمر وطنى حق جتوب شابكنا جلابة جلابة لمن يكاوووك بتزعل ليه! جنى

Quote: يا أخي الانفصال خير لنا كثير جداً وخير لهم كثير

Quote: يا زول استغفر ربك و خلى هضربة بتاع الدينكا دى. الجنوب كلو طالع و نازل فى المسيرات الدعمة للانفصال ما عدا ولايات الدينكا!!!! البعض منكم امره تحيير... يا اخى اقرا جرائد الجنوب و سوف ترى ان الخوف كله انو الدينكا تبيع الحكاية لشمال. جهلكم بالوضع السياسى فى الجنوب يصل احيانا لدرجة الاستفزاز. كدى, روق المنقة شوية و شيل خريطة الجنوب و كدى شوف, دى ياتو قبيلة فى الجنوب عندها مصلحة فى الوحدة? استوائين? لا, ديل معظمهم ما بيطيقو الشمالين و ما عندهم اى علاقة بالشمال و الحكاية بدات عندهم. النوير, قوميون جنوبيون لحد الانتحار. شلك و الدينكا ديلة العندها حدود مع الشمال و حوالى 50% من سكان الجنوب. شيل الشلك, 3% من الجنوب!!! منو القال ليك ان الشلك ستصوت للوحدة. تذكر مذبحة الجبلين? ضحاياها كانو الشلك. باقى لك, 47% و دى الدينكا, و دى هدفكم من قول التيت. قول لى, كيف ستحقق الوحدة و انتم تعادون الدينكا?

Quote: ديل كلهم دينكا! لو شلك ولا نوير ولا مورلى ولا ولا حقهمراح حتى بى باقانهم وريك مشارهم! جنى

Quote: تعرف يا ابو الزيك كثيرا ما الاحظ تتبعك ومتابعتك لمداخلاتى وكان لدى احساس شخصى بانك تعرف حقيقة ما انطلق منه ولكن للاسف اتضح لى عكس ذلك وطبعا دا مؤشر خطير يوضح فقدان الثقة ونظرية المؤامرة انا طبعا اعرف تماما ان نتيجة الاستفتاء هى الانفصال وفى الاخر يتوجب على تقبله لكنه امر ما كنت اتوقعه وثق تماما اننى اتمنى لاهل السودان شمالا وجنوبا الامن والسلام والرفاهية والجيرة الحسنة واتمنى ان يكون حدسى فى العواقب والمآلات محض هلاوس واوهام! ولا تتوقع منى غير المكاواة الى ان ياتى الانفصال وبعدها لن تجد منى الا التمنيات الطيبة بكل جميل ورائع جنى

Quote: شباب جنوب السودان بالقاهرة يدعون للانفصال .. ..

Quote: الأمر بالنسبة لسكان جنوب السودان هو عنصرية فقد والاحساس بالدونية أما سودانيي الشمال هم يريدون الانفصال لاحساس منهم أننا نريد الوحدة عشان ناكل من بترولهم ولكن كما قال الزعيم مالكوم إكس (العبودية احساس)

Quote: الأمر بالنسبة لسكان جنوب السودان هو عنصرية فقد والاحساس بالدونية أما سودانيي الشمال هم يريدون الانفصال لاحساس منهم أننا نريد الوحدة عشان ناكل من بترولهم ولكن كما قال الزعيم مالكوم إكس (العبودية احساس) كتبوا في مذكرتهم بأنهم لا يريدون الوحدة لينفكوا من العبودية والظلم وألا يكونوا مواطنون درجة ثانية في بلادهم - الأمر هنا احساس وانتقام ولكن فليعلموا انهم لن ينتقموا منا إذا انفصلوا ولكنهم سينتقمون من انفسهم وأنا شخصياً لا اريد الوحدة لكي اشرب من بترول الجنوب ولكني اريدها (لو جاءت) ليكون لي وطن مساحته مليون ميل مربع فقط. الموضوع موضوع انتقام مما يشعرون به تجاهنا ولكننا لم نفعل لهم شيئاً وبعدين بعد الانفصال ولا التكتح ما بلقوها

(عدل بواسطة Zakaria Joseph on 07-10-2010, 08:04 PM)

Quote: كدى, روق المنقة شوية و شيل خريطة الجنوب و كدى شوف, دى ياتو قبيلة فى الجنوب عندها مصلحة فى الوحدة? استوائين? لا, ديل معظمهم ما بيطيقو الشمالين و ما عندهم اى علاقة بالشمال

Quote: جنوبين شنو البيشعورو بدونية تجاهكم? لو فى شئ, فالعكس هو الصحيح, إذ ان معظم الجنوبيون ما بطيقو نوعيتك دى. لا عايزين شئ منك, لا بطيخ, لا ثقافتك, لا دينك, لا خيراتك. بلاش تعالى فى الفاضى. لو كنا نشعر بالدنية لاتصلقنابكم كما تلتصقون بالعرب. عالم اوهام ساكت.

Quote: الأخ زكريا هل استنطقت الاستوايين أم تكتب عن انطباعاتك الشخصية عن أنهم لا يطيقون الشماليين؟

Quote: اما بقية محاضرتك عن الوحدة, فهذه الاسطوانة لم تعد موضع اهتمام معظم اهل الجنوب الا القلة التى تجامل من الجنوبين.

Quote: جنوبين شنو البيشعورو بدونية تجاهكم? لو فى شئ, فالعكس هو الصحيح, إذ ان معظم الجنوبيون ما بطيقو نوعيتك دى. لا عايزين شئ منك, لا بطيخ, لا ثقافتك, لا دينك, لا خيراتك. بلاش تعالى فى الفاضى. لو كنا نشعر بالدنية لاتصلقنابكم كما تلتصقون بالعرب. عالم اوهام ساكت.

Quote: يا اخى فى مشاكل فى الشمال وفى مشاكل فى الجنوب وفى مشاكل بين الاثنين معا صنعها السياسيين ولو تمت حلحلة المشاكل التى صنعها وفاقمها السياسيين تلقائيا ستتم حلحلة بقية المشاكل! فى تقديرى الشخص ان الانفصال سيضيف مشاكلا جديدة وسيعطى السياسيين فرصة ذهبية للالتفاف على اخفاقاتهم والخروج منها عبر حرب دامية بين دولتين ستلتهم كل مواردهما! انا لا اعرف ما المانع فى ان تعاد قسمة عائدات النفط بصورة ترضى اهل الجنوب ويعطون مزيدا من السلطة وهم اصلا يحكمون الجنوب باكمله ويساهمون فى حكم الشمال فضلا عن ان هنالك الملايين من اهل الجنوب ارتبطت مصالحهم بالشمال واى تجاهل لهم يازم الامر جنى